السلام عليكم يا أهل اللمة ... ان شاء الله تكونوا بخير كامل
أول مرة رايحة نكتب هنا في منتدى واش راك تهدر بقلمي الخاص ، حابة نطرح الموضوع تاع النقاش ، يعني أنا كي نشوف موضوع للنقاش مكتوب بالبند العريض و دايرين اشارة تاع عاجل ولا بيان ولا ... يعني تلفت الانتباه و تتحمس باش تدخل تمد رأيك و تأخذ من آراء الآخرين ( تقبل الطرف الآخر كيما نقولوا ) و بصراحة هادي هي المواضيع اللي نحبها بزاف و نحب نشارك فيها بزاف ، يعني الانسان يحب يعرف وجهة نظر الآخرين أو يجد اجابات على تساؤلاته حاجة مليحة ومنها تعرف مدى الوعي تاع الناس و المجتمع اللي راك عايش فيه ...
المهم بلا ما نطول عليكم ، كي ترد على هاد المواضيع و تكون متحمس باش واحد يجاوبك و يقولك لالا راك غالط ولا ايه راني معاك ولا يمدلك أمثلة واحدوخرين تثري بها معلوماتك بالاك يكونوا معلومات جدد ولا معلومات خاطئة وانت تعاود تصححهملو حتى نتوصلوا الى مبتغانا و بالاك نلقاو حل للموضوع ، بصح كي تدخل و تلقى رد مشكووووووووووور:blink: أو روووووووووووعة :blink: تصعق للموقف كي شغل كنت تطبل ، ولا صاحب الموضوع يرميه و يقللللللللللع :lol: من هاذاك النهار ماتزيدش تشوف وجهو ولا يدخل يلقى الردود يبدا يمدح و يقولهم شكرا لكم كلكم على الردود :angry: مالا وين راه النقاش ؟؟؟؟؟؟؟؟ ولا كلمة نقاش جات في العنوان برك؟؟ :glare:
المهم بلا ما نطول عليكم ، كي ترد على هاد المواضيع و تكون متحمس باش واحد يجاوبك و يقولك لالا راك غالط ولا ايه راني معاك ولا يمدلك أمثلة واحدوخرين تثري بها معلوماتك بالاك يكونوا معلومات جدد ولا معلومات خاطئة وانت تعاود تصححهملو حتى نتوصلوا الى مبتغانا و بالاك نلقاو حل للموضوع ، بصح كي تدخل و تلقى رد مشكووووووووووور:blink: أو روووووووووووعة :blink: تصعق للموقف كي شغل كنت تطبل ، ولا صاحب الموضوع يرميه و يقللللللللللع :lol: من هاذاك النهار ماتزيدش تشوف وجهو ولا يدخل يلقى الردود يبدا يمدح و يقولهم شكرا لكم كلكم على الردود :angry: مالا وين راه النقاش ؟؟؟؟؟؟؟؟ ولا كلمة نقاش جات في العنوان برك؟؟ :glare:
نتمنى تزول هاد الأفعال و نكونوا في مستوى راقي من النقاش الهادف اللي رانا نسعاو باش نحققوه
تقبلوا مني رأيي و اذا كان هناك تعليق أو زيادة أو آراء فكلي آذان صاغية :001_smile:
في أمان الله يا أحلى أعضاء بأحلى لمة
hmy: ولا نتي عندبالك قاع الناس تعرف تناقش :confused1:؟بلاك كاين ميصيبش الكلمات وكاين لي يقرا ويروح وميهموش رايك ولا راي الاخرين او كاين او كاين
