الرجاء من الجميع المشاركة وابداء الراي..

[3afaf]

السلام عليكم اخوتي اخواتي الكرام​

اليوم حبيت نتحدث على موضوع كبير ومهم جدا على الاقل بنظري وانشاء الله يكون كاين كاش واحد فيكم يوافقني الراي...
انا ترددت كثير قبل ما نطرح الموضوع لانني راني متاكدة بلي راح يلقى معارضة من البعض ويقول عليا بلي انا واحدة حابسة بالعامية نتاعنا وراهو عصري سابقني بلبزاف.....بصح ماعليش ياك يقولو( الساكت عن الحق شيطان اخرس)
راني طولت عليكم المهم الموضوع هو الصحوبية بين الشباب والبنات او الولد والبنت
وكاين بزاف الي راهم دايرنها موضة العصر والي ماعندهاش حنونها والي ماعندوش حنونتو يقولو عليهم صحابهم متخلفين ويقولولهم العصر طور :confused1::confused1: كيفاش ماعندكش:confused1::confused1:..
وهنا هو المشكل الكبير رانا نقلدوا الغرب في كلشي وهذا التقليد اعمى بلبزاف وحقيقة رانا ندو في قشروهم ومخليين اللب...
وشبابنا اليوم انساو بلي احنا مسلمين والاسلام حرم الخلوة بين الشباب والبنات وراحين تقولولي رحتي بعيد... بصح انا نعرف كي البنت دير صاحبها الشئ الاول لي يقولولها وين نتلاقاو وعلابالي رايحين تقولو قعدة بريئة بصح يقولو مااجتمع اثنان الا ثالثهما الشيطان...
وانا هذا الموضوع يهمني كثير لذلك حضرت لكثير من المقابلات والحصص الدينة في هذا الموضوع وكلهم حرمو ا هذا الشئ ...والبعض منهم اعتبرو الخلوة قد تكون ايضا في الهاتف وحقيقة سمعنا قصص مخزية بهذا الشان ...
وبلا هذا الشئ كاين شباب وبنات طول الليل وهوما يهدرو في التيليفون ويتكلمو الا في التفاهات ....واذا قولتولهم قومو الليل مثلا يتسبب بالف سبة وعذر اما اذا رن تيليفونو في اي وقت تلقاه ناض طاير... والمشكل ايضا في شبابنا اليوم كاين منهم الي راهو داير صحبتو بصح راهو مقتنع الف اقتناع بلي مايديهاش (يتزوج بيها) وحتى هيا وعلابالها بصح كي تقوللهم يقولك هدا c'est un passe temps لانو احنا اغلب شبابنا عندهم نظرة سيئة لهذا الموضوع واكيد تبقى في الاخيرعندوmentalité algerienne وايضا بالنسبة الى الاخت ادا سمع بيها دايرة واحد يبدا يشعل ويبدا كيما هداك الثور الهايج...وهنا يبان بلي هدا الشئ ماشي نورمال...
ماعناتو يقبلها لبنات الناس ومايقبلهاش لاختو وهدا شئ خطير جداااااااااااا وتعرف بلي في نفسيتهم وفي عقلهم مراهومش مقتنعين بواش راهم يديرو...وفي الاخير الشاب يبقى شاب وماتطفر وتروح غير في الطفلة على ديك نصيحتي للبنات ونقولهم خليكم من هدا الشئ قعدي معزة مكرمة حتى يجيلك مكتوبك واكيد ربي راح يعطيك الي تتمنايه انشاء الله...
ومن فضلكم كل واحد الي يقرا الموضوع يشاركنا برايو ........وفي الاخير هذا مجرد راي

 

[abdelmalek88]

صحيح هي موضة العصر عند الكثيرين ولكني اوافقك الراي​

 

[عاشقة مجهول]

يعطيك الصحة حنونتي انتي صاحببيتي صح
صدقيني كينقولك مازدتي حتى كلمة ومانقصتي على واش راني نخمم
صح راهي ولات كارتة درك وصح ماكانش اللي ماغلطتش وحكات مع واحد بصح الفائدة في التوبة قبل فوات الاوان
وزيد لاموض هاذي راهي كيفها كيما اللبسة ووووووووووووووووووووووووووواللي خلاتنا ومسحتنا في الارض

تقبلي مروري

 

[poli]

ana tellment chaft salafiyat ta3na mdayrin la3jab walit 3ady w sraha ana ndon hadi hayat kol wahad fina mach chart anana nmado rayna
okhty diri bimah tamny matab3ich wach ygolo ness
merci

 

[3afaf]

يعطيك الصحة حنونتي انتي صاحببيتي صح
صدقيني كينقولك مازدتي حتى كلمة ومانقصتي على واش راني نخمم
صح راهي ولات كارتة درك وصح ماكانش اللي ماغلطتش وحكات مع واحد بصح الفائدة في التوبة قبل فوات الاوان
وزيد لاموض هاذي راهي كيفها كيما اللبسة ووووووووووووووووووووووووووواللي خلاتنا ومسحتنا في الارض

تقبلي مروري

شكرا اختي على المرور والمشاركة
والحمد لله الي كاين الي يخمم كيما انا..:thumbup::thumbup:

 

[3afaf]

ana tellment chaft salafiyat ta3na mdayrin la3jab walit 3ady w sraha ana ndon hadi hayat kol wahad fina mach chart anana nmado rayna
okhty diri bimah tamny matab3ich wach ygolo ness
merci

ميرسي حنونة على المشاركة وفي الاخير هذا رايك ونحترمو ....
وانا ماني سلفية وماني متعصبة وانما طرحة الموضوع بصفة عامة و هذي هيا عقليتي:biggrin::biggrin:الله غالب:blush:

 

[3afaf]

صحيح هي موضة العصر عند الكثيرين ولكني اوافقك الراي​

شكرا اخي على المشاركة

:thumbup::thumbup:​

 

[lina18258]

الحمد للهه كي صبت وحدة توافقني في الراي انا تاني نخمم كيما انتي ولي قعدت حايرة فيها كيفاش وحدة تكون عارفة بلي راه يجوز في الوقت بيها ورغم هذا الشىء تقبل نورمال وين راهو عقلها انا والله ما عرفت
ديننا الاسلامي منح قيمة عالية للمراة ومنع عليها كامل الاشياء الي تشوها بصح بنات اليوم هوما مطيحين بقيمتهم ولاو يعاندوا في الغرب تقليد اعمى
لوكان غربية تشوف القيمة الي اعطاها الاسلام للمراة ما تترددش دقيقة في اعلان اسلامها

 

[حياة الأمل]

شكرا على طرحك هذا الموضوع الهام الذي إنتشر مع الأسف في مجتمعنا وأصبح موضة وأرجوا من الشباب أن يبتعد عن التفاهات التي كم قلتي لا تضر سوى بسمعة البنت

 

[sara_k]

أوافقك الرأي في كل كلمة كتبتيها وأشكرك لأنك أرحتني نوعا ما أختي العزيزة موضوعك مميز ورائع تقبلي مرور أختك سارة
​

 

[يسرى 2008]

عندك الحق اختي عفاف
انا تاني لاحظتها هادي النقطة في بنات ودكورة الليسي والسيام حتى الجامعة
مشكورة وراي من راي

 

[المتفائلة خيرا]

عندك الحق ذرك صار لي موش داير علاقة مزال ما
طلعش عليه النهار يعني متخلف وانا عن نفسي معندها حتى
أهمية في حياتي مجرد تفهات يلهو بيها رواحهم
مشكورة موضوعك يستحق النقاش فعلا

 

[سكيكدية]

اولا جزاك الله خيرا اختي الكريمة على طرح هذا الموضوع المهم و الحساس وراني موافقتك100 % فكل كلمة قلتيها و الي نشوفوه في المجتمع راه بعيد بزاف على ديننا وعاداتنا وتقاليدنا والشئ الوحيد الي نملكوه هو الدعاء ربي يهدي جميع شباب المسلمين ويبعد عليهم اولاد الحرام قولوا آمين

 

[3afaf]

الحمد للهه كي صبت وحدة توافقني في الراي انا تاني نخمم كيما انتي ولي قعدت حايرة فيها كيفاش وحدة تكون عارفة بلي راه يجوز في الوقت بيها ورغم هذا الشىء تقبل نورمال وين راهو عقلها انا والله ما عرفت
ديننا الاسلامي منح قيمة عالية للمراة ومنع عليها كامل الاشياء الي تشوها بصح بنات اليوم هوما مطيحين بقيمتهم ولاو يعاندوا في الغرب تقليد اعمى
لوكان غربية تشوف القيمة الي اعطاها الاسلام للمراة ما تترددش دقيقة في اعلان اسلامها

شكرا اختى على مرورك وعلى تعبيرك ورايك الجميل​

 

[3afaf]

شكراااااااااا ياجماعة على مروركم

:thumbup::thumbup::thumbup:
وعلى ردكم على الموضوع
وكي كاين بنات يخمو هكدا
معنتها الدنيا مزالها بخير
الحمد لله

:thumbup::thumbup:​

 

[فارس شرفي]

يا ختي واش نقلك الله يبارك هذاك ما خصنا , والله أول مرة ندخل لهذا النتدى الموضوع تاعك هو الاول لي قريتو وعجبني بزاف ومن المنطق أني نوافقك الرأي ويقولو لي يحس بروحو يقدر يحس بيك ونتمنى ربي يهدينا هذا مكان , الموضوع حساس بزاف :thumbup1::thumbup1::thumbup1:

 

[عاشقة مجهول]

ana tellment chaft salafiyat ta3na mdayrin la3jab walit 3ady w sraha ana ndon hadi hayat kol wahad fina mach chart anana nmado rayna
okhty diri bimah tamny matab3ich wach ygolo ness
merci

لالااختي اللي شفتيها لابسة خيمار طويل ولا جلباب وماشيا مع صاحبها يمكن ماهيش سلفية بكل معنى الكلمة يمكن لابسة مجرد لبس فقط ولا يمكن انتي شفتي وحدة سلفية صح مع الزوج تاعها ولا خطيبها .......ولا تحسبي في السلافيات مايخرجوش ومايحوسوش مع الزوج تاعم راكي غالطة اختي لعزيزة
وزيد صح كل وحدة وعقليتها بصح كاين حاجة اسمها العادات والتقاليد وخاصة الدين اللي تمحاو وجات في بلاصتهم حاجة اسمها لامود والحرية الشخصية وحقوق المرأة والتحرر وووووووووووووووو
اسمحيلي مانيش معاك في هدرتك
وكان فهمتك بالغالط ...........اسمحيلي
تقبلي ردي

وتحياتي ومع احترامي لموقفك

 

[narimane]

مشكورة اختي عفاف على الموضوع الهايل
هادا صح مشكل رانا نشوفوه بزاف
صح كاين بنات لي راهم حاسبينها موضة و لوكان ماعندهاش واحد تسماpérimée ولازم تزوخ قدام صحاباتها و كلش هادو ربي يهديهم
وكاين فئة اخرى تاع بنات لي انا نسميهم ضحايا, ضحايا خطراكش كاين ناس يستغلوهم انا نحير كي نشوف طفلة تمشي معا واحد لي يلعب بيها و هي مايش جايبة خبر وهادا كامل لانها مالقاتش لي ينصحها و نشكرك خطراكش بمواضيع كيما هادي و بنات كيما نتيا لي رايحين ماشي نتخلصو و انما انقصو من هاد الظاهرة
:thumbup1:تقبلي مروري:thumbup1:​

 

[3afaf]

مشكورة اختي عفاف على الموضوع الهايل

هادا صح مشكل رانا نشوفوه بزاف
صح كاين بنات لي راهم حاسبينها موضة و لوكان ماعندهاش واحد تسماpérimée ولازم تزوخ قدام صحاباتها و كلش هادو ربي يهديهم
وكاين فئة اخرى تاع بنات لي انا نسميهم ضحايا, ضحايا خطراكش كاين ناس يستغلوهم انا نحير كي نشوف طفلة تمشي معا واحد لي يلعب بيها و هي مايش جايبة خبر وهادا كامل لانها مالقاتش لي ينصحها و نشكرك خطراكش بمواضيع كيما هادي و بنات كيما نتيا لي رايحين ماشي نتخلصو و انما انقصو من هاد الظاهرة

:thumbup1:تقبلي مروري:thumbup1:​

يعطيك الصحة اختي على هذا الكلام و مشكورة على المرور

:biggrin::thumbup::thumbup::biggrin:​

 

[سوسو الفيلسوفة]

تقبلي مروري اختي العزيزة
والله عند الف حق انا تاني راني ضد هاد العلاقات وانا كنت حاطة روحي بلي غير انا الي نخمم هكدا من كثرة واش يقولوولي بلي راني متخلفة مرسي كتير على هاد الموضوع