جامعة فرحات عباس..؟؟؟؟

[مـــــلاك]

السلام عليكم و رحمة الله تعالى و بركاته
الى طالبات جامعة سطيف حابة مساعدتكم، بنت عمتي جابت الباك تاعها العام اللي فات 15.23 و راها تقرا ميدسين في جامعة باتنة و حابة تبدل الدوسي تاعها لجامعة سطيف و مازالها تسقسي ، من فضلكم افيدونا بمعلومات عن كلية الطب بجامعة سطيف "" قصدي مليحة ،ماشي مليحة،المقاعد البيداغوجية متوفرة،الاساتذة ..""و بلا ماننسا الاقامات ، ويناها احسن اقامة من حيث النظافة و و السكن و....( سمعنا بللي اقامة طالبات البيولوجي و الفارماسي و الميدسين معا بعضاهم اسكو صح ولا لالا )
و شكرا مسبقا​

 

[الفيلسوف]

شوفي أنا منقراش في سطيف بصح عندي صحيبي يقرأ تما يحكي على سطيف بلي مليحا بصح الأساتذة عندهم السبطاج بزايد

 

[A_abir]

السلام
شوفي اختي انا نقرا في جامعة فرحات عباس سطيف - الباز-
وهي راهي مليحة وفيها متوفر كل شيئ لانها جديدة طبعا
وادا تحبي نزيد نسقسيلك على كلية الطب ونشوف الي يقراو فيها مساعدتهم ولالا
الي نعرفو متوفرلهم كل شيئ
والاساتدة ؟؟؟؟الله اعلم
انا نسقسي ونشوف

 

[مـــــلاك]

بارك الله فيكم على المرور الرائع اخي العزيز و حبيبتي اسما
و يعطيك الصحة حنونتي و راني نستناك​

 

[safo]

دشنوها عام السنة فووووووووووووور والقامة جميلة جدا
اهلا وسهلا

 

[A_abir]

صح كيما قال صافو الاقامة فيها روعة
وكيما سقسيتلك راهم مدايوين الاقامة تاع التخصصات اكل البنات كلهم بكل تخصص يعني البيولوجيا مع الطب .....
والكلية قالولي هايلة فيها كل شيئ موجود ومتوفر لانها طبعا كيما قتلك جديدة
وفيها طلاب من سوريا ومصر والاردن ......
يعني هاد الي عرفتو
واذا شيئ ثاني اني هنا اختي
باي

 

[مـــــلاك]

يعطيك الصحة ختي اسما و بارك الله فيك على المعلومات الى عطيتيهالنا
و حبيت نسقسيك حنونتي ، الاقامة الجامعية قريبة من la faculté de medecine ولا لازم تروحو في transport
​

 

[billel90]

سلام
انا نقرا في الجامعة المركزية لافاك مي عندي صحابي يقراو في الباز ميدسين و يقولوا بلي فوووووووووور في كلش ...

 

[مـــــلاك]

يعطيك الصحة خويا bill و شكرا الف الف الف شكرا ..!!!
بارك الله فيك
و في كل من رد على الموضوع​

 

[Moha le sage]

انا عندي وقت من لي قريت كيما كانت لفرونسي في لافاك سونترال ..

ذرك تبدلو بزاف حوايج ... انا حبيت نعرف وش راهم مدايرين في الانستيتي الي كان تاع فرونسي ؟؟

هندسة ولا واش ؟؟؟

 

[safa rym]

السلام عليكم أختي ملاك....
كلية العلوم الطبية في الباز...الكلية جديدة و روعة....
أما الاقامة راهي قريبة...في الباز3...
اقامة جديدة و فتحت غير هذا العام...
أما الأساتذة...أختي هاكي تعرفي اللي يقرى يدي....
و كشما تحبي تزيدي تستفسري راني هنا...
​

 

[مـــــلاك]

السلام عليكم أختي ملاك....

كلية العلوم الطبية في الباز...الكلية جديدة و روعة....
أما الاقامة راهي قريبة...في الباز3...
اقامة جديدة و فتحت غير هذا العام...
أما الأساتذة...أختي هاكي تعرفي اللي يقرى يدي....
و كشما تحبي تزيدي تستفسري راني هنا...​

و عليكم السلام حبيبتي وفاء و ربي يعيشك حنونة على الرد الرائع​

 

[safa rym]

و عليكم السلام حبيبتي وفاء و ربي يعيشك حنونة على الرد الرائع​

العفو أختي...
كشما تحبي تزيدي تسقسي راني هنا...ماتحشميش...​

 

[kari87]

أختي أنا نقرا في جامعة سطيف المركزية والطب يقراو في الباز بالنسبة للباز هي جامعة جديدة وكيما يحكيوا عليها راهي مليحة بصح الإقامة ماراهومش كامل في الباز كاينين 5 و 6 و7 راهم في 2000 وهي إقامة قديمة ومافيها حتى حاجة مليحة ، نصيحتي لبنت خالتك تبقى في باتنة خير لها. وربي يوفقها
وبالنسبة للأخ اللي سقسى على معهد الفرنسية بكري \ركا راهو ولا نتاع الهندسة المعمارية ، والله يا خويا غير كيما كانوا الفرنسي لثما خير vraiment الهول ولا ماعندو حتى معنى كي راحوا هوما والإنجليزية

 

[nawar.dz]

شوفي انا نقرا biologieفي الباز راني نسمع بلي ما كاين حتى مستوى فيها لي يحب يقرا طب صح يروح لقسنطينة

 

[etmeriem]

مع انني طالبة جامعية ولا ادرس في الباز انا ادرس في معهد علم الاجتماع والديمغرافي الدي كان معهد الطب سابقا اقول لكي ان كلية الطب الجديدة روعة وكل شيئ فيها متوفر وحتى الاقامة روعة عكس المعهد الطبي سابقا الدي لا تتوفر فيه جميع الشروط الدي تجعلك تحسين بانك طالبة جامعية طلبة الطب عندهم الحظ لان كل شيئ لديهم متوفر ليس كحالنا طلبة علم الاجتماع قاعدين غير ينقلو فينا

 

[مـــــلاك]

بارك الله فيكم جميعا على المرور و الاراء المختلفة بصح كيما يقوللك الراي للاغلبية و الاغلبية يقولو la fac de medecine مليحة w meme الاقامة l'essentiel هي حابة تتبدل من باتنة لانعدام الادب و الاحترام نهائيا اضافة الى لعب الاساتدة و انعدام النظافة ثاني .​

 

[billel90]

wech malak mezalek mwasawsa men el baz....!! wech ngolek li chafhalha rabi hadik hiya w nchallah ysahalha rabi....bye

 

[عبد الغفوربوقرة]

:yahoo:انا نقولك بلي ماكانش خير من سطيف سيرتو الباز فور بزاف:yahoo:

 

[مـــــلاك]

:yahoo:انا نقولك بلي ماكانش خير من سطيف سيرتو الباز فور بزاف:yahoo:

merci khoya pour ton passage ya3tik ssaha​