الشيفة@R@ZIK-ضيفة المطبخ اللماوي العدد الســآدس-

[الحلم الوردي]

نرحب بكم في العدد السادس من سلسلة

للإطّلاع على الفكرة الرئيسية تفّضلوا هنا :



شيفة لماوية في استضافتنا ‏
وموضوع توقع العضوة كان :

توقّع من هي ضيفة العدد الســآدس-شيفة لماوية في استضافتنا-

والعضوة التي سنستضيفها لمدةخمسة ايــآم هي:


شيفتنا



إذن عليكم طرح أسئلة للعضوة عن الطبخ وعالمه وعن حياتها مع المطبخ ووصفاتها..الخ
والرجاء عدم الخروج عن فكرة الموضوع فهدف الموضوع واضح
-أهلا وسهلا بكِ اختي في ســآدس عدد من سلسلة
شيفة في استضافتنا نرحب بكِ أولا ويشرفنا قبول الدعوة
تفضلي سلاد دوفروي تنحي بيه عطش السفر وتانيك كيكة دانيت

نرحبو بيكِ اختي رزيقة وبناس الوسط الغالي


أفتتح الجلسة ببعض الأسئلة الخفيفة على الضيفة :
-أسئلتي:

1-منذ متى اكتشفتِ موهبة الطبخ لديك ؟
2-أول طبق طيبتيه ماذا كان وفي أي سنّ؟
-أطباقك المفضلة في التحضير وفي الأكل أي نوع من الأنواع تحبي تاكليه ؟

هكدا

نخلي الفرصة لأعضاءنا وعضواتنا
يسألوك ويقومو بيك


مالا ياجماعة اتهلاو في طاطامليح مليح

ونرجع نلقاكم متهليتوش فيها
نذبحكم ونشرب دمكم

ونعلقكم على أسوار اللمة :tongue02:

​

​

 

[@R@ZIK]

رد: الشيفة@R@ZIK-ضيفة المطبخ اللماوي العدد الســآدس-

السلام عليكم
تسلمي غاليتي ملوكة على الاستضافة
يشرفني نكون بينكم مع انو لقب الشيفة كبيرة عليا
منكم نتعلم ونستفيد
ان شاء الله نكون في المستوى
تحياتي للجميع​

 

[جيهان جوجو]

رد: الشيفة@R@ZIK-ضيفة المطبخ اللماوي العدد الســآدس-

وعليكم السلام
اهلا بالشيفة المميزة رزيفة
نورت الموضوع
اتمنى لك اقامة طيبة
لي عودة بالاسئلة ان شاالله
​

 

[@R@ZIK]

رد: الشيفة@R@ZIK-ضيفة المطبخ اللماوي العدد الســآدس-

أفتتح الجلسة ببعض الأسئلة الخفيفة على الضيفة :
-أسئلتي:

1-منذ متى اكتشفتِ موهبة الطبخ لديك ؟
بما انو الكبيرة في البيت كان لازم ندخل للمطبخ دخلت صغيرة
وأمي كانت في المستشفى وكنا في رمضان
كان أبي يمدلي وانا ندير الفطور
بصح كي كان عندي 15 سنة وليت نحب نجرب الاطباق
2-أول طبق طيبتيه ماذا كان وفي أي سنّ؟
طيبت الشربة كان في عمري 11 سنة
-أطباقك المفضلة في التحضير وفي الأكل أي نوع من الأنواع تحبي تاكليه ؟
نحب ندير المعجنات والحلويات
نحب الرشتة وطاجين الزيتون والمعجنات


شكرا ملوكة
تحياتي​

 

[@R@ZIK]

رد: الشيفة@R@ZIK-ضيفة المطبخ اللماوي العدد الســآدس-

وعليكم السلام
اهلا بالشيفة المميزة رزيفة
نورت الموضوع
اتمنى لك اقامة طيبة
لي عودة بالاسئلة ان شاالله
​

أهلا غاليتي جيهان
منورة بوجودكم
شكرا
انتظر عودتك
تحياتي​

 

[جيهان جوجو]

رد: الشيفة@R@ZIK-ضيفة المطبخ اللماوي العدد الســآدس-

السلام عليكم
ها قد عدت اخيرا
احم احم
واش يعنيلك الطبخ
واش يعجبك في الطبخ
اول مرة طبخت طبخة نجحتي فيها ولا فشلت
طبخة تعبتي فيها باش تحضريها
اكتفي بهذا القدر ولي عودة باذن الله
في امان الله
​

 

[@R@ZIK]

رد: الشيفة@R@ZIK-ضيفة المطبخ اللماوي العدد الســآدس-

السلام عليكم
وعليكم السلام
ها قد عدت اخيرا
احم احم
أهلا بعودتك نورتي
واش يعنيلك الطبخ
الطبخ حاجة في ذاتي
واش يعجبك في الطبخ
من منا لا يعجبها الطبخ فهو جزء من المرأة
اول مرة طبخت طبخة نجحتي فيها ولا فشلت
الشربة درتها مالحة في رمضان
طبخة تعبتي فيها باش تحضريها
الكسكس
وبات شو
اكتفي بهذا القدر ولي عودة باذن الله
شكرا
ان شاء الله أختي جهان
في امان الله
​

سعدت باسئلتك
في آمان الله
تحياتي​

 

[Skor m@k]

رد: الشيفة@R@ZIK-ضيفة المطبخ اللماوي العدد الســآدس-

السلام عليكم
واش راكي ختي رزيقة
ان شاء الله بخير وعلى خير
جيت ضربت طلة خفيفة برك باش متقولوش مجاش ههههه
ايا تهلاو في روحكم
سلام​

 

[@R@ZIK]

رد: الشيفة@R@ZIK-ضيفة المطبخ اللماوي العدد الســآدس-

السلام عليكم
واش راكي ختي رزيقة
ان شاء الله بخير وعلى خير
جيت ضربت طلة خفيفة برك باش متقولوش مجاش ههههه
ايا تهلاو في روحكم
سلام​

وعليكم السلام
أهلا خويا مالك منور الموضوع
تشرف في اي وقت
شكرا أخي
تحياتي​

 

[Oum Loukmane]

رد: الشيفة@R@ZIK-ضيفة المطبخ اللماوي العدد الســآدس-

السلام عليكم
أهلين حبيبتي وأخيرا رآهم حكموك هههه
أسئلتي هي
1انت من أي منطقه ؟
2ماهى الأطباق المميزة عندكم؟
3رزيقه ماذا تحب الحلويات أم الأكلات المالحة ؟
4 كي يدخل عليك ضيف على غفله واش تحضريله ؟
5أحب حلوه لقلب رزقه ما هى ؟
بزاف عليك المره الجايه إن شاء الله
ذكرتني بتحضير الأسئلة لتلاميذي مع هذا الصباح
سلام خيتي

 

[tita69]

رد: الشيفة@R@ZIK-ضيفة المطبخ اللماوي العدد الســآدس-

اهلا بالاخت الضيف رزيقه
عندي سؤال واحد هههه
ما هي اشهر كارثه مطبخيه قمتي بيها وكي تتفكريها تضحكي على روحك ؟؟؟؟؟
شفتي سؤال سهل هههههه

 

[sarah_97]

رد: الشيفة@R@ZIK-ضيفة المطبخ اللماوي العدد الســآدس-

اهلا بالشيفة الحلوة
اممم ماذا تفضل رزيقة حلويات / اطباق مالحة
وااش الطبق لي مازال ماجربتيهش والطبق لي خايفة تجربيه
تحبي طبخ طبق واحد بكمية تكفي للغداء والعشاء ولا كل طبق وحدوو
امم على ماذا تعتمدين لايجاد وصفات جديدة الكتب/التلفاز/منتدى اللمة
لي عودة باذن الله....

 

[@R@ZIK]

رد: الشيفة@R@ZIK-ضيفة المطبخ اللماوي العدد الســآدس-

السلام عليكم
وعليكم السلام
أهلين حبيبتي وأخيرا رآهم حكموك هههه
ههه شفتي كنت متخبية مي فاقولي
أهلا بيك
أسئلتي هي
تفضلي
1انت من أي منطقه ؟
تيبازة
2ماهى الأطباق المميزة عندكم؟
طاجين الزيتون، الرشتة، الكسكس
3رزيقه ماذا تحب الحلويات أم الأكلات المالحة ؟
الاثنين معا
4 كي يدخل عليك ضيف على غفله واش تحضريله ؟
على القهوة ندير بسبوسة تجيني ساهلة في خدمتها

5أحب حلوه لقلب رزقه ما هى ؟
صابلي
بزاف عليك المره الجايه إن شاء الله
تسلمي غاليتي ام لقمان
ان شاء الله
ذكرتني بتحضير الأسئلة لتلاميذي مع هذا الصباح
ربي يكون معاك
سلام خيتي

شكرا غاليتي ام لقمان على طلتك
تحياتي​

​

 

[@R@ZIK]

رد: الشيفة@R@ZIK-ضيفة المطبخ اللماوي العدد الســآدس-

اهلا بالاخت الضيف رزيقه
تسلمي غاليتي
عندي سؤال واحد هههه
تفضلي
ما هي اشهر كارثه مطبخيه قمتي بيها وكي تتفكريها تضحكي على روحك ؟؟؟؟؟
ههههه
درت كوارث نحكيلك هذي
كنت نطيب في العشاء كلش عادي درتلهم طاجين الزيتون وكانو خياتي هنا ضياف نسيت ما طفيتش النار على القدر ورحت نقسر معاهم
اتحرقت الطبخة والريحة عمت البيت والمشكل مكاش لي شم حتى دخل باب باه يتوضى يصلي المغرب طل علينا قالي واش هذي الريحة
قلتلهم اليوم راكم معروضين تتعشاو برا
رحت للكوزينة لقيت الطبخة تفحمت ما بقى فيها والو
شفتي سؤال سهل هههههه

ههه
شكرا غليتي على المرور
تحياتي​

 

[@R@ZIK]

رد: الشيفة@R@ZIK-ضيفة المطبخ اللماوي العدد الســآدس-

اهلا بالشيفة الحلوة
تسلمي غاليتي
اممم ماذا تفضل رزيقة حلويات / اطباق مالحة
الاثنين معا
وااش الطبق لي مازال ماجربتيهش والطبق لي خايفة تجربيه
شخشوخة بسكرة كل مرة نقول نجربها
ماعنديش طبق خايفة نجربو نحب نجرب الجديد
تحبي طبخ طبق واحد بكمية تكفي للغداء والعشاء ولا كل طبق وحدوو
نحب نطبخ الغدا وحدو والعشا وحدو
امم على ماذا تعتمدين لايجاد وصفات جديدة الكتب/التلفاز/منتدى اللمة
في الاول كنت الكتب والآن منتدى اللمة والنت عموما
لي عودة باذن الله....

أهلا بك في أي وقت نورتي
تحياتي​

 

[sarah_97]

رد: الشيفة@R@ZIK-ضيفة المطبخ اللماوي العدد الســآدس-

هههه ما طولتش عليك بزاااف
امم هل ميلك الى الاطبااق التقليدية ام العصرية او حسب رغبة العائلــة
حلوياات الأعرااس 'المعسلة وتااع اللوز) هل كان سهلا تعلمها واتقانها
ديكوور الاطباق هل تتفنن رزيقة في ذلك
هل يشكل لك الطبخ امام الغاشي عقدة ولو كانت بسيطة ''انا تتلفلي كامل كي يبقااو يعسوواا''

 

[@R@ZIK]

رد: الشيفة@R@ZIK-ضيفة المطبخ اللماوي العدد الســآدس-

هههه ما طولتش عليك بزاااف

اهلا بعوتك
امم هل ميلك الى الاطبااق التقليدية ام العصرية او حسب رغبة العائلــة
العصرية وفي بعض الاحيان رغبات العائلة
حلوياات الأعرااس 'المعسلة وتااع اللوز) هل كان سهلا تعلمها واتقانها
عادي تعلمتها بسهولة مقروط اللوز شوية صبت فيها صعوبة في الاول
ديكوور الاطباق هل تتفنن رزيقة في ذلك

:$
هنا نقطة ضعفي
الديكور خاطيني
راني نحاول ديما
هل يشكل لك الطبخ امام الغاشي عقدة ولو كانت بسيطة ''انا تتلفلي كامل كي يبقااو يعسوواا
لا عادي كي تكوني واثقة من نفسك ''

تسلمي غاليتي على أسئلتك
تحياتي
​

 

[Oum Loukmane]

رد: الشيفة@R@ZIK-ضيفة المطبخ اللماوي العدد الســآدس-

راني رجعت حنونه
هل تستعملي التوابل بكثره أم لا ؟
هل طيبي الشوربه الحمراء أم البيضاءبكثره ؟
ممكن تعطني الوصفه الشوربه البيضاء إذا مكانش إزعاج
ماهي تحضيراتكم لرمضان ؟
لعودته ان شاء الله

 

[@R@ZIK]

رد: الشيفة@R@ZIK-ضيفة المطبخ اللماوي العدد الســآدس-

راني رجعت حنونه
منورة اختي ام لقمان
هل تستعملي التوابل بكثره أم لا ؟
انا لا اكثر من التوابل
هل طيبي الشوربه الحمراء أم البيضاءبكثره ؟
نطيب شوربة حمرا بزاف والبيضاء منين ذاك
ممكن تعطني الوصفه الشوربه البيضاء إذا مكانش إزعاج
على العين والراس ما في ازعاج
شوربة على طريقتي انا نديرها بالرز او كاين ليديرها بالشعرية
نضع قطع دجاج مع البصل وشوية فلفل اسود وقرفة نقلي مليح ومن بعد نضيف الماء والحمص وكي يبدى يغلي ويطيب الدجاج نضيف كاس رز ونخليه يطيب وفي الاخير نضرب البيض مع شوية نشا أو فرينة ومعدنوس وعصير الليمون ونضيفو للشربة ونحرك شوي ونطفي وصحة وهنا
ماهي تحضيراتكم لرمضان ؟
الدعاء اللهم بلغنا رمضان
قبل دخول رمضان الميناج هو الاول
ومن بعد نشري بعض الأواني الجديدة احنا لازم نشرو حاجات جدد كل رمضان
نوجد بعض المستلزمات لي نحتاجها كي الحمص ننقعو والجلبانة والطماطم
نوجدو اللحم نقطعو قطع صغيرة للشوربة والقطع الخاصة بالاطباق وكذا الدجاج
نعصر الليمون والبرتقال ونديرهم في المجمد
أما بالنسبة للاطباق احنا نديرو شربة حمرا مع بوراك اساسي
طبق رئيسي اول يوم طاجين الزيتون وطبق الحلو لازم يكون على المائدة السلاطة في الايام الاولى ما نكثرش
وفي السهرة التاي مع الحلويات نكون يوم قبل خدمت صنية قلب اللوز والصامصة نوجدها من قبل ونديرها في المجمد وكل ملا نحتاج نجبدها ونقليها
اللهم بلغنا رمضان

لعودته ان شاء الله

هذو بعض التحضيرات باختصار ممل
شكرا غاليتي ام لقمان
تحياتي​

 

[Oum Loukmane]

رد: الشيفة@R@ZIK-ضيفة المطبخ اللماوي العدد الســآدس-

راني غير أنا نسأل أين أنتن يا فحلات
هل تحبي تخدمي وحدك في المطبخ ولا تحبي المساعده ؟
رزيقه تشري مستلزمات المطبخ وحدك ولا يساعدوك ؟