أأأأأأأأأأأاه هبلوني التلاميذ

[somi]

مساء الخير اعليكم
راني دخلت اليوم و أخيرا ألقيت وقت
خاصة بعدما دخلت نخدم
كنت ميتة بالفرحة زعمة أدخلت نخدم و عدت أستاذة :yahoo::yahoo::yahoo:
في الساعة الأولى طارت كل الفرحة :sad::sad::sad:
وطارت كل الشوق الى التدريس مع أني كنت نحلم باه نولي أستاذة
المهم أول حصة مع الاقسام كلهم كانت عجيبة
خاصة و أني أول مرة نخدم وكنت حاطة في بالي باه ما نضربش اخلاص :blush::blushing::001_rolleyes::001_rolleyes:
لكن العجيب انو التلاميذ هومة الى طلبوا اعليا باه نجيب العصا
المهم جبتها
التلاميذ الصغار ( 1 متوسط )غير ما شافوها سكتوا أعجب عاذ الهدوووووووووووووووء أعجب :blink::blink::blink::blink::blink::music_whistling:
الحمد لله
أنا حارتلي في شيئ واحد برك هو لماذا التلميذ الجزائري في المتوسط يخاف من العصا و لا يحترم الاستاذ

المهم
نطلب من تلاميذ المتوسط يناقشوني في هذي النقطة برك
لماذا حتى تشوفو العصى باه تسكتوا خاصة مع استاذة مستخلفة مثلي ؟

الكبار شيئ أخر نتاع 3 متوسط
لازم تسايس و تتحايل أعليهم
تجبدهم بالكلام المليح
و المعاملة الحسنة
هاذا شيئ مليح فيهم أنهم كتهدر معاهم يفهموا

 

[asma2090]

ربي يكون معك اختي و ربي يقدرك و انش اء تعودي استاذة مترسمة ان شاء الله حتى يشيب راسك :yahoo:

 

[somi]

لا ولات في يشيب شعري ما كان لاه
خليني كيما نهكا:laugh::laugh::blink:

 

[bonbon]

السلام عليكم
احمدي ربي كي سكتولك كي شافو العصا
لوكان تشوفي احنا مدرستنا ما يحكم فيهم لا عصا و لا مراقب و لا مدير ولا .....
جنون باتم معنى الكلمة يخرجوك من عقلك يجهلوك بصح جنون في لقرايا ثاني
سترك ربي ماراكيش تقري في المدرسة لي نقرا فيها انا اي استاذ يجي جديد يديرو فيه المنكر على خاطر يجري في دمهم بعد
ربي معاك اختي العزيزة و ان شاء الله ما يكونوش كيما احنا

 

[Sini]

صراحة ضحكت من قلبي لما قريت الموضوع

ذكرتني في الذي مضى

الله يكون في العون

حسب رأيي الي يقدر على الاشراف راه يقدر على التدريس

سي لو مام سيستام :laugh: :laugh:

ربي معاك .. المهم تدي دراهم حلال برك :biggrin:

​

 

[Ra Off]

من فعايلي مانمنش التلاميذ
::
::
لما كنت صغير .. مع الطوايش والتبهديل تع الاساتذة لمساكين ( ربي يعاونهم )
حطيت روحي في بلاصتو وقلت مستحيل رح نكون معلم فالبلاد هادي
مع انها من اشرف المهن

مي عندنا جراد .. الله غالب

ننصحك روحي قري في محو الامية خير يا سومي
ههههههه


وربي يعاونك ​

 

[حسان]

أنت تعلمي أشخاص في سن صعبة في حياتهم السنين المراهقة
كل واحد يريد ان يفرض نفسه
انانية مفرطة
القباحة سامطة ناتجة عن الفراغ روحي
كل واحد عنده واد من المشاكل

لا يخافون من الألم العصى بل يخافون من سقوط قدرهم إثناء الضرب أمام رفقاء

ربي يعينك يا معلمة الاجيال

حاولي ان تتجاهلي تصرفاتهم طائشة و ركزي في الدروس و طريقة تعليميهم فهي الأهم

و من لم يحترمك حاولي أن تتجاهليه و لا تنظري إليه و لا تتكلمي معه لكن حاولي ان تفهميه الدروس و لا تحقدي عليه بل أفتح له قلبك إذا سأل أو شارك في دروس

و ربي يعينك يا معلمة الاجيال و زعيمة الجيل الغد


​

 

[somi]

السلام عليكم
احمدي ربي كي سكتولك كي شافو العصا
لوكان تشوفي احنا مدرستنا ما يحكم فيهم لا عصا و لا مراقب و لا مدير ولا .....
جنون باتم معنى الكلمة يخرجوك من عقلك يجهلوك بصح جنون في لقرايا ثاني
سترك ربي ماراكيش تقري في المدرسة لي نقرا فيها انا اي استاذ يجي جديد يديرو فيه المنكر على خاطر يجري في دمهم بعد
ربي معاك اختي العزيزة و ان شاء الله ما يكونوش كيما احنا

الحمد لله أعلا الساعة هاذي ندعي لربي يقعدوا هكا برك
شكرا على المشاركة

صراحة ضحكت من قلبي لما قريت الموضوع

ذكرتني في الذي مضى

الله يكون في العون

حسب رأيي الي يقدر على الاشراف راه يقدر على التدريس

سي لو مام سيستام :laugh: :laugh:

ربي معاك .. المهم تدي دراهم حلال برك :biggrin:

إن شاء الله و شكرا على المشاركة وعندك حق ايلا تحكمتي في القسم أخلاص الدروس راهم من أسهل ما يمكن

من فعايلي مانمنش التلاميذ
::
::
لما كنت صغير .. مع الطوايش والتبهديل تع الاساتذة لمساكين ( ربي يعاونهم )
حطيت روحي في بلاصتو وقلت مستحيل رح نكون معلم فالبلاد هادي
مع انها من اشرف المهن

مي عندنا جراد .. الله غالب

ننصحك روحي قري في محو الامية خير يا سومي
ههههههه


وربي يعاونك

يعني في بالك محو الامية خير
و الله حتى هومة ينقلو وكيبداو يحكيو أرواح و سكتهم تحشم حتى لا تهدر معاهم
وعندك الحق راهو جراد راح يغزونا يعجبوني غير كيما يطلعوا للسبورة و الخريطة قدامهم و كتقلهم وايني الصين و هي مكتوبة قدامهم بالبنط العريض ما يشوفهاش
الله غالب

أنت تعلمي أشخاص في سن صعبة في حياتهم السنين المراهقة
كل واحد يريد ان يفرض نفسه
انانية مفرطة
القباحة سامطة ناتجة عن الفراغ روحي
كل واحد عنده واد من المشاكل

لا يخافون من الألم العصى بل يخافون من سقوط قدرهم إثناء الضرب أمام رفقاء

ربي يعينك يا معلمة الاجيال

حاولي ان تتجاهلي تصرفاتهم طائشة و ركزي في الدروس و طريقة تعليميهم فهي الأهم

و من لم يحترمك حاولي أن تتجاهليه و لا تنظري إليه و لا تتكلمي معه لكن حاولي ان تفهميه الدروس و لا تحقدي عليه بل أفتح له قلبك إذا سأل أو شارك في دروس

و ربي يعينك يا معلمة الاجيال و زعيمة الجيل الغد

شكرا على النصائح و عندك حق في كل كلمة
ومن جانب الحقد أصلا أنا كنت نقرا و أعلابالي بلي المشاعر كالكره و الحقد إذا دخلت في التدريس رايحة تحطم الاستاذ قبل التلميذ
وراني نطبق في بعض نصائحك من الآن فصاعدا


شكرا على مشاركتكم جميعا
و احترامي لكل التلاميذ
على قول الاستاذة أنهم محور دوران المؤسسة و أرجوا أن يكون المحور مستقيما لكي تستقيم المؤسسة التربوية

 

[sara_k]

راني حاسنة عونك اختي سيرتو كيراكي مستخلفة الله يكون في العون ..... سايسيهم برك يمكن مازال ماوالفوش
​

 

[المتفائلة خيرا]

على حساب الأستاذة إذا ما ضحكتيش معاهم من المرة الأولى كوني متأكدة بلي
يحترموكـ وإذا زعقتي يديروا رايهم فيك
ربي يكون معاكـ

 

[somi]

راني حاسنة عونك اختي سيرتو كيراكي مستخلفة الله يكون في العون ..... سايسيهم برك يمكن مازال ماوالفوش
​

أصلا التغيير راح يأثر فيهم طبعا
و الله غير راني مساعدتهم
بالصح كاين عناصر ما يلزمش ترخفلهم يلزم تزير من الاول باه يعودوا يسكتو و يفهموا دروسهم
و خاصة اني أول مرة ندرس راهو صعب قليلا انك تتفهم عقلية كل شخص و تعاملوا حسب تفكيره

 

[somi]

على حساب الأستاذة إذا ما ضحكتيش معاهم من المرة الأولى كوني متأكدة بلي
يحترموكـ وإذا زعقتي يديروا رايهم فيك
ربي يكون معاكـ

أصلا باه تسكتيهم لازم ترفعيس صوتك و لو قليلا
واذا أضحكتي معاهم راهي تخلا راهم يقولو هاهي ضحكت أخلاص راهي عاقلة و يعودوا يديروا أطوايش
لازم تكوني أعلابالك واكتاه تشبح وواكتاه ترخف

شكرا جزيلا على المشاركة عزيزتي

 

[©§¤°الجزائـ صوت ـر°¤§©¤]

السلام عليكم ورحمة الله وبركاته:
أولا ألف مبروك أستاذتي سومي على التنصيب
وصدقيني رايحة تتعبي مي خدمتك راهي أنبل خدمة يكفي أنها رسالة الرسل والأنبياء
ربي يكون في عونك سيرتو مع هاد الجيل
أختي ممكن سؤال؟
أنت أستاذة في أي مادة؟
وشكرا​

 

[somi]

السلام عليكم ورحمة الله وبركاته:
أولا ألف مبروك أستاذتي سومي على التنصيب
وصدقيني رايحة تتعبي مي خدمتك راهي أنبل خدمة يكفي أنها رسالة الرسل والأنبياء
ربي يكون في عونك سيرتو مع هاد الجيل
أختي ممكن سؤال؟
أنت أستاذة في أي مادة؟
وشكرا​

شكرا جزيلا لك
أنا استاذة اجتماعيات (تاريخ و جغرافيا و تربية مدنية )
أي مساعدة أنا مستعدة باه نقدمهالك

 

[iam-The-Darkness]

انا تلميذة 3 متوسط مانديرش لقباحة تسمى قراية بصح كي نلقى القلقة و سيرتو كي يكون درس ملل انا نثورها و نسكت و الغاشي يكمل اما العصا (جامي تضربت و ان شاء الله لالا) انا نخاف من المدير مرة قالي نطلعك بربور باه سكت اما في مشكلتك كاين عباد من عباد عباد ملاح بفهمو من هدرة و عباد لازملهم العصا

 

[somi]

انا تلميذة 3 متوسط مانديرش لقباحة تسمى قراية بصح كي نلقى القلقة و سيرتو كي يكون درس ملل انا نثورها و نسكت و الغاشي يكمل اما العصا (جامي تضربت و ان شاء الله لالا) انا نخاف من المدير مرة قالي نطلعك بربور باه سكت اما في مشكلتك كاين عباد من عباد عباد ملاح بفهمو من هدرة و عباد لازملهم العصا

نقلك حاجة بالصح ما يزعفوش الذكور البنات عاقلين و قرايين
بالصح الذكورة لابغة راهو الاول اعلا القسم تلقى فيه نقطة أنو راجل ولازم يدير واش يحب
هاذي هي عقلية الرجل عندنا من و هو في عمرو عام حتى نيشيب
و التلاميذ أقسام و لازم تعرفي نقطة ضعف كل واحد باه تقدري تسيطري أعليه
واحد يخاف من باباه لازم تخوفيه بلي راكي رايحة تستدعى الولي وواحد يخاف من العصا لازم تكون حاضرة معاك ديما وواحد يخاف من المراقب العام وواحد يخاف انك تنقسيلوا
ولازم كل واحد تهدري معاه بعقليتوا يعني لازم تكوني قادرة تفهمي الجميع باه تتحكمي فيهم كامل

 

[poli]

انا راني في الليسي و احترام الاستاذ من صفاتي حتى و اذا كان الشيخ ظالم
هههههه...مرسي

 

[Lonely Girl]

ربي معاك برك ويعينك فيهم اختي راكي دخلتي دومان صعيب بزاف
ونصيحة اختي بيني روحك واعرة قدامهم ومترخفيلهمش وهديهم بالادارة ولا بالطرد هههههههه:tongue_smilie:​

 

[assoma]

انا تاني الام نتاعي معلمة لكن في السنة 2 ابتدائي.
قالت لك امي لازم تحمري فيهم عينيك هكدا باش يخافوك.
" ويلا ماحبوش ساعفيهم ... الله غالب واش تديري"
نورمالمو راهم كبار .
ولازم يسكتو ولا. لالا.
على كل حال ربي يكون معاك.
انا امي باقيلها 5 سنين وتدي لاغوتخات. وتتهنى منهم.ومن حسهم.
على بالك كي توصل للدار ماتولي تشوف والو من الحس انتاعهم...ههه.
​

 

[fidou]

ياخي قلنا بينيلهم العين الحمرا :biggrin::biggrin: