الميزان تسرق ارواحو ..... ايرجووووووووووووووووو

[ليليا مرام]

السلام عليكم جميعا اهلا وسهلا بيكم

اليوم يا جماعة حبيت نحكي على سوجي الله غالب رانا كلنا عارفينو
واش رايكم نحكو على الميزان اييه ماراحش نولي خضار ياو مش ميزان الخضار
مي ميزان العدالة
ميزان العدالة سرقوه

القانون او العدالة فبلادنا الله يرحمها ونحكوها كمل صراحة
عمركم ولا شفتو جاركم مظلوم رجع ظالم
مضروب رجع هو اللي ضرب
المعتدي عليه رجع هو المعتدي
ايييه والله يا بلادنا والقانون اللي فيك ارواحو ندخلو للمحكمة او دار الشرع ونشوفو اش راه يصير
هذي نقولهاكم في جلسة حضرت فيها وشفتها وتسمعو العجب اللي يروح للمحاكم يعرف مليح واش راه يصير ووعلاه كامل الآفات كثرو في بلادنا

قضية وين حكمو شاب عمرو ولا دخل للحبس بمخدرات وغرامات قليلة جدا حكم ب 7 سنوات
واخر في نفس الجلسة له سوابق قد شعر راسو وتحكم ب 2 كيلو ودا عامين تجرب تفهم يدخلوك معاهم
اييه نروحو نشوفو قضية طفلة جات مع باباها كانت رافعة قضية على جارهم اللي ديما يتعدى عليها ويقطع عليها الطريق ويسبها لانو رفضت علاقة معاه تخيلو انو رجعت هي اللي تتحرش بيه علاااااااااه لانو الجون هذاك معارفو جاو غطاو الصالة كومبلي ورجعت هي فالتبهديل معناها العدالة راهي تقولها المرة الجاية مدي روحك ما تشكيش

نزيدكم او مازال
اييه دبزة بين الجيران وصلت كبيرة وين واحد منهم راح جاب كامل صاحبو وزدمو لدار الناس وحرقوها وتعداو على النسا امنوني او ما تامنوش
مول الدار ووليدو حكمولهم 15 سنة سجن لانو ضربو الجون هذاك ودافعو على شرفهم ويا ريتها وقفت هنا زادو بعد القضية هذي زكارة تعداو على بنتهم تخيلو وين وصلنا
ولات بلادنا غابة من واش من ورا المعارف فالمحاكم
من ورا كلمة تحت الطابلة
في موقف ما ونحكيها بكل صدق وين جريت جريت على جال مسالة عائلية وتديني صديقة لعند قاضية كان قصدي نحكي معاها ممكن قلبها يحن او حتى نفهمها الواقع وتفهم مني الحقيقة
صدقوني لو نقولكم واش كان ردها راسي حبس طلبت مني 100 مليون اييه رشوة عيني عينك
تمد رشوة كل قضاياك يتحلو ما تمدش يزيدو يدمروك
انت القاضي حالف على المهنة هذي حالف قدام ربي وين ضميرك لما تدي رشوة
اللي دارها حر طليق واللي ملا دارش راه فالحبس
واحد سرق يروح ب 15 سنة و 20 ولاخر قتل قالك مريض نفسي
واحد ضرب جارو وتعدى عليه والجار يولي هو الظالم
حرام اللي راه يصير فبلادنا يا حكام
حرام ميزانكم العادل راه تسرق او خلوني نقول مال وتعوج
عدالة ربي كاينة ويجي نهار تخلصو
حرام ظلم ولاد الناس دفنتو شبابهم فالسجون ولخرين برا مازالو يديرو فقضايا تاكلين عليكم تطلقوهم
وين راحين بها
كنا نسمعو انو فالسجن مظاليم ما صدقناهاش مي ضرك نامنها
الكلام ليكم
ممكن كاين معانا قضاة وكاين محامين وكاين اللي راحين يدرسو المهنة هذي انا نقول
هي مهنة ضمير قبل كل شي من يملك ضمير فليكمل دراسته
ومن يعرف انه لا يستطيع فلا يحمل نفسه تانيب ضمير راهي قدام ربي كبيرة

شكرا لكم

​

 

[لؤلؤة قسنطينة]

رد: الميزان تسرق ارواحو ..... ايرجووووووووووووووووو

السلام عليكم
بارك الله فيك حبيبتي مريومة، موضوع مهم جداً وصراحة يوجع القلب
كل كلمة كنت نقرا فيها كان قلبي يحرق معاها خاطر فعلا وصلنا لوقت يا لطيف المظلوم خلف القضبان والظالم يحوس ويدور براحة تامة وهادا خاطر ماكانش ضمير في اي مهنة في بلادنا سواءا الطب ولا المحاماة ولاا لتعليم ولا اي حاجة كلشي يمشي بالرشوة وبالفساد وبالمعريفة وما اكثرها القصص لي تروي هاد الفساد بما فيها القصص لي ذكرتيها وفقط كإضافة مرة شاهدت على التلفاز طفل صير عمرو 6 سنين يتعرض للاعتداء من طرف شاب باباه واصل اتخيلي الطفل مسكين عندي اشهر وهو يتعرض للاعتداء ومن بعد كي فاقو والديه وشكاو مادارو فيها والو خرجو هوما لي غالطين وزيد زارهم الشاب المعتدي للدار وقالهم مادرتو فيها والو، يعني ملايكة يتعدب هكا وحقو يروح خاطر ذنبو انو فقير والمجرم باباه غني وواصل، يعني واش نقولو حسبي الله ونعم الوكيل صح ميزان الارض تسرق ولكن ميزان السموات مازال كيما راه ربي عادل ورايح يخلص في هاد العباد على واش دارو اذا ماش في الدنيا في الآخرة وعذاب الآخرة اعظم
بارك الله فيك حبيبتي على الموضوع
تقبلي مروري
​

 

[Salah eddin]

رد: الميزان تسرق ارواحو ..... ايرجووووووووووووووووو

السلام عليكم
واش راكم
لاباس ؟
حتى انا راني لاباس
بصح من جيهة ربي برك... اما العياد...
ههه
العدلة الجزائرية
راكي يا اختي حطيتي يدك على الجرح
الله يهدي و خلاص
عندي واحد اللقطة هاهي وين
...
كاين واحد في الضاحية تاعنا
ياودي كبير في السن
بصح
يابن عمي
الكلاب و الحقرة و السرقة و السطو على الاملاك.... ماااا انحكيلكش
ولي قالتلهم اسكتوا
عندو عمو ولا خالو بطاطا فالدولة
لي يديرها يدوه للحبس ...نهار ولانهارين ويجي عاقب قدامك كلي ما صرا والو
هذا يبين مستوى العدالة في بلادنا
حنا ماناش نسوا فالعدالة
بصح مطبقي العدالة هم لي خلقوا هذي الصورة الفاسدة للعدالة الجزائرية
لدرجة انو الواحد اصبح مايلجألهاش و يحاول يدي حقو بيدو و هذا لي يخلي الفوضى تشيع في المجتمع
......
على كل انا ماعندي مانزيد
ونخلي للاصدقاء كاشما يزيدو
انا حرت خلص
و
السلام عليكم
و
شكرا

​

 

[Skor m@k]

رد: الميزان تسرق ارواحو ..... ايرجووووووووووووووووو

السلام عليكم
واش نهدرو واش نخلو مفهمناش فيها والو
ياكلو لحرام تقول فرماج سنانهم ميخبطوهمش
مرة واحد سرق بوسطا وحد 50 مليون حكمو عليه بعامين حبس
اوو واحد سرق لعجوزة 20 الف حكموه ب5 سنين
هذي عدالا ضرك يمدو الاحكام على حساب حوالهم
كي القاضي يكون فاسد واش حبيتيي يخرج الشعب ساجي
ربي يجيب الخير
تانيت تدخلي المحاكم لهموم كامل ترفديهم في عقلك
ان شاء الله ربي يبعدنا على ناسس الشر
يعطيك الصحة ختي مريم​

 

[قرصان الساحل]

رد: الميزان تسرق ارواحو ..... ايرجووووووووووووووووو

وفقتي في اختار موضوع مهم بزاف بزاف للنقاش مريومة ختي وطريحة الطرح مميزة كالعادة لان انت والتميز واحد منقدروش نقولو الزئبق بلا نقولو التميز
نجيو نحكيو على الميزان تاع العدالة ... انت طرحتي هذا الموضوع ودعمتيه بعدة امثلة من الواقع وانت كنت حاضرة فيهم شخصيا هنا نحب نسلط الضوء على هاد الناس المقهورة من غياب العدل كيف راح يكمل حياتو قادر تبقى ليه عقدة للأبد وتحطم انسان بسبب قرار جائر وكم هو عدد الناس لي تحطمو بسبب العدل مكانش
العدل هذا قامت عليه دول وتطورت لآن عندهم قاعدة القانون فوق الجميع عكس حالنا حنا واغلب الدول النائية وين يكون الجميع فوق القانون قصدي اللي عندو منصب ولا مال هو اللي فوق القانون والزوالي مسكين ديما متفرة فيه ... حتى في الدين نتاعنا مريومة ختي العدل يعتبر العمود الفقري لقيام الدولة وكم مرة ذكرت كلمت العدل في القران الكريم والعدل يبدا من ابسط الامور حتى العدل بين الاولاد وفي القصة المعروفة الصحابي اللي طلب من الرسول صلى الله عليه وسلم ان يشهد معاه في هبة عطاها لولدو لكن الرسول عليه السلام قال ان لا يشهد على زور بعد علمو ان هذا الصحابي ما مدش لولادو مثل ما عطا لولدو هذا وهنا نستخلص حكمة غياب العدل يولد الحقد والثأر حتى بين الاخوة الاشقاء والدليل اليوم نشوفو وش راه يصرا على جال الورث بين الخاوة وولاد العم وصلت حتى للقتل وقطع الصلة لآن واحد فيهم عندو معريفة ويوكل دراهم ويدي الارض وحدو ... واكبر من هذا غياب العدل ادى حتى لثورات واطاحات للنظام في عديد من الدول
غياب العدل يهدم كلش ويزرع الحقد والفتن والضغينة وووو
وفقتي في اختيار موضوعك مريومة ختي وربي ينشر العدل في بلادنا ان شاء الله
​

 

[ليليا مرام]

رد: الميزان تسرق ارواحو ..... ايرجووووووووووووووووو

السلام عليكم
بارك الله فيك حبيبتي مريومة، موضوع مهم جداً وصراحة يوجع القلب
كل كلمة كنت نقرا فيها كان قلبي يحرق معاها خاطر فعلا وصلنا لوقت يا لطيف المظلوم خلف القضبان والظالم يحوس ويدور براحة تامة وهادا خاطر ماكانش ضمير في اي مهنة في بلادنا سواءا الطب ولا المحاماة ولاا لتعليم ولا اي حاجة كلشي يمشي بالرشوة وبالفساد وبالمعريفة وما اكثرها القصص لي تروي هاد الفساد بما فيها القصص لي ذكرتيها وفقط كإضافة مرة شاهدت على التلفاز طفل صير عمرو 6 سنين يتعرض للاعتداء من طرف شاب باباه واصل اتخيلي الطفل مسكين عندي اشهر وهو يتعرض للاعتداء ومن بعد كي فاقو والديه وشكاو مادارو فيها والو خرجو هوما لي غالطين وزيد زارهم الشاب المعتدي للدار وقالهم مادرتو فيها والو، يعني ملايكة يتعدب هكا وحقو يروح خاطر ذنبو انو فقير والمجرم باباه غني وواصل، يعني واش نقولو حسبي الله ونعم الوكيل صح ميزان الارض تسرق ولكن ميزان السموات مازال كيما راه ربي عادل ورايح يخلص في هاد العباد على واش دارو اذا ماش في الدنيا في الآخرة وعذاب الآخرة اعظم
بارك الله فيك حبيبتي على الموضوع
تقبلي مروري
​

السلام عليكم اختي مريومة اهلا وسهلا نورتيني وشكرا على اعتماد وتمييز الموضوع الله يخليك
والله يا اختي مرات نقول بلاك قراو القانون بالمقلوب او كيفاه ما فهمتش والله امور تشوفيها تحيري جرائم قتل ب 10 سنوات وسرقة 20 سنة يعني فبلادنا اقتلي وما تسرقيش وزيد اللي يرفد موس 5 سنين تضربي واحد بيه عامين يعني اضربي وما ترفديهش باطل الله غالب مرات نقول واقيل يديرو فيها بالعاني وفعلا شوفي الاحباس معمر بليجون وعلاه وعلاه المدمن ما يداووش وعلاه السراق ما يمدلوش خدمة علاه يروح يسرق ما نبررش افعالهم لالا مي الاكيد الدولة مساهمة واحد عندو الدراهم يمد رشوة ويخرج واحد زوالي يزيد يروح فيها ويا ريتو دارها معليش الظلم بزاف فبلادنا الله يجعل ربي ينور طريق القضاة هذو الدراهم مش كل شي راح قدام ربي يخلص ظلمو للناس مي والله حرام كاين تضيع حياتو ذيك المرة نسمع فالحصة اخت زوج خاوتها حكمو عليهم مؤبد تخيلي زوج مؤبد معناهم يخرجو فالصندوق على واش محاولة قتل يعني ما قتلوهش حرقو الطونوبيل ومش عارفينو فيها وراه برا ويمشي ويخدم نورمال وهوما راحو مؤبد وجرائم اخرى قطعو العباد وقتلوهم حكمو عليهم ب 15 سنة كاقصى حد تجي تفهمي تحيري
الله يهديهم ويا ريت الناس يحبسو يخمو فالمادة الدراهم مش كل شي راحين قدام ربي والنار تستنى تشويي العباد يا ريتهم يفيقو
شكرا لك

 

[ليليا مرام]

رد: الميزان تسرق ارواحو ..... ايرجووووووووووووووووو

السلام عليكم
واش راكم
لاباس ؟
حتى انا راني لاباس
بصح من جيهة ربي برك... اما العياد...
ههه
العدلة الجزائرية
راكي يا اختي حطيتي يدك على الجرح
الله يهدي و خلاص
عندي واحد اللقطة هاهي وين
...
كاين واحد في الضاحية تاعنا
ياودي كبير في السن
بصح
يابن عمي
الكلاب و الحقرة و السرقة و السطو على الاملاك.... ماااا انحكيلكش
ولي قالتلهم اسكتوا
عندو عمو ولا خالو بطاطا فالدولة
لي يديرها يدوه للحبس ...نهار ولانهارين ويجي عاقب قدامك كلي ما صرا والو
هذا يبين مستوى العدالة في بلادنا
حنا ماناش نسوا فالعدالة
بصح مطبقي العدالة هم لي خلقوا هذي الصورة الفاسدة للعدالة الجزائرية
لدرجة انو الواحد اصبح مايلجألهاش و يحاول يدي حقو بيدو و هذا لي يخلي الفوضى تشيع في المجتمع
......
على كل انا ماعندي مانزيد
ونخلي للاصدقاء كاشما يزيدو
انا حرت خلص
و
السلام عليكم
و
شكرا

​

السلام عليكم اليوم مارانيش مليحة شوي شوي على حساب الاحوال والحمد لله انت راك مليح
اييه يا خويا هذو عندهم عمومهم بطاطا حنا لا بطاطا ولا زرودية لينا ربي سبحانو وكان تظلمنا هنا اكيد حقنا لهيه ندوه وهناك خير
ما عندناش حاجة واسمها عدالة خويا لالا عندنا حاجة واسمها عمك فلان وشكارة دراهم ومد الرشوة تخرج نورمال حتى وليت بعض النسا لما مثلا خوها يدير جريمة تقولي غدوة خويا راه فالدار وصح حتى تلقاه جاي كيما قلت انت نورمال ورجعو دايرين فراعنة فوق الارض عادي يديرو جرائم تاكلين وعارفين راحين يخرجو نورمال
وكيما قلت هنا تولي الناس تدي حقها بيدها للانو الظلم تخيل لو مثلا انا يقتل واحد خويا حتى نلقاه خرج اكيد امنا نقتلو كيما قتلو لانو تغيضك واحد يرقد التراب ولاخر يفوت عليك نورمال زعمى علاه حرمو من الدنيا نحرمو منها نورمال الله غالب لو عارفين بلادنا فيها قانون وعدالة نخلوهم يدونا حقنا مي عارفين ماكان والو
الله يهديهم وحسبي الله ونعم الوكيل على كل قاضي شد رشوة وظلم ولاد الناس
شكرا لك

 

[ليليا مرام]

رد: الميزان تسرق ارواحو ..... ايرجووووووووووووووووو

السلام عليكم
واش نهدرو واش نخلو مفهمناش فيها والو
ياكلو لحرام تقول فرماج سنانهم ميخبطوهمش
مرة واحد سرق بوسطا وحد 50 مليون حكمو عليه بعامين حبس
اوو واحد سرق لعجوزة 20 الف حكموه ب5 سنين
هذي عدالا ضرك يمدو الاحكام على حساب حوالهم
كي القاضي يكون فاسد واش حبيتيي يخرج الشعب ساجي
ربي يجيب الخير
تانيت تدخلي المحاكم لهموم كامل ترفديهم في عقلك
ان شاء الله ربي يبعدنا على ناسس الشر
يعطيك الصحة ختي مريم​

السلام عليكم سكر افندي نورتني اهلا بيك
والله مارانا فاهمين ضرك ولينا نتوقعو واحد زوالي لو دار مشكل شعال يدي حكم وواحد وليد قماقم ومعارف راح يخرج نورمال لانو خلاص تعرفت انو العدل فبلادنا ماكانش كيما قلت تسرق يطلقوك تنوي تسرق تروح حياتك الله غالب رجع القتل كالما ساهل علاه لانو ماكانش عدالة كاين حتى ما حكموش الحبس قتلو ونورمال راهم برا عادي ويتكسلو
الله يهدي القضاة والله يكون مع الزوالية الناس تظلمت بزاف
امين خويا شكرا

 

[ليليا مرام]

رد: الميزان تسرق ارواحو ..... ايرجووووووووووووووووو

:d

وفقتي في اختار موضوع مهم بزاف بزاف للنقاش مريومة ختي وطريحة الطرح مميزة كالعادة لان انت والتميز واحد منقدروش نقولو الزئبق بلا نقولو التميز
نجيو نحكيو على الميزان تاع العدالة ... انت طرحتي هذا الموضوع ودعمتيه بعدة امثلة من الواقع وانت كنت حاضرة فيهم شخصيا هنا نحب نسلط الضوء على هاد الناس المقهورة من غياب العدل كيف راح يكمل حياتو قادر تبقى ليه عقدة للأبد وتحطم انسان بسبب قرار جائر وكم هو عدد الناس لي تحطمو بسبب العدل مكانش
العدل هذا قامت عليه دول وتطورت لآن عندهم قاعدة القانون فوق الجميع عكس حالنا حنا واغلب الدول النائية وين يكون الجميع فوق القانون قصدي اللي عندو منصب ولا مال هو اللي فوق القانون والزوالي مسكين ديما متفرة فيه ... حتى في الدين نتاعنا مريومة ختي العدل يعتبر العمود الفقري لقيام الدولة وكم مرة ذكرت كلمت العدل في القران الكريم والعدل يبدا من ابسط الامور حتى العدل بين الاولاد وفي القصة المعروفة الصحابي اللي طلب من الرسول صلى الله عليه وسلم ان يشهد معاه في هبة عطاها لولدو لكن الرسول عليه السلام قال ان لا يشهد على زور بعد علمو ان هذا الصحابي ما مدش لولادو مثل ما عطا لولدو هذا وهنا نستخلص حكمة غياب العدل يولد الحقد والثأر حتى بين الاخوة الاشقاء والدليل اليوم نشوفو وش راه يصرا على جال الورث بين الخاوة وولاد العم وصلت حتى للقتل وقطع الصلة لآن واحد فيهم عندو معريفة ويوكل دراهم ويدي الارض وحدو ... واكبر من هذا غياب العدل ادى حتى لثورات واطاحات للنظام في عديد من الدول
غياب العدل يهدم كلش ويزرع الحقد والفتن والضغينة وووو
وفقتي في اختيار موضوعك مريومة ختي وربي ينشر العدل في بلادنا ان شاء الله
​

السلام عليكم خويا هشام اييه والله عجبتيني طريحة الطرح نضن الطرح دخلتو للسبيطار دا طريحة اللي هي :d
نرجعو للسوجي خويا هشام انت ذكرت العدل من القرآن وجيت جاي بها انا نقولك انا شفت امور عندنا حنا المسلمين ماكانش عند الاوروبين العدل فالقرآن والقصاص مذكور وعقوبة الزنا والسرقة وغيرو وغيرو مي حنا راهم زادو شوهو حتى القانون اللي كل الدول مشرعينو حتى يكون نظام مي راني نشوف فيها مشروع غابة يولي كل واحد يدي حقو بيدو الله غالب والبارح برك نشوف فحصة تحريات يعني 12 واحد يقتلو شاب عندو 17 سنة ومعوق نص دخلوهم ولخرين راهم برا قتلوه بوحشية وهذوك كامل واحد يدي عامين ولاخر 3 واللي قتلو راح يدي واحد 10 سنين وعلاه بلاد الحقرة لانو زوالي وباباه زوالي الله غالب مسكين حتى راح للدرك ووليدو فالطونوبيل يموت وقالو روح ديه للسبيطار حتى نجو نديرو لونكيت مي كيفاه هذي حرام عليهم الكل مشاركين ماكانش اللي يشوف للاسلام ويرجع لواش صار وسنة رسولنا الحبيب عليه الصلاة والسلام
رانا مسلمين بالاسم الله يسرنا والله يصحي ضمائر الحكام وان شاء الله يكونو قضاة صالحين الواحد يحكم ضميرو ويخدم بالي تعلمها وحلف عليها ما يحقرش
شكرا هشام والطريحة الجاية راح تكون خير من هذي:d

 

[قرصان الساحل]

رد: الميزان تسرق ارواحو ..... ايرجووووووووووووووووو

:d

السلام عليكم خويا هشام اييه والله عجبتيني طريحة الطرح نضن الطرح دخلتو للسبيطار دا طريحة اللي هي :d
نرجعو للسوجي خويا هشام انت ذكرت العدل من القرآن وجيت جاي بها انا نقولك انا شفت امور عندنا حنا المسلمين ماكانش عند الاوروبين العدل فالقرآن والقصاص مذكور وعقوبة الزنا والسرقة وغيرو وغيرو مي حنا راهم زادو شوهو حتى القانون اللي كل الدول مشرعينو حتى يكون نظام مي راني نشوف فيها مشروع غابة يولي كل واحد يدي حقو بيدو الله غالب والبارح برك نشوف فحصة تحريات يعني 12 واحد يقتلو شاب عندو 17 سنة ومعوق نص دخلوهم ولخرين راهم برا قتلوه بوحشية وهذوك كامل واحد يدي عامين ولاخر 3 واللي قتلو راح يدي واحد 10 سنين وعلاه بلاد الحقرة لانو زوالي وباباه زوالي الله غالب مسكين حتى راح للدرك ووليدو فالطونوبيل يموت وقالو روح ديه للسبيطار حتى نجو نديرو لونكيت مي كيفاه هذي حرام عليهم الكل مشاركين ماكانش اللي يشوف للاسلام ويرجع لواش صار وسنة رسولنا الحبيب عليه الصلاة والسلام
رانا مسلمين بالاسم الله يسرنا والله يصحي ضمائر الحكام وان شاء الله يكونو قضاة صالحين الواحد يحكم ضميرو ويخدم بالي تعلمها وحلف عليها ما يحقرش
شكرا هشام والطريحة الجاية راح تكون خير من هذي:d

هههه تسمى انت مش راح تخلفي والو غلطنا في الكتيبة حكمتيها
انا كتبت طريقة وهي وصلاتك طريحة سير حابة تجي ليك هاد الطريحة وحدها انا خاطي
ايه كيما قلتي ختي مريومة رانا في حياة الغياب اللي حكم خوه يكمل عليه ولو كان عدل من الاساس وعقوبات صارمة ومكانش تحير مراحش يصرا هاد الشي وزيد القتل ولا حاجة عادية في جميع الاعمار حتى واحنا عارفين ان اراقة قطرة وحدة من دم مسلم مش حاجة ساهلة وزوال الارض كامل اهون عند ربي سبحانو اراقة دم مسلم
ربي يهدينا
شكرااااا على طريقة الطرح ماركي عندك اني صححت هه
​