نحكيلكم لأول مرة على حبيبتي.....

BARCA232 · 29 أفريل 2010

السلام عليكم
كامل راكم حابين تهدرو
أصبرو وحابين تعرفو حبيبتي
والتي لأول مرة أحكيها لكم
^^
^^
^^
^^
^^
^^
^^
لأنو ماكانش كيما مواضيع الحب
واللي راها دايرة التير في اللمة
كل يوم تلقى 10 مواضيع
تاع حــــــــــــــب
المهم اليوم قصتي الصغيرة تحكي على السبيطار:busted_red::busted_red::busted_red: ومصائبه
والله اليوم كنت في زيارة لجدي المريض
والله ياجماعة واش راك تهدر والله تشوف مناظر يشمئز منها القلب
حاجة ماتعجبكش من الدخلة وانت تعاني الريحة الشينة وزيد وزيد،
ياك يقولك العلاج باطل
مالا هما ردوه العلاج عرف
والله حبينا ندخلو جدي الى غرفة الانعاش لأن حالته كانت صعيبة بزاف
مالا تلقى العراقيل أصبروا:surrender::surrender:
يا يجدكم والمريض ثاني يصبر احنا ماعليش بصح
المريض مريض:busted_red::busted_red::busted_red:
المهم جازت بخير بعد حرب مع الطبيب وجماعته
حتى هددناهم بالحكومة مشى الحال
قالي خالي محمد نجيبو نتائج التحاليل
وبقينا في السبيطار ندوروا
والله جماعة الخير أحكمني وجع كبير ماشي مرض
والله على النعمة اللي عاطيها لو ربي ومايحمدوش
أطفال مراهقين شيوخ
والله حالات حدث ولاحرج
والله وجود سوادء وبكاء وصراخ
المهم والله ماقدرتش بلا مانزورهم واحد واحد
قلت لخالي أنت روح وأنا نقعد
والله الجميع اللي سألتهم يقولي خويا، وولدي الصحة ثم الصحة
المهم رسالتي أنو اللي
عندو
مريض ماينساهش ياك ربي سبحانه عز وجل ورسوله صلى الله عليه وسلم وصونا على زيارة المريض
والله قعدنا غير بالعقلية تاع لافامي
ياو جماعة الخير شوف صحتك كيفاش دايرة وشوف الناس اللي راها في السبيطار
شكرا للجميع

** غزال الصحراء ** · 29 أفريل 2010

تمت مراقبة الموضوع و إعتماده //

zagane · 29 أفريل 2010

السلام عليكم
الذي يموت أحسن من تمرميد السبيتارات

Sârsoùra L'mkàlChà · 29 أفريل 2010

عندك الحق خويا
انا الحمدلله لحد الان ما عندنا حتى مريض
بالصح الصيف لي فات جدات بابا ماتت بالصح قبلها تمرمدت وحد التمرميدة الله لا يشوفك فيها

و ربي يشافي كل مؤمن نشالله

المزعجة · 29 أفريل 2010

يعطيك الصحة موضوعك عجبني بزاااااااف عيادة المريض عندها اجر كبير عند رب العالمين وبموضوعك هدا تكون ربحت نتا ثاني اجر كبير ان شاء الله لاني حسيت موضوعك بمثابة تدكير لناس يمكن اكونو نساو ولا تجاهلو ناس مراض يعرفوهم وكدلك حسيت من موضوعك راك تمد دعوة للناس الصحاح للحفاظ على صحتهم وربي يشفي كل مريض ويعطينا والمومنين دوام الصحة ولهنا فشكرا جزيلا لك .

بسومة المنتدى · 29 أفريل 2010

موضوع فيه حكمة كبيرة......merci

صفوة الوفاء · 29 أفريل 2010

بسم الله الرحمن الرحيم
ربي اشفيني و اشفى مرضآنآ و اشفــي جميع مرضى المسلمين
تدخـل بسيط....
احكي عن التمرميـدة في السبيطآرآت.... ربي المستعآن صح كلشي بالمعآرفــ
و انآ لجأت مرة للكذب ... بانني طالبة في الطب حتى قدرت نفري صوآلحي في يومهآ ...
شكرآ

DARINE05 · 29 أفريل 2010

عندك الحق خويا راهي سبيطراتنا تعيف
يرحم البرفي خويا

هــــيلدا · 29 أفريل 2010

وعلاه تدير لحبيبتك هكذا موح
معلابالكش بللي ربي يخرج فيك
وكيما تديرلها يديرلك:sneaky2:
*معليش حوايج يصراو* اعرف كيفاش تصالحها:surrender:
وربي يجيب للي فيه الخير:mellow:

:yahoo::yahoo::yahoo:
ههه لالا مزال مبصيتش
بصح والله كانو عباد غير هكذا يردو
يشوفو العنوان لا علاقة بالموضوع
بصح مامبا يطل عليه
غير يزرب يرد ويطلق راسو:glare:

:closedeyes:
هاه واش نقولك،،
ربي يجيب الشفاء لجدك
ونشالله يقوم بالسلامة،،

ثانيا يا موح خيو راك في دزاير ويسما قبل متبدا تحكي علا المؤسسات الاجتماعية تاعنا تقول اسمحولي،،
علا خاطر كون تحكي عليهم يطلع قلب الواحد للي يسمعلك
بصح الله غالب حالة الدولة للي صيبت في أفرادها
كون جاء كل واحد عندو شغل يخدمو مسقم والله رانا مطورين كيما الناس،،
وقيلة زدت خرجت علا الموضوع:surrender:

:closedeyes:
مالا نعاود نقول يا ربي احفظلنا صحتنا وجيب الشفاء لكل الناس المعلولة
مكانش قد الصحة وواحد ميخدعك بحاجة كيفها
نعمة كبيرة ولازم علينا مرة علا مرة نشكرو
so الحمد لله وربي يهنيك//

تجيك في الصبر علابالي هدرت بزاف
بصح مرات تجيني حالتي lol

دمت بود//

الأستاذ مصطفى · 29 أفريل 2010

PHP:

موضوع فالقمة خويا وفيه عبرة 
وهذه المواضيع التي نحبها وأتمنى أن تكثر
بارك الله فيك
وجزاك الله الفردوس

أية2009 · 29 أفريل 2010

أولا ربي يشفي جدك وكامل المسلمين
تحكي على حالة السبيطارات في الدزاير اللي راهي حالتهم حالة من النظافة للعمال للمدير للخدمات كلشي ماشي نورمال وبصراحة أحيانا يدخل الواحد صحيح يخرج مريض وزيد كاين نوع من الاهمال والواحد لما يدخل خاصة لاول مرة يحس روحو تايه وماشي عارف واش لازم يدير لانو عمال نتاع الاستقبال مهمش عارفين خدمتهم وزيد مكانش تنسيق بين مختلف مصالح المستشفى من المخبر لمركز الاشعة للطبيب...........وكل واحد يليكيدي
اما عن المرضى والله الحالات اللي جزت عليهم تبكي على جالهم الدم ومازالت صورتهم محفورة في ذاكرتي من محفوظ ربي يرحمو لسعيدة ربي يشفيها لخالتي فاطمة ربي يشفيها ويطول في عمرها............ راحي يجي نهار ونحكيلكم عليهم كامل ان شاء الله
ربي يرزقنا الصحة والعافية يارب

iméne09 · 29 أفريل 2010

ربي جيب الشفا لجدك خو
مادام راك في دزاير اتوقع كل شي عوج وسبيطارات ديما يكرهولك حياتك تروح داوي بدراهمك خير من يعدبوك لي مريض قراف والله يموت عندهم من قوة لي يقعد يستنى دالتو وحتى تجيب لورق تلقى الغاشي وتمرميد وكون تهدر معاهم ماتسلكش حتى كوسيرجة وتهدر معاك بتشناف :busted_red:ويلزم كي تكون تمسح بلاك تجوز مالا واش تقول كي تجي داوي غيرا خرجولك قلبك تلعن نهار لي دخلت فيه سبيطار كما لي ماعندوش باش يداوي ويروح للسبيطار لمسكين حليلو يجوز نهارو كامل يستنى وحتي للعشية يقلولهم طبيب ماجاش يموت خير من العيا لي جوزو تماك:tears: حالة لايرتى لها تكون مريض شوية وتشوف لي تماك والله تحمد ربي تقول انا ماشي قاع مريض هوما لي راهم كتر ربي يشفي جميع المرضى
يعطيك الصحة خو ع الطرح الرائع

منالM · 29 أفريل 2010

اللهم اشفي مرضانا

جمانة كريستيانو · 29 أفريل 2010

والله غير عنذك الصح
شكراااا على الموضوع الرائع

touti_dz · 29 أفريل 2010

لازم العبد يمرمد مليح مليح باش يبردو

hadjer662 · 29 أفريل 2010

مشكل تعاني منو كل ولايات الوطن موضوع مهم
شكراااااااااا

RaNiA · 29 أفريل 2010

اكره حاجة عندي هيا السبيطارات
نورمالمون سبيطار مكان يداويو فيه في الحق يجي نضيف و الممرضين يعرفو يتعاملو مع المريض مش يزيدو عليه
واحد يكون مريض شوي يجي يروح يداوي تزيد تتدهور صحتو من هذيك البلاصة
عافانا الله جميعا ....

zineb92 · 29 أفريل 2010

الصحة تاج على رؤوس الاصحاء لايراه الا المرضى ..
انصحكم بحمد الله على هاته النعمة ..

نور الشمس22 · 29 أفريل 2010

شكرا خويا موضوع يعبر على الواقع ...............ياك كل شي ولى بالعرف و البيستون .........

missa_1 · 29 أفريل 2010

مشكور اخي
او ربي يشفي كامل مرضانا وينضو بالسلامة

نحكيلكم لأول مرة على حبيبتي.....

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو مُتميز ::

:: عضو مُتميز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو مُشارك ::

:: عضو بارز ::

:: عضو مُشارك ::

:: عضو مُشارك ::

:: عضو مُتميز ::

:: عضو مُشارك ::

:: عضو بارز ::

:: عضو مُتميز ::

:: عضو مُشارك ::

:: عضو بارز ::

المواضيع المشابهة