منتدى اللمة الجزائرية

كي يجاوبوك قوليلي ❤

الفلسفة فيها الهدرة بزاف على هاذيك كي تجي ديري مقالة تلقاي روحك مراكيش تعبري بالاسلوب الفلسفي والحاجة لي تخليك تتقيدي بالموضوع والأسلوب هي المنهجية
كل مقالة وعندها منهجية تعها
مقارنة أو جدلية استقصاء .
ونظن انك أدبية لذا معامل الفلسفة كبير مقارنة بالشعب الأخرى لازم تركزي عليها

دربي روحك حفظي الأقوال الفلسفية وتعلمي المنهجية وبقاي تسيي تكتبي مقالة وحدك لانك مرحش تقدري تحفظي ڨاع المقالات لازم تفهمي باش في الباك حتى وإذا نسيتي تكوني تعرفي ديري مقالة وحدك.
بالتوفيق

اممم يعني نكتب مقالة من عندي
كون من قبل نقولك مستحيل بصح ذرك لا شيء مستحيل كل شيء ممكن سأجرب ذلك اشكرك جزيل الشكر

لا ماشي مقالة ڨاع منعندك لازم تحفظي الأمور المهمة من الدرس الفلسقة لما تقراو درس قادر تجيكم عليه أكثر من مقالة يعني لما يتبدل السؤال تتبدل المقالة.
انتي حفظي من الدرس الأمور المهمة الحجج والبراهين الأقوال ..
وهكا لما تجي تكتبي مقالة توظفيهم على حساب السؤال المطروح والمنهجية المناسبة ..
حوسي في اليوتيوب أساتذة يقرو الفلسفة وتبعيهم باش تتمكني اكثر

شكرا امونة @afnene ❤
@منى كريم { ههه مزال معرفتش اسمك } ساو انتي ادبية ياك ؟ انا علمية احكولي شوي على الفلسفة ...
استاذة القسم اول مرة تحكم النهائي حدث ولاحرج

يا اختي راني مشوومرة سلكيني
ههههه نقصر برك اسمي هديل اڨزاكتلي ادبية
يا مرحبا الفلسفة السهلة الممتنع بزوج كلمات
اذا حبيتيها واستمتعتي بيها راح تجيك ساهلة واذا ماستمتعتيش بيها وما حبيتيهاش راح تكرهلك حياتك ... متعتامديش غير على الاستاذة
المنهجية لازم تهضميها نتع ثلاث مقالات وعندكتحليل نص لي يخافو منو كاامل

هديل اسمك حلو ❤ متشرفين ياقمر
المهم زيدي احكيلي وش تعرفي اشبعي فضولي وبيني شطارتك شغل تذكير فجائي ...