- إنضم
- 19 جويلية 2007
- المشاركات
- 10,901
- نقاط التفاعل
- 164
- النقاط
- 319
- العمر
- 32
- محل الإقامة
- العدم
- الجنس
- ذكر
السلام عليكم و رحمة الله تعالى و بركاته , اليوم راني جاي نحكي على لابوليس
الفاسدين في لبلاد , عندنا الكوميساريا قريبة للدار و راني نشوف في عمايل
جماعة التونيات الزروقة , هاذا يخدع في هذا و هذا غير يتبع في هذا
يديرو في وحد الصوالح يخلوك بلا راص , تلقاهم يلقو واحد هاز زطلة و لا حاجة
راح غبرة مسكين , مي لبروبلام هوما في رواحهم قاع تاع زطول , يعني كيفاش
حاميها حاراميها ولا ؟؟
**و مازال مازال هاذو هوما عفايس لابوليس هاكذا و لا كثر ...**
بلا ما ننسو العفسة لي يصفو بيها ليرونكيل
يدسلك طرف ديس في جيبك و يفركتك , أيا بيان سور راح يلقى الشيء لي
خباهولك sur place , و ثما هو دارها و أنت كنت هنا !
و لا تاع بوليسي يشريلك لبلا و هو civile و مبعد يدير سرتفيكا
بلي راه كان لابس و راك تعديت على ( شرطي )
**و مازال مازال هاذو هوما عفايس لابوليس هاكذا و لا كثر ...**
و كي تنوض دبزة بين ولاد الشعب , ياو كيما لي فيلم
حتى تكمل و واحد يدي للاخر عينو , باش يجو و يهدو الحالة , تحسب بلعاني
و العكس كي تولي حاجة في صالح الشعب إحتجاج و لا مظاهرة اااه تلقاهم هوما
لوالة , تقدم تشبع عصا تبعد ( غاز مسيل للدموع ) ديراكت ...
و الله أنا حضرتلها , خطرة الطلبة شبعوهم مقارون ( يعني سوء التغذية )
أيا دارو إحتجاجات و الله شبعو كوتبي تحسب في العراق منا الشعب عزل
و منهيه لابوليس خصهم غير الكابوس و تيري على الزوالي .
**و مازال مازال هاذو هوما عفايس لابوليس هاكذا و لا كثر ...**
كاين لي يدي رشوة خفيفة على جال باش يغمض العين على و لد السي خونا
لي يدور بلا بارمي , و كان لقى ولد الزوالي غير نساه في الدار , راح فوريار
**و مازال مازال هاذو هوما عفايس لابوليس هاكذا و لا كثر ...**
هاذو هوما لابوليس تاع اليوم
و الباقي نخليه ليكم كملولي راني تعبت ........
