سلآمي للجميع
واش راكم ان شــآء الله تمـآم وخير مني:d
مممممممممم ماكنتش حابة نفضح روحي ف النت مي الله غالب فيفي شغيغه وورطتني بموضوع اشر منها
ملي كنت صغيرة معروفة بالتشيطين ديالي والهبال يعني كي كبرت استعقلت طبعا ههه فرغت كل طاقني كي كنت بز
اسمعو نحكلكم ع موقف قد ماكبرت ماقدرت ننساه هههه مي يلزم تكونو عاقلين وماتضحكوش عليا
هاذا ياسيدي كنت صغيرة نقرى السنة السادسة نوغمالمو وصاحبنا اسمو حميده ماشي حاميدة اتسمى ولد
ايا هذا كان اكبر مشرار ف الحومة ديالنا وكانو يضل مور خويا الصغير ولي طبعا انا نموت عليه ومانحب حتى واحد يزعفو
مرت كن جاية من المسيد ولقيتو يهدر ف هدرة طايحة مع خويا ومنعو باش يطلع بحجة الطريق ديالهم
( عقل الصغر ماعلينا)
ايا انا شفت شديت خويا وديتو وين حاب يوصل مي قبل من ذاك قلت لحميده قتلو روح
*ينعل جد باباك* وكملت تريقي
مي السامط راح ديغاكت للدار وشكاني لماما وقالها سبتني بالدين ووو وزاد الف شحال من حكاية ماجيت نولي للدار ماما ولات ( مانحكيلكمش خير )
ايا ضربتني ودارتلي الحار ف فمي ع قولها سبيت الدين وبابا ماكاش ف الدار
اتسمى حقروني وماكاش لي يسلكني
بالطبع كي جا بابا اشكيتلو واش كاين ووقف معايا مي كنت صايي انضربت ع حاجة ماقلتهاش
بت الليل كونبلي نحلف ونوجد ف الطريقة لي انعاقبو فيها
استنيت لنهار لخميس كي يكون بابا ف الدار باش نلقى جدار الحماية ههه
ورحت للمسيد وغير شفتو قدامي عينيه مايشوفو النور كسرتلو عضامو بالضرب ههه ( ياودي الغل دار رايو فيه ) وفي لافا باش نكمل الحكاية هبتلو السروال وخليت المسيد كونبلي يضحك عليه
ههههههه مي استناو رحت المجلس التاديبي ويلزم نحظر بابا انا رحت جبت بابا وحكيتلو ليستواغ م الاول للتالي وهو تفهمني وكي راح للمديرة قالها هو لي بدا وهي دافعة ع نفسها برك
وكلمتو الشهيرة لي مازالني نتفكرها *صحيتي بنتي مانخافش عليك
( يشجع فيا هههه )
اديت عقوبة 3ايام ف التاديب نسمع ف المقتصد يحكيلي ع السيرة والادب والاخلاق وو و (قريب هبلت )
المهم هذا لي صرالي وعندكم تقولو مافيا ولا والله والو ساعات غضب برك وراني كنت صغيرة هههه
مي مازالني للان كي نشوفو ف الطريق نضحك عليه الله غالب ماقدرتش ننسى واش درتلو المخلوق
ايا بزاف راني حكيتلكم واش اصرى عندكم تضحكو عليا برك
سلامي
:regards01:
[]واش راكم ان شــآء الله تمـآم وخير مني:d
ملي كنت صغيرة معروفة بالتشيطين ديالي والهبال يعني كي كبرت استعقلت طبعا ههه فرغت كل طاقني كي كنت بز
اسمعو نحكلكم ع موقف قد ماكبرت ماقدرت ننساه هههه مي يلزم تكونو عاقلين وماتضحكوش عليا
هاذا ياسيدي كنت صغيرة نقرى السنة السادسة نوغمالمو وصاحبنا اسمو حميده ماشي حاميدة اتسمى ولد
ايا هذا كان اكبر مشرار ف الحومة ديالنا وكانو يضل مور خويا الصغير ولي طبعا انا نموت عليه ومانحب حتى واحد يزعفو
مرت كن جاية من المسيد ولقيتو يهدر ف هدرة طايحة مع خويا ومنعو باش يطلع بحجة الطريق ديالهم
ايا انا شفت شديت خويا وديتو وين حاب يوصل مي قبل من ذاك قلت لحميده قتلو روح
مي السامط راح ديغاكت للدار وشكاني لماما وقالها سبتني بالدين ووو وزاد الف شحال من حكاية ماجيت نولي للدار ماما ولات ( مانحكيلكمش خير )
ايا ضربتني ودارتلي الحار ف فمي ع قولها سبيت الدين وبابا ماكاش ف الدار
بالطبع كي جا بابا اشكيتلو واش كاين ووقف معايا مي كنت صايي انضربت ع حاجة ماقلتهاش
بت الليل كونبلي نحلف ونوجد ف الطريقة لي انعاقبو فيها
استنيت لنهار لخميس كي يكون بابا ف الدار باش نلقى جدار الحماية ههه
ورحت للمسيد وغير شفتو قدامي عينيه مايشوفو النور كسرتلو عضامو بالضرب ههه ( ياودي الغل دار رايو فيه ) وفي لافا باش نكمل الحكاية هبتلو السروال وخليت المسيد كونبلي يضحك عليه
ههههههه مي استناو رحت المجلس التاديبي ويلزم نحظر بابا انا رحت جبت بابا وحكيتلو ليستواغ م الاول للتالي وهو تفهمني وكي راح للمديرة قالها هو لي بدا وهي دافعة ع نفسها برك
وكلمتو الشهيرة لي مازالني نتفكرها *صحيتي بنتي مانخافش عليك
اديت عقوبة 3ايام ف التاديب نسمع ف المقتصد يحكيلي ع السيرة والادب والاخلاق وو و (قريب هبلت )
المهم هذا لي صرالي وعندكم تقولو مافيا ولا والله والو ساعات غضب برك وراني كنت صغيرة هههه
مي مازالني للان كي نشوفو ف الطريق نضحك عليه الله غالب ماقدرتش ننسى واش درتلو المخلوق
ايا بزاف راني حكيتلكم واش اصرى عندكم تضحكو عليا برك
سلامي
آخر تعديل:
