- إنضم
- 15 ماي 2008
- المشاركات
- 2,933
- نقاط التفاعل
- 31
- نقاط الجوائز
- 517
السلام عليكم
هاذي الحكاية عندها اقل من شهر صرات في قسمي الي من المفروض يكون مكان تاع تعليم وتربية ال غيره:angel_not:
وحد النهار الاستاذ طلب من وحد التلميذ يعربلو كلمة ...التلميذ ما عرفش الله غالب حابس ما يعرفش:confused1:
ايا راح الاستاذ لهاذ الطالب وضربو قدامنا كامل ...وهاذ الطالب راجل الله يبارك ...ايا غاضتو عمرو واش من راجل يقبل يضربوه قدام صحابو....هو كذلك ناض للاستاذ وضربو وبدات الحرب العالمية الثالثة بين الاستاذ والتلميذ:cursing:...الحالة مهولة :blink:حتى سيلو لبعضاهم الدم باه حبسووووو
الاستاذ دار في التلميذ تقرير ......بصح التلميذ وليد خال المدير ما بغاش يطردو .......الاساتذة دارو اضراباات شحال من يوم ما قريناااااش .......ومبعد قررو يفصلو التلميذ ....رجع المدير تفاهم مع التلاميذ باش يديرو اضراب هوما ثان ...رجعنا مرة اخرى للاضراب بصح هاذ المرة من قبل التلاميذ
وكي جاو الامتحانات جا الطالب يدير الاختباااار......... مرة اخرى الاساتذة رجعو للاضراب وما درناش الاختبارات......
وفي الاخير نقلو التلميذ لمدرسة اخرى
وشكوووووووووووووووووون الخااااااااسر .........غير التلاميذ ضيعونا شحال من درس
بصح الي انا ما فهمتهااش
هل الاستاذ عندو الحق يضرب طالب فايت فيه ف الطول؟؟؟
والطالب عندو الحق باه يدافع على نفس ولا لالا حتى ولو ضد الاستاذ؟؟؟
وعلابالي هاذ القصة راهي صرات في شحال من ليسي بصح لوينتا ووعلاه
علاه الاستاذ يوصل التلميذ ولا العكس .....وعلاش رجعت اداراتناااا هكذا و مؤسساتنااا
شاركوني رايكم وفهموني ...انا راهي غايضتني بلادي...هكذا ماريحين نوصلو لوالووو
سلااااااااااااام
