... والله لن أتزوج جامعية حتى ولو لم يكن في الأرض غيرهن

الحالة
مغلق ولا يسمح بالمزيد من الردود.

merini

:: عضو مُشارك ::
... والله لن أتزوج جامعية حتى ولو لم يكن في الأرض غيرهن

(( . . .والله لن أتزوج جامعية حتى ولو لم يكن في الأرض غيرهن . . .))
هكذا صرخ خالد في وجهي والشرر يتطاير من عينيه، ووجهه قد اعتصر واحمر كأن الدم الذي يغلي في عروقه يكاد أن يحرق وجهي.
فهدأت من ثورته قليلا ثم قلت له يا خالد الجامعة مزيج من الناس وتجد فيها القبيح والمليح و ...
وقبل أن أتم كلامي قال : اياك أن تترك قريبة لك تذهب للجامعة، فقد أصبحت الجامعة ؟؟؟؟؟
اتق الله يا خالد .
قال : اسأل الطلبة الجامعيين هذا السؤال : لو خيروك بين طالبة جامعية وأخرى ثانوية وأخرى من المتوسط وأخرى أمية، فأيهن تختار للزواج ؟ وسترى صحة كلامي.

وأنا بدوري أسألك يا من دخلت الى هذا الموضوع أرجوك بصدق ماذا تختار ؟؟
التوقيع
كن نحلي الفكر، لا تكن ذبابيــــًا
أما النحلة فإنها لا تحط إلا على الزهور
وأما الذبابة فإنها لا تحط إلا على الأوساخ والجروح

sigpic68447_3.gif
 
طبعا وحدة أمية و لا أقل مني في مستوى التعليمي

هههههههه

يا خي ناس كامل علابالهم ...بنات الجامعة ميديروش الخير !!!:wink:

رانا عايشين و و رانا نشوفو :blink:

 
علاه كاشي لعبتهالك وحدة جامعية
و أنا نيابة عن جميع الجامعيات نقولك بلي حتى من هوما رافضين الزواج بك
 
ولله هدو المفاهيم قاع غالطين ولله ساعات نشوف بنات ولله غير الالف ما تعرفوش امية جامي قرات بصح ولله تعرف كلش خلونا من هد لكلام الجامعية ماشي طفلة مهيش مليحة في كل بلاصة كاين لمليح وكاين الدوني وما نحكموش على اي طفلة انها جامعية ولا ماشي جامعية على خاطر كل شي على التربية و المبدا و القيم و البنات نتاع هدا الوقت فيهم و عليهم وما نجمعوش وكتاين شي بنات انا نعرفهم جامعيات ولله ماشاء الله تقول هكدا الاخلاق ولا خلي و صباع اليدين ماشي كيف كيف يا خاوتي و شكرا
 
علاه واش الفرق بين وحدة جامعية ووحدة مش قارية
الفرق الوحيد ان الجامعية فاهمة ومتعلمة وجايبة للدنيا خبر.
واللي قال ما يقبلش الجامعية الا اذا لعبتهالو كاشي وحدة من قبل كيما قالتها الاخت اللي قبلي .
و ايهما افضل لتربية أولادك وحدة متعلمة وفاهمة. ولا وحدة ما تعرف والو . حتى النشرة تاع الدواء ما تعرفش تقراها . وكي يجيبلها بنها الكراسو ما تفهمش واش راهو كاتب.
وأي مكان فيه الصالح والطالح .
 
ولله يعطيك الصحة يا اختي سميحة هدا كلام ولا خلي :yahoo:
 
علاه واش الفرق بين وحدة جامعية ووحدة مش قارية
الفرق الوحيد ان الجامعية فاهمة ومتعلمة وجايبة للدنيا خبر.
واللي قال ما يقبلش الجامعية الا اذا لعبتهالو كاشي وحدة من قبل كيما قالتها الاخت اللي قبلي .
و ايهما افضل لتربية أولادك وحدة متعلمة وفاهمة. ولا وحدة ما تعرف والو . حتى النشرة تاع الدواء ما تعرفش تقراها . وكي يجيبلها بنها الكراسو ما تفهمش واش راهو كاتب.
وأي مكان فيه الصالح والطالح .


صح عندك الحق في هادي مي درك أغلب بنات الجامعة **ناقصين تربية **

و خسارة بنات لحرام فسدو على بنات لحلال
 
المهم تكون تحبني ونحبها
ادا حبت تكون مالمريخ
 
هههههههههههه

انا نقلكم متعرسوش ذات

وكما قال الشاعر
على قدر دراهمك تجيب ******** جامعيات راهم غاليين
كن غنيا تأخذ ماتريد ******* ولا تكن فقيرا لا تلقى نصيب

هههههههههه
هكذا قال الشاعر
هذا من تأليفي

 
ماشي كل مشهم متربيين كاين ماشي ملاح وكاينيين المتربيين
شكرا على الموضوع
 
شكراااااااااا
 
نخيرها في الجامعة وتكون مثقفة و بنت اصل وكاينين وخالطتهم و عرفتهم ... وماشي اي وحدة هدرة مع طفل معناها خارجة طريق...

تلقاها مدخلتش للجامعة بالصح التشيطين لي فيها مهوش في طفلة خلاف ..

تجيبها امية .. تجي تناقشها في موضوع.. تسماطلك .. النسا مهمش جواري

لا زم المرة تعطي لراجلها لحنان ودفئ العائلة .. وتدبر عليه في امور تاعو .. و تنصحو..

و تفكر معاه في مشاريع عائلية وتمد رايها ...

المراة .. مهيش دمية نزينو بيها غرفة النوم .. ( واسمحولي على هاذ العبارة .. )
 
توقيع Moha le sage
هاد ماشي كامل هدرة يا خويا و اش بيهم بنات الجامعة ؟؟؟؟؟؟؟؟؟؟؟؟؟؟
انا جامعية و نقرى في بن عكنون تاني والحمد لله التربية جات من عندهم
وصباعتين يديك ماشي كيفكيف جابلي ربي
ولا نتوم الدورو مع بنات الاقامة الجامعية و الاصناف للي الله يبارك عليهم و تشوفو صنف واحد و تحكمو على الاخريات بطريقة انانية اومبعد تقولو بنات لافاك ماشي ملاح :angry:
هاد بعيدة عليكم
بنات الجامعة مستوى و تربية
وللي قال ناقصين تربية ننصحو نصيحة يروح يشوف طبيب
 
علاه كاشي لعبتهالك وحدة جامعية
و أنا نيابة عن جميع الجامعيات نقولك بلي حتى من هوما رافضين الزواج بك
 
انا نطن افضل التي تستطيع الانسجام مع الناس و التفاهم معهم هي الجامعية اما ادا كنت انت ذو مستوى 1 ابتدائي اكيد لن يوجد انسجام
 
اتسما رجعت القارية مشي مليحة ؟

هملا نقعدو في ديارنا ونقراوش خير
 
كي نطلع لي الجامعة و نشوف..........ههههههههه
والله انتما برك لي فيكم عقدة بالعكس كي يدي وحدة قارية تربي ولادوا بيان........؟؟؟؟؟؟
هههههههه
 
صافي هكا هههههههههه انت متديش بنت الجامعة لخطاك بنات الجامعة كامل رخاص و يهدرو مع لولاد اووووووووووه بلاك تزوج اصلا بسكو مرة اخرى تجيب بنات و بنتك آآه حنين لقلبك و تلبي طلباتها و خليها داك الوقت تقرى اما ان بقيت هكا واحد مايدي بنات بسكو الجيل الجاي باغين يتعاونو لبناء البيت و المتطلبااات ايييه منحكيش خوو و زيد لبنات مش كامل كيف كيف كاين لفي دار باباها و راهي دايرة الراي متديروش بنت الشارع مش غير بنت الجامعة و و الله كاين واحد طلق مرتو علاه تخيل علاه......... يجيها صاحبها تع الليسي يعني تع زمان لدارها كيخرج راجلها يلا درك واش رايك :blink: بالمعنى لباغية تدير لفي رايها حتى و مزوجة راهي تعمل عملاتها مي نقل لك حاجة نصيحة لوجه الله أنت جيب وحدة تتقي الله و زيد تفكر قول الله الطيبون للطيبات و الخبيثون للخبيثات و ربي مغلطش روح شوف 90 بالمئة من الازواج فتو كوبي و ديرها في بالك غير صفي النية و كتر من حبك لله و اتقاه تلقى نصيبك كيفك ...........:mellow: سلام
 
علاه واش الفرق بين وحدة جامعية ووحدة مش قارية
الفرق الوحيد ان الجامعية فاهمة ومتعلمة وجايبة للدنيا خبر.
واللي قال ما يقبلش الجامعية الا اذا لعبتهالو كاشي وحدة من قبل كيما قالتها الاخت اللي قبلي .
و ايهما افضل لتربية أولادك وحدة متعلمة وفاهمة. ولا وحدة ما تعرف والو . حتى النشرة تاع الدواء ما تعرفش تقراها . وكي يجيبلها بنها الكراسو ما تفهمش واش راهو كاتب.
وأي مكان فيه الصالح والطالح .

شكرااااااااااا لك لاستنادك لرأيي الشخصي و احترامه
 
كرهت من الكلمة هادي بنات الجامعة ما بنات الجامعة القراية و الهم و الامتحانات و البحوث و الميزيرية و النقل الجامعي و الماكلة الباهية و نزيدوا نسمعوا هدرة كيما هادي تفشل العبد
انا نقولكم حاجة اللي ما يوصلش للعنب دايما يقول عليه حامض
الحمد لله والدينا راضيين علينا واش يهمنا في الناس يهدروا حتى يكرهوا و اللي مربية مربية تروح للجامعة و لا للقمر تبقى مربية
وراني قلتلكم ديجا و الله بنت خالتي الي في اليسي كي نروح عندهم للدار تحكيلي واحد الحكايات و واش يديروا البنات في الليسي نتشوكا راسي يحبس انا نقرا في الجامعة و ما نشمعش هاد الحكايات ربي يهدي الجميع
 
الحالة
مغلق ولا يسمح بالمزيد من الردود.
العودة
Top Bottom