- إنضم
- 13 أفريل 2013
- المشاركات
- 14,618
- نقاط التفاعل
- 54,535
- النقاط
- 1,756
- العمر
- 31
- محل الإقامة
- قسنطينة
- الجنس
- أنثى
السلام عليكم ناس اللمة وصح رمضانكم
اليوم هزيت القلم تاعي مسكين راهي دارت فيه الرتيلة ههههه وجيت نخربش عليكم هنا شوي
ونحكيلكم في واحد الفترة كي كنت نقرا في المتوسط بصح ماكنتش ناكل الممحاة كيما بثينة ههههه كنت ناكل البريوش :love01:
وواش بنييييين الله يبارك الطعم تاعو مازال في فمي
واش لي الطعم في فمي هادي ؟ الانسان صايم استغفر الله ههههه ولي راهو جيعان غير يخرج درك بعد قبل مايكمل يقرا :p غير نضحك مرحبا بيكم كامل وان شاء الله يعجبكم الموضوع
يا سيدي في واحد الفترة من حياتي وفي المتوسط بالذات كانت عندنا واحد المديرة قبييييحة بزااف
بصح كلشي يمشي على الشعرة في المتوسطة هاديك، دارتلنا الكاميرات، طبقت النظام، جابتلنا الآلة هاديك لي تحط الدراهم ويخرجلك الحليب والشيكولا في كاس نسيت اسمها هههههه
ودارتلنا الشيبس يتباع لداخل والكاوكاو كلشي، ماتضيعش خلاص هههه تقرا وتمونجي هههه وكانت على ال10 في 15 دقيقة من وقت الراحة تبيع مرأة داخل المتوسطة البريوش يا يما واش بنيييين ومعمر شيكولا وسخوووون نزيدلكم شوي طيحو كامل ههههه
المهم البريوش بنين فهمناها بصح كيفاه توصلو هاهو المشكل، خاطر لازمك تروح لعند طبيب نفسي وتوجد معدات تسلق الجبال ومعرف اذا راك واجد باه تروح تجيب البريوشة لعزيزة، خاطر يدق الجرس على 10 ماتجي تنزل لوين تبيع هي تلقى جيش الصين لتما
وضرب الدبزة، (تما ندير حوار بيني وبين نفسي
) النفس الطيبة تقولي يا مريم اخطيك الشعب هادا كامل تدخلي في نصو؟؟ شوفي كيفاه يدزو؟ والله يجيبوك في الارض وماتاكليش البريوش وتروحي عينك زرقا هههه
ونفسي الشريرة تقولي يا مريم راهو بريوش ب ر ي و ش فخامة الاسم تكفي
وزيد الشيكولا الذايبة هاديك وسخووووون ونتي جيعانة فطرتي بكري على 5.30 وكرشك تغني الصوت راحلها غير البريوش لي يسكتلك جوعك ههه ولي يسكت المغبونة هاديك لي بحاح صوتها
(نليق نخدم مع قناة سميرة نديرلهم الاشهار تاع الماكلة هههههه)
هيا في الاخير نتبع نفسي الشريرة وندخل في وسط هاديك الامواج وياريتني مادخلتش، تحس روحك راكب في التيتانيك ورايح يغرق الشعب يميل يمين ويسار وانا نميل معاهم
نلقى روحي رايحة جيهة اليمين ومن بعد يزيدو يبعتوني على اليسار ومن بعد للقدام ومن بعد للوراء تحس روحك راك في العسكر ولا في الحرب وهادا كامل على وجه البريوش لعزيز، ومن بعد هاديك لي تبيع كي يقلقوها لولاد تهز المصلحة (المكنسة) وتبدا تضرب في الريسان هههههه تحسها كي المرأة هاديك لي تضرب في توم في الرسوم المتحركة تاع توم وجيري، تما لازمك تكون عندك ردة فعل قوية لتجنب الضربات ومن بعد تلحق دالتي بعد العناء ونوصل لعند المرأة تما نجبد الدراهم من جيبي خاطر كنت مخبيتهم مع الدزان هاداك والحرب لي قايمة والله طيح فيا لارض واذا نزلت نهزها والله يديرو بيا ماتش ويرجعوني كرة هههههه، المهم مديتلها الدراهم وجا البريوش لعزيز في يدي :love01: يا سلاااام انا هازتو وخارجة بيه فرحانة من عندها
ونقاوم وسط الشعب هاداك باه نخرج للضوء، ويجيو قراصنة البريوش حتى نلقى يدي فارغة ، وينهي البريوشة؟؟
نلقى الطفل هارب بيها ويجري وانا بقيت نتفرج حسيت روحي من ضحايا الكوارث الطبيعية قريب الدمعة طيحلي مع التعب هاداك وفي الاخير يديولي بريوشتي لااااااا
نتخيل المشهد طوبيو المشهد هادا يزيد يموتلي كاش عبد هنا
المهم من بعد ختكم ولات دارت تدريبات وليت كتر من سلاحف النينجا سبايدرمان ونحيتهالو
وليت نحط الساعة قدامي غير تقرب تصوني نبدا نجمع في حوايجي هي غير تصوني نصوطي للباب ونهبط نجري في الدروج
نجري نجري نجري سبقت الضوء في السرعة غير تقابلني مولات البريوش نلقى الشعب جاي من بعيد وحتى هوما يجريو نزيد نقوي في لاvيتاس شوي هكا ونلحق لعندها انا الاولى مانجي نقولها اعطيني بريوشة حتى نلقى الجيش ورايا يدز نولي نشري البريوشة لعزيزة هاديك بصح مانهزهاش في يدي كي البهلولة، نخبيها فيا لجيب ونقفل عليها مليح، قريب ندير الكادنا والسلاسل تاع لحديد هههههه
ونخرج في نص الشعب هاداك ونتعصر في نصهم (شفتو واش نحارب في خاطرا لبريوشة من المفروض يعطيوني الجائزة الذهبية تاع البريوش) وكي نخرج من تم نلقى القراصنة هادوك يدورو لتم باه يطيحو على الضحايا ويسرقولهم الغنائم
ساع نولي نجبد روحي وين كاين الامان ونفتح البريوشة على النص نشوف البخار تاعها طالع (هنا زدت فيها هههههه تقول شربة ههه) ونبدا ناكل فيها بالشوي حتى نخلصها
المهم بصحتكم علابالي كليتو معايا ههههههه
كانت هادي مغامرات مريومة المهبولة ومع البريوش
هي صح كنت نشري البريوش ولحكاية تشبه لهكا بصح زدتلها الاكشن من عندي ههههه
نتمنى يكون عجبكم الموضوع ودخلت ولو القليل من البسمة لوجوهكم
وصح فطوركم/ سحوركم
تحياتي
اليوم هزيت القلم تاعي مسكين راهي دارت فيه الرتيلة ههههه وجيت نخربش عليكم هنا شوي
ونحكيلكم في واحد الفترة كي كنت نقرا في المتوسط بصح ماكنتش ناكل الممحاة كيما بثينة ههههه كنت ناكل البريوش :love01:
وواش بنييييين الله يبارك الطعم تاعو مازال في فمي
يا سيدي في واحد الفترة من حياتي وفي المتوسط بالذات كانت عندنا واحد المديرة قبييييحة بزااف
ودارتلنا الشيبس يتباع لداخل والكاوكاو كلشي، ماتضيعش خلاص هههه تقرا وتمونجي هههه وكانت على ال10 في 15 دقيقة من وقت الراحة تبيع مرأة داخل المتوسطة البريوش يا يما واش بنيييين ومعمر شيكولا وسخوووون نزيدلكم شوي طيحو كامل ههههه
المهم البريوش بنين فهمناها بصح كيفاه توصلو هاهو المشكل، خاطر لازمك تروح لعند طبيب نفسي وتوجد معدات تسلق الجبال ومعرف اذا راك واجد باه تروح تجيب البريوشة لعزيزة، خاطر يدق الجرس على 10 ماتجي تنزل لوين تبيع هي تلقى جيش الصين لتما
وضرب الدبزة، (تما ندير حوار بيني وبين نفسي
وزيد الشيكولا الذايبة هاديك وسخووووون ونتي جيعانة فطرتي بكري على 5.30 وكرشك تغني الصوت راحلها غير البريوش لي يسكتلك جوعك ههه ولي يسكت المغبونة هاديك لي بحاح صوتها
(نليق نخدم مع قناة سميرة نديرلهم الاشهار تاع الماكلة هههههه)
هيا في الاخير نتبع نفسي الشريرة وندخل في وسط هاديك الامواج وياريتني مادخلتش، تحس روحك راكب في التيتانيك ورايح يغرق الشعب يميل يمين ويسار وانا نميل معاهم
المهم من بعد ختكم ولات دارت تدريبات وليت كتر من سلاحف النينجا سبايدرمان ونحيتهالو
ونخرج في نص الشعب هاداك ونتعصر في نصهم (شفتو واش نحارب في خاطرا لبريوشة من المفروض يعطيوني الجائزة الذهبية تاع البريوش) وكي نخرج من تم نلقى القراصنة هادوك يدورو لتم باه يطيحو على الضحايا ويسرقولهم الغنائم
المهم بصحتكم علابالي كليتو معايا ههههههه
كانت هادي مغامرات مريومة المهبولة ومع البريوش
هي صح كنت نشري البريوش ولحكاية تشبه لهكا بصح زدتلها الاكشن من عندي ههههه
نتمنى يكون عجبكم الموضوع ودخلت ولو القليل من البسمة لوجوهكم
وصح فطوركم/ سحوركم
تحياتي
