فطائر الدجاج من مطبخي ~

[الزهرة الحمراء]

السلام عليكم احباب اللمة
صحا فطوركم وصحا صحوركم
راني عاودت جيتكم مرة خلاف بوصفة جديدة راهي عجبتني لمعيشة عندكم هنا :$
المهم بلا تكثار هدرة اليوم الوصفة من المعجنات وهي فطائر الدجاج
أولا رايحين نبداو بالمقادير تع العجين
*4 كاسات فرينة
نص كاس زيت
4 ملاعق حليب بودرة
ملعقة صغيرة ملح
ملعقة كبيرة خميرة
ماء دافيء

وطبعا كأي عجينة رايحا هادوك المكونات تع العجين كامل تخلطيهم بهداك الماء الدافيء وتخلي العجين بجيهة ترتاح وتخمر وتروحي توجدي لحشوة العجين وهنا الحشوة راهي اختياري كل وحدة واش تحب دير فيها

نروحو درك لمقادير الحشوة :
3 حبات بصل
ملعقة صغيرة ثوم
صدر تع دجاجة ولي تحب دير اللحم المفروم كل وحدة زيماه تحب
حبة بطاطا متوسطة الحجم مرحية
فلفل اسود ملح
وشوية معدنوس

في مقلة تجيبي هادوك الحبات بصل بعد ماتقطعيهم تقليهم مع شوية ملح وثوم وفلفل كحل

ومن جهة اخرى تكوني جبتي صدر الدجاج تقطعيه قطع صغيرة فالمقلة باه تقليه مع شوية زبدة هذا بعد ماتكوني فورتيه يعني نص طياب كي تشوفي الدجاج قريب يطيبلك ارميلو شوية معدنوس يطلق البنة

وهنا بعد مايتقلى الدجاج تاعك والبصل خلطيهم مع بعض وهاذيك الحبة تع البطاطا لي فورتيها من قبيل بعد ماتفرميها زيدي خلطيها معاهم كامل
من بعدة جيبي العجينة تاعك وابداي ادي منها قرصات صغار وحليهم هادوك القرصات وامليهم بالحشوة تاعك لي طيبتيها وزيدي في نصها شوية فرماج
وديريهم دوائر دوائر
كي تكملي دخليهم للفرن يطيبوا وكي تخرجيهم بالصحة والهناء

هدا هو شكلهم زيماه خرجولي
نتمنى يكون عجبكم وحتى ماعجبكمش لازم يعجبكم هههه
اتهلاو في بعضاكم والله يفارقنا بلا ذنوب
انتظروني في وصفة جديدة هههه :yahoo01::bravo01:
تحياتي
​

 

[شمس الاصيل2]

رد: فطائر الدجاج من مطبخي ~

اممم يعطيك الصحة

 

[لؤلؤة قسنطينة]

رد: فطائر الدجاج من مطبخي ~

السلام عليكم
وانا من الصباح نشم في ريحة مليحة تدور هنا في اللمة وهي من عندك هههه
هااااايلة ماتوقعتهاش تخرج هكا والله شهاتني صح اصلا نموت على العفايس هادو
ماشاء الله تاكلوها بالصحة والهنا وراني هزيت زوج دوايرات ليا وحدي خلي الباقي يتقاسموه ههه
شكرا حبوبتي على الوصفة وانا نقول الفحالة هادي وين مخبية هههه
نستناوك في وصفات اخرى ان شاء الله
بالتوفيق

​

 

[الحلم الوردي]

رد: فطائر الدجاج من مطبخي ~

السلام عليكي
اهلا اهلا بيك اختي ماجدة
نورتي الكوزينة
واشنو هد الريحة المليحة الي خارجة من كوزينتك
فطائر جاوك روووعة
الله يبارك
تسلم الايادي
بصحتكم حنونة
صحا فطورك
​

 

[الزهرة الحمراء]

رد: فطائر الدجاج من مطبخي ~

اممم يعطيك الصحة

الله يسلمك اختي
ومرحبا بيك في اي وقت
تحياتي

 

[الزهرة الحمراء]

رد: فطائر الدجاج من مطبخي ~

السلام عليكم
وانا من الصباح نشم في ريحة مليحة تدور هنا في اللمة وهي من عندك هههه
هااااايلة ماتوقعتهاش تخرج هكا والله شهاتني صح اصلا نموت على العفايس هادو
ماشاء الله تاكلوها بالصحة والهنا وراني هزيت زوج دوايرات ليا وحدي خلي الباقي يتقاسموه ههه
شكرا حبوبتي على الوصفة وانا نقول الفحالة هادي وين مخبية هههه
نستناوك في وصفات اخرى ان شاء الله
بالتوفيق

​

وعليكم السلام مصيبتي
ايه راهي خارجة من كوزينتي ههه
يعيشك حبوبة تاعي وربي يخليك
وادي قد ماتحبي بصحتك مبصح خلي شوية للجماعة درك يجو هههه
العفو غاليتي راني قتلكم فحلة انتوما ماصدقتوش ههه
تحياتي وبوركت على المرور​

 

[AmiR@RoRo]

رد: فطائر الدجاج من مطبخي ~

احم احم اححححم احححححححححححححم ههه شرقت
ممم اصبري مع المغرب ندوق ونقلك ادا بنان ولا لا
ههه يعطيك الصحة ميجو علابالي تحمري الوجه
يسلمو دياتك

 

[جليلوس]

رد: فطائر الدجاج من مطبخي ~

يمممم يممممم الحالة راهي تشهي هنااا
ريحة الخبز يا جدك دوختني راهي وصلت لهناااا
حراااام علييييك يااااو .... خليلي خبزة نفطر بيها
يعطيك الصحة ماجدة راكي قايمة بالكوزينة
تحيتي وصحا فطوركم
​

 

[{مُدَلَّلَتُهُ}]

رد: فطائر الدجاج من مطبخي ~

السلام عليكم و رحمة الله وبركاته

الله يبارك ميجو راكي ساجية يا عمريي بنتي كبرت و راهي تطيب ♥ ! يسلموو يبانو يشهو و الواحد جيعان خليلي حقي الزينة هيه ؟ !

صح فطوركم تاكلوهم بالصحة
​

 

[تـريـــاق المحـبـة]

رد: فطائر الدجاج من مطبخي ~

صحا فطورك ♥ الوصفة سهلة وباينة تشهي ماشاء الله عليك
يعطيك الصحة هايلة شكرا على الوصفة

 

[سكون الفجر]

رد: فطائر الدجاج من مطبخي ~

مممممممم والله شكله شهي جداً ما شاء الله
بارك الله فيكِ غاليتي، وصفة ولا اشهى الله يجعله صحة وهناء على قلوبكم
بصحتكم غاليتي

 

[sosobibicha]

رد: فطائر الدجاج من مطبخي ~

سلام عليكم
يم يمي مي مي ريحة هاااااااااايلة شهيتيني حتى انا راني جعانة شوية
الله يعطيك الصحة ^^
شكرا لك و بارك الله فيك
صحا فطورك ​

 

[الزهرة الحمراء]

رد: فطائر الدجاج من مطبخي ~

السلام عليكي
اهلا اهلا بيك اختي ماجدة
نورتي الكوزينة
واشنو هد الريحة المليحة الي خارجة من كوزينتك
فطائر جاوك روووعة
الله يبارك
تسلم الايادي
بصحتكم حنونة
صحا فطورك
​

وعليكم السلام حبوبتي
وبيك يعيشك ملوكتي
النور نوركم كالعادة
يبارك فيك حبوبة
الله يسلمك ويعطيك الصحة على المرور
تحياتي

 

[الزهرة الحمراء]

رد: فطائر الدجاج من مطبخي ~

احم احم اححححم احححححححححححححم ههه شرقت
ممم اصبري مع المغرب ندوق ونقلك ادا بنان ولا لا
ههه يعطيك الصحة ميجو علابالي تحمري الوجه
يسلمو دياتك

احم احم ميرا خذيلك سنيكرز هههه
بنان بلا ماتقوليلي :p
نعرف طياب يدي
بلا مزية حبيبتي
بوركت على المرور
تحياتي

 

[الزهرة الحمراء]

رد: فطائر الدجاج من مطبخي ~

يمممم يممممم الحالة راهي تشهي هنااا
ريحة الخبز يا جدك دوختني راهي وصلت لهناااا
حراااام علييييك يااااو .... خليلي خبزة نفطر بيها
يعطيك الصحة ماجدة راكي قايمة بالكوزينة
تحيتي وصحا فطوركم
​

بلعقل برك خويا جليلو
حرام عليا خاوتك ملهيه يقولولنا فنيانات ...وانت كي نجوا نبينو شطارتنا تقولنا حرام عليكم فهموا روحكم
بلا مزية خويا جليلو
بوركت على مرورك الطيب
تحياتي

 

[الزهرة الحمراء]

رد: فطائر الدجاج من مطبخي ~

السلام عليكم و رحمة الله وبركاته

الله يبارك ميجو راكي ساجية يا عمريي بنتي كبرت و راهي تطيب ♥ ! يسلموو يبانو يشهو و الواحد جيعان خليلي حقي الزينة هيه ؟ !

صح فطوركم تاكلوهم بالصحة
​

وعليكم السلام حبيبتي
يبارك فيك من بكري ساجية احم احم
ههههه شفتيني زيماه كبرت وعدت شاطرة
ماتخافيش خبيتلك حقك
بوركت غاليتي على مرورك الطيب
تحياتي

 

[الزهرة الحمراء]

رد: فطائر الدجاج من مطبخي ~

صحا فطورك ♥ الوصفة سهلة وباينة تشهي ماشاء الله عليك
يعطيك الصحة هايلة شكرا على الوصفة

الله يسلمك غلاتي
تعيشي حبوبة ربي يخليك
بوركت على المرور الطيب
تحياتي

 

[الزهرة الحمراء]

رد: فطائر الدجاج من مطبخي ~

مممممممم والله شكله شهي جداً ما شاء الله
بارك الله فيكِ غاليتي، وصفة ولا اشهى الله يجعله صحة وهناء على قلوبكم
بصحتكم غاليتي

السلام عليكم غاليتي سكون
وفيك بارك الرحمن
على قلوبنا وقلوبكم
يسلمك وبوركت علىلمرور الطيب
تحياتي

 

[الزهرة الحمراء]

رد: فطائر الدجاج من مطبخي ~

سلام عليكم
يم يمي مي مي ريحة هاااااااااايلة شهيتيني حتى انا راني جعانة شوية
الله يعطيك الصحة ^^
شكرا لك و بارك الله فيك
صحا فطورك ​

وعليكم السلام مهبولتي
مليح مرة على مرة كي تتشهاو :p:d
الله يسلمك وفيك بارك الله
بوركت على المرور الطيب
تحياتي غلاتي

 

[Skor m@k]

رد: فطائر الدجاج من مطبخي ~

السلام عليكم
واش ختي مجاجو خفتي متزوجيش هههه
قلتلكم تبورو دخلتو طيبو وتحطو كي نتي كي ختي مريم ههههه
نقصااتك شويا خبرة فالطياب فعلى هذا مزال باش تزوجي هههه
تبغو التزيار باش تزوجو هههه
نتمسخر برك ختي
مزيا راني شبعان لوكان هكذاك راكي شهيتيني هههه
خرجت هايلا
يعطيك الصحة​