السلام عليكم
كاين ظاهرة شفتها في بزاف المنتديات و الحقيقة ما نحبش نشوفها في منتدانا العزيز و هاذ الظاهرة هي ظاهرة "مشكور اخي العزيز " و لاّ "شكراااااا"
كاين اللي يدخلو باش يجاوبو على موضوع من المواضيع و يجاوبو بواحدة من هاذ الزوج كلمات و حتى المواضيع تع النقاش و اللي لازم فيها ابداء الراي و ما سلكتش من هاذ الكلمات اللي تبين بلي هاذ الشخص ما قراش مام با الموضوع..... انا حبيت نطرح سؤال و علاش هاذ الظاهرة هل السبب انهم يحبو يزيدو المشاركات ديالهم سورتو مع القوانين الادارية اللي تبدا تمنح العضو بعض الامتيازات(او الحقوق) ابتداء من كذا عدد من المشاركات و لاّ السبب انّ الموضوع طويل و ممل و بالنسبة ليه المهم المشاركة و لا واشنو هي السبّة؟
سورتو صاحب الموضوع مسكين طابو يديه و هو يكتب في الموضوع ديالو و لاّ مام الاعضاء اللّي يديرو تصاميم هاذ العذاب كامل فلّخر يتصرع ب "شكرااااا":blink:
انا حبيت نطرح الموضوع خاطر انا ساعات كي نخمم نقول بلي المنتدى هو فرصة باش نتلاقاو بناس ما كنّاش نعرفوهم و نgصرو معاهم كي شغل رانا نهدرو مع ناس وجه لوجه....بصّح كي نشوف هاذ الاعضاء اللّي يجو و يكتبو هاكذانبدا نخمم هاذ الناس في الحقيقة كي يجي عندهم واحد
يgصر معاهم و يطرح فكرة يقولولو" شكراااا" و يجو رايحين؟!!!!:confused1:
بون هاذي فكرة جات لبالي و حبيت نطرحها و نشالله ماقست حتى واحد و ما دابيّا تعطوني رايكم و شكراااااا :biggrin:
كاين ظاهرة شفتها في بزاف المنتديات و الحقيقة ما نحبش نشوفها في منتدانا العزيز و هاذ الظاهرة هي ظاهرة "مشكور اخي العزيز " و لاّ "شكراااااا"
كاين اللي يدخلو باش يجاوبو على موضوع من المواضيع و يجاوبو بواحدة من هاذ الزوج كلمات و حتى المواضيع تع النقاش و اللي لازم فيها ابداء الراي و ما سلكتش من هاذ الكلمات اللي تبين بلي هاذ الشخص ما قراش مام با الموضوع..... انا حبيت نطرح سؤال و علاش هاذ الظاهرة هل السبب انهم يحبو يزيدو المشاركات ديالهم سورتو مع القوانين الادارية اللي تبدا تمنح العضو بعض الامتيازات(او الحقوق) ابتداء من كذا عدد من المشاركات و لاّ السبب انّ الموضوع طويل و ممل و بالنسبة ليه المهم المشاركة و لا واشنو هي السبّة؟
سورتو صاحب الموضوع مسكين طابو يديه و هو يكتب في الموضوع ديالو و لاّ مام الاعضاء اللّي يديرو تصاميم هاذ العذاب كامل فلّخر يتصرع ب "شكرااااا":blink:
انا حبيت نطرح الموضوع خاطر انا ساعات كي نخمم نقول بلي المنتدى هو فرصة باش نتلاقاو بناس ما كنّاش نعرفوهم و نgصرو معاهم كي شغل رانا نهدرو مع ناس وجه لوجه....بصّح كي نشوف هاذ الاعضاء اللّي يجو و يكتبو هاكذانبدا نخمم هاذ الناس في الحقيقة كي يجي عندهم واحد
يgصر معاهم و يطرح فكرة يقولولو" شكراااا" و يجو رايحين؟!!!!:confused1:
بون هاذي فكرة جات لبالي و حبيت نطرحها و نشالله ماقست حتى واحد و ما دابيّا تعطوني رايكم و شكراااااا :biggrin: