ظلمتنا الدنيا و معرفنا واش نديرو...................؟؟؟؟؟؟

[fati-oran]

هاذي الدنيا وماعرفنا مانديرو معاها
لي فقيرتلقاه كاره حياته ويقولك ظلمتني الدنيا و ناسها وما عنده ما يدير a part الصبر ويستنى الله سبحانو وقتاش يفرج عليه
......................................................
لي غني تلقاه مايخصه والو كلشي عنده ويقولك كرهت من حياتي وتلقاه غير يبذر في دراهمو ما عارف مايدير ومايشوفش اللي تحت منه
......................................................
لي قاري متخرج بشهادات نتاوعه تلقاه يدور يحوس على الخدمة malgré le niveaux نتاعه و ماتصحلهش يديها لي عمره ما قرا بصح عنده المعرفة
...................................................
ولي ماقراش الله غالب عليه تلقاه في القنوت مع الدخان والمخذرات ويقولك تنسيني همومي
...................................................
ولي ما لقاش ما يخدم وما لقاش باه يصرف على روحه تلقاه حرق وبعد على بلاده ويقولك ماعليش meme نموت في البحر المهم ما نرجعش بصح تطفر غير فيه
................................................
ولي كاره من وجوه العديان اللي يشوفوه كيفاش طلع كيفاش هبط واش عمل ...تلقاه يقولك كرهت حياتي انا نبغيها وهي تكرهني
..............................................
اللللللللللللللللللللللللللللللللللللللللللللللللللخ
.............................................
راني عارفة بلي كل واحد فينا عنده مشكلة تقريبا لي راني نحكي فيها ولي هي ظلم الحياة
جاوبوني كيفاش نديرو مع هاذي الدنيا؟؟؟؟؟؟؟؟؟؟

 

[عاشق اللمة الجزائرية]

الدنيا عمرها ما تظلم الواحد ، احنا اللي تغيرنا و صار الحرام كثر من الحلال ، وهذا شيء طبيعي تكون دنيتنا على حساب نيتنا ، وباه تتصلح الامور لازم احنا اولا نتصلحوا ياك يقولو " لن يغير الله ما بقوم حتى يغيروا ما بانفسهم"

الله يجيب الخير و يجعلنا من اهل الجنة ، اما الدنيا فهي دار ممر والاخرة دار مستقر

 

[AHHMED]

اختي مواضيعك دائما قابلة لنقاش الشفاف ..برحم بوك منين راكي دجيبي هاذ المشاكل
طبعا انا من قولي لو يكون الانسان صريح مع نفس اللومة الاجد الحل لكل مشكل يعترضه وان يكون صريح مع الاخرين لتصحيح الغلط مثلاان اراد احد اخوانك اعانة اعنه ولو على حافت الطريق

 

[عادل]

السلام عليكم ورحمة الله وبركاته
اختى فاتن بارك الله فيك على الطرح الجميل للموضوع واما عن سؤالك اكيد ان كل واحد يعاني من ظلم الحياة اختى ابشرك ان الحياة لم ولن تظلم احد كما قال اخي عاشق ولكن لتعرفي انه من المستحيل ان تجدي مسلم اقول مسلم ويقول لك انى سعيد او الا مشاكل عنده مستحيل اقلك لماذا لاننا في دار شقاء وكلما أضحكتك الدنيا يوما ابكتك ايام هذه قاعدة لا مفر لنا منها لكن الايمان القوى والصبر هما سلاحنا في الحياة
بارك الرحمان فيك اختى وشرح صدرك للايمان وصدري وانار لنا طريق الهداية اأأأأاااامين يارب

 

[fati-oran]

ربي يحفظك خويا عاشق اللمة كيما قلت الناس قاع تغيروا ولا الخداع بزاف ومابقا للحياة goux
........................................
خويا احمد انا في عمري 18 سنة عندي واحد القلب défois نقول نقسح قلبي على الناس لي يظلمو بصح le meme نحس بالناس وبالمشاكل نتاعهم وننسى خطرات روحي يغيضوني هاذوك الناس لي يطيحو ويجرو وفي la fin يحكموا غير فالريح
......................................
خويا عادل صح الدنيا ماتظلمش ناسها هوما لي يظلموا وكيما قلت ماكاش لي راه هاني من المشاكل
انشاء الله ربي يفرج على قاع لي راهم مغبونين
.....................................
نقولكم الصح خوتي راني مانقدرش نشوف الناس لي عايشين بالصبرويقارعو ربي يفرج عليهم mais هاذي هي سنة الحياة
...................................
mais la question لي تبقى مطروحة علينا علاه الناس دارو في عقولهم غير رواحهم وبقاو يخمموا غير في نفوسهم ولا القوي ياكل الضعيف راح مابقا شان ودنيا ولات غير اعطيني
الله يسترنا من العقايب

 

[خليفة السعيدى]

اسمحولى نشارك معاكم فى ا لموضوع
شوفى أختى فاتى أنا مرة قريت حديث قدسي يقول فيه الله
" بعزتى وجلالى لأرزقنا قليلة الحيلة حتى يعجب منه أصحاب ا لحيل "
معناه باللى الانسان لازم يؤمن أن الله هو الرزاق ومن غير الله ما في و لا حد يقدر يرزقك
ثانيا - الله سبحانه يقول " قل لن يصيبنا الا ما كتب الله "
والرسول صلى الله عليه وسلم يقول
لو اجتمع الانس والجن على ان ينفعوك ما نفعوك الا بشيئ قد كتبه الله لك
ولو اجتمع الانس والجن على أن يضروك ما ضروك الا بشيئ قد كتبه الله لك "
بالمعنى لازم نرضى بالقضاء والقدر
و لازم كل واحد يكون مؤمن بالله ويعرف ربه ويتقرب منه
يعنى نصيحتى هى
الدعـــــــــــــــــاء .... الدعــــــــــــــــــــــاء ... الدعـــــــــــــــــــــــــاء
ولازم الالحاح فى الدعــــــــــــــــــاء واعرفى أن ربنا ما راح يردنا خايبين
ونعم بالله
واسمحولى اذا طولت عليكم
ومشكورة الاخت على الموضوع

 

[fati-oran]

شكرا خوتي على الردود
............................
mais حبيت نسقسي على حاجة علاش الناس دارت في قلبها غير الكذب و الخدع والنفاق
تلقاوهم مايخصهم حتى حاجة ويعرفوا غير الكذب عندهم poisson d'avril قاع العام
.............................
ما نكدبش عليكم انا حياتي كرهتها على جال هاذ الناس
.....................................
قولولي واش ندير