منتدى اللمة الجزائرية

واش هو بلاك نعاون؟

كي نجي نشارجي الميكرو يخي يشعل هاداك الضوء بلي راهو يشارجي،انا يكون شاعل من بعد يطفا وحدو، والشارجور راكب وحتى في الميكرو تخرجلي بلي الشارجور مبرونشي، بصح لاشارج ماتتحركش تبقى كيما راهي والضوء ماكانش ماعرفتش واش بيه

ادخلي الإعدادات تاع للحاسوب وحوسي وين كاين رمز تاع بطارية حاولي تقراي الإعدادات مليح بالاك راكي مشغلة نظام حفظ البطارية لي ما يخليكي تشارجي البطارية

مالقيت حتى حاجة في الإعدادات،بصح المشكل راهو يشارجي نورمال،نحطو يشارجي من بعد شوي نلقاه طفا والباطري باردة،عندك لا رايح يفسد الشارجور،خاطر كي نحيه لفترة ونزيد نرجعو يشعل ويكمل يشارجي نورمال من بعد شوي يزيد يحبس

قوليلي بلاك نقدر نعاونك ان شاء الله♥

ايه اختي تخافي الشارجور هو المشكل //بسك صراتلي هاذ العفسة مع البرتابل كي نحطو يتشارجى يطفى كومبلاتمو وكي نحيه يشعل // جربي تطفي الميكرو وتحطيه يشارجي مي نن بلاك فيه ريسك تبانلي شوفي حل مع الشارجور

الحاجة هذي لي نعرفها بالاك مشكل في الشارجور او سيي تنحي لاباتري تاعك

@ضيوف وسـنغادر المشكل الميكرو مايطفاش،شفتي الضوء هاداك كي تحطي الشارجور لي يبينلك بلي راهو يشارجي، أنا يكون شاعل نورمال والميكرو يشاجري من بعد يطفا الضوء ويتكتبلي في الميكرو بلي الشارجور مبرونشي بصح لاشارج ماتمشيش

@The tank كن نقولك لاباطري تاعي ماتتنحاش تاع الميكرو هههه ماعنديش بلاصة تخرج منها، لازم يتحل الميكرو كامل، معليش خويا حكيم كتر خيرك على الاقل ساعدت بالشي لي تعرفو بارك الله فيك

جربي شــاحن آخر... إدا اصلح الحمد لله ... ادا لم يصلح فاحتمال ان تكون البطارية هي من اتلفت... ولكن جربي شاحن اولا .. اما ادا كان لديك بطارية لجهاز آخر مشابهة (انتاع صديقاتك او العائلة) جربيها ايضا.. وبهده الطريقة يمكن يحل المشكل ان شاء الله-

ادا لم تفلح الطرق السالفة الدكر. ما عليك الا أن تأخدي الجهاز الى "عامل الصيانة"_________ثقة. بالتوفيق.

@Golden Man ياربي منين نجيب شاحن خلاف وبطارية هي البطارية كي تفسد تولي ماتقدرش تستخدمها بلا شارجور؟ يعني تطيح ليه ليه؟ خاطر انا درك بالسيف لا شارجيتو بصح كي تشارجا راني نخدم بيه عادي درك يعني ماكانش اشكال

الثقة تكون غير في العائلة، والعائلة المشكل درك هوما بعد ماش تاع ثقة هههه يسما لا شارجور لا باطري لا عامل صيانة هههه

بناءا على كلامك احتمال كبير جدااااااا أن المشكل في الشاحن... جربي واحد آخر في الغد وإن شاء الله خير (قبل ما تشتري جربي اولا). موفقة- وننتظر منك خبر جيد بهدا الخصوص ان شاء الله

@Golden Man ان شاء الله ياربي يكون الشارجور برك، مالف الشارجور كي نشارجي بيه يخي يولي ساخن، بصح هاد المرة كي نشارجي بيه بارد فهل المشكل فيه هنا ولا في الباطري؟

اوافقه الرأي ☝ربي معاك اختي الغالية ♥

@Golden Man بارك الله فيك اخي ربي يجازيك خير ان شاء الله