حكايتنا في رمضان { مسابقة مهبول ومهبولة }

[جليلوس]

ياااو عليكم

كيراكم ان شاء الله ماخصكم والو ...
كيراكم معا رمضااان صافا صافا ولا ماصافاش خخخخخ

ايا ماعليش تجيكم في الصبر ... مابقاااش بزاااف

الميهوووم ارواحو نحكيلكم شوي على رمضااان في صغرنااا كيفاش عشناااه

هههههه
كيما تعرفو كامل النهار في وقتنا كان قصير واحنا صمنا في يامات الشتاااء ... كنا نتسحرو على ال 6 تاع الصباااح ، ونشربو الحليب ونروحو نقراو .... الكور فيه 45 دقيقة برك والعشية نخرجو على 2.30 نروحو نجرو للدار الحق ماتلحق خخخخ باش نتفرجو الكواسر والجوارح
هههههههه وتلقانا بعد الفطوور رافدين مطارق وندورو من زونقة لزونقة كواسر كواسر ههههههههه
اياا ومن بعد تجي يمااااك تقلك : هاك ذوق الحريرة اذا مليحة بنينة ولا خصها الملح

خخخخ
ممبعد قبل الغرب كانت تجي حصة خاتم سليمان وكل يوم بوراكة بوراكة ههههه اياااا المغرب كان ياذن على 5.30 ماكسيموم على 6 ههههه وتاكل كلش سخون وماتخلي والو في الطابلة ، ماشي كيما ضروك الما برك السهرة كانت تبدا على ال10 مور التراويح مع ولاد الحومة ها بصح مرااات كنا نخرجو خيانة ونرجعو قبل مايجي الشيباني من التراويح ...

كنااا نديرو حالة بالدربوكة والغميضة يا حسراااه

... الليل كان طويل ، نسهرو ونرقدو ونوضو نتسحرو وحنا جيعانين ههههه ونروحو فاطرين لليكون خخخخخ يا كي فاتت ليااام يااا ربي هااا

كنا نسناو العيد بفارغ الصبر غير باش نلبسو كسوتنا الجديدة ونخرجو نلعبو نيبلي ونلايمو دراهم ونخلو قشنا تاع العيد الصغير للعيد الكبير هههههه وكانت الشتا حالفة فينا

غير يجي العيد ماتصحااااش ياااه يا لياااام ياااه

جماعة الخير لي عندو كاش اضافة يزيدهااا في هاد الموضوع
ويعطيكم الصحيتووو بارك الله فيكم

ايا تفطروا بالصحة والهنااا ... وربي يتقبل منا ومنكم
خيكم جليلوس

​

 

[ضآحكة مستبشرة]

رد: حكايتنا في رمضان { مسابقة مهبول ومهبولة }

السلام عليكم اخي
ههههه فكرتنا في اليامات ياااه
علاش علاش قلبي الصغير لا يتحمل تذكر الذكريات
انا نشفى للعيد وحد العام خرجت لامود تاع تريكوات الصوف النساء كامل كانوا يخدموا
ماما خدمتلي واحد صفر فاقع هعههه كنت نموت عليه
و كان كي يوصل العيد تقول الشتاء ما نصحا لعياد كامل طاحت فيهم المطر
و رغم كل ذلك مانت يامات شابين
و اجمل حاجة كنت نحبها و مزال نحبها هي كي كنت نروح نقضي مع لعشية وحد الاجواء روعة صح تحسك بطعم رمضان
قلب اللوز و الزلابية و كل انواع الجي
و الناس تعيط و الذراري يجراو
و في العشرة الاواخر تحس بطعم العيد غير لمحارق تطرطق
اما ضرك راني حاسة بلي اطفال هاذا الجيل للاسف مراهمش عايشين طفولتهم
يغيضوني خاوتي معاشوش كامل حياتهم


شكرا عبدو على الموضوع روووووعة ​

 

[لؤلؤة قسنطينة]

رد: حكايتنا في رمضان { مسابقة مهبول ومهبولة }

السلام عليكم خويا جليل
واش لي عندو اضافة يزيدها هادي؟ نزيدو باطل حنا ؟ سلكنا نزيدولك اضافات ههههه :p
غير نضحك اييه يا حسراه على يامات بكري (بصح بيناتنا نتا في قسم "واش راك تهدر" تهدر على يامات بكري وهنا تحكي على يامات بكري واقيلا حاب تبكينا :cray02:
حتى من العبد ماشربش بزاف الماء في السحور دموعو نشفو ههههه) المهم ماديرش عليا خويا جليل هادا يسميوه جنون رمضان هههه
نوليو لموضوعك، عجبتني كي ذكرت البرامج تاع خاتم سليمان وكل يوم بوراكة بوراكة ومعاها جاري سخون هههههه يقدمها حميد عاشوري كنت نموت عليها
وتاني الكواسر كنت نتفرجو مع خالاتي كي نروح نصوم عندهم ايييه والله رجعتني لوقت لوكان نقولك بنين وحلو عسل وقليل
تشم ريحة الجاري والبوراك والكسرة والبرد في هاداك الوقت وانا زعما صغيرة لي نلقاه يتفرج نلصق فيه نتفرج معاه هههه ساع نلقى قدامي الكواسر
نولين تفرج معاهم بصح مفاهمة فيه والو ههههه نتبع معاهم برك ومن بعد يحطو الفطور وجدي كي نجي نفطر معاهم يشريلي واش من قلب اللوز وواش من قاطو
وواش من حلوى ومن بعد نتجمع مع خالاتي نفطرو كيف كيف ومن ورا الفطور تجي ماما وبابا يسهرو ويديوني زعما نروّح تجيني ساع خالتي الصغيرة (كتر عليا
بست سنين برك واقرب شخص ليها في الوجود انا تحكيلي حوايج ليا وماتحكيهمش ليماها ولخواتاتها هههه) المهم تحاولني تقولي قوليلهم يخليوك تقعدي
نولي نروح نحاولهم يقولولي زيدي باتي نولي نسوطي من الفرحة ههههههه، كانو يامات روووعة وكي يقرب العيد يبداو دار جداتي يديرو القاطوات مالا كي نخلص القراية
العشية على 2 كيما قلتها نتا نروح عندهم حتى يجي يديني بابا نروحو مالا كي نلقاهم دارو القاطو نقولهم اعطيوني نولي نهز شكارة ونحط فيها من كل نوع زوج حبات ههههه
ونخبيها في جيبي تاع الطابلية (المئزر) كي نروح تلقاني ماما جيوبي منفوخين كي تطل تلقى القاطو هههههه وكي يقرب العيد وزعما نخرجو باه نشري حاجة للعيد
نخرجو في السهرة مع خوالاتي دايما ويعجبنا الجو هاداك فليل كان روووعة، وفي الوقت هاداك والله ساعات كان العبد يمر بظروف ويضطر يلبس قش قديم للعيد وكان يخرج
فرحان كانت ماما زعما باه تنحيلنا العقدة تاع اللبس القديم تمشطلنا شعرنا وتطلقهولنا والبنات لوكان حتى تلبسلهم لبسة تاع طلاب وتطلقلهم شعرهم يفرحو ههههه
يعني المهم الشعر ممشوط + الحنة كنت مانقدرش نجوز العيد بلا حنة وللآن الحنة لازم في العيد، والله كانت فينا النية صح جيل دركا لازملو فيا لعيد 2 لبسات وفي العيد
الكبير لبسة وفي عاشوراء لبسة وفي السيزيام لبسة حنا حتى ولو لبسة قديمة نفرحو بيها وتاني تفكرت كنا نشريو الماسك كي نجيو مروحين في السهرة نلقاو حاطين لي ماسك
لي تلبسهم على وجهك نشفى عليها نشري ديما تاع البنات لي شعرهم صفر هههههه ونموت بالفرحة كي يشريولي واحد
والله يا خويا جليل كن نكمل ندخلك لعاشوراء هههههه والله يا خويا رجعتني لزمن غرقت فيه ماقدرتش حتى نفطن ربي ورحمتو هادا واش نقولو
شكرا خويا على الموضوع راني زدت درتلك جرنان ههه
تحياتي

​

 

[جليلوس]

رد: حكايتنا في رمضان { مسابقة مهبول ومهبولة }

السلام عليكم اخي
ههههه فكرتنا في اليامات ياااه

وعليكم السلام ورحمة الله
اهلا اختي اسماااء نورتي :-r
وااااه الصغر وااااه :yahoo01:

علاش علاش قلبي الصغير لا يتحمل تذكر الذكريات

تشباً ،، خخخخخ
ياربي مون كووووغ مايتحملش :d

انا نشفى للعيد وحد العام خرجت لامود تاع تريكوات الصوف النساء كامل كانوا يخدموا
ماما خدمتلي واحد صفر فاقع هعههه كنت نموت عليه

ياااو نشفالهم هيه
هههههه ها بصحتك تلبسي وتقطعي .... بكري بكري :p:p

و كان كي يوصل العيد تقول الشتاء ما نصحا لعياد كامل طاحت فيهم المطر
و رغم كل ذلك مانت يامات شابين

واااه الشتااا بصح تجي حلاوة العيييد
مي دروك البنة gاااع راحت

و اجمل حاجة كنت نحبها و مزال نحبها هي كي كنت نروح نقضي مع لعشية وحد الاجواء روعة صح تحسك بطعم رمضان
قلب اللوز و الزلابية و كل انواع الجي
و الناس تعيط و الذراري يجراو

تحس روحك آرgااااز
رحت تشري في رمضاااان ههههههههه ياااا حسراااه

و في العشرة الاواخر تحس بطعم العيد غير لمحارق تطرطق

وي والقاطووو اكديلي على المحروووق كانو يحgرونااا :sport02:

اما ضرك راني حاسة بلي اطفال هاذا الجيل للاسف مراهمش عايشين طفولتهم
يغيضوني خاوتي معاشوش كامل حياتهم

خاصة جيل تاع دروك مايعرف لا عيد لا والو
غير الجال وتيليفونااات والكيتمااان والهدرة والبلعيييط
بلا فايدة ... الطفولة ودعيهاااا والقى عليها السلام


شكرا عبدو على الموضوع روووووعة ​

العفو مرورك الاروع اختي
يعيطك الصحة شكرا لييييك

 

[حروف تائهة]

رد: حكايتنا في رمضان { مسابقة مهبول ومهبولة }

السلام عليكم ..... و عليكم اليااااااو ههه
اووو رمضان خلاص مابقى فيه والو ان شاء الله ربي يتقبل منا
ياحسراه على أيامات بكري كي كنا نفطرو معا 6 هههه
كنت بكري نخرج من المدرسة 2:30 نروح نجري نشوف كاشما يستحقو في الدار
و يولي قريب المغرب نخرج انا و ولاد و بنات الجيران نستنو الاذان
كي ياذن نوقفو في دائرة و نبدو نذنو معاه ههههههه
اياا ومن بعد تجي يمااااك تقلك : هاك ذوق الحريرة اذا مليحة بنينة ولا خصها الملح كنا احنا الذواقة هعهعهعهعهع
مشكور خويا على الموضوع
تقبل الله صيامك
تحياتي

 

[جليلوس]

رد: حكايتنا في رمضان { مسابقة مهبول ومهبولة }

السلام عليكم خويا جليل

اهلا وعليكم السلام ورحمة الله وبركااااته
هاااي جااات الجورناليستااااا مرحبا مرحبااا
اهلا بيييك اختي مريومة نورتينااا يعطيك الصحة
الله يصبرني على ردك :d

واش لي عندو اضافة يزيدها هادي؟ نزيدو باطل حنا ؟ سلكنا نزيدولك اضافات ههههه :p

نتي لي نورمالمون تخلصي راكي تحكي وتحكي وتحكي وتهربي :p
خلصي الدوووبل :yahoo01:

غير نضحك اييه يا حسراه على يامات بكري (بصح بيناتنا نتا في قسم "واش راك تهدر" تهدر على يامات بكري وهنا تحكي على يامات بكري واقيلا حاب تبكينا :cray02:
حتى من العبد ماشربش بزاف الماء في السحور دموعو نشفو ههههه) المهم ماديرش عليا خويا جليل هادا يسميوه جنون رمضان هههه

جنون رمضااان ولا غلبك راهووو مكمل علييييك ...
ارواحووو نديرو مندبة جماعية على صغرنااا لي رااااح في شربة مي :tongue02:
ههههههههههههههههههه

نوليو لموضوعك، عجبتني كي ذكرت البرامج تاع خاتم سليمان وكل يوم بوراكة بوراكة ومعاها جاري سخون هههههه يقدمها حميد عاشوري كنت نموت عليها
وتاني الكواسر كنت نتفرجو مع خالاتي كي نروح نصوم عندهم ايييه والله رجعتني لوقت لوكان نقولك بنين وحلو عسل وقليل

وااااه مهماا نحكيييو مانقدروش نعاودو نعيشوو مرة اخرى :d
يااا قوليلي نبكي دروك ولا نندب بالفرشيطة اااااه

تشم ريحة الجاري والبوراك والكسرة والبرد في هاداك الوقت وانا زعما صغيرة لي نلقاه يتفرج نلصق فيه نتفرج معاه هههه ساع نلقى قدامي الكواسر
نولين تفرج معاهم بصح مفاهمة فيه والو ههههه نتبع معاهم برك

قبيلة شقيف المطارg والجري ومشرمطيين خخخخخ
الجوارح من جيهة وهوما من جيهة :d:d هيهيهيهيهيهي
ياخي هبااال مسلسل والله مايتعاااود

ومن بعد يحطو الفطور وجدي كي نجي نفطر معاهم يشريلي واش من قلب اللوز وواش من قاطو
وواش من حلوى ومن بعد نتجمع مع خالاتي نفطرو كيف كيف ومن ورا الفطور تجي ماما وبابا يسهرو ويديوني زعما نروّح تجيني ساع خالتي الصغيرة (كتر عليا
بست سنين برك واقرب شخص ليها في الوجود انا تحكيلي حوايج ليا وماتحكيهمش ليماها ولخواتاتها هههه) المهم تحاولني تقولي قوليلهم يخليوك تقعدي نولي نروح نحاولهم يقولولي زيدي باتي نولي نسوطي من الفرحة ههههههه،

اممممم اسرار الدولة :p:p
فاقووو واااه اعترفي

كانو يامات روووعة وكي يقرب العيد يبداو دار جداتي يديرو القاطوات مالا كي نخلص القراية
العشية على 2 كيما قلتها نتا نروح عندهم حتى يجي يديني بابا نروحو مالا كي نلقاهم دارو القاطو نقولهم اعطيوني نولي نهز شكارة ونحط فيها من كل نوع زوج حبات ههههه
ونخبيها في جيبي تاع الطابلية (المئزر) كي نروح تلقاني ماما جيوبي منفوخين كي تطل تلقى القاطو هههههه

ههههههه يا لمقلشة تاااع دااار جداتهااا ... احنااا كنا ناكلو الgاااطووو المحروووق والمفتت :tongue02::tongue02:
نتي كنتي تديييه واااجد :yahoo01: نستعرف بييييك

وكي يقرب العيد وزعما نخرجو باه نشري حاجة للعيد
نخرجو في السهرة مع خوالاتي دايما ويعجبنا الجو هاداك فليل كان روووعة، وفي الوقت هاداك والله ساعات كان العبد يمر بظروف ويضطر يلبس قش قديم للعيد وكان يخرج
فرحان كانت ماما زعما باه تنحيلنا العقدة تاع اللبس القديم تمشطلنا شعرنا وتطلقهولنا والبنات لوكان حتى تلبسلهم لبسة تاع طلاب وتطلقلهم شعرهم يفرحو ههههه
يعني المهم الشعر ممشوط + الحنة كنت مانقدرش نجوز العيد بلا حنة وللآن الحنة لازم في العيد،

هههههههه مرااات كنااا نخيطووو نرgعوووو ياااا سيرتو لي كانو بزاااف فالدار
قش تاااع عام لي فاات نلبسوووه ودنيا هانية وفرحانين
هيه والحنة انا تاني نحبهااا في العيييد مانفوتووش بلا بيها ...
دوّيرة في اليد تكفي المهم نشوفهااا في يدي :yahoo01:

والله كانت فينا النية صح جيل دركا لازملو فيا لعيد 2 لبسات وفي العيد
الكبير لبسة وفي عاشوراء لبسة وفي السيزيام لبسة حنا حتى ولو لبسة قديمة نفرحو بيها وتاني تفكرت كنا نشريو الماسك كي نجيو مروحين في السهرة نلقاو حاطين لي ماسك
لي تلبسهم على وجهك نشفى عليها نشري ديما تاع البنات لي شعرهم صفر هههههه ونموت بالفرحة كي يشريولي واحد

هههههههههههه هبال والله ...
ولاد دروك عجب وصايي :tongue02::tongue02: خلي البير بغطاه

والله يا خويا جليل كن نكمل ندخلك لعاشوراء هههههه والله يا خويا رجعتني لزمن غرقت فيه ماقدرتش حتى نفطن ربي ورحمتو هادا واش نقولو

معلييييش ختي احكي على عاشوراء محرم زيدي شعبني هنااا نورمااال
عاادي تعجبني ردودك مشوقة يعطيك الصحة
ماعليش ماتبكيش خيتي تجيك في الصبر .. انا راني غرقت اللمة بالنديب والنحيب
والبكاااء على الاطلال وين نروووح نهدر على صغرنااا آآآه ياربي مايكونش غير رتور داااج
آآآي بالاك تأمني ههههههههههه

شكرا خويا على الموضوع راني زدت درتلك جرنان ههه
تحياتي

​

الله يحفظك ربي يهنييييييك
شكرا لتواجدك بارك الله فيك
يعطييييك الصحة :up::up:

 

[جليلوس]

رد: حكايتنا في رمضان { مسابقة مهبول ومهبولة }

السلام عليكم ..... و عليكم اليااااااو ههه

هههههههه
وعليكم السلام ورحمة الله
:d:d
​

اووو رمضان خلاص مابقى فيه والو ان شاء الله ربي يتقبل منا

وي ربي يقدرناااا على صيااام باقي أيااامه
الله اعتق رقابنا من النااار يااارب
​

ياحسراه على أيامات بكري كي كنا نفطرو معا 6 هههه
كنت بكري نخرج من المدرسة 2:30 نروح نجري نشوف كاشما يستحقو في الدار
و يولي قريب المغرب نخرج انا و ولاد و بنات الجيران نستنو الاذان
كي ياذن نوقفو في دائرة و نبدو نذنو معاه ههههههه

هههههههههههه هبال والله :yahoo01::yahoo01:
ياخي كناا نية بزاااف بزاااااف

​

اياا ومن بعد تجي يمااااك تقلك : هاك ذوق الحريرة اذا مليحة بنينة ولا خصها الملح كنا احنا الذواقة هعهعهعهعهع

يممممم وتمشي قدااام خاوتك وتزوووخ شوف شوف كي راني نذووووق
راني صايم مادوروش بيااااا هعععع :d
​

مشكور خويا على الموضوع
تقبل الله صيامك
تحياتي

العفو اختي سوزي نورتي
يعطيك الصحة بارك الله فيك :regards01:

 

["viola"]

رد: حكايتنا في رمضان { مسابقة مهبول ومهبولة }

سلااااام

هههههههههههه راك تجري يا بن عمي دهشت و انا نقرا ههههه

علابالك كل يوم بوراكة بوراكة قريتها باللحن ههههههههههه

و كنا دايما ننساو باللي صايمين نشربو الما و لا كشما ناكلو مبعد نفيقو :d يقولونا معليش كملو مكمش بلعاني هههه

و الكسوة تاع العيد تبات تحت الوسادة مافيهاش :thumb_up02:

ليامااات ياااه.. .ضركا السماطة تقول ما رمضااان -______-

يعطيك الشحة شَديكِي :pرااااك فووور ​

 

[{مُدَلَّلَتُهُ}]

رد: حكايتنا في رمضان { مسابقة مهبول ومهبولة }

السلام عليكم و رحمة الله وبركاته

جليلو راك كيما تاع بكري يضلو يحكو في الخريفات لولادهم خخخخ ضوك يدخلو جماعة الـ 2000 يقولك هاذي واش من عصر عاشو فيه طيحت علينا البق يعطيك النو

احم نرجعو للموضوع

تعقل كي كناا ما نصوموش و ما يخلوناش نقعدو معاهم في الطابعة واااع مازلت عافلة عليها خخخخخخخ و أول مرة صمت حطولي خاتم في كاسي تع الحليب و حرنتلهم فيها قالولي ضوك راكي صغيرة كي تكبري نعطوهالك أنا كبرت و الخاتم اختفت خخخخخ

ما عندي ما نزيد على موضوعك رجعتني لأيام زمااان يا حسراه

صح فطوركم

سلآمي
​

 

[AmiR@RoRo]

رد: حكايتنا في رمضان { مسابقة مهبول ومهبولة }

السلام عليكم
ايييه يا جليلو شبنت وراك كل مرة تفكرنا بقصة من صغرك هههه
تع صح كانو يامات حلوين
مالقري انا مالحقتش لنتفرج كواسرلا وجوارح عند 2 ونص خخخ
ايه وقش العيد ملي تشريه وانت رايح جاي تفقد فيه وتشوف كفاش راه وكفاش ولا شغل يتبدل مع ليام هههه
والفرحة لي طيح نهار ليلة العيد كنا نفوتو الليل فرحانين ونغنو ههه
وكي نجي نرقدي الللبسة قدامي ترقد من استيكات تع الشعر ومساسيك واللبسة وتقاشير وصباط كلش قدامي هههه كي نفيق نشوفها قدامي المورال يرفرف
نشفى مرة ماما نوضتني كان العيد صباح قاتلي ايا نوضي ماشي العيد لا قلتلها بصح ماجبناش الكبش قاتلي لا هدا العيد تع القاطو :yahoo01:
وانا من صغري مهووسة بالقاطو ونوض طاشة للصالة نشوف وش حطت ووش زوقت هههه :yahoo01:
وكي نشوف هداك المنظر تع الطببلة منوعة بالقاطو قلبي ينشرح لحد الآن خخخخ
يعطيك الصحة جليلو كل مرة تجبدلنا حكاية

 

[جليلوس]

رد: حكايتنا في رمضان { مسابقة مهبول ومهبولة }

سلااااام

وعليكم السلام ورحمة الله
اهلا فيولا نورتينااا يعطيك الخير :-r
​

هههههههههههه راك تجري يا بن عمي دهشت و انا نقرا ههههه

علابالك كل يوم بوراكة بوراكة قريتها باللحن ههههههههههه

ههههههههه هاو رانا نلعبو :yahoo01:
لازم الفور والموالاة هاكا تجي الحالة زاهية وزينة
ههههههههههههههههه آآآه يا كل يوم بوراااكة شوربة بالزيتون :d:d
لازم نتوشيلكم ليشونتيمون شوياااا لازم :p
​

و كنا دايما ننساو باللي صايمين نشربو الما و لا كشما ناكلو مبعد نفيقو :d يقولونا معليش كملو مكمش بلعاني هههه

كملو كملووو آآآ gليع gلبي هاد الكلمة عطاتني الأمل
غيييير نشبعوووو ومن بعد ساااهل ياربي ياااه
​

و الكسوة تاع العيد تبات تحت الوسادة مافيهاش :thumb_up02:

نباتو نحلمو بيها باش نلبسوهااا ... كون ماشي عيب نرقدوو بيها
وماتنسايش كل يوووم نgيسوهااا :d
​

ليامااات ياااه.. .ضركا السماطة تقول ما رمضااان -______-

يا كلش تبدل ياا حسرااااه
البنة رااااحت
​

يعطيك الشحة شَديكِي :pرااااك فووور ​

الله يشلمك خخخخ شحيتي شحيتي :yahoo01:
حفظك ^^

 

[جليلوس]

رد: حكايتنا في رمضان { مسابقة مهبول ومهبولة }

السلام عليكم و رحمة الله وبركاته

وعليكم السلام ورحمة الله
اهلا بيك خيتي نور الهدى نورتيناااا ... يعطيك الصحة

جليلو راك كيما تاع بكري يضلو يحكو في الخريفات لولادهم خخخخ ضوك يدخلو جماعة الـ 2000 يقولك هاذي واش من عصر عاشو فيه طيحت علينا البق يعطيك النو

خخخخخخ وااااه كبرت شبنت كيما قالت اميرة هههههههههه
ها ماتفضحيناااش .... خلينا نخارفووهم شويااا راهم نعسانين هاديك هيا يزيدو يرقدوو
آآآىه بالاك ينوضوا يندبو علينااا شا يسكتهم سيرتو الجيل الجديد مانحكيلكش ... شيكولا غير ديرلو هاااك يعيط :sport01:
عشنااا في العصر الطباشيري الذهبي ابريدي وطفي الضو يااااو ... قاتله طيحت علينا البق هس هس :d
راهم يتصنتوا عليناااا

احم نرجعو للموضوع

تعقل كي كناا ما نصوموش و ما يخلوناش نقعدو معاهم في الطابعة واااع مازلت عافلة عليها خخخخخخخ و أول مرة صمت حطولي خاتم في كاسي تع الحليب و حرنتلهم فيها قالولي ضوك راكي صغيرة كي تكبري نعطوهالك أنا كبرت و الخاتم اختفت خخخخخ

واااه يقولك ماتاكلووش معانا وكالين رمضااان
نوووض نووووض .... محروق لعظااام :d
هههههههههههه حشاوهالنا والله ... بصح سمحوووك في الخاتم
كوووون اناااا نحرg الاخضر واليابس عليهااا :sport02::sport02:
انا كنت نباgعه نهار بنهاااار خخخخخخخ كي كانت النية والعقلية زينة


ما عندي ما نزيد على موضوعك رجعتني لأيام زمااان يا حسراه

الله يحفظك خيتي بارك الله فيك

صح فطوركم

سلآمي
​

الله يسلمك وصحا فطوركم نتوما تاني
يعطيك الصحة بارك الله فيك ^^

 

[جليلوس]

رد: حكايتنا في رمضان { مسابقة مهبول ومهبولة }

السلام عليكم

اهلا وعليكم السلام ورحمة الله
مرحبا اميرة نورتي

​

ايييه يا جليلو شبنت وراك كل مرة تفكرنا بقصة من صغرك هههه

تع صح كانو يامات حلوين

​

واااه شفتي ياااو شبت الشعرة التالية بياضت خخخخخ
ههههههههههههه دنيااا ياااه
​

مالقري انا مالحقتش لنتفرج كواسرلا وجوارح عند 2 ونص خخخ

ايااا راطيتي ماعليش غير دروك وشوفيه ههههه :d
بصح راكي مخضرمة نورماااال ...

​

ايه وقش العيد ملي تشريه وانت رايح جاي تفقد فيه وتشوف كفاش راه وكفاش ولا شغل يتبدل مع ليام هههه
والفرحة لي طيح نهار ليلة العيد كنا نفوتو الليل فرحانين ونغنو ههه

هههههه كنا نية بزاااف والله
الغنية تاع العيييد اتصنتي تشوو خخخخ
غدوا العيييد غدوا العيييد نذبحو عيشة وسعيد :d:d
خخخخخ هباااال والله
​

وكي نجي نرقدي الللبسة قدامي ترقد من استيكات تع الشعر ومساسيك واللبسة وتقاشير وصباط كلش قدامي هههه كي نفيق نشوفها قدامي المورال يرفرف

كي العلام المورااال يطلع مليااار وتنوض ديراكت تلبس خخخخ
يا حسراااه كي كان العيد عييد واللبسة لبسة :tongue02:
​

نشفى مرة ماما نوضتني كان العيد صباح قاتلي ايا نوضي ماشي العيد لا قلتلها بصح ماجبناش الكبش قاتلي لا هدا العيد تع القاطو :yahoo01:
وانا من صغري مهووسة بالقاطو ونوض طاشة للصالة نشوف وش حطت ووش زوقت هههه :yahoo01:
وكي نشوف هداك المنظر تع الطببلة منوعة بالقاطو قلبي ينشرح لحد الآن خخخخ

ياخااااه على القاطووو ماتفكرينيش حمبووووك
ماتكتريش سيرتو نهار العيد آآآو يضرك .... ليسطوما عاد دير في ميزاجووور مسكينة
ماتخلعوووهاش
​

يعطيك الصحة جليلو كل مرة تجبدلنا حكاية

الله يسلمك اميرة ختي بارك الله فيك
شكرا لمرورك ... كل مانتفكر حاجة نقوللكم عليهااا ماتخموووش :regards02:

 

[شيماء مزيان]

رد: حكايتنا في رمضان { مسابقة مهبول ومهبولة }

رمضان لم يتغير بقي هو هو شهر ذا قيمة وهدا معروف الذين تغيروا هم البشر نسوا تقاليدهم وعاداتهم والله غيروا كل شيئ
ربي يتقبلو منا راض عنا غير غضبان اللهم امين يارب:regards01:

 

[tistissa dj-tissou]

رد: حكايتنا في رمضان { مسابقة مهبول ومهبولة }

يعطيك الصحة الاخ على الميضوع
ههه مام انا بكري نكحل على الطابلة تاع لفطور والله مانقعد حتى يكملوا كنت انا وصحبتي الناس تفطر وحنا لبرا تشوفو في لحالة فااارغة واحد ماكاين ناس كاملة تفطر
هه خويا راك انضممت الى عائلة المهابل اهلا وسهلا
​

 

[حفيدة الخنساء]

رد: حكايتنا في رمضان { مسابقة مهبول ومهبولة }

ههههههههههههه راائعة فكرتنا بايامات زمان
حتى انا لحقت رمضان في الشتا ..
نسيت المحارق ما قولتهمش ياخويا كانوا دايرين حالة
و لي مايشريش محارق يبكي كي البنات كي الدراري
يا حسرااه كانت حرب سلمية آما الأن ربي يستر كل يوم راه واحد ينصاب
المهم .. الحروب الأهلية تطورت ماشي غير بالمحارق هههههههه
ربي يحفظك نحيت على خاطري
​

 

[جليلوس]

رد: حكايتنا في رمضان { مسابقة مهبول ومهبولة }

رمضان لم يتغير بقي هو هو شهر ذا قيمة وهدا معروف الذين تغيروا هم البشر نسوا تقاليدهم وعاداتهم والله غيروا كل شيئ
ربي يتقبلو منا راض عنا غير غضبان اللهم امين يارب:regards01:

وي العيب راه فينااا حنا لي تبدلنا لوما الوقت بقا هو هو
الله يهدينا ويثبت علينا العقل والشهادة

المهم تقبل الله منا ومنكم
وبلغنا واياكم ليلة القدر المباركة لا فاقدين ولا مفقودين

يعطيك الصحة الاخ على الميضوع
ههه مام انا بكري نكحل على الطابلة تاع لفطور والله مانقعد حتى يكملوا كنت انا وصحبتي الناس تفطر وحنا لبرا تشوفو في لحالة فااارغة واحد ماكاين ناس كاملة تفطر
هه خويا راك انضممت الى عائلة المهابل اهلا وسهلا
​

الله يسلمك اختي الكريمة بورك فيييك :up:
هههههههه كنا نلعبو وقت الفطووور برااا تحس روحك الناجي الوحيد من هجوم النيازك :d:d
هيه وانتم المهابل اون باغصووون الله يحفظكم :yahoo01:

ههههههههههههه راائعة فكرتنا بايامات زمان
حتى انا لحقت رمضان في الشتا ..
نسيت المحارق ما قولتهمش ياخويا كانوا دايرين حالة
و لي مايشريش محارق يبكي كي البنات كي الدراري
يا حسرااه كانت حرب سلمية آما الأن ربي يستر كل يوم راه واحد ينصاب
المهم .. الحروب الأهلية تطورت ماشي غير بالمحارق هههههههه
ربي يحفظك نحيت على خاطري
​

ههههههه مرورك الاروع خيتي
ايا مزية راكي مخضرمة ... المحارق هوما بنة العيد
الله غالب كلش راح دروك وتبدل .... ههههههه دروك راها الحرب الباردة :yahoo01:
تغلط تخلص سيرتو معا الجيل هادااا ياربي تستر وخلاص

آمين ربي يهنيييك خيتي يعيشك ^^

 

[LINA LOLO]

رد: حكايتنا في رمضان { مسابقة مهبول ومهبولة }

السلام عليكم
ايييييييييييه صح يامات هايلين
واللبسة نتاع العيد ملي تشريها ونتا رايح جاي عليها من الفرحة كاش يصرالها هاك ولاهاك هههه

و لازم تكون تحت المخدة
والليلة نتاع العيد مانرقدش خلاص من الفرحة هههههه
يعطيك الصحة خويا على الموضوع تقبل الله صيامك



​

 

[جليلوس]

رد: حكايتنا في رمضان { مسابقة مهبول ومهبولة }

السلام عيكم
ايييييييييييه صح يامات هايلين
واللبسة نتاع العيد ملي تشريها ونتا رايح جاي عليها من الفرحة كاش يصرالها هاك ولاهاك هههه

و لازم تكون تحت المخدة
والليلة نتاع العيد مانرقدش خلاص من الفرحة هههههه
يعطيك الصحة خويا على الموضوع تقبل الله صيامك



​

وعليكم السلام ورحمة الله
اهلا بيك خيتي :up: نورتينااا
واااه يا الدنيااا وااااه
هههههههههههه اواااه فرحة العيد داك الوقت كانت عندها وحد البنة ماتتصورش
الله يسلمك شكرا لمرورك ... صحا عيدكم مسبقااا
تقبل الله منا ومنكم :-h