طفولتك أيها العضو/ة اللماوي تحت عدساتنا(العدد العاشر) أميرته

[أم الأولاد]

بعد وضعنا فكرة جديدة هي



طفولتك أيها العضو/ة اللماوي تحت عدساتنا

نقوم بدعوة سابع عضوة معنا لمدة أسبوع وهي الأخت


آمِيْرَتُه

والتي نضعها تحت عدستنا اللماوية للتعرف عالمها الطفولي البري ء

بعض الأسئلة :


-هل كنتِ مشاكسة أم هادئة أيام الطفولة ؟

​

-ماهي لعبتك المفضلة التي كنتي تلعبين بها ؟
-اسم أفضل صديقة لديكِ في الطفولة وهل مازلت معك ؟



أهلا وسهلا بك أختي الكريمة
نتمنى أن تعجبك الضيافة
والرجاء من بقية الأعضاء سؤال الضيفة وأن جلسة ممتعة



للتذكير



شهادة شرفية للضيف

أما العضو الاكثر تفاعلا يتم منحه وسام
​

الطفولة . . عالمٌ مُخمليّ ، مُزدانٌ بقلوبٍ كالدُرر ، وأرواحٌ باذِخة الطُهر.





كونوا معنا

​

 

[آمِيْرَتُه]

رد: طفولتك أيها العضو/ة اللماوي تحت عدساتنا(العدد العاشر) أميرته

السلام عليك آختي
شكرا على الدعوة بارك الله فيك
إن شاء الله نقضي أوقاتا ممتعة مع بعض

بعض الأسئلة :


-هل كنتِ مشاكسة أم هادئة أيام الطفولة ؟

كنت فالوسط يعني مرات مشاكسة و مرات هادئة حسب المزاج :thumb_up02:

-ماهي لعبتك المفضلة التي كنتي تلعبين بها ؟

واقيلا راح تجيكم بيزاغ و الله كنت نبغي كرة القدم كنت نلعب مع ولاد الحومة و كنت نلعب حارسة بما أني طويلة هه و كنت تاني نبغي نتاع مرات نلعبو الراجل و مرته و الولاد

-اسم أفضل صديقة لديكِ في الطفولة وهل مازلت معك ؟

فكرتيني بيها هههه المهبولة سموها عقبية كانت تكره اسمها و مازالت معقدة منه و كنا نعيطولها pitta هي تزوجت و راهي بزوج ولاد و لكن ساعات نتلاقو و نشوف بعض :$

 

[AmiR@RoRo]

رد: طفولتك أيها العضو/ة اللماوي تحت عدساتنا(العدد العاشر) أميرته

السلآم عليكم
اهلا وسهلا منمن

شحال كان اعلى معدل جبتيه فصغرك ؟
كنتي عنيد ولا سمعا وطاعة ههه ؟
الكرتون لي كنت تحبيه اكتر ؟
اغنية تع كرتون مزلت حافظتها ههه؟
المهنة لي كنت ديما تحلمي بيها؟
يكفو هادو درك كاش ما نتفكر نرجع

 

[آمِيْرَتُه]

رد: طفولتك أيها العضو/ة اللماوي تحت عدساتنا(العدد العاشر) أميرته

السلآم عليكم
اهلا وسهلا منمن

آهلا حبيبتي

شحال كان اعلى معدل جبتيه فصغرك ؟

جبت 16,45

كنتي عنيد ولا سمعا وطاعة ههه ؟

لا سمعا و طاعة امي هههه

الكرتون لي كنت تحبيه اكتر ؟

في قرية توت و تاني سالي

اغنية تع كرتون مزلت حافظتها ههه؟

أنا و أخي شوقا يدفعني لأراها أمي ذكرى لا أنساها هههه

المهنة لي كنت ديما تحلمي بيها؟

صحافية
يكفو هادو درك كاش ما نتفكر نرجع

ان شاء الله مشكورة راني نقارع فيك

 

[السلطانة]

رد: طفولتك أيها العضو/ة اللماوي تحت عدساتنا(العدد العاشر) أميرته

اهلا وسهلا بيك منمن

واش من طاولة كنتي تقعدي فيها في القسم هههه ؟
واش اللمجة لي كنتي تحبي تديها معاك ؟
الميكي لي كنتي تحلمي تكوني كيما هي هههه ؟

مرحبا بيك

 

[sosobibicha]

رد: طفولتك أيها العضو/ة اللماوي تحت عدساتنا(العدد العاشر) أميرته

سلام عليكم
اهلا و سهلا بك اختي ان شاء الله تقضي اوقات ممتعة و طيبة
*/*/*/*/*/*/*
بعض الاسئلة :

1/هل كانت شخصيتك قوية أم مغلوب عليها ؟
2/اســم دلعك بالطفولـه لحد الآن ينادونك فيـه ؟ وماهو ؟
3/هل عندك لعبـه موجوده من صغرك إلى الآن واذا كنت محتفظ فيها ؟ وماهي ؟
4/مكان معلق في ذاكرتك من طفولتك ؟ ولماذا ؟​

ان شاء الله تكون اسئلة خفيفة
في امان الله​

 

[آمِيْرَتُه]

رد: طفولتك أيها العضو/ة اللماوي تحت عدساتنا(العدد العاشر) أميرته

اهلا وسهلا بيك منمن

و بيك شوشو

واش من طاولة كنتي تقعدي فيها في القسم هههه ؟

في ميزك هه الطاولة الأخيرة قسمنا بابه كان جاي في الأخير يعني اول تلاميذ لي يخرجو لي يكون قاعدين في الأخير :up: باش نخرج أنا الاولى

واش اللمجة لي كنتي تحبي تديها معاك ؟

مكانتش عندي لمجة مفضلة لي نلقاها نجرها هههه

الميكي لي كنتي تحلمي تكوني كيما هي هههه ؟

سالي حتى ان كنت في دار نلعب الدور بالمخايد هههه

مرحبا بيك

وبيك شكرا على المرور

 

[آمِيْرَتُه]

رد: طفولتك أيها العضو/ة اللماوي تحت عدساتنا(العدد العاشر) أميرته

سلام عليكم
اهلا و سهلا بك اختي ان شاء الله تقضي اوقات ممتعة و طيبة
*/*/*/*/*/*/*

إن شاء الله مشكورة
بعض الاسئلة :

1/هل كانت شخصيتك قوية أم مغلوب عليها ؟

قوية جدا حتى أن كنت دايرة عصابة هههه

2/اســم دلعك بالطفولـه لحد الآن ينادونك فيـه ؟ وماهو ؟

منيني منهار جيت لدنيا هذي و هما يعيطولي بيه ليومنا هذا

3/هل عندك لعبـه موجوده من صغرك إلى الآن واذا كنت محتفظ فيها ؟ وماهي ؟

نعم عباردة عن دبدوب صغير

4/مكان معلق في ذاكرتك من طفولتك ؟ ولماذا ؟​

بيتنا القديم و بالتحديد في الصقيفة ' الرواق ' كان بيتنا نتاع جيران يعني نسكنو مع الجيران و فالصقيفة كان كاين بيت يسكنو فيه زوج خوت رفع القلم عنهم كونا كي نبغو نفوتو يخرجو يديهم من وحد الفتحة من الباب ظفارهم طوال كنا متخيلين انهم جنية تسكن بالبيت المهم لازم كي نفوتو لازم نجرو و نتوغو هههه المهم كنا عايشين الرعب

ان شاء الله تكون اسئلة خفيفة
في امان الله​

مشكورة على المرور

 

[AmiR@RoRo]

رد: طفولتك أيها العضو/ة اللماوي تحت عدساتنا(العدد العاشر) أميرته

راني رجعت
قلتي بلي كنتي تحبي تلعبي كرة القدم مع ولاد فالحومة! كنتي مسترجلة ملا هههه
اول نهار صمتيه شحال كان فعمرك ؟ودارولك فطور حطة وزردة ؟ههه
دارولك الشدة فالمولد ولا جامي ههه؟
موفقة ^^

 

[آمِيْرَتُه]

رد: طفولتك أيها العضو/ة اللماوي تحت عدساتنا(العدد العاشر) أميرته

راني رجعت
قلتي بلي كنتي تحبي تلعبي كرة القدم مع ولاد فالحومة! كنتي مسترجلة ملا هههه

حاشة فرق بين تلعبي مع ولاد و فرق بين انك تكوني مسترجلة

اول نهار صمتيه شحال كان فعمرك ؟ودارولك فطور حطة وزردة ؟ههه

كنت صغيرة بزاف حنا فالغرب كي يصوم طفل و لا طفلة يلبسوه لباس تقليدي مثلا البنات الشدة و يديرو فطور يكون شباب و يلبو طلب الطفلة الصائمة الحاجة لي تبغي تاكلها يطيبو ليها كان عندي 5 سنوات

دارولك الشدة فالمولد ولا جامي ههه؟

لا لبسوني المنصورية كانت عندي وحدة فالموف

موفقة ^^

مرسي على المرور

 

[رابح66]

رد: طفولتك أيها العضو/ة اللماوي تحت عدساتنا(العدد العاشر) أميرته

السلام عليكم

مرحبا بأختي أميرته نتمنى تكوني بخير والزوج الكريم
نتمنى لأختي إقامة طيبة بيننا
نبدأ في الأسئلة :
ختي كانت من النوع البكاي منزوية وإلا خلوطة ومرحة ؟
كنت تشارك لبنات في ألعابك ولا من النوع حاجتي حاجتي ؟
كنت تخافي من الظلمة وإلا لالا ؟
كانت عندك خربشات على الورق والحائط أم لا ؟
هل طيبتي حاجة وفرحوا بيك ولا حتى بلغتي باش طيبتي ؟
نتمنى ماكنتش ثقيل على ختي بأسئلتي
ربي ينهيك ويريح بالك وموفقة إن شاءالله​

تقبلوا تحياتي

 

[الحلم الوردي]

رد: طفولتك أيها العضو/ة اللماوي تحت عدساتنا(العدد العاشر) أميرته

اهلا بالاخت امنة
اسئلتي
أجمل شيء في الطفولة وش هي!
طفولتك كيف تصفها في بضعة أسطر؟
أغرب موقف صرالك وأنت صغير؟
أطرف موقف صرالك وانت في المدرسة؟
مازالت لكي لعبة تحتفظين بها؟
لي عودة ان شاء الله

 

[آمِيْرَتُه]

رد: طفولتك أيها العضو/ة اللماوي تحت عدساتنا(العدد العاشر) أميرته

السلام عليكم

وعليكم السلام

مرحبا بأختي أميرته نتمنى تكوني بخير والزوج الكريم

الحمد لله وانت كذلك

نتمنى لأختي إقامة طيبة بيننا

إن شاء الله
نبدأ في الأسئلة :
ختي كانت من النوع البكاي منزوية وإلا خلوطة ومرحة ؟

شوية هاك و شوية هاك

كنت تشارك لبنات في ألعابك ولا من النوع حاجتي حاجتي ؟

بما أن الوالدة كانت خياطة كانو عندي عرايس بزاف بنات الحومة ديما مور العصر يجو يطبطبو عليا كاش عرايس ههه كنت نمد ماما معلمتني نتقاسم معهم الحاجات منكونش أنانية

كنت تخافي من الظلمة وإلا لالا ؟

يا حسراه كنت كي صدام ربي يرحمه ههه كانو خوتي كبار عليا يخافو و أنا لا

كانت عندك خربشات على الورق والحائط أم لا ؟

خربشات على الدفتر العائلي هههه حكمته خطرة نلعب فيها نخدم في البلدية ههه بهدلته بالدوائر مازالت لدرك قاعدة

هل طيبتي حاجة وفرحوا بيك ولا حتى بلغتي باش طيبتي ؟

كنت مين نداك نطيب لاتاي و نقلي بطاطا لأن الوالدة كانت تخدم

نتمنى ماكنتش ثقيل على ختي بأسئلتي

بالعكس فرحت بشوفتك خيو :$

ربي ينهيك ويريح بالك وموفقة إن شاءالله​

اللهم آمين و أنت بالمثل

تقبلوا تحياتي

شكرا على تواجدك

 

[آمِيْرَتُه]

رد: طفولتك أيها العضو/ة اللماوي تحت عدساتنا(العدد العاشر) أميرته

اهلا بالاخت امنة
اسئلتي
آهلا حبيبتي

أجمل شيء في الطفولة وش هي!
طفولتي كانت فيها ميزة يعني انا عشت مع ماما بدون وجود الاب فكنت مدلة بزاف خويا مكانش يبغي عليا كان محسسني أن أنا حاجة غالية عندهم هذي الحاجة الجميلة لي نتفكرها بزاف آمنة لؤلؤة البيت :p
طفولتك كيف تصفها في بضعة أسطر؟

هدوء شغب سعادة

أغرب موقف صرالك وأنت صغير؟

ضربتني لوطو مع صحبتي و مخبرتش دارنا ليومنا هذا هههه

أطرف موقف صرالك وانت في المدرسة؟

كاين بزاف مواقف نتفكر منها ان مرة في اختبار الاملاء عوجت الكتبة ههه و كنت خايفة من العلامة ملا كي مديت الدفتر حطيت فيه ورقة كتبتلها كنت خائفة لأن هناك شخص ينتظرني في الخارج سيسرقني ههههه و هذي حكاية حكاتهالي اختي بليلة قبل و كنت عاقلة عليها و كي رحت للمدرسة بالي غير فالخارج نستنى نخرج و يسرقني السراق هههه

مازالت لكي لعبة تحتفظين بها؟

دبدوب صغير

لي عودة ان شاء الله

ان شاء الله مرحبا بيك غاليتي

 

[AmiR@RoRo]

رد: طفولتك أيها العضو/ة اللماوي تحت عدساتنا(العدد العاشر) أميرته

مساء الخير
ههههه يا ختي والله يا سراق ينتظرني ضحكتيني هه فكرة براءة

منيني كانت غيورة من اخوتها وصديقاتها ولا عادي ؟
جربتي الهروب الجماعي منا لمدرسة فصغرك؟
كانت عندك حاجة كنتي متعلقة بيها بزاف وين تروحي تديها معاك كما دمية ولا لعبة ؟
كنتي تقراي فالجامع ولا لا ؟
كنتي تشحني على الحاجة لحتى تديها ولا تسمعي الكلام ؟
المادة لي كنتي شاطرة فيها كتر وش هي ؟
امسية طيبة

 

[آمِيْرَتُه]

رد: طفولتك أيها العضو/ة اللماوي تحت عدساتنا(العدد العاشر) أميرته

مساء الخير
ههههه يا ختي والله يا سراق ينتظرني ضحكتيني هه فكرة براءة

مساء الفل هه و الله مازال نعقل على هذاك نهار حتى المعلمة طلبت باه تشوف ماما

منيني كانت غيورة من اخوتها وصديقاتها ولا عادي ؟

نو عادي مكانش عندي مشكل من ناحية الغيرة

جربتي الهروب الجماعي منا لمدرسة فصغرك؟

لا كانت عندنا معلمة واعرة وزيد جارتنا ههه جامي جربته فقط نعقل كانت عندنا نافذة ترقب على فناء بيوت المعلمين نقزت منها رحت شريت كارنتيكا و رجعت هههه

كانت عندك حاجة كنتي متعلقة بيها بزاف وين تروحي تديها معاك كما دمية ولا لعبة ؟

كانت عندي لعبة عبارة عن كلب متصورة بيها كنت نظل رافدته وين يروح يروح معايا

كنتي تقراي فالجامع ولا لا ؟

ياخاه رحت خطرة مرجعتش هه كان الشيخ واعر يضرب بزاف

كنتي تشحني على الحاجة لحتى تديها ولا تسمعي الكلام ؟

نو نسمع الكلام

المادة لي كنتي شاطرة فيها كتر وش هي ؟

فالمدرسة كنت نموت على الحفيظة هههه تاريخ جغرافيا درسة الوسط بصح اكر حاجة كنت نتقنها هي التعبير و القراءة بدون اخطاء كي ننطلق منسكتش ههه
امسية طيبة

أمسيتك سعيدة حبيبتي و متقلقتش متخافيش هههه

 

[رابح66]

رد: طفولتك أيها العضو/ة اللماوي تحت عدساتنا(العدد العاشر) أميرته

السلام عليكم

جمعة مبارك لأختي وحبابها كاملين
ونتمنى أنك ومن حولك في صحة وهناء
رجعت لأختي ببعض الأسئلة
هل كانت ختي ممن يحبون لحجايات ولحكايات في السهرات ؟
هل كنت تروحي عند جدودك في العطل و وكنت محبوبة عند الجدة ولا الجد ؟
هل كانت ختي أكولة وإلا من النوع الممتنع عن الأكل إلا قليلا ؟
واش من صورة راسخة في ذهنك من جيرانكم سيئة كانت أو جميلة ؟
تحياتي الخالصة لأختي والسبع تاعها​

تقبلوا تحياتي

 

[miss victoria]

رد: طفولتك أيها العضو/ة اللماوي تحت عدساتنا(العدد العاشر) أميرته

فكرة ملييحة

باينة كانت عندك طفوولة رائعة

 

[السلطانة]

رد: طفولتك أيها العضو/ة اللماوي تحت عدساتنا(العدد العاشر) أميرته

أهلا وسهلا من جديد

هل كنتي تتفرجي الكوميك تاع :

ماجمل الطفولة وايام الشباب هههههه كلها كلها جميلة
نشفالو كان يبدى في اليتيمة طبعا الراعي الرسمي للكوميكات تاع دزاير خخخخخخخ

وهل تفرجتي :انا اسمي روبوتان روبو روبو روبوتان هههه
هاذي اغاني الرسوم لي جات في بالي درك جيت نفكرك بيها



​

 

[أم الأولاد]

رد: طفولتك أيها العضو/ة اللماوي تحت عدساتنا(العدد العاشر) أميرته

الرجاء التفاعل مع الموضوع