ساعدوني ربي يفرحكم ويجازيكم

[تقوى القلوب]

:001_wub::confused1:سلام راني شريت بودرة التلك والشب المطحون قولولي ما الفايدة منهم وكيفاش نستعملهم وتاني حابة نعرف فايدة ماء الورد راني نمسح بيه وجهي كل مساء واش يدير ووينتا تظهر النتيجة ماعليش سؤال محرج يالبنات كي نحي الشعر في المنطقة الحساسة تظهر الحبوب وحساسية كيفش الطريقة الصحيحة للنزع وواش ندير من بعد اللي انحي ساعدوني مانعرف والو وقريب نتزوج اقيتكم غير انتوما اللي تعاونوني من قلوبكم اسمحولي كلامي محرج :confused1:

 

[طيور الجنة21]

اولا السلام عليكم وربي يهنيك ويوفقك

بالنسبة للشب المطحون انا شخصيا أستعمله تحت الإبط وذلك للتخلص من رائحة العرق نهائيا
اما بالنسبة للوجه انصحك بالقارس حكي بيه وجهك قبل ماترقدي و خليه حوالي ربع ساعة ثم أغسلي بماء فاتر وسترين النتيجة فعالة و تبيض

حكي سنيك بالملح
ماء الورد ترطيب للبشرة فقط


و إن إحتجت شيئا آخر إسأليني أنا هنا
​

 

[تقوى القلوب]

شكرا حبيبتي قوليلي كيفاش تحطي الشب ووينتا وكملي جاوبيني على باقي اسئلتي واكبر مشكلة تؤرقني هي الشعر الزائد :thumbup:

 

[sleepingbeauty]

الشب و التالك استعمليه كمزيل عرق طبيعي
ماء الورد رائع للبشرة يصفي و يرطب و يبيض نسبيا و ايضا يحسن من رائحة الجسم كي تنوضي الصباح حطي ملعقة كبيرة ماء ورد في كاس ماء و اشربيه بصح على الريق يعني قبل ما تاكلي و ايضا رشي منه في الوجه صباحا و مساء
كاين واحد الوصفة تهبل للوجه مبعد ندير موضوع عليها
بالنسبة للحبوب شوفي ديري الحلاقة الجافة يعني تقومين بحلاقة المنطقة و هي جافة حطي برك شوية نشاء او تالك و بعد الحلاقة رطبيها بزيت للاطفال هادا ماكان
مبروك عليك و ربي يهنيك اختي​

 

[تقوى القلوب]

شكرا اختاه موفقة انشاء الله ربي يسترك وينورلك طريقك ان اردت اي شيء فلا تتردي في طلبه مني في كل الميادين وخاصة الحلويات وفي المجال الاسري والعلاقة بين الزوجين نعرف بزاف صوالح يفيدوك طبعا تشكرين من قلبي

 

[sleepingbeauty]

شكرا اختاه موفقة انشاء الله ربي يسترك وينورلك طريقك ان اردت اي شيء فلا تتردي في طلبه مني في كل الميادين وخاصة الحلويات وفي المجال الاسري والعلاقة بين الزوجين نعرف بزاف صوالح يفيدوك طبعا تشكرين من قلبي

الله يسلمك حبيبتي العفو شكرا على دعائك و لك بالمثل و ربي يوفقك انت تاني سلامي لك​