ممنوع تقولها للجنس اللطيف

[zinnoo walido]

اهيا لي جان تاوعنا واش راك هايلين ان شاء الله تكونو بخير
علابالكم كل يوم يفوت ونتعلم بزاف صوالح ولي تعلمتها وران اكيد 100/100 بلي صح انك ممنوع سي انتردي باش تقول للجنس اللطيف نبغيك بارسكو راهم رايحين يديروك مايوناز وياكلوك في سوندوتش والله
اديرك كي لخاتم في صبعها والله
وارجا مازال لحال وحد التقلاش يتقلشوه منحكيلكش
اهاااااااااااو وين رايح متولي فاهم والو ني التصرفات ني الهدرة تاعهم والو
ترجع كيم مجنون ليلى
ارجاو نزيدكم ............اواه لالا ضرك يزعفو عليا لبنات بالصح نقلهم اسمحولي نحتارمكم بزاف بالصح هذي هي الحقيقة ومتنكروهاش
ايا لي جان تاوعنا ان شاء الله كلمة نبغيك اقلعوها من الديكسيونار تاعكم

 

[sama-h]

صراحة خويا ضحكتني باين عليك مقيوس بزاف اسمحلي على الكلمة
مي شوف خويا رايحة ناقشك ما ننكرش انو صحيح كاين بنات ما تقدرش مشاعر الرجل ولا حتى تحتقره وتلعب بمشاعرو ولكن تاكد وانا مؤمنة اذا قالي الراجل نحبك فهو حقا يعنيها واكيد الطفلة تقدر تميز بين الحقيقة والوهم
اذا كنت نبادل هذا الشخص مشاعرو علاش نذلو الحب ماراهش خطيئة ولكن ما تلومش اللي عقليتهم صغيرة وزيد هي عدم الثقة المتبادلة بين الطرفين لبعضهم هي اللي توقع المشاكل بينهم واحنا ديما نعرفو الراجل عقلاني اكثر بدون انقاص او الاستهانة بمشاعره مي انا صراحة نحترمو بدل اني نهينو مشكور على الموضوع المتميز.

 

[zinnoo walido]

الاخت شحال عجبتني الصراحة تاعك والله لا صريحة ويعطيك الصحة وباينة نتي بنت فاميليا كل كلمة قلتيها عندك الصح فيها وعلا لي قلتي عقليتهم صغير سي فري والله لا كاينة منها
وكل كلمة قلتيها انا مامن بيها علاخاطر تخمام تاعي فان كيم هكذا وكانت اخر جملة عجبتني بزاف (مي انا صراحة نحترمو بدل اني نهينو مشكور على الموضوع المتميز.)
مارسي بزاف بزاف يعطيك الصحة نتي انسانة متفهمة وهاربة فالعقلية من الهدرة تاعك تباني خموس عليك وخمسة في عيون الحسادين

 

[بدرالدين]

اخي الكريم اسمحلي
بلاك انت عندك مشكل معى النساء
انا متزوج مند اربع سنوات و احب زوجتي و نموت عيها
و ةنقولها نحبك قريب 50 مرة في الهار

 

[zinnoo walido]

اخي الكريم اسمحلي
بلاك انت عندك مشكل معى النساء
انا متزوج مند اربع سنوات و احب زوجتي و نموت عيها
و ةنقولها نحبك قريب 50 مرة في الهار

الله يبارك خويا لعزيز وربي يخليهالك ويطيب مابيناتكم البروبلام انا مازلت صغير بزاف علا الزواج وهذي وجهة نضري والخت لي جاوبت قبلك فهمتني 1000/100
مشكووووووووووور

 

[بدرالدين]

شكرا لك اخي مفيش مشكل​

 

[simouka]

السلام عليكم​

عندهم ليجان تاع اللمة الزهر لي لقاو خوهم بنصحهم
و هذي وجهة نظر كل واحد كي تبانله و كي يحكم عليها

بارك الله فيك​

... و كيما يقولو ما يحس بالجمرة غير لي يعفس عليها
و سال المجرب و ما تسالش الطبيب ​

الله يدومها ​

 

[zinnoo walido]

السلام عليكم​

عندهم ليجان تاع اللمة الزهر لي لقاو خوهم بنصحهم
و هذي وجهة نظر كل واحد كي تبانله و كي يحكم عليها

بارك الله فيك​

... و كيما يقولو ما يحس بالجمرة غير لي يعفس عليها
و سال المجرب و ما تسالش الطبيب ​

الله يدومها ​

بارك الله فيك الاخت شرفتينا بالصراحة تاعك مي الله يدومها علا واش ؟ مفهمتش
مشكوووووورة

 

[sama-h]

الاخت شحال عجبتني الصراحة تاعك والله لا صريحة ويعطيك الصحة وباينة نتي بنت فاميليا كل كلمة قلتيها عندك الصح فيها وعلا لي قلتي عقليتهم صغير سي فري والله لا كاينة منها
وكل كلمة قلتيها انا مامن بيها علاخاطر تخمام تاعي فان كيم هكذا وكانت اخر جملة عجبتني بزاف (مي انا صراحة نحترمو بدل اني نهينو مشكور على الموضوع المتميز.)
مارسي بزاف بزاف يعطيك الصحة نتي انسانة متفهمة وهاربة فالعقلية من الهدرة تاعك تباني خموس عليك وخمسة في عيون الحسادين

والله خويا حشمتني ونورتني واسعدتني بردك والله ماينفع غير الصح وهذا واجبي نصارح ونقول لخويا راي وانت طبعا ديما منورني ومنور اللمة اكيد ربي يخليك وصحا عيد خويا لعزيز لعقوبة للعام لجاي

 

[عا مـــــــــــر]

لزم الطفلة تحس بالرجل ...............والرجل يحس بيها ويلقاو بعضهم وقت الشدة

 

[khaldi narimane]

...للاسف خوايا لازم نعتارف بلي هاذ الظاهرة موجوده ... و كلمة نبغيك اسمى وارقى باش يتلاعبو بيها كيما هاذ لبنات ... لازم يحتارمو الحب .. مي كاين شي ولاد تاني يتلاعبو بالحب
ماشي غير لبنات ..... بصح علابالك بلي هاذ الخدمه غير عند الجزائريين .. خاطر يقولو .
الحب ولد في فرنسا و كبر و ترعرع في مصر و توفي في الجزائر .. معناها الحب نتاع الصح ما وصلناش قاع .... وقليل اللي يوصله ...

 

[zinnoo walido]

والله خويا حشمتني ونورتني واسعدتني بردك والله ماينفع غير الصح وهذا واجبي نصارح ونقول لخويا راي وانت طبعا ديما منورني ومنور اللمة اكيد ربي يخليك وصحا عيد خويا لعزيز لعقوبة للعام لجاي

اي الاخت نقولك الصح ونقلك هنا فالموضوع بلي عجبتيني بزاف في عقليتك والله خلي لي يشوف الموضوع يقلك راه يجامل فيها ران نجامل ولا منيش نجامل المهم نتي عقليتك فور بزاف قاع شتاكاين وصح عيدك مليار

 

[zinnoo walido]

...للاسف خوايا لازم نعتارف بلي هاذ الظاهرة موجوده ... و كلمة نبغيك اسمى وارقى باش يتلاعبو بيها كيما هاذ لبنات ... لازم يحتارمو الحب .. مي كاين شي ولاد تاني يتلاعبو بالحب
ماشي غير لبنات ..... بصح علابالك بلي هاذ الخدمه غير عند الجزائريين .. خاطر يقولو .
الحب ولد في فرنسا و كبر و ترعرع في مصر و توفي في الجزائر .. معناها الحب نتاع الصح ما وصلناش قاع .... وقليل اللي يوصله ...

اي سي فري صعيب باش تلقى كيم قلتي مارسي بزاف بزاف على تفهمك للموضوع
مشكوووووووووورة

 

[sama-h]

اي الاخت نقولك الصح ونقلك هنا فالموضوع بلي عجبتيني بزاف في عقليتك والله خلي لي يشوف الموضوع يقلك راه يجامل فيها ران نجامل ولا منيش نجامل المهم نتي عقليتك فور بزاف قاع شتاكاين وصح عيدك مليار

هذا من ذوقك برك خويا الله يعزك وشرفتني بانطباعك مشكور الله يوفقك ومزيد من التالق والتميز.

 

[zinnoo walido]

شكرا لك اخي مفيش مشكل​

الله يحفضك خويا نورتنا بردك

 

[mizou25000]

واش دارو فينا المسلسلات التركية ، علابالك بالي الطفلة كي تقولها نبغيك و نموت عليك و منقدرش نعيش بلابيك تتبدل و لا معلابالكش

 

[tarek 09]

اسمحليي خويا الله غالب لازم نقول هاد الكلمة
كون مانقولهاش راهم مايروحوش
وادا في التلفون مايكوبيوش حتى يسمعوها

 

[ABDOU 28]

انا منكذبش عليك خويا.......................هاذي الكلمة (نبغيك) نقولها ونعاود بالصح من قلبي.........كيما نقولكم عيدكم مبارك جميعا

 

[zinnoo walido]

واش دارو فينا المسلسلات التركية ، علابالك بالي الطفلة كي تقولها نبغيك و نموت عليك و منقدرش نعيش بلابيك تتبدل و لا معلابالكش

سي فري كاين منها همالا غير مكانلاه تنطقها

 

[zinnoo walido]

واش دارو فينا المسلسلات التركية ، علابالك بالي الطفلة كي تقولها نبغيك و نموت عليك و منقدرش نعيش بلابيك تتبدل و لا معلابالكش

سي فري كاين منها همالا غير مكانلاه تنطقها