طفولتك أيها العضو/ة اللماوي تحت عدساتنا(العدد17)Malika Tlm

[أم الأولاد]

بعد وضعنا فكرة جديدة هي



طفولتك أيها العضو/ة اللماوي تحت عدساتنا

​

نقوم بدعوة ضيفة جديدة معنا لمدة أسبوع وهي الأخت الطيبة


Malika Tlm




والتي نضعها تحت عدستنا اللماوية للتعرف عالمها الطفولي البري ء

بعض الأسئلة :


-هل كنتِ مشاكسة أم هادئة أيام الطفولة ؟

-ماهي لعبتك المفضلة التي كنتي تلعبين بها ؟
-اسم أفضل صديقة لديكِ في الطفولة وهل مازلت معك ؟



أهلا وسهلا بك أختي الكريمة
نتمنى أن تعجبك الضيافة
والرجاء من بقية الأعضاء سؤال الضيفة وأن جلسة ممتعة



للتذكير

شهادة شرفية للضيف

​

​

أما العضو الاكثر تفاعلا يتم منحه وسام ​

الطفولة . . عالمٌ مُخمليّ ، مُزدانٌ بقلوبٍ كالدُرر ، وأرواحٌ باذِخة



​

 

[جوهرة الجنة]

رد: طفولتك أيها العضو/ة اللماوي تحت عدساتنا(العدد17)Malika Tlm

اهلا وسهلا بك اختي مليكة
لنا عودة ان شاء الله

 

[الحلم الوردي]

رد: طفولتك أيها العضو/ة اللماوي تحت عدساتنا(العدد17)Malika Tlm

السلام عليكي
اهلا بالاخت مليكة
واش راكي حنونة
اسئلتي
أجمل شيء في الطفولة وش هي!
طفولتك كيف تصفها في بضعة أسطر؟
أغرب موقف صرالك وأنت صغير؟
أطرف موقف صرالك وانت في المدرسة؟
مازالت لكي لعبة تحتفظين بها؟
لي عودة ان شاء الله​

 

[Malika Tlm]

رد: طفولتك أيها العضو/ة اللماوي تحت عدساتنا(العدد17)Malika Tlm

[FONT=&quot]السلام عليكم[/FONT]​

بارك الله فيك اختي نجمة​

لي الشرف بحضوري معكم هنا​

وان شا الله نكون خفيفة عليكم​

​

نبداو على بركة الله​

​

بعض الأسئلة :​

​

-هل كنتِ مشاكسة أم هادئة أيام الطفولة ؟​

[FONT=&quot]لا كنت هادئة نوعا ما ماشي قبيحة[/FONT]​

-ماهي لعبتك المفضلة التي كنتي تلعبين بها ؟​

كان عندي بزاف بابا ربي يرحمو كان ديما يجيبلنا دمى من فرنسا كي يجي وكان كل فترة وليها دمية مفضلة خاصة بيها هههه ماكانتش وحده برك كانو وحدااات ههه
-اسم أفضل صديقة لديكِ في الطفولة وهل مازلت معك ؟
كانو بزاف بصح مع الوقت كل وحده راحت فطريق خاصة كي رحلنا من المنطقة لي كنا فيها

ولكن مع هدا بقات وحدة حبيبتي دليلة لحد الان كي نروح لتم نشوفها ونتلاقا بيها ربي يدكرها بخير


شكرا ليك اختي نجمة عالاسئلة الخفيفة ​

 

[Malika Tlm]

رد: طفولتك أيها العضو/ة اللماوي تحت عدساتنا(العدد17)Malika Tlm

اهلا وسهلا بك اختي مليكة
لنا عودة ان شاء الله

اهلا بيك اختي جوهرة الجنة
في انتظار عودتك ​

 

[Malika Tlm]

رد: طفولتك أيها العضو/ة اللماوي تحت عدساتنا(العدد17)Malika Tlm

السلام عليكي
اهلا بالاخت مليكة
واش راكي حنونة
وعليكي السلام
اهلا بيك حبيبة
الحمد لله يسال عليك الخير
اسئلتي
أجمل شيء في الطفولة وش هي!
ايام الدراسة واللعب في الشارع كانت ليها نكهة خاصة
طفولتك كيف تصفها في بضعة أسطر؟
كانت طفولة ولا اروع
لحد الان نتمنى لو ترجع ايام فقط منها
مع بنات الجيران والصديقات واللعب والضحك وكلشي
باختصار كانت رائعة
أغرب موقف صرالك وأنت صغير؟
موقف غريب
كنت صغيرة وبابا ربي يرحمو راح لفرنسا كان يعالج وطول علينا شوي
كنت نلعب برا وكي دخلت لدار لقيتهم يوجدو وقالولي راه جاي ضيف عندنا
بقيت نستنا الضيف هدا ورحت بشرت صحاباتي كامل ههه
وكي رجعت لقيت الضيف جا وشكون هو والدي
وماعرفتوش المشكل بقيت نقولهم شكون هدا لقيتو متبدل ما عرفتوش
لحتى شحال وهما يقنعو فيا بلي والدي باش قنعت ههه
أطرف موقف صرالك وانت في المدرسة؟
مرة المعلم كان يشرح الدرس وانا وصحاباتي نلعبو تاع محامي وسارق وشرطي ههه كل مرة نلعبو وميفيقش
هاد المرة دار شاف لقانا نلعبو ايا طلعنا بربعه فالمصطبة وكلينا طريحة مليحة هههه
مازالت لكي لعبة تحتفظين بها؟
ماعنديش ، كل لعبي راحولي
وندمت نقول كون غير خليت حاجه من الصغر
لي عودة ان شاء الله​

شكرا ليك ملوكة
في انتظار عودتك
​

 

[الحلم الوردي]

رد: طفولتك أيها العضو/ة اللماوي تحت عدساتنا(العدد17)Malika Tlm

​

راني وليت من جديد

هل صرالك مشاكل مع التلاميذ اللي كنت تقري معاهم ؟
النوع تاع الحلوى لي كنتي تحبي ديما تاكليه ؟
نشيد كنت تحبينه أيام الطفولـه ؟
اي سنة في مشوارك الدراسي تعتابريها اجمل سنة ؟
واش من مادة كرهتيها و مازال تكرهيها ؟
واش من حكاية تحبي من حكايات بكري ممكن اسمها ههه؟
هل تتمني ترجعي لطفولتك وعلاش؟

لي عودة ان شاء الله
:sport02:​

 

[رابح66]

رد: طفولتك أيها العضو/ة اللماوي تحت عدساتنا(العدد17)Malika Tlm

السلام عليكم

شكرا للأخت نجمة البحر على موضوعك هذا الرائع حقا
كما أشكرك على إختيارك للأخت الكريمة النشطة المرحة هنا وهناك في ربوع المنتدى
مرحبا بأختي مليكة نتمنى تكوني بخير وعافية
نتمنى لأختي إقامة طيبة بيننا
نبدأ في الأسئلة :
ختي حسب حيويتك المعهودة هنا ترى هل كنت من النوع البكاي المنزوي وإلا حيويتك ويثة طفولتك ؟
كنت تشارك لبنات في ألعابك وا من لعبة كانت عندك لحد الآن تذكرك طفولتك كلما تذكرتيها ؟
كنت من النوع ليخاف ولا قلبك لا يهاب الظلمة؟
كانت عندك محاولات على الورق لرسومات عائلية أو طبيعة أم لا؟
هل طيبتي كرانطيطة في صغرك ولا حتى بلغت باش طيبتيها ؟
نتمنى ماكنتش ثقيل على ختي بأسئلتي
ربي ينهيك ويريح بالك وموفقة إن شاءالله​

تقبلوا تحياتي

 

[الحلم الوردي]

رد: طفولتك أيها العضو/ة اللماوي تحت عدساتنا(العدد17)Malika Tlm

عدت
كنتي تحبّي القراية وانت صغيرة والا عادي ...؟
اسوء معدل فالابتدائي ..؟؟
مليكة ثرثارة ولا هادئة ..؟
واش كانت طموحاتك فالصغر ..؟
الوان تحبي تلبسيهم؟
لي عودة​

 

[Malika Tlm]

رد: طفولتك أيها العضو/ة اللماوي تحت عدساتنا(العدد17)Malika Tlm

​

راني وليت من جديد

هل صرالك مشاكل مع التلاميذ اللي كنت تقري معاهم ؟
لا ابدا
النوع تاع الحلوى لي كنتي تحبي ديما تاكليه ؟
زلابيه ممم
نشيد كنت تحبينه أيام الطفولـه ؟
عمي منصور النجار ههه
اي سنة في مشوارك الدراسي تعتابريها اجمل سنة ؟
سنة رابعة ابتدائي
كانو عندي صديقات رائعين ومعلمين تاوعي كنت نحبهم
واش من مادة كرهتيها و مازال تكرهيها ؟
الرياضيات ولحد الان ههه
واش من حكاية تحبي من حكايات بكري ممكن اسمها ههه؟
كنت نحب بزاف حكاية لونجه والغول ههه
كانت يما تحكيهالنا بزاف
هل تتمني ترجعي لطفولتك وعلاش؟
نتمنى بزاف ايه
خاطر ياماتها كانو شابين وحلوين
حتى الناس لي عرفتهم فالطفولة كانو ناس غير

لي عودة ان شاء الله
:sport02:​

اهلا بيك في كل وقت حبيبتي ملاك
نورتي ​

 

[الحلم الوردي]

رد: طفولتك أيها العضو/ة اللماوي تحت عدساتنا(العدد17)Malika Tlm

حالياً الأعضاء النشيطين الذين يشاهدون هذا الموضوع:
3 (2 عضو و 1 ضيف)

سيلفي مع ضيفة العدد
‏الحلم الوردي, ‏Malika Tlm
​

 

[Malika Tlm]

رد: طفولتك أيها العضو/ة اللماوي تحت عدساتنا(العدد17)Malika Tlm

السلام عليكم

شكرا للأخت نجمة البحر على موضوعك هذا الرائع حقا
كما أشكرك على إختيارك للأخت الكريمة النشطة المرحة هنا وهناك في ربوع المنتدى
مرحبا بأختي مليكة نتمنى تكوني بخير وعافية
نتمنى لأختي إقامة طيبة بيننا
وعليكم السلام
اهلا وسهلا بيك شيخ رابح
بارك الله فيك عالترحيب اهلا بك
اكيد تكون اقامة طيبة بوجودكم

نبدأ في الأسئلة :
ختي حسب حيويتك المعهودة هنا ترى هل كنت من النوع البكاي المنزوي وإلا حيويتك ويثة طفولتك ؟
لا حمد لله من بكري ومن صغري حيوية ونجري هنا وهناك كي النحلة هههه ما كنتش انطوائية ومنزوية
كنت تشارك لبنات في ألعابك وا من لعبة كانت عندك لحد الآن تذكرك طفولتك كلما تذكرتيها ؟
ماكنتش من النوع الاناني كنت نشارك البنات في العابي
كاين لعبة شريطة والقفز تاع حبيلة كنت نحبهم بزاف
كنت من النوع ليخاف ولا قلبك لا يهاب الظلمة؟
لا كان قلب شجاع هه ماكنتش نهاب الظلمه
كانت عندك محاولات على الورق لرسومات عائلية أو طبيعة أم لا؟
كانت عندي بزاف رسومات كل مرة كنت نخربش هه يا اما طبيعة يا اما عائلة يا اما حيوانات كل مرة وكفاش
هل طيبتي كرانطيطة في صغرك ولا حتى بلغت باش طيبتيها ؟
لا ما كنتش نطيب فالصغر خاصة انو كانو عندي اخواتي اكبر مني كنت تاكله عليهم ههه
بمع الوقت بيت نطيب وطيبت الكران
نتمنى ماكنتش ثقيل على ختي بأسئلتي
ربي ينهيك ويريح بالك وموفقة إن شاءالله​

تقبلوا تحياتي

لا ابدا ، بالعكس كانت اسئلتك خفيفة وظريفة
شكرا على المرور
ربي يحفظك
نورت ​

 

[Malika Tlm]

رد: طفولتك أيها العضو/ة اللماوي تحت عدساتنا(العدد17)Malika Tlm

عدت

مرحبا بيك من جديد
كنتي تحبّي القراية وانت صغيرة والا عادي ...؟
كنت نحب القراية فصغري وكنت عكس الاولاد لي يبكو باش ما يروحوش ههه
كنت نتحمس كي يجي السبت هه
اسوء معدل فالابتدائي ..؟؟
ماعنديش اسوء معدل كنت متوسطة ومعدلي ما طاحش عن 7
مليكة ثرثارة ولا هادئة ..؟
كل مرة وكفاش ساعات يكون الهدوء خير وساعات مع الاحباب تكون الثرثرة ههه
واش كانت طموحاتك فالصغر ..؟
كان طموحي اني نوصل مراتب عليا لكن ربي ما كتبش
الوان تحبي تلبسيهم؟
كل الالوان تقريبا خاصة الداكنة
لي عودة​

في انتظار عودتك
ومرحبا بيك ​

 

[رابح66]

رد: طفولتك أيها العضو/ة اللماوي تحت عدساتنا(العدد17)Malika Tlm

السلام عليكم

نبداك من آخر كلمة في ردك على مشاركتي
الله ينور وجهك وينير بصيرتك ويجعل لك نور لا يفارقك أبدا
نتمنى أنك صبحت مستعدة لما يمطر عليك من اسئلة وخاصة الأخت ملاك راهي معولة عليك هههه

قلت في مشاركة لك أن أباك رحمه الله توفي وأنت صغيرة
هل كنت تدركين و تأثرت وعانيت لفراقه أم حتى كبرت أدركت ذالك الشعور ؟
بين أخواتك هل كنت مشاغبة لتساميك تعطيك الحس وإلا محبوبة ومدلعينك ؟
للبرد وأيام الشتاء الموقد يجمعكم في الليل هل كنت ممن يعشقون الحكايات ولحجايات وإلا ترقد بكري ؟
وإن كان كذالك ماهي لحكاية لأثرت فيك لحد الآن وتتمنى كاش وحدة تحكيهالك وأنت تسترجع أيام الطفولة ؟
واش الاكلة المفضلة كانت عند في صغرك ؟

وهذه هية لأبيك رحمه الله إكراما لك
اللهم أرحمه برحمة الواسعة وأغفر له
اللهم أجعل قبره روضة من رياض الجنة
اللهم أفسح في قبر مد بصره وأفرش قبره من الجنة
اللهم آنس وحشته بعمله الصالح وأنر قبره بما تلا من القرآن
اللهم آميييييييييييييييين
نتمنى من صاحبة الموضوع الأخت نجمة ألا تحسبها لنا خروج عن الموضوع​

تقبلوا تحياتي

 

[Malika Tlm]

رد: طفولتك أيها العضو/ة اللماوي تحت عدساتنا(العدد17)Malika Tlm

السلام عليكم
وعليكم السلام ورحمة الله وبركاته

نبداك من آخر كلمة في ردك على مشاركتي
الله ينور وجهك وينير بصيرتك ويجعل لك نور لا يفارقك أبدا
نتمنى أنك صبحت مستعدة لما يمطر عليك من اسئلة وخاصة الأخت ملاك راهي معولة عليك هههه
ينورها علينا وعليك يا سيدي الفاضل راني هنا نجاوبكم علي كل الاسئلة بكل سرور

قلت في مشاركة لك أن أباك رحمه الله توفي وأنت صغيرة
هل كنت تدركين و تأثرت وعانيت لفراقه أم حتى كبرت أدركت ذالك الشعور ؟
اه يا سيدي تاترت وعاااانيت بعد موت والدي العزيز كوني انا الصغري في المنزل كنت مفششة هههه كان يحبني ويجيبلي كامل واش نحب كان اب باتم معني الكلمة وكان يروح يداوي بفرنسا كان مريض مسكين كان يترك لنا فراااغ كبير والام نتاعي واخواتي كانوا يحوسوا يعوضولنا الحنان نتاعوا وام منير ادري
وصدقني ابي ربي يرحموا كان يقولنا ادا مت منحبكمش تبكيو عليا لان هدا حرام وانا اتبعت الوصية يوم الوفاة نتاعوا بقيت صامتة وندور عند خواتاتي ونقولهم ياك بابا وصانا منبكيوش عليه وكانت عندي كالصدمة بعد مرور ايام من الوفاة وفرغت الدار من الاهل جاتني صعيييبة بزاف اني ملقيتش ابي معانا اه يا سيدي جددتلي الجرح والكلافيي تعمر دموع ههه ربي يرحوا ابي حبيبي يارب ونفتخر اني بنتوا لانه نعم الاب
بين أخواتك هل كنت مشاغبة لتساميك تعطيك الحس وإلا محبوبة ومدلعينك ؟
هههههه تعرف انا كنت عاقلة ولكن كانت عندي عادة نحب نخرج مع ماما كي تخرج ولا مع خواتاتي كليت طريحات مهندهم وخاصة ام منير هههههههه بصح انا تاني كنت نسمط عليهم يهربوا عليا وانا نلحقهم ههههه وتاني كانوا يحبوني ومدلعيني ربي يخليهم
للبرد وأيام الشتاء الموقد يجمعكم في الليل هل كنت ممن يعشقون الحكايات ولحجايات وإلا ترقد بكري ؟
وإن كان كذالك ماهي لحكاية لأثرت فيك لحد الآن وتتمنى كاش وحدة تحكيهالك وأنت تسترجع أيام الطفولة ؟
ايييه علي الموقد تعرف كنا نجتمعوا في غرفة ويما تحكيلنا حجايات وكنت نحب واحد الحكاية بزاف وحتي الان نحب نسمعها حجاية لونجة والغول امي كانت تحكيهالنا
ولحد الان مزالها ميمتي ربي يخليها كي ينقطع الصو في ايام الشتاء نجتمعوا وتحكيهالنا
واش الاكلة المفضلة كانت عند في صغرك ؟
كنت نحب ناكل كلشي ههههه ولكن البانان والزلابية كنت نحبهم بزااف حتي يومنا هدا

وهذه هية لأبيك رحمه الله إكراما لك
اللهم أرحمه برحمة الواسعة وأغفر له
اللهم أجعل قبره روضة من رياض الجنة
اللهم أفسح في قبر مد بصره وأفرش قبره من الجنة
اللهم آنس وحشته بعمله الصالح وأنر قبره بما تلا من القرآن
اللهم آميييييييييييييييين
امين امين يارب العالمين جزاك الله خيرا ويعطيك ماتتمني وربي يبارك في عايلتك يارب
نتمنى من صاحبة الموضوع الأخت نجمة ألا تحسبها لنا خروج عن الموضوع
ان شاء الله هدا مجرد دعاء
​

تقبلوا تحياتي

اسعدني تواجدك شيخ اللمة اي سؤال راني هنا
تحياتي

 

[رابح66]

رد: طفولتك أيها العضو/ة اللماوي تحت عدساتنا(العدد17)Malika Tlm

السلام عليكم

حقا دوما راقية بأفكارك وأسلوبك في الرد
معذرة سيدتي على إيقاض النائم في صدرك حتى وإن كان كذالك فهو لفائدتك ربحتي ربي فيه وتفكرتيه بدعاء هو بحاجة ليه الله يرحمه
هكذا بنات الأصل لاتمر حياتهم بلا تذكير محطات اللمة والحزن والفرح ويستشهدون بأبطالها ربي يريح بالك

مليكة ختي كانت من النوع ليقعد مع العائلة فالمائدة ومن صحاب الكسكروط ؟ههه
واش الحاجة التي كنت متميزة بها في طفولتك وحافظتي عليها و أنت مصرة توريثها لإبنك الحبيب ؟الله يحفظه
مليكة تشوف إبنها أخذ منها صفات من طفولتها ؟ فماهي ؟

أسعدنا تواجدنا برفقتك يا نجمة اللمة ربي يحميك
كل الإحترام والتقدير لشخصك ياكريمة بنت الكرام​

تقبلوا تحياتي

 

[Malika Tlm]

رد: طفولتك أيها العضو/ة اللماوي تحت عدساتنا(العدد17)Malika Tlm

السلام عليكم
;وعليكم السلام ورحمة الله وبركاته سيدي الفاضل

حقا دوما راقية بأفكارك وأسلوبك في الرد
شكرا لك سيدي
معذرة سيدتي على إيقاض النائم في صدرك حتى وإن كان كذالك فهو لفائدتك ربحتي ربي فيه وتفكرتيه بدعاء هو بحاجة ليه الله يرحمه
هكذا بنات الأصل لاتمر حياتهم بلا تذكير محطات اللمة والحزن والفرح ويستشهدون بأبطالها ربي يريح بالك
لا عليك اخي عمر صدري مانام علي حبيبي بابا ربي يؤرحمو دايما في بالي ربي يجمعنا معاه في الجنة يارب يارب
والاطفال كي يوالفوا من الصغر اللمات هذي تبقي راسخة في ادهانهم يعيشك اخي يريح بالنا كامل

مليكة ختي كانت من النوع ليقعد مع العائلة فالمائدة ومن صحاب الكسكروط ؟ههه
هههه لالا اخي انا مكنتش نحب الكاسكروطات يما علمتنا نجتمعوا كامل علي المائدة باش نحسيوا باللمة
واش الحاجة التي كنت متميزة بها في طفولتك وحافظتي عليها و أنت مصرة توريثها لإبنك الحبيب ؟الله يحفظه
كنت حبابة بزاف مع صحاباتي مكنت نعز عليهم والوا لوكان قطعة شكولا نتقاسمها معاهم وصدقني لحد الان والحمد لله مزالها فيا وابني طالع ليا حتي هو مميز بالصفة هدي والحمد لله ربي يحميه
مليكة تشوف إبنها أخذ منها صفات من طفولتها ؟ فماهي ؟
طبق الاصل ليماه ههههه الا في الدراسة لالا ههه انا كنت نحبها وهو يكرهها
أسعدنا تواجدنا برفقتك يا نجمة اللمة ربي يحميك
كل الإحترام والتقدير لشخصك ياكريمة بنت الكرام
انا التي سعدت بك سيدي الفاضل فلك مني خالص الشكر والتقدير
​

تقبلوا تحياتي

شكرا لك نورت صفحتي

 

[الحلم الوردي]

رد: طفولتك أيها العضو/ة اللماوي تحت عدساتنا(العدد17)Malika Tlm

السلام عليكي
راني رجعت من جديد
واش هو الميكي اللي تحبيه ومازالك لضرك تتفرجيه ؟
ماروكو الصغيرة هل كنتي تحبينها ؟
لعبة كانت عزيزة عليك ؟
هل كنت تحبين تعلم الأشغال المنزلية والمشاركة فيها ؟
هل شاركت في النشاطات المدرسية في صغرك كالمسرحيات والاناشيد وغيرها ؟اذكري لنا بعضها ان وجد ؟
لي عودة ان شاء الله
​

 

[Malika Tlm]

رد: طفولتك أيها العضو/ة اللماوي تحت عدساتنا(العدد17)Malika Tlm

السلام عليكي
وعليكم السلام حبيبتي
راني رجعت من جديد
مرحبابيك علي الراس والعين
واش هو الميكي اللي تحبيه ومازالك لضرك تتفرجيه ؟
تعرفي انا كنت نحب سنديبال وسينان ههه تعرفي لحد الان مدابيا نتفرجهم
ماروكو الصغيرة هل كنتي تحبينها ؟
لالا مكنتش نتفرجها
لعبة كانت عزيزة عليك ؟
لعبتي المفضلة في الصغر هي الدمية كنت نحب نلعب بيها بزاف وكانت ختي خياطة ونقولها خيطيلي لباسات لدميتي هههه ولا القماش لي كان يبقي نديه ونخيط وحدي ههه
هل كنت تحبين تعلم الأشغال المنزلية والمشاركة فيها ؟
لالا ماشي بزاف مرات كنت نحب نخدم مع خواتاتي الحلويات ايهونحمقهم شويا مي شغال الدار لالا
هل شاركت في النشاطات المدرسية في صغرك كالمسرحيات والاناشيد وغيرها ؟اذكري لنا بعضها ان وجد ؟
ايه شاركت فالمدرسة بواحد النشيد كان المولد النبوي الشريف وغنينا زاد النبي وفرحنا بيه وانا لابسه وقاتلا راسي ههههه
لي عودة ان شاء الله
​

تعيشي حبيبتي تنوريني في اي وقت

 

[رابح66]

رد: طفولتك أيها العضو/ة اللماوي تحت عدساتنا(العدد17)Malika Tlm

السلام عليكم

ختي مليكة نتمنى راك مليحة ومهنية ومرتاحة البال
رجعتلك مرة أخرى إستضافتك

قريت مرة في رد مشاركة لإحداهن نادتك بإسم دلع ميكو
ترى هو من ظفولتك ومن سماك بالدات أم هو وليد مع الأحفاد والصديقات ؟
مليكة الصغيرة هل كانت تلحس إصبعها خفية بما تخبئه الأم في الثلاجة أو في القدر أم خطيها سقايط ؟
مليكة حاليا هل تتذكر كذبة أخذت عليها طريحة أم أنها لم تكذب في طفولتها من أجل مصلحة ؟
ترى هل كانت أختي في صغرها حافظة لبعض الآيات أو السور أم حتى سن الرشد ؟
تحياتي وإحتراماتي لأختي مليكة ومعذرة إن أحرجتك في سؤال ما​

تقبلوا تحياتي