طفولتك أيها العضو/ة اللماوي تحت عدساتنا(العدد الرابع )Skor m@k

[أم الأولاد]

بعد وضعنا فكرة جديدة هي



طفولتك أيها العضو/ة اللماوي تحت عدساتنا

نقوم بدعوة رابع عضو معنا لمدة أسبوع وهو الأخ الطيب المحبوب

Skor m@k


والذي نضعه تحت عدستنا اللماوية للتعرف على عالمه الطفولي البري ء

بعض الأسئلة :

نرحب بك بباقة ورد وكيس من الحلوى :graduation:
-هل كنت مشاكسا أم هادئا أيام الطفولة ؟
-ماهي لعبتك المفضلة التي كنت تلعب بها ؟
-اسم أفضل صديق لديك في الطفولة وهل مازال معك ؟



أهلا وسهلا بك أخي
نتمنى أن تعجبك الضيافة
والرجاء من بقية الأعضاء سؤال الضيف و جلسة ممتعة


للتذكير



شهادة شرفية للضيف

أما العضو الاكثر تفاعلا يتم منحه وسام
​

الطفولة . . عالمٌ مُخمليّ ، مُزدانٌ بقلوبٍ كالدُرر ، وأرواحٌ باذِخة الطُهر.




كونوا معنا

​

 

[جيهان جوجو]

رد: طفولتك أيها العضو/ة اللماوي تحت عدساتنا(العدد الرابع )Skor m@k

وعليكم السلام
اهلا بالاخ الكريم
اتمنى لك اقامة طيبة
في امان الله
​

 

[sosobibicha]

رد: طفولتك أيها العضو/ة اللماوي تحت عدساتنا(العدد الرابع )Skor m@k

سلام عليكم
اهلا بالاخ سكر كما يسمونه هنا هههه
ان شاء الله تقضي اوقات ممتعة و طيبة
تفضل قبل ما نبداو:

بعض الاسئلة الكلاسيكية :
ماهي لعبتك المفضلـه وأنت صغير ؟
نشيد كنت تحبه أيام الطفولـه
شخصيه كرتونيـه كنت تحبهآ
من كـآن يدلعك أكثر أبوك أو أمك
اســم دلعك بالطفولـه لحد الآن ينادونك فيـه ؟ وماهو ؟
هل عندك لعبـه موجوده من صغرك إلى الآن واذا كنت محتفظ فيها ؟ وماهي ؟

علابالي بلي كثرت اسمحلي :p
تحية ^^​

 

[أم الأولاد]

رد: طفولتك أيها العضو/ة اللماوي تحت عدساتنا(العدد الرابع )Skor m@k

بماذا تذكرك هذه الصور :d ؟
وهل كنت تقوم بهذه التصرفات

​

 

[Skor m@k]

رد: طفولتك أيها العضو/ة اللماوي تحت عدساتنا(العدد الرابع )Skor m@k

السلام عليكم
أولا نشكركم على هذي الاستضافة اللي ماكنتش متوقعها كامل ههههه
انا غير للأطفال لي تستضيفو ههههه
زعما أنا كبير خخخخ
المهم نشكر الأخت نجمة البحر لي صيدتني راهي قرش البحر ماشي نجمة البحر هههه

ثانيا قلنا نتفكرو يمات الصغر والطوايش لي درنا هههه

وإن شاء الله منقسرش في حق كل واحد
مي الى طولت فالرد غير أصبرو عليا شويا
وبلعقل برك خخخخخخ
​

 

[Skor m@k]

رد: طفولتك أيها العضو/ة اللماوي تحت عدساتنا(العدد الرابع )Skor m@k

نقوم بدعوة ثاني عضو معنا لمدة أسبوع وهو الأخ الطيب المحبوب

Skor m@k






بعض الأسئلة :

نرحب بك بباقة ورد وكيس من الحلوى :graduation:
لحد الساعة ملحقني والو ني ورد ني حلوى ههههه

-هل كنت مشاكسا أم هادئا أيام الطفولة ؟
كنت مشاكس بزاف سورتو مع الأطفال لي قدي هههه نهار كامل دبزة ودماغ
مي واحد كبير عليا نقادرو

-ماهي لعبتك المفضلة التي كنت تلعب بها ؟
كنت نلعب بوحد الكروسة مخدومة بزوج رواضي تاع السلك وقصبة وvولا بالسلك هههه
نهار كامل وأنا ندحس بيها هههه

-اسم أفضل صديق لديك في الطفولة وهل مازال معك ؟
إسمو حمزة ومزال ضرك مي ماشي بزاف نتلاقاو هو خدام فجيهة وانا في جيهة




[/COLOR][/SIZE]

​

شكرا لك ختي نجمة البحر​

 

[Skor m@k]

رد: طفولتك أيها العضو/ة اللماوي تحت عدساتنا(العدد الرابع )Skor m@k

وعليكم السلام
اهلا بالاخ الكريم
اتمنى لك اقامة طيبة
في امان الله
​

السلام عليكم
شكرا لك ختي جيهان
إن شاء الله نكون في المستوى​

 

[أم الأولاد]

رد: طفولتك أيها العضو/ة اللماوي تحت عدساتنا(العدد الرابع )Skor m@k

لقد شرف الضيف هههه

تفضل الحلوى والورد

​

​

 

[Skor m@k]

رد: طفولتك أيها العضو/ة اللماوي تحت عدساتنا(العدد الرابع )Skor m@k

سلام عليكم
اهلا بالاخ سكر كما يسمونه هنا هههه
هههه مليحة تاع سكر هذي الأخت ليليا هي لي جبدتهولي هههه
ان شاء الله تقضي اوقات ممتعة و طيبة
تفضل قبل ما نبداو:

بعض الاسئلة الكلاسيكية :
ماهي لعبتك المفضلـه وأنت صغير ؟
كيما قلت كروسة مخدومة بالسلك فيها زور رواضي و vولا هههه

نشيد كنت تحبه أيام الطفولـه
هههه نستهم كي نتفكرهم نقولك خخخخخ

شخصيه كرتونيـه كنت تحبهآ
هزيم الرعد كنت نموت عليه هههه

من كـآن يدلعك أكثر أبوك أو أمك
حتى واحد خاطرش أنا الوسطاني هههه

اســم دلعك بالطفولـه لحد الآن ينادونك فيـه ؟ وماهو ؟
مكاش إسم دلع خخخخ عبد المالك مافيهش خخخخ

هل عندك لعبـه موجوده من صغرك إلى الآن واذا كنت محتفظ فيها ؟ وماهي ؟
الألعاب ملي كنت صغي كي نكره منها نكسرها هههه مبقاتش حتى وحدة

علابالي بلي كثرت اسمحلي :p
تحية ^^​

بزاف هلكتيني هاهاهاها
معنداك والله غير عجبوني الأسئلة هذو خفاف كي الريشة هههه
شكرا لك ​

 

[Skor m@k]

رد: طفولتك أيها العضو/ة اللماوي تحت عدساتنا(العدد الرابع )Skor m@k

بماذا تذكرك هذه الصور :d ؟
وهل كنت تقوم بهذه التصرفات

الصورة هذي للضرك وليد عمتي مزال العفسة يديرهالي
حتى نولي نعيط عليه ههههه

هذي العفسة درتها كي كنت صغير مع وليد عمتي أنا لي طلعت فوق الخزانة
ممبعد طحت على ظهري قريب مت هههه
وليد عمتي هذاك سمانة وهوا مشوكي عمبالو مت ولا يشوفني يهرب هههه


هذي كنا نديروها فالسيام بزاف حتى ولينا كي نريحو تبقا شاد فالكرسي هههه

[SIZE=""]كي نكون فلكلاصة ونكون مافاهم والو نرسم يدي هههه[/SIZE]

هذي ديما كاين مكاش لي مادارهاش تقول راح نجيبو الغنائم تاع الحرب هههه
نبداو نوجدولها كي نسمعو بلي الضياف راهم جايين هههه
​

شكرا لك ختي نجمة ​

 

[الحلم الوردي]

رد: طفولتك أيها العضو/ة اللماوي تحت عدساتنا(العدد الرابع )Skor m@k

وعليكم السلام
اهلا بيك اخي مالك نورت
اتمنى لك اقامة طيبة
لي عودة ان شاء الله
​

 

[أم الأولاد]

رد: طفولتك أيها العضو/ة اللماوي تحت عدساتنا(العدد الرابع )Skor m@k

هيا ياجماعة اتهلو في مالك الصغير :sport01:متحشموناش

هل كنت تصيد النمل في صغرك وتحجزو في قرعة بلاستيك هههههههه ؟
هل كنت تشوف قط في الحي تجري ليه تضربو بالحجر هههههههههه ؟
هل كان حلمك تصيد زاوش هههههههههه وجربت تصيد بهاذي ؟

​

 

[ريحـان]

رد: طفولتك أيها العضو/ة اللماوي تحت عدساتنا(العدد الرابع )Skor m@k

اهلا بالاخ لي عودة
ماعندك وين تهرب​

 

[Skor m@k]

رد: طفولتك أيها العضو/ة اللماوي تحت عدساتنا(العدد الرابع )Skor m@k

وعليكم السلام
اهلا بيك اخي مالك نورت
اتمنى لك اقامة طيبة
لي عودة ان شاء الله
​

السلام عليكم
مرحبااااا بيك ختي ملاك
راني نسنا فيكم متحشمونيش برك هههه
ان شاء الله​

 

[الحلم الوردي]

رد: طفولتك أيها العضو/ة اللماوي تحت عدساتنا(العدد الرابع )Skor m@k

اهلا بيك
راني وليت
الميكيات الي تحب تتفرجهم
كي تشوف ميكي كنت تبكي ؟
واش الالعاب الي كنت تلعبهم وانت ضغير
كنت تلصق في باباك حتى يديك
لي عودة ان شاء الله​

 

[Skor m@k]

رد: طفولتك أيها العضو/ة اللماوي تحت عدساتنا(العدد الرابع )Skor m@k

هيا ياجماعة اتهلو في مالك الصغير :sport01:متحشموناش

هل كنت تصيد النمل في صغرك وتحجزو في قرعة بلاستيك هههههههه ؟
ههههه تقول كنتي معانا بصح كنت نصيد البوجغللو بزاف
درت فيهم التير ههه
كنا نديرو بيهم السباق بصح ديما حتى واحد ميربحش هههه
نبنولهم ديور بالطينة ونخلوهم يباتو حتى تعيط علينا يما هههه

هل كنت تشوف قط في الحي تجري ليه تضربو بالحجر هههههههههه ؟
لقطوط متحكيش عليهم هههه تيهناهم كامل وين نلقاوه موراه
حتى لكلاب اوو مطلقناهمش

هل كان حلمك تصيد زاوش هههههههههه وجربت تصيد بهاذي ؟
الزواوش كنا نهربو من لبريمار ونروحو نصيدو بالفخات
ومنذاك قبل ما ندخلو ليكول صباح ربي نروحو نحطو لفخاخ وكي نخرجو نروحو نجرو ليهم
نشوفو واش صيدنا ونشعلولهم النار برا ونشووهم هههه وحد البنة فيهم

​

السلام عليكم
يعطيك الصحة ختي نجمة
ربي يحفظك​

 

[لؤلؤة قسنطينة]

رد: طفولتك أيها العضو/ة اللماوي تحت عدساتنا(العدد الرابع )Skor m@k

السلام عليكم
صار اليوم معروض الطفل مالك قصدي العضو مالك ههههه
واشوا الاسئلة هادي تاع كنت مشاكس وماش مشاكس اصلا بلا ماتسقسي باين كان مشاكس
ومازال مشاكس للآن :d
وبعد ما توقبت على الاسئلة شوي قدرت نخترع اسئلة جدد مع انتظار باقي الاسئلة في القريب العاجل ههه
-درك قداه من مرة سرق خونا مالك قاطو العيد وحكموه متلبس ودا عقوبة :d
-وواش هي اكبر طريحة داها خونا مالك في صغرو؟
-حسب واش قريت من اجابات راك غير تجري ورا القطط وتشوي العصافير ههه ماكانش كاش نهار خونا مالك ربا حيوان
واذا نعم هل ماتلك هاد الحيوان وبكيت عليه؟
-حاجة كنت ديرها كي كنت صغير ومازالو للآن يعايروك بيها
-أشهر كدبة كدبتها باه تهرب من العقاب تاع والديك
هيا نحبس هنا ونرجع مرة اخرى ان شاء الله لا كتب ربي سبحانو
بالتوفيق وشكرا للأخت على المبادرة الجميلة ربي يهنيك
تحياتي
​

 

[Skor m@k]

رد: طفولتك أيها العضو/ة اللماوي تحت عدساتنا(العدد الرابع )Skor m@k

اهلا بالاخ لي عودة
ماعندك وين تهرب​

السلام عليكم
مرحبا بك خي ياسمين في كل وقت راني هنـــــــــــــــــــــــــــــــــــــــــــــــا
وعلاه خلاوني نهرب ههه​

 

[Skor m@k]

رد: طفولتك أيها العضو/ة اللماوي تحت عدساتنا(العدد الرابع )Skor m@k

اهلا بيك
راني وليت
الميكيات الي تحب تتفرجهم
كنت نحب كابتن ماجد وهزيم الرعد وسبيد ريسر هههه

كي تشوف ميكي كنت تبكي ؟
أواه أنا ماشي من هذاك النوع هههههه

واش الالعاب الي كنت تلعبهم وانت صغير
كنا نلعبو بزاف غمايضا وليماتش وكاين بزاف نستهم ههههه
كي عندي بزاف متفكرتهمش خخخخخ

كنت تلصق في باباك حتى يديك
لا لا ماكنتش نلصق بزاف أصلا بابا مكانش عايش معانا كنت نشوفو مرة ولا زوج فالشهر
حتى جوايه 2003 هكذاك لي ولا معانا وهناك كنت كبرت شويا خخخخ

لي عودة ان شاء الله​

يعطيك الصحة ختي ملاك
راني نسنى فيك وسألي على روحك ​

 

[Skor m@k]

رد: طفولتك أيها العضو/ة اللماوي تحت عدساتنا(العدد الرابع )Skor m@k

السلام عليكم
وعليكم السلام

صار اليوم معروض الطفل مالك قصدي العضو مالك ههههه
هههه والله غير راني نحس روحي طفل صغير فكروني فيامات الصغر هههه
واشوا الاسئلة هادي تاع كنت مشاكس وماش مشاكس اصلا بلا ماتسقسي باين كان مشاكس
ومازال مشاكس للآن :d
هههه علبالك بلاك ضرك راني مشاكس كثرمن بكري بصح ضرك تعقلت ههههه
بكري كنت نخيق الغاشي مي ضرك نخيقهم ويبغوني هههه
وبعد ما توقبت على الاسئلة شوي قدرت نخترع اسئلة جدد مع انتظار باقي الاسئلة في القريب العاجل ههه
أنت غير أسئلي أنا نخاف خويا حكيم يطرح وحد الأسئلة يخوفني بيهم
تقول راك عند لابوليس هههه
-درك قداه من مرة سرق خونا مالك قاطو العيد وحكموه متلبس ودا عقوبة :d
منشفاش شحال من مرة بلاك ضرك مزالني نسرق ههههه
يما ظل تجري مورايا نعسها وين تخبي ونروح ليهم
وندي بزاف منشقاش على شويا الى متحكمتش راني كليتهم كامل
والى فاقتلي نهرب بيهم للبرا ومنوليش حتى لعشيا ههههه
-وواش هي اكبر طريحة داها خونا مالك في صغرو؟
مرة وحد الطفلة كانت تقرى معايا خيقتني بزاف ضربتها ممبعد جات لعند يما قالتلها هههه
وحكمتني يما هههه شبعتني زهط ههههه
وكايين بزاف نسيتهم ضرك هههه
-حسب واش قريت من اجابات راك غير تجري ورا القطط وتشوي العصافير ههه ماكانش كاش نهار خونا مالك ربا حيوان
كنت نربي ديما كلب كي يكون صغير يعجبني نهار كامل وأنا معاه مي يكبر نكرهو نولي الماكلا نقولو لخويا يديلو هههه
تانيت كاين حيوانات بزاف كيما الgنين كان عندنا بزاف كي يكبرو نذبحوهم منخلوهمش يموتو ههههه
الماكلا ليهم هههه
واذا نعم هل ماتلك هاد الحيوان وبكيت عليه؟
أنا منربيش الكبدة عليهم هههه وقيل معنديش كامل خخخخ
-حاجة كنت ديرها كي كنت صغير ومازالو للآن يعايروك بيها
هههه معلبليش وقيل مكانش
-أشهر كدبة كدبتها باه تهرب من العقاب تاع والديك
كنت نحصل ديما فخويا الصغير نقوللها ليما هو لي دار هذيك العفسة هههه
وهو المعزوز تاعها متضربوش بزاف ههههه
هيا نحبس هنا ونرجع مرة اخرى ان شاء الله لا كتب ربي سبحانو
بالتوفيق وشكرا للأخت على المبادرة الجميلة ربي يهنيك
تحياتي
​

شكرا لك ختي مريم الأسئلة تاعك هايلين ههههه
راني نسنى هنا
ان شاء الله​