بسم الله الرحمن الرحيم
أخواتي واخواني الاعزاء في اللمة الغالية اسعد الله اوقاتكم بكل خير
اهـــــــــــداء
صبــــــاح الخير
ياوجه الخير
صباحك غير
صباحك دنيا ورديه
شذاها عطور واريج زهور
ونسمه خير عطريه
حضورك غير
مثل غيمه مثل رشة مطر حلوه صباحيه وربيعيه تداعب خد جوريه
مثل شمس الوفا تسطع
تدفينا ويدفا بردنا فينا بلمسة حب عفويه وسحريه
صبـــــــــــاح الخير
ولكل من احب بوحي واشجاه قصيدي
اليكم بوحي
قصائد نثرتها في زمن الشوق
وزمن الااااااااا حب
حكايات وقضايا وحلول
اقدم لكم ديواني
( ألف ليله شوق )
وارجو لكم المتعه والفائده
اترككم مع القصائد
(1)
راجعه
القاف ترقص للبحر رقص الرجز ترمي الوشاح
فلت ضفايرها و تبي تنزل لقلبه و تسحره
والمعنى سارح في شعر شلال كنه الليل طاح
يرسل نسايم من نفل برياض جوري مزهرة
والقلب سامح مبتهج ترقص على نبضه الملاح
يعكس صور من ماستن بألوان طيفٍ مبهره
ياسيّدي عودك هنا نسهر معك حتى الصباح
يحلى السهر ويّا الوتر والليل ساري وتخبره
ماخذ معه حزن الليالي من بقايا أمس راح
ماخذ معه حزن الغريبه الخايفه من آخره
بحزم متاعي و راجعه يم الأمل لي مستراح
صدر الأمل مابه حزن به الف ليله مقمره
بفرد جناحي وراجعه ويّا الطيور اطوي الرياح
من يعذل طيور(ن) سرت يم الربوع المخضره
بين السما وبين العيون اللي هواها سحر لاح
به الف قصة وبينها العفو عند المقدره
وسلامتكم
(2)
الحب
الحب شوق وألم وآهات مغبونه
ويلات حزن ووله بقلوب مفتونه
تلقى المجنن على الاطلال يبكونه
وكلٍ يقلك حكايه عن بقايا انسان
والشوق ويل وسهر ودموع سكّابه
وان غاب خلك تروح تدقدق ابوابه
مير المصيبه اذا كل واحد بلابه
تموت ليلى وقيسٍ ينبش الكثبان
والويل ويلاه ياويلي وويلي آه
كلن بهمه سرى وعاتب على دنياه
ياويل قلبي على اللي صرت انا ليلاه
بيعيش في دنيته هايم مدى الأزمان
وسلامتكم
(3)
يدق
يدق الباب وقليبي يدقدق
ياويلي من عيونك وش وراها
على قد العيون اللي تعلّق
عيونك مايعلقني سواها
غموض البحر بعيونك يشوّق
ونار الشوق فيني من لظاها
هدبها يجذبك قاصد يغرّق
وانا ودي وابي اغرق معاها
أحس بشوقها الحارق يدفّق
لهايب تاخذ الروح لهواها
وغرّب في شواطيها واشرّق
واعانق موجة الصبح ودفاها
وماهي بس عيونك يالمحقق
شفاتك تاخذ العقل بحلاها
كما حبة عنب احمر تبرّق
تحس الشوق ذايب في لماها
ولي ناظرتها ماقدر أدقق
اخاف النفس تغلبني بغواها
وصوتِك لا نشد كوني يورق
قبل ماتمطر الدنيا بسماها
لذا بطوي مراسيلك واطبّق
ولا بسأل عيونك وش وراها
وسلامتكم
(4)
هستريا الاشواق
الحكاوي انتهـت والحـزنفينـا
والسوالف هي سوالف كلها ارهاق
انتهي كل شي ترى راحت علينـا
والشقا باقي هنا عالـق بـالاوراق
والحقيقه تقـول ان احنـا نسينـا
قصة الأمس الحزينه بفجر الأشراق
لا رجينـا لا ولا حـتى احترينا
عودة الماضي لنا من بعد الفـراق
ميـر حنـا يابعدهـم مـالقينـا
قلب صادق ممكن نبادله لاشواق
ماهقيت القى رجل صادق يبينا
والحكايه كلها مب قصـه اذواق
والقدر ويّا الهـوى ماهـوبيدينـا
وان كتب ربي اكيد نصير عشّـاق
وان حصل قم استعد للـي يجينـا
الهوى أعذبه في هستريا الاشواق
وسلامتكم
(5)
سحر الهوى
تعال وان ما تجي باجيك في الحال
تعال عندي مشاعـر فيـك ريّـه
عندي سوالف تهيّا لرصد زلـزال
تعـال لاتطـوّل الغيبـه علـيّـه
ذبحتني ياكحيـل الرمـش قتـال
ولله كلـك جـمـال و جاذبـيّـّه
اتخيلـك ياحياتـي بـزول خيّـال
خيّـال ومجنـون ياخيّـال فيّـه
تقول فيني شعر وتجـرّمـوّال
ترقص جنونـك قبالـي محتفيّـّه
وتقول ياقلبها سلّم وفـي الحـال
فجأه تلاقي الصحاري بـك نديّـّه
تنبت زهور البراري و تكسي جبال
والغيم رش رش هتونه الموسميّه
من العصر للغروب الديم همّـال
والشمس نامت في جنه مخمليّـه
حتي القمر مالفى ولاجاب مرسال
غاب القمر ماحضر واعطاك ضيّه
نبض القوافي احتفي بقدومك وقال
احلى المعاني ورقص لك سامريّة
تشب قلبي بوله ماجا على البـال
يحلى الغزل في العيون الأكحليّـه
لي شفتني جيت صوبي ترمي نبال
بالهون لحظـه ترانـي منتهيـه
ونيـت ياقلبـه الولهـان محتـال
تشتاق كل لحظة وتصوّب شظيـه
مرّات تهذي على عمّال بطّال
مرّات تقصد تآذيني بذيّه
اهواك من يوم شفتك صابني خبال
بااسباب نظرات بعيونـك شقيـه
تحبني قلتهـا لـك جعلهـا فـال
تدري بغرامي انـا بـك مكتويـه
أرفق بحالي يحالي الريق عسّـال
مرمـرت حالـي بدنيـا سكّريـه
أرمي سلامك تحيـّة ودّ ووصـال
سلّـم عليـّه وانـا اردّ التحيّـّه
يازين سحر الهوى لاجاك شـلال
يعطيك كل المشاعـر لـك هديّـه
يثبت وجوده عنيد بعنـف ينهـال
من نفس هامت بعشقك نرجسيـّه
ادري قليبك عشقني حبني ومـال
والعشق سحر الهوى للهاشميه
وسلامتكم
(6)
صياد
صاير هواوي وغادي طير بالوادي
فارد جناحه على دنياه وظباها
له نظرتن تطرح الدندونه وكادي
له نبرتن بالوله ونّه على آآآآها
والوجه ضاوي حلاته مبتسم هادي
من بسمته تعشب الصحرا اذا جاها
والرمش غاوي حلاته رمش صيادي
سلّم بعينه ورمالي رميه ماقواها
ينشد عن اخبار بيرٍ مابها شادي
هي جفّت البير والّا تنضح بماها
ماشاف حول الحما بادي ولاغادي
(والأرض في الشرع للي حاز واحياها )
توه صغيّر ودوبه باالهوى بادي
بكره يعرف تالي الدنيا ولأواها
صياد مصيود طاح بجرّةالحادي
سبحان من سخّره للنود يفداها
وسلامتكم
(7)
حقي علي
انا حقي علي ضيّعت نفسي
رميت الحاضر الأخضرلأمسي
ولاادري ليه انا ضيعت حالي
وغابت مع مرور الوقت شمسي
رميت الروح في وادي المساكين
وانا اقدر اقلب الدنيا بيومين
واعيش بدنيتي عيشة سلاطين
بدل ماني بعمر في حكم منسي
اخذني حاضري أخذة خطيفه
وتركني لوحشة العمرالمخيفه
رضيت بعيشة الحرّه الضعيفه
وحقي ضاع إذا ماخاب حدسي
وسلامتكم
(8)
احتياجي
ياحسافه راحت ايامي معاك
انتهت من قبل مااشبع من لقاك
ماجلسنا بركن واحد
ماشربنا بكاس واحد
والقا بس يوم واحد
والعواذل احرموني من لماك
عشقي لك ماهو رفاهية مزاج
عشقي لك زايد مع العشق احتياج
احتياجي للسكون
والدفا بنظرة عيون
قلبك البيت الحنون
وضمّة المعشوق للعاشق علاج
ياوجودي ياحلالي ياالزلال
سلسبيلك رقية السحر الحلال
يالله ارقيني وميل
اللي بي ماهب قليل
رشفتك تشفي العليل
كم اشاوق لك وأتعبني الخيال
وسلامتكم
(9)
ويني أنا
جر ّالحسيني ونّته بصوت مبحوح
يبي الدوى والا الطبيب المداوي؟
قلت الهوى ماله دوى ياونس روح
حمى الهوى برد ودفا للهواوي
الروح تعشق خفّة الظلّ والروح
والقلب أخضر يشتهي ولف غاوي
والعين تهوي شوف جذاب مملوح
حنطي عريب الجد والخد ضاوي
والسمع يطرب لاسمع قمري الدوح
يشرح عذابات الهوى للنداوي
اما انا قلبي شقي صدق مذبوح
ويني انا والحب والقلب لاوي
والحب لهل الحب جارح ومجروح
والعشق لهل العشق حامض وكاوي
واشلون لالبّيت غاوي وطحطوح
يقلب صباحي حب وليلي هقاوي؟
وسلامتكم
(10)
يسألوني
يسألونـي وش جرالـك ياحبيبـه؟
وش جرالك وجهك مكدّر وشاحب
فيه مصيبه؟ قلت :يمكن في مصيبه
من عذابي ماعرفت بأيـه اجـاوب
زاد همي بـي تناسيـت المصيبه
همي بصدري سطا والفكـر غايـب
انهيارى فيني نكسه فينـي خيبـه
خاب ظني في هوى اغلى الحبايب
كثرهمَي اشعـل بقلبـي مشيبـه
من حمق مجنون من راعي النشايب
هو عشقني هو تركني بالغصيبه
بعدها روّح ومالي غيره صاحـب
اتركوني انتحب وحدي صويبه
لاغرابه لو يصير الشعر شايب
وسلامتكم
أخواتي واخواني الاعزاء في اللمة الغالية اسعد الله اوقاتكم بكل خير
اهـــــــــــداء
صبــــــاح الخير
ياوجه الخير
صباحك غير
صباحك دنيا ورديه
شذاها عطور واريج زهور
ونسمه خير عطريه
حضورك غير
مثل غيمه مثل رشة مطر حلوه صباحيه وربيعيه تداعب خد جوريه
مثل شمس الوفا تسطع
تدفينا ويدفا بردنا فينا بلمسة حب عفويه وسحريه
صبـــــــــــاح الخير
ولكل من احب بوحي واشجاه قصيدي
اليكم بوحي
قصائد نثرتها في زمن الشوق
وزمن الااااااااا حب
حكايات وقضايا وحلول
اقدم لكم ديواني
( ألف ليله شوق )
وارجو لكم المتعه والفائده
اترككم مع القصائد
(1)
راجعه
القاف ترقص للبحر رقص الرجز ترمي الوشاح
فلت ضفايرها و تبي تنزل لقلبه و تسحره
والمعنى سارح في شعر شلال كنه الليل طاح
يرسل نسايم من نفل برياض جوري مزهرة
والقلب سامح مبتهج ترقص على نبضه الملاح
يعكس صور من ماستن بألوان طيفٍ مبهره
ياسيّدي عودك هنا نسهر معك حتى الصباح
يحلى السهر ويّا الوتر والليل ساري وتخبره
ماخذ معه حزن الليالي من بقايا أمس راح
ماخذ معه حزن الغريبه الخايفه من آخره
بحزم متاعي و راجعه يم الأمل لي مستراح
صدر الأمل مابه حزن به الف ليله مقمره
بفرد جناحي وراجعه ويّا الطيور اطوي الرياح
من يعذل طيور(ن) سرت يم الربوع المخضره
بين السما وبين العيون اللي هواها سحر لاح
به الف قصة وبينها العفو عند المقدره
وسلامتكم
(2)
الحب
الحب شوق وألم وآهات مغبونه
ويلات حزن ووله بقلوب مفتونه
تلقى المجنن على الاطلال يبكونه
وكلٍ يقلك حكايه عن بقايا انسان
والشوق ويل وسهر ودموع سكّابه
وان غاب خلك تروح تدقدق ابوابه
مير المصيبه اذا كل واحد بلابه
تموت ليلى وقيسٍ ينبش الكثبان
والويل ويلاه ياويلي وويلي آه
كلن بهمه سرى وعاتب على دنياه
ياويل قلبي على اللي صرت انا ليلاه
بيعيش في دنيته هايم مدى الأزمان
وسلامتكم
(3)
يدق
يدق الباب وقليبي يدقدق
ياويلي من عيونك وش وراها
على قد العيون اللي تعلّق
عيونك مايعلقني سواها
غموض البحر بعيونك يشوّق
ونار الشوق فيني من لظاها
هدبها يجذبك قاصد يغرّق
وانا ودي وابي اغرق معاها
أحس بشوقها الحارق يدفّق
لهايب تاخذ الروح لهواها
وغرّب في شواطيها واشرّق
واعانق موجة الصبح ودفاها
وماهي بس عيونك يالمحقق
شفاتك تاخذ العقل بحلاها
كما حبة عنب احمر تبرّق
تحس الشوق ذايب في لماها
ولي ناظرتها ماقدر أدقق
اخاف النفس تغلبني بغواها
وصوتِك لا نشد كوني يورق
قبل ماتمطر الدنيا بسماها
لذا بطوي مراسيلك واطبّق
ولا بسأل عيونك وش وراها
وسلامتكم
(4)
هستريا الاشواق
الحكاوي انتهـت والحـزنفينـا
والسوالف هي سوالف كلها ارهاق
انتهي كل شي ترى راحت علينـا
والشقا باقي هنا عالـق بـالاوراق
والحقيقه تقـول ان احنـا نسينـا
قصة الأمس الحزينه بفجر الأشراق
لا رجينـا لا ولا حـتى احترينا
عودة الماضي لنا من بعد الفـراق
ميـر حنـا يابعدهـم مـالقينـا
قلب صادق ممكن نبادله لاشواق
ماهقيت القى رجل صادق يبينا
والحكايه كلها مب قصـه اذواق
والقدر ويّا الهـوى ماهـوبيدينـا
وان كتب ربي اكيد نصير عشّـاق
وان حصل قم استعد للـي يجينـا
الهوى أعذبه في هستريا الاشواق
وسلامتكم
(5)
سحر الهوى
تعال وان ما تجي باجيك في الحال
تعال عندي مشاعـر فيـك ريّـه
عندي سوالف تهيّا لرصد زلـزال
تعـال لاتطـوّل الغيبـه علـيّـه
ذبحتني ياكحيـل الرمـش قتـال
ولله كلـك جـمـال و جاذبـيّـّه
اتخيلـك ياحياتـي بـزول خيّـال
خيّـال ومجنـون ياخيّـال فيّـه
تقول فيني شعر وتجـرّمـوّال
ترقص جنونـك قبالـي محتفيّـّه
وتقول ياقلبها سلّم وفـي الحـال
فجأه تلاقي الصحاري بـك نديّـّه
تنبت زهور البراري و تكسي جبال
والغيم رش رش هتونه الموسميّه
من العصر للغروب الديم همّـال
والشمس نامت في جنه مخمليّـه
حتي القمر مالفى ولاجاب مرسال
غاب القمر ماحضر واعطاك ضيّه
نبض القوافي احتفي بقدومك وقال
احلى المعاني ورقص لك سامريّة
تشب قلبي بوله ماجا على البـال
يحلى الغزل في العيون الأكحليّـه
لي شفتني جيت صوبي ترمي نبال
بالهون لحظـه ترانـي منتهيـه
ونيـت ياقلبـه الولهـان محتـال
تشتاق كل لحظة وتصوّب شظيـه
مرّات تهذي على عمّال بطّال
مرّات تقصد تآذيني بذيّه
اهواك من يوم شفتك صابني خبال
بااسباب نظرات بعيونـك شقيـه
تحبني قلتهـا لـك جعلهـا فـال
تدري بغرامي انـا بـك مكتويـه
أرفق بحالي يحالي الريق عسّـال
مرمـرت حالـي بدنيـا سكّريـه
أرمي سلامك تحيـّة ودّ ووصـال
سلّـم عليـّه وانـا اردّ التحيّـّه
يازين سحر الهوى لاجاك شـلال
يعطيك كل المشاعـر لـك هديّـه
يثبت وجوده عنيد بعنـف ينهـال
من نفس هامت بعشقك نرجسيـّه
ادري قليبك عشقني حبني ومـال
والعشق سحر الهوى للهاشميه
وسلامتكم
(6)
صياد
صاير هواوي وغادي طير بالوادي
فارد جناحه على دنياه وظباها
له نظرتن تطرح الدندونه وكادي
له نبرتن بالوله ونّه على آآآآها
والوجه ضاوي حلاته مبتسم هادي
من بسمته تعشب الصحرا اذا جاها
والرمش غاوي حلاته رمش صيادي
سلّم بعينه ورمالي رميه ماقواها
ينشد عن اخبار بيرٍ مابها شادي
هي جفّت البير والّا تنضح بماها
ماشاف حول الحما بادي ولاغادي
(والأرض في الشرع للي حاز واحياها )
توه صغيّر ودوبه باالهوى بادي
بكره يعرف تالي الدنيا ولأواها
صياد مصيود طاح بجرّةالحادي
سبحان من سخّره للنود يفداها
وسلامتكم
(7)
حقي علي
انا حقي علي ضيّعت نفسي
رميت الحاضر الأخضرلأمسي
ولاادري ليه انا ضيعت حالي
وغابت مع مرور الوقت شمسي
رميت الروح في وادي المساكين
وانا اقدر اقلب الدنيا بيومين
واعيش بدنيتي عيشة سلاطين
بدل ماني بعمر في حكم منسي
اخذني حاضري أخذة خطيفه
وتركني لوحشة العمرالمخيفه
رضيت بعيشة الحرّه الضعيفه
وحقي ضاع إذا ماخاب حدسي
وسلامتكم
(8)
احتياجي
ياحسافه راحت ايامي معاك
انتهت من قبل مااشبع من لقاك
ماجلسنا بركن واحد
ماشربنا بكاس واحد
والقا بس يوم واحد
والعواذل احرموني من لماك
عشقي لك ماهو رفاهية مزاج
عشقي لك زايد مع العشق احتياج
احتياجي للسكون
والدفا بنظرة عيون
قلبك البيت الحنون
وضمّة المعشوق للعاشق علاج
ياوجودي ياحلالي ياالزلال
سلسبيلك رقية السحر الحلال
يالله ارقيني وميل
اللي بي ماهب قليل
رشفتك تشفي العليل
كم اشاوق لك وأتعبني الخيال
وسلامتكم
(9)
ويني أنا
جر ّالحسيني ونّته بصوت مبحوح
يبي الدوى والا الطبيب المداوي؟
قلت الهوى ماله دوى ياونس روح
حمى الهوى برد ودفا للهواوي
الروح تعشق خفّة الظلّ والروح
والقلب أخضر يشتهي ولف غاوي
والعين تهوي شوف جذاب مملوح
حنطي عريب الجد والخد ضاوي
والسمع يطرب لاسمع قمري الدوح
يشرح عذابات الهوى للنداوي
اما انا قلبي شقي صدق مذبوح
ويني انا والحب والقلب لاوي
والحب لهل الحب جارح ومجروح
والعشق لهل العشق حامض وكاوي
واشلون لالبّيت غاوي وطحطوح
يقلب صباحي حب وليلي هقاوي؟
وسلامتكم
(10)
يسألوني
يسألونـي وش جرالـك ياحبيبـه؟
وش جرالك وجهك مكدّر وشاحب
فيه مصيبه؟ قلت :يمكن في مصيبه
من عذابي ماعرفت بأيـه اجـاوب
زاد همي بـي تناسيـت المصيبه
همي بصدري سطا والفكـر غايـب
انهيارى فيني نكسه فينـي خيبـه
خاب ظني في هوى اغلى الحبايب
كثرهمَي اشعـل بقلبـي مشيبـه
من حمق مجنون من راعي النشايب
هو عشقني هو تركني بالغصيبه
بعدها روّح ومالي غيره صاحـب
اتركوني انتحب وحدي صويبه
لاغرابه لو يصير الشعر شايب
وسلامتكم
