- إنضم
- 4 جوان 2013
- المشاركات
- 8,214
- نقاط التفاعل
- 21,946
- النقاط
- 1,556
- محل الإقامة
- في وحد البلاصة ...
- الجنس
- ذكر
اهلا
لحباب كيراكم ان شاء الله بخير
واش معا رمضان صافا ياااك ؟؟
ماهوش غالبكم هههه :d
ايوا مابقاااش قد لي فااات .... ربي يقدرنا على صيامه وقيامه :up::up:
حبيت نقرعج اليوم شوياااا .... على طفولتنا البائسة كيفاش عشناها يا حسرااااااه على ليااام الزينة والله ماتتعاود
خلونا نبدلو شوي روتين القسم راهو راقد طوووول قتلوناااا بالرسمي حمبوكم بدلووو شوي تغمينااا
الوووغ احم احم كيما قاااع تعرفوااا احنا جيل زاااااد فالعشرية السوداء ، الإرهاااب مانحكيلكش يقطّع هههه الله لايبلينا بيه ...
اييييييه خونولنا دراهم لختانة قلنا ماعليش ياسيدي نكبرو ونلقاوهم في لاكاس ... ههههه كبرنا وماالقينا والوووو يا كلش بح بح :p
... فوتنا يامااات باردة معا خاوتناااا بضوء الشموع واحد راقد حدا واحد والضحك واللعب يا حسراااه
.... مرورا بالما يجي خطرة فالسمانة ونوض تزقي الما عند الجوارين كي يبدا الكابتن ماجد ولا حرام علييييك بويااا علاش علينااا علاش
... وصولا لسرقة الفواكه مالجناين ياربي تسامحناااا هههههه ماكنااش نعررفووو
و الهروب بالكلاكات تاع الملفاي الحمرة و صوتها المدمّر ، طاااخ طاااخ ههههههه :d:d كي تمشي بيها تحسب غليندايزر :p ..... اخدنا قسطنا من الضرب ب الشنڤلة تاع النيلون و السبتة لكحلة ، يا يمااااا كنا كي نشوفوهم نديرو كرامس زعما ربطوا صبع فوق صبع .... خاوتك يتسوطووو ايا ونتااا تستنى وينتااا تجي دالتك
... لعبنا ببالون شكارة حليب و جامي لقينا زيدان و رونالدو و روماريو في شوينغوم زيزو ، كانووو غير يحشولنا وكنا نية بزاااااف ياه يااااه ياااااااه ....
ومن بعد دوّرناها لبان سحري و الشيكولة تع الرّوز ، حكمنا اليتيمة بفرشيطة بصح قهرونا بالمجلس الشعبي الوطني ، تكون جااي من القراية على 12 باش تتفرج ماروكو ولا سامي هاوي التجارب العلمية تلقاه كي شغل عطاوك صفعة ايااا تكره حياتك وداك النهااار يفوووت gاااع صافا با ..... رسمنا ف الطابليات و عشقنا ملاعب العالم و حشاوهالنا ف السهرة الاوروبية ، شربنا نصف البحر الابيض المتوسط و رحنا للسطاد خيانة على والدينا و دسّينا كراس المراسلة ، لي كان فيه العجب تاااع النقااااط .... انا خاطيني كنت قراااي احم احم :d:dخدمنا طابي بالغلافات تاع فلاش فلاش كيفو مكاااش :d:d كنا نديرو روداااات بالسلك ونديرولهم vولون بالسلك ونجرو بيها في الزنق وفرحانين والدنيا هانية والقواطا تاع الطوماطيس لي نطلعو فوقهم ونشدوهم بخيط يحسبوو تروتينااات ههههههه بلا ماننسااااو لورمة ويااا شا كنااا نديرو بيهاااا ... الحرب تنوض عليهاااا :yahoo01: بلا ماننساو النيبلي هههههه
اياااا و كنا تاني نشرو شيكلات تاع عشرة دورو وبوشون تاع التشغيل بميات فرنك وحلوة تاع الزهر وبلا ماننساو لبسنا الصباط الاسطوري ناسطاز على بعضانا ونركبو بدالة فلبرويطة كي نروح نسقيو الماء هعععععععععع طفولة مسعفة تاع الصح
....كنا نروحو للجامع نحفظو القرءان من نيتنا و نستناو العيد غير على 20 دج '' دوميل فرنك " اللي كانت تبانلنا مصروف كبير هههه
كنا نلعبو بيها تشابااا هادي لي مايعرفهاااش ماكان علاه يسقسيني هههههههه قش العيد الصغير نجوزو بيه العيد الكبير كنا نخافو من والديناااا واش من خوف مانحكيلكمش والشيوخا تاع ليكون اهااااه الحاجة المليحة كنا نقراو مليح و نجيبو معدلات شابيين بلا تنقال ولا بلوتوث ضرك لا تربية لا اخلاق و يزيدو غير هات هات
تطورت الامور من عهد الوالكمان وصولا للآمبي طرواا ثم الهواتف ، و من عهد اللا اتصال الى الانترنيت و مرورا من الانلوجيك الى النيميريك و الاستون سيمبا و الشيروكي ، و مرورا من السكاي روك و الامسان الى الفايسبوك ، و مرورا من لبريمار الى السيام و الليسي و الجامعة نعم كبرنا و اكل علينا الغبار و شرب تغيرت الكثير من الامور و لن تبق في الحياة سوى ثلاث أشياء لا تتغير : الساعة لي يديروها فاليتيمة و الغلاف تع بيمو و موسيو لو بريزيدون هههه ربي يشافيه
اياا كل واحد يقولي رايو كي قرا الموضوع لاول مرة ... وواش كان يدير من طوايش في صغرووو
خيكم جليلو
:-r
واش معا رمضان صافا ياااك ؟؟
ايوا مابقاااش قد لي فااات .... ربي يقدرنا على صيامه وقيامه :up::up:
حبيت نقرعج اليوم شوياااا .... على طفولتنا البائسة كيفاش عشناها يا حسرااااااه على ليااام الزينة والله ماتتعاود
خلونا نبدلو شوي روتين القسم راهو راقد طوووول قتلوناااا بالرسمي حمبوكم بدلووو شوي تغمينااا
الوووغ احم احم كيما قاااع تعرفوااا احنا جيل زاااااد فالعشرية السوداء ، الإرهاااب مانحكيلكش يقطّع هههه الله لايبلينا بيه ...
اييييييه خونولنا دراهم لختانة قلنا ماعليش ياسيدي نكبرو ونلقاوهم في لاكاس ... ههههه كبرنا وماالقينا والوووو يا كلش بح بح :p
اياااا و كنا تاني نشرو شيكلات تاع عشرة دورو وبوشون تاع التشغيل بميات فرنك وحلوة تاع الزهر وبلا ماننساو لبسنا الصباط الاسطوري ناسطاز على بعضانا ونركبو بدالة فلبرويطة كي نروح نسقيو الماء هعععععععععع طفولة مسعفة تاع الصح
تطورت الامور من عهد الوالكمان وصولا للآمبي طرواا ثم الهواتف ، و من عهد اللا اتصال الى الانترنيت و مرورا من الانلوجيك الى النيميريك و الاستون سيمبا و الشيروكي ، و مرورا من السكاي روك و الامسان الى الفايسبوك ، و مرورا من لبريمار الى السيام و الليسي و الجامعة نعم كبرنا و اكل علينا الغبار و شرب تغيرت الكثير من الامور و لن تبق في الحياة سوى ثلاث أشياء لا تتغير : الساعة لي يديروها فاليتيمة و الغلاف تع بيمو و موسيو لو بريزيدون هههه ربي يشافيه
اياا كل واحد يقولي رايو كي قرا الموضوع لاول مرة ... وواش كان يدير من طوايش في صغرووو
خيكم جليلو
:-r
آخر تعديل بواسطة المشرف:
