شكون اللي يعرف قاطو يستغرق اقل من ساعة؟؟...ادخل وماتقارعش

[la_fleur_de_joie]

السلام عليكم البنات والولاد واش راكم؟؟
شوفو انا نبغي نطيب الحلويات بصح نبغي وحدين خفيف ظريف نكملهم علاخاطرش نخرج على 5 ولازملي نوجد القهوة لبابا وماما اللي يخدمو ويخرجو على 5.30 علاهاذيك الله يخليكم عاونوني مانبغيش القهوة بلا قاطو ومانبغيش كل مرة نشري ولا ندير غي التقنتة ولاالطمينة:blink: عاونوني اللي تعرف قاطو مايطيبش في الكوشة ويستغرق اقل من ساعة في التحضير تقوللي والاولاد كل واحد يسقسي امو:laugh:
راني نستنى فيكم لا تبخلو علي...وشكراااااااا وسمحولي على العنوان بصح كان لازم عنوان يجذبكم باش تدخلو :tongue_smilie::laugh:

 

[الهاملية]

ههههههههههههههه
كي تلقايه قوليلي
بصح نعطيك قاطو يطيب والله قا ساهل ويستغرق اقل من ساعة ورخيص
النواتكوكو
المقادير 3 بيضات كاملة وصفار بيضة
كاس سكر
كاس زيت
1خميرة كيميائية و1 فاني
الفرينة حسب الحاجة حتى تصبح عجينة
تخلط كل المكونات بالترتيب الموجود في المقادير وتضاف الفرينة حتى تصبح عجينة ثم تديري كويرات صغيرة وتطيبيها في الفرن من تحت فقط

كي تطيب اقطسيها في المعجون ثم في النواتكوكواو في الشوكولا ثم في النواتكوكو
اذا جربتيها رديلي بالخبر