طفولتك أيها العضو/ة اللماوي تحت عدساتنا(العدد15)sarakoukou

[أم الأولاد]

بعد وضعنا فكرة جديدة هي



طفولتك أيها العضو/ة اللماوي تحت عدساتنا

نقوم بدعوة ضيفة جديدة معنا لمدة أسبوع وهي الأخت


sarakoukou



والتي نضعها تحت عدستنا اللماوية للتعرف عالمها الطفولي البري ء

بعض الأسئلة :


-هل كنتِ مشاكسة أم هادئة أيام الطفولة ؟

-ماهي لعبتك المفضلة التي كنتي تلعبين بها ؟
-اسم أفضل صديقة لديكِ في الطفولة وهل مازلت معك ؟



أهلا وسهلا بك أختي الكريمة
نتمنى أن تعجبك الضيافة
والرجاء من بقية الأعضاء سؤال الضيفة وأن جلسة ممتعة



للتذكير

​

​

شهادة شرفية للضيف

​

​

​

أما العضو الاكثر تفاعلا يتم منحه وسام ​

​

​

الطفولة . . عالمٌ مُخمليّ ، مُزدانٌ بقلوبٍ كالدُرر ، وأرواحٌ باذِخة الطُهر.

​

​

 

[يونس قاسم]

رد: طفولتك أيها العضو/ة اللماوي تحت عدساتنا(العدد15)sarakoukou

السلام عليكم
اهلا بك سارة او اهلا بنا في ضيافتك هههههه
بالتوفيق لك
شكون لي اعطاك اسمك؟

 

[ثَسْكُورْثْ نَثْدُوكْلِي]

رد: طفولتك أيها العضو/ة اللماوي تحت عدساتنا(العدد15)sarakoukou

بعد وضعنا فكرة جديدة هي



طفولتك أيها العضو/ة اللماوي تحت عدساتنا

نقوم بدعوة ضيفة جديدة معنا لمدة أسبوع وهي الأخت


sarakoukou



والتي نضعها تحت عدستنا اللماوية للتعرف عالمها الطفولي البري ء

بعض الأسئلة :


-هل كنتِ مشاكسة أم هادئة أيام الطفولة ؟

-ماهي لعبتك المفضلة التي كنتي تلعبين بها ؟
-اسم أفضل صديقة لديكِ في الطفولة وهل مازلت معك ؟



أهلا وسهلا بك أختي الكريمة
نتمنى أن تعجبك الضيافة
والرجاء من بقية الأعضاء سؤال الضيفة وأن جلسة ممتعة



للتذكير ​

شهادة شرفية للضيف

​

​

أما العضو الاكثر تفاعلا يتم منحه وسام ​

الطفولة . . عالمٌ مُخمليّ ، مُزدانٌ بقلوبٍ كالدُرر ، وأرواحٌ باذِخة الطُهر.

​

​

وعليكم السلام ورحمة الله
شكراا اختي الطيبة ع الإلتفاتة الجميلة
ان شاء الله تكون الطفلة صارة :p عند حسن ظنكم :d
بالتوفيق لكم

​

 

[ثَسْكُورْثْ نَثْدُوكْلِي]

رد: طفولتك أيها العضو/ة اللماوي تحت عدساتنا(العدد15)sarakoukou

بعض الأسئلة :


-هل كنتِ مشاكسة أم هادئة أيام الطفولة ؟


كنت هادئة جدََا وتتخللها بعض من المشاكسات المتهورة ..



-ماهي لعبتك المفضلة التي كنتي تلعبين بها ؟

بصرآحة لم تكن لديا لعبة مفضلة

ألعابي متنوعة و عشوائية المهم نلعب برك خخخ

كنت أحب ألعاب الأطفال غير البنات مثل الطيارة و الأسلحة والسيف :d

حتى أني كنت ألعب كاراطي دو :sport02::d

أما بخصوص ألعاب باربي و ماشابهها فكانت ناادرة في قائمة ألعابي

-اسم أفضل صديقة لديكِ في الطفولة وهل مازلت معك ؟

مممم أفضل أفضل صديقة :-r
غالباا ما ألعب مع بنات و أطفال الحي
لكن كانت ابنة عمي قريبة جداا مني

كبرنا و افترقنا

...


شكراا ع الأشئلة ^^

​

 

[ثَسْكُورْثْ نَثْدُوكْلِي]

رد: طفولتك أيها العضو/ة اللماوي تحت عدساتنا(العدد15)sarakoukou

السلام عليكم
اهلا بك سارة او اهلا بنا في ضيافتك هههههه
بالتوفيق لك
شكون لي اعطاك اسمك؟

^^ وعليكم السلام أخي الطيب يونس أو قاسم
وبك اهلا نورت

بصراحة الاسم من طرف احدى القابلات عرضت على والدتي ثلاث أسماء
مريم ...صارة...صبرينة

فاختارت أمي صرصورة :p:-r
هذه حكاية اسمي غير مخطط بل ضربة حظ


بالتوفيق لك أيضا
شكراا

​

 

[السلطانة]

رد: طفولتك أيها العضو/ة اللماوي تحت عدساتنا(العدد15)sarakoukou

اهلا وسهلا بيك

واش نوع الحلوى لي كنتي تحبي تشريها ؟

في العيد كنتي تجملي دراهمك واش تديري بيهم ؟

كاش نهار حقرتي طفلة ولاطفل واش درتيلهم ههه ؟
​

 

[زهرة اللمة]

رد: طفولتك أيها العضو/ة اللماوي تحت عدساتنا(العدد15)sarakoukou

اهلا و سهلا سارة
طفولتك في كلمة
موقف لا ينسى
لي عودة ان شاء الله

 

[الحلم الوردي]

رد: طفولتك أيها العضو/ة اللماوي تحت عدساتنا(العدد15)sarakoukou

السلام عليكي
اهلا بالاخت سارة
واش راكي حنونة
اسئلتي
أجمل شيء في الطفولة وش هي!
طفولتك كيف تصفها في بضعة أسطر؟
أغرب موقف صرالك وأنت صغير؟
أطرف موقف صرالك وانت في المدرسة؟
مازالت لكي لعبة تحتفظين بها؟
لي عودة ان شاء الله
​

 

[Malika Tlm]

رد: طفولتك أيها العضو/ة اللماوي تحت عدساتنا(العدد15)sarakoukou

مساء النور
نتمني لك اقامة طيبة
حبيبة قوليلي
كيفاش جوزت طفولتك؟
هل كنت مدللة؟
كيفاش كنتي فقرايتك نجيبة ولا العكس؟
عندك كانش لباس ولا لعبة نتاع صغرك مزالك محافظة عليهم لدروك؟
نتمني منكونش طولت عليك
تحياتي لك

 

[الحلم الوردي]

رد: طفولتك أيها العضو/ة اللماوي تحت عدساتنا(العدد15)sarakoukou

راني وليت من جديد
هل صرالك مشاكل مع التلاميذ اللي كنت تقري معاهم ؟
النوع تاع الحلوى لي كنتي تحبي ديما تاكليه ؟
نشيد كنت تحبينه أيام الطفولـه ؟
اي سنة في مشوارك الدراسي تعتابريها اجمل سنة ؟
واش من مادة كرهتيها و مازال تكرهيها ؟
واش من حكاية تحبي من حكايات بكري ممكن اسمها ههه؟
هل تتمني ترجعي لطفولتك وعلاش؟
لي عودة ان شاء الله
:sport02:​

 

[ثَسْكُورْثْ نَثْدُوكْلِي]

رد: طفولتك أيها العضو/ة اللماوي تحت عدساتنا(العدد15)sarakoukou

:-r

اهلا وسهلا بيك

وبك أهلا نورت ^^

واش نوع الحلوى لي كنتي تحبي تشريها ؟

كنت نحب وحد الحلوى ههه كل نهار الجمعة تتوفر عندنا ونقولولها
حلوة السميد كيشغل مكعبات حمراء يتباعو غير في السوق بالجمعة :p ومعاهم نوع اخر اعمدة وزيقومار :d و كابريس
:d


في العيد كنتي تجملي دراهمك واش تديري بيهم ؟


ايه والله كنت نخبيهم مي توجور ماعنديش الزهر فيهم ههه نخبي نخبي و كي نروح نشري كش حاجة يروحولي على ضربة ايا وليت مانخبي حتى دورو :sport01:


كاش نهار حقرتي طفلة ولاطفل واش درتيلهم ههه ؟

هههه أسكتي برك والله حقرت و حقرت :d:sport02:
هيا فكرتيني هههه في زوج دراري هما ولاد عمام خخخ ياو تشوفي ديك الطريحة لكلاوها عندي ههه وزيد هما كبار عليا بعام لاني دخلت في خمس سنين وهما في ستة سنين
:d:sport02: مي كي كبرنا كلما نشوفهم ف الطريق نحشم ياجدك حشومة والله :d

وزيد توجور عاقلة والله :-r مي كي يزعفوني اكثر من اللازم نتبربر ومانرحم حتى واحد :sport01:
هيا وحدة مسكينة زعفتني بزااف و كلات طريحة و كسلتها في الارض و عفست على كرشها برجلي خخخ حتى تقيت مسكينة :sport01: ولات وين تشوفني تبتسم ليا ابتسامة خوف :p
:p هههه ياوالله دوكا كي نتفكر شوية ماعرفتش كيفاه ومرات نقول مزية كنت صغيرة خخخ ومعذورة :d


هاا هما ليجيبوها صح صح بيناتنا :sport01:





​

شكراا ع الاسئلة نورتي
موفقة

 

[ثَسْكُورْثْ نَثْدُوكْلِي]

رد: طفولتك أيها العضو/ة اللماوي تحت عدساتنا(العدد15)sarakoukou

اهلا و سهلا سارة
طفولتك في كلمة
موقف لا ينسى
لي عودة ان شاء الله

وبك اهلا وسهلا نورت ^^

..

طفولتي في كلمة يعني مش جملة :d

...عادية ..:-r


فيها شوية ميزيرية ومعاناة وفيها براءة و طيبة القلوب


...

موقف لا ينسى هه كاين موااقف بزاااف لم تحضر الان في ذاكرتي اسفة اذا تذكرت راح نخبرك :d


..

عودة ميمونة
ان شاء الله

كوني بخير
​

 

[الحلم الوردي]

رد: طفولتك أيها العضو/ة اللماوي تحت عدساتنا(العدد15)sarakoukou

حالياً الأعضاء النشيطين الذين يشاهدون هذا الموضوع:
3 (2 عضو و 1 ضيف)
سيلفي معاك حنونة
‏الحلم الوردي, ‏sarakoukou
​

 

[ثَسْكُورْثْ نَثْدُوكْلِي]

رد: طفولتك أيها العضو/ة اللماوي تحت عدساتنا(العدد15)sarakoukou

السلام عليكي
اهلا بالاخت سارة
واش راكي حنونة

وعليكم السلام الزينة
وبك اهلا نورتي
الحمد لله سوال عليك


اسئلتي
أجمل شيء في الطفولة وش هي!

اجمل شيء هي البراءة و عدم المسؤولية :d


طفولتك كيف تصفها في بضعة أسطر؟


طفولتي أصفها كما يلي :
الفصول الأربعة

أغرب موقف صرالك وأنت صغير؟

أغرب أغرب مانيش متذكرة دوكا كيما قلت لايمان :d تخونني ذاكرتي هه أصبحت عجوزة

..
ممم ممكن وفاة جدي رحمه الله لم افهم حينها اي شيء عن الموت
جاتني غريبة

اذا تذكرت شيء غريب نخبركم :d
أطرف موقف صرالك وانت في المدرسة؟

هههه بزاااف ن بينهم كي طاح الاستاذ تعنا بسبب الكرسي المكسور :d
عندي عادة سيئة كي يطيح وحد خصوصا لما يكون اكبر مني انفجر من الضحك ههه

مهما كانت نوعية الطيحة

:d

مازالت لكي لعبة تحتفظين بها؟

اووو يا حصرااه هه مابقى والو
حتى الشجرة اللي قدامنا اللي عندي سوفونير معاها تم قطعها منذ عام
رحمة الله على الالعاب :d
عليها تلقايني ندور في قسم التسلية والالعاب خخخخ :p

لي عودة ان شاء الله
​

عودة ميمونة الزينة
نورتي طبعاا

 

[ثَسْكُورْثْ نَثْدُوكْلِي]

رد: طفولتك أيها العضو/ة اللماوي تحت عدساتنا(العدد15)sarakoukou

مساء النور
نتمني لك اقامة طيبة
حبيبة قوليلي

مساء الفل الزينة نورتي
اهلا بك نورتي

​

كيفاش جوزت طفولتك؟
هل كنت مدللة؟

لا بالعكس لم أكن مدللة :d
عادي برك تعرفين دور البنت الكبرى :p
ملي زدت وانا يقولولي انت كبيرة ها هذاك صغير وهذيك صغيرة
خخخ جامي سمعت قالو راهي صغيرة خخخ تقولشي زدت كبيرة
لوكان سماوني " كبيرة " افضل من " صارة "

:d
​

كيفاش كنتي فقرايتك نجيبة ولا العكس؟

بصراحة في الابتدائي ستواي كان متوسط و مقبول :d
لدرجة اني لا اتذكر الان جيداا ما قراته ربما السبب هو الاهمال واللعب بنسبة كبيرة
وفي السنة السادسة ابتدائي بدأ مستواي يتحسن وتحصلت على نتيجة جيدة
وممن هناك بديت نهتم شوية بالقراية خخخ

​

عندك كانش لباس ولا لعبة نتاع صغرك مزالك محافظة عليهم لدروك؟

يوووه مانحبش ليكانيش و لقطوطة يمامي :sport01:

للاسف مبقاش منها كيما جاوبت لاختي ملاك الله يرحم العابي :d
نتمني منكونش طولت عليك
تحياتي لك

لا ماطولتيش عليا نورتي
كوني بخير
شكراا
​

 

[ثَسْكُورْثْ نَثْدُوكْلِي]

رد: طفولتك أيها العضو/ة اللماوي تحت عدساتنا(العدد15)sarakoukou

حالياً الأعضاء النشيطين الذين يشاهدون هذا الموضوع:
3 (2 عضو و 1 ضيف)
سيلفي معاك حنونة
‏الحلم الوردي, ‏sarakoukou
​

:dتشييييييييييييييييز

صحيتي ع الالتقاطة خخخ ماقلتيليش نعدل روحي راني خنجفة وشعري ضرباتو تريسيتي :d:p
​

 

[ثَسْكُورْثْ نَثْدُوكْلِي]

رد: طفولتك أيها العضو/ة اللماوي تحت عدساتنا(العدد15)sarakoukou

راني وليت من جديد

مرحبا من جديد نورتي

هل صرالك مشاكل مع التلاميذ اللي كنت تقري معاهم ؟
لا مش بزااف برك مهاوشات عادية هه
كنت نجبد روحي ونقعد في الاخير لكن الاستاذة تعي يرجعني في المقعد الاول خخ ماخلانيش نتشرد كيما نبغي خصوصا تع الفرنسية خرجلي قلبي :tongue02: وقتلني بليبينيسيو 400 مرة وانا نكتب في كلمة وحدة

نشيد كنت تحبينه أيام الطفولـه ؟

ياربنا ياذا الكرم... يا واهبا كل النعم
...

تاني نشيد تع ياشهيد الوطن يا مثال الوفاااا :up:

وتع عليك مني سلام

هه نموت على محفوظات والاناشيد رغم ان صوتي بشع مايمدوليش فيها علامة :down:
اي سنة في مشوارك الدراسي تعتابريها اجمل سنة ؟

اواه بخصوص الابتدائي كنت كسولة يعني مش سنوات جميلة

ههه نعتبر سنوات السيام فيها دراسة من نوع خاص

اما الثانوي زعما كبرت وتعقلت ههه

اختار سنوات السيام :up:

واش من مادة كرهتيها و مازال تكرهيها ؟

اخخخ اجتماعيات دارتلي دوخة :tongue02:
وتربية مدنية
واش من حكاية تحبي من حكايات بكري ممكن اسمها ههه؟

تافونسث ميقوجيلن ( بقرة الايتام )
و
حكاية الغولة خخ
و

هل تتمني ترجعي لطفولتك وعلاش؟

ممم عادي مش متمنية
لكن اذا افترضنا لو أعود لطفولتي سأقلص من لعبي لعبت قد يلعبو 10 اطفال على ضربة خخخ وادرس جيداا :p
لي عودة ان شاء الله
:sport02:​

عودة ميمونة الزينة
نورتيني
كوني بخير

 

[السلطانة]

رد: طفولتك أيها العضو/ة اللماوي تحت عدساتنا(العدد15)sarakoukou

:-r

شكراا ع الاسئلة نورتي
موفقة

هههه كنتي طايرة يامحاينك ضحكتيني على واش درتي فيهم خخخخخخخخخخخخخخخخخ
:tongue02:حقارة على الذر

 

[السلطانة]

رد: طفولتك أيها العضو/ة اللماوي تحت عدساتنا(العدد15)sarakoukou

-واش هو اللون لي كنتي تحبي تلبسيه في قشك ؟

-شعرك كيفاه كانت تمشطهولك ماماك كي تروحي تقراي ههه ؟

-واش هو اللون المفضل لي كنتي تحبيه في الالوان الخشبية هههه ؟

-واش كنتي تحبي تدي لمجة للمدرسة ؟


​

 

[miss victoria]

رد: طفولتك أيها العضو/ة اللماوي تحت عدساتنا(العدد15)sarakoukou

السلام عليكم
سارة اسمك شباااب المهم هه
وشنو هي المادة لتحبي تقرايها فلريمار
وكي تحبي تلعبي تلعبيي ي الدار و لا برا
و هدا ما عندي شكراااا
تحياتي