منتدى اللمة الجزائرية

ربي يريح بالك ويحقق أحلامك

ربي يهنيك ويشرح صدرك ويهون همك آمين

ربي يفرّج عليك حبيبتي وربي يرزقك ما تتمناي، رددي "يا حي يا قيوم برحمتك أستغيث أصلح لي شأني كلّه ولا تكلني إلى نفسي طرفة عين" ربي معاك ان شاء الله

و الله من كثرة الالم اظنها الموت ... مشكورون ليس لي غيركم ابوح له ما بخاطري ... جزاكم المولى خير الجزاء

واش بيك حبيبتي؟ واش لي يوجع فيك؟ قوليلي ترا، تحبي نراسلك؟

مشكورة يا غالية ...مشكلة في الخدمة دمرتلي كل حاجة بنيتها من قبل ...بصح و الله غير نستاهل لانه غير لي خاصو العقل كيما حالتي يخدم PريVي و زيد مع الصحبات ولا لي كنت حسبتهم صحابات ...

بنيتلهم مشروعهم ب افكاري و مجهودي و بسمعتي و فالاخير ...معليش فاطمة الزهراء تغسلي ماعين لانو لزمهم دراهم باش يوسعو المشروع و مبقلهومش باش يخلصو الخدامة... حسبي الله نعم الوكيل

ربي يعوضك ان شاء الله بما هو أحسن والحمد لله أنو ربي كشفلك بعض الناس حاليا أحسن ما تمشي معاهم بالنية، كوني واثقة ربي رايح يعوضك بالافضل، اذا حتجتيني وحبيتي تحكي وتفرغي قلبك راسلني في اي وقت تحبي

لا حول ولا قوة إلا بالله، يبروفيتيو عيناني هادو، ماتخافيش جهدك مايروحش هكاك والخدع عمرو ما يوصل لبعيد،ونتي على ناس تافهين تمرضي نفسك وتضيعي صحتك؟ردي بالك تعاوديها صحتك بجل من ألف مشروع هي لي تنفعك

طيشي عليك حكايتهم ولي داوه والله مايتهناو بيه، بصح ماتجيبيهاش على قلبك وين يمرض وهوما ينجحو ونتي تصبحي في الفراش بعيد الشر، وكلي ربي وابداي من جديد طريقك ورايحة تدي حقك عاجلا غير آجل لأنو ربي ما ينساش

و الله غير فكرة المشروع اساسا انا الاولى لي خممت فيها بصح الله غالب معنديش الدراهم باش ندير هذاك المشروع ... هما عندهم الدراهم و انا بافكاري و زيد و الله نخلص مليون و نص هذا مكان و كنت قانعة ممحتاجاش

الحمد لله انا من عائلة متوسطة لكن غاضتني الشمتة ...غدا ان شاء الله نديرو اجتماع و استقالتي راها واجدة و ان شاء الله ربي يستجبلكي و يعوضني بلي خير يا رب

لي يبني مشاريع على ظهور الناس عمرو لا يربح، ماتخميش حبيبتي ترقدي مظلومة وماترقديش ظالمة ربي رايح يعوضك بكل خير، نحي الهم هادا من قلبك نوضي صلي زوج ركعات واستغفري وشهدي وريحي نفسك صحتك بجل،اوكي حبيبتي؟