Recent content by wassila21

ياويلي ياويلي وخدوني في جهازي:scared01: قشي راه يطايش و أنا لاخبر فكرتيني في ألي فات يا أختي، يامات العرس و التوجاد أما درك بقاو غير الذكريات تاع عام و شهرين زواج ربي يقدر كل وحدة على جهازها و عرسها

السلام عليكم أولا ألف مبروك لكل حامل، و إن شاء الله تجيها وقفة ساهلة، و لكل وحدة محرومة ربي يرزقها و يعمر حجرها راني متزوجة تقريبا من 3 أشهر، و ماتقدروش تتصورو شحال راني متشوقة للحمل، و دائما مقلقة و نفسيتي تسوء كي تجيني الدورة، شحال من وحدة قالتلي ماشي مليح القلق، راه يعطل الحمل، صح هذا...

السلام عليكم البنات حبيت نعطيلكم طريقتي في حفظ الحشيش و المعدنوس ، بعدما نغسله و نشفه مليح، نجيب طرشونة تاع الكوزينة تكون نقية و نشمخها شوية برك بالماء (قيس ما تتندى ) و نلوي فيها الحشيش و نخبيه في الفريجيدارـ تشدلي تقريبا 4 أيام، حتى مرات مانغسلهاش باش تطول أكثر.

يعطيك الصحة أختي، هذه التحلية موالفى نديرها مي نزيد نضرب بياض البيض مع شوية سكرمليييييييح و نخلطه مع خليط الحليب بعد مايبرد و نفرغه في أكواب التقديم، يجي mousse au citron

و بيك أهلا أختي روز، شفتكم شحال من مرة تحكموني متلبسة :music_whistling: ربي يخليك أختي أم ندى، و يخليلك الأمورة ندوشة، و إن شاء الله تخرج شويطرة كيما ماماها.

السلام عليكم راني عضوة معاكم من مممممممممممدة ممكن مانشاركش بزاف و لكني وفية لهذا التجمع المهم، كلامي موجه لأختي أم ندى، أولا نقولها الله يحفظ هاذوك اليدين و ألف شكر على كل الوصفات ألي راكي تقدمي فيهم، كل مايكون عندي وقت نطبق إحدى وصفاتك و تخرج ماشاء الله. حبيت نحكيلك على العضوة أم كوثر بما...

عيدكم مبروك و كل عام و الشعب الجزائري و أهل اللمة بألف خير ، و العقوبة للعام الجاي إن شاء الله

الله يهدي ما خلق، حنا الحومة كل عام واش من جار (يا خوف تلحق دالتنا :scared:....بعيد الشر)، عندها يومين برك جيرانا ناضلهم الهبال، مي الوخدة سي المرأة هي ألي دارت ديقا مع وليدها عايراته و عايرت نسابها المهم ما خلات ما بقات و كي فاقت واش دارت يومين ما بانتش و ما حلتش التاقة المهم ربي يهديهم

مرحبا بيك أختي في بيتك الثاني و إن شاء الله تقضي أوقات ممتعة و مفيدة

السلام عليكم ، حبيت نسقسيكم، بقاتلي كمية كبيرة من صفار البيض و حبيت أندير بيه تحلية مي ما لقيتش ، و عندي أيضا كمية من أوراق الجيلاتين خفت ينتهي تاريخ صلاحيتها حبيت نستعملها مع التحلية . و شكرا مسبقا

شكرا لكي أختي أم ميسون، فكرة شابة مي المشكل خطيبي منع عليا الحمام :santa_1: عليها سقسيتكم إذا يصلحوا في الدار؟ علابالي راح نهبلكم بالأسئلة ديالي،و راح تقولوا صامطة هذه :glare:، ما عندي من غيركم ألي نسقسيه راكم كي خواتاتي بالنسبة للمطارح شحال في العادة ندي؟الوالدة قالتلي 2 و أنا حبيت 3 مي حشمت...

السلام عليكم البنات، وينكم؟ هذه غيبة، واقيل فريتوها و شريتوا كلش:yahoo: أنا راني درجة درجة كل ما يكون عندي صوردي نشري حويجة،المهم نقولكم واش زدت شريت هكذا تكون عند البنات فكرة ،شريت طقم روب الحمام فيه :الروب ،فوطة كبيرة ،فوطة متوسطة و البنتوفة ،لونه أبيض و فيه قلوب بالأحمر:heh:و المبلغ 5200دج...

السلام عليكم يا جماعة الخير، هذه غيبة؟ على حساب الشوفة راكم مهنيين كي ماكانش المشاكل إن شاء الله راكم كلكم بخير

السلام عليكم أختي، والله غير فكرتيني الله يفكرك في الشهادة حتى هذو يلزم نشريهم بارك الله فيك، بالنسبة للمفرش حبيت اللون أخضر أو موف، و هذو الثلاثة نخليهم للمناسبات، و حبيت نسقسيك و لكل يوم شحال ندي للشتاء(كووات) و للصيف؟

صباح الخير عليكم البنات، بصحتك أختي لينا تلبسيهم بالصحة و الهنا و الله يعاونك، أنا حاجة راهي مهبلتني ،حابة نسقسيكم شحال ندي معايا من مفرش( لغرفة النوم) بما أني أول واحدة أتجهز في العائلة ما عنديش فكرة حتي الوالدة كل مرة شحال تقولي ،غير كيما راني بديت، شريت واحد أبيض بالكروشي ب 7500دج و آخر لونه...