والله غير كرهت حياتي

[da3boulla]

السلام عليكم

والله ما لقيت ليمن نحكي حتى الصديق نتاع الصح مكانش اللي يفرغ عندو الواحد قلبو ماكانش

بقالي ملجأ واحد هو نتوما انكم تساعدوني يا نعيش يا نقتل روحي من الضغط نتاع الدار و لقراية و الهم لكبير الخاوة

يعني حرام الواحد ينحي على روحو شوي و يبدل الجو
انا نقرا في اكمالية و درولنا رحلة الا للتلاميذ المتفوقين و انا منهم و كي قلت لبابا باش نروح رفض من المرة لولى
نضال نقرا من 8.00 ل 12.00 و لعشية من 2.00 ل 5.00 و زيد كي نجي للدار
و كي حبيت نبدل شويا جو ماحبوش
بصح والله غير كرهت حياتي هذاك خويا نهار كامل و هو يعس فيا ماهوش مداير فيا كونفيونس طووول يدريني كيما هذوك لبنات اللي مش متربيين (حشاكم) بصح انا عمري لادرت حاجة مش مليحة
صح نشتي نلبس و نبيش و نشتي نكون بوقوصة بصح هو في معناتو هاذ لشي مش مليح
​

 

[nassim007]

وش حا ديري الدنيا هذي ساعة ضحك او ساعة حزن......
اصبري برك بالاك تجيك فرصة اخرى

"انت و مالك لأبيك"

 

[Rabah kabyle]

السلام

اختي امشي بنصيحة ابيك محبش في مصلحتك
اختي في وقتنا ماكانش لي ايحبلك الخير
اما اخيك راه ايحبك وميشتلكش الشر
اخوك رابح
تحياتي
​

 

[mustapha158]

أول شيء نهنيك على المستوى الدراسي الجيد الذي بلغتيه
ثانيا حاولي إقناع الوالد بأن الرحلة للمتفوقين وفيها بنات وحبذا لو تأتي معك صديقتك مشاركة للتحدث معه أيضا
ثالثا للتأثير على الأب أفضل سلاح هو الأم فأهدري معها
رابعا أخوك يحب يلعب شخصية سي السيد طبيعي كل الإخوة كيما هاك بالصح في الحق يحبك ويتمنالك كل خير يحب يلعبها برك
هذا ما نقدر نقلك
وأمنياتي لك بأوقات أجمل

 

[sleepingbeauty]

و عليكم السلام
لالا حبيبتي هاد الشيء عادي جدا و ما يستاهلش تكرهي حياتك على جالتو ديري في بالك بلي باباك و خوك تالمو يحبوك يخافوا عليك ماشي مايديروش فيك ثقة اصلا اغلبية الاخوة هاكدا واعرين خاصة لما تكون البنت في فترة المراهقة و انا خويا الكبير ياما دار فيا كي كنت قدك هههههههه خليها على ربي بصح درك تبدل عاد يدير فيا ثقة ماصراتش لانني نضجت و تاني عمري عطيتو سبب باه يشك فيا درك رانا كي الصحاب نخرجوا مع بعض يحكيلي اسرارو و الغيرة اللي ماعندها حتى معنى كامل راحت يعني حبيبتي مسالة وقت برك و انا متاكدة بلي اهلك يوثقوا فيك بزاف لكن ما يوثقوش في العرب كيما يقولي بابا و بالنسبة للرحلة حاولي تقنعي باباك يعني رحلة مدرسية ما فيها والو و اذا ما قبلش ماشي نهاية العالم و اذا احتجتي الى صديقة اختك راهي هنا ربي يوفقك اختي

 

[iam-The-Darkness]

صراتلك كيفي عام لي فات بصح انا كبرت عقلي قلت هاذي حاجة ساهلة و انا مازلت صغيرة و مازال واش حوايجي لقدام ماديريش عليهم ماتحطيهمش في البال و باباك كيما دارها هكاك تسمى يحبك يقولك كشما يصرا لقدر الله ......
حبيبتي كي تحبي تفرغي اني هنا و حنا كامل هنا :001_smile:

 

[شيخ أمين]

بنيتي مساء الخير ومشكورة على الصراحة
لما شفت الموضوع ولما شفت تلك العبارات المجرحة والمخيفة في نفس الوقت اضطريت أن ندخل إلى الموضوع وإنشاء الله أستطيع أن أخفف عنكي
بنيتي العائلة متخوفة من غدر الزمان والفضيحة الناس اليوم ماترحمش أبدا وإن حدث لكي أي مكروه لاقدرالله يصبح مسار أخر وأنت تسمعين وتقرئين أحداث وأحداث تحدث
الخوف سكن فلد أكبادنا لا تفكري هذا التفكير السلبي بنيتي ولما تكبرين أنت بذات وتكونين بأولاد سوف يأتي هذا الاحساس ولاتطمئني حتى تدخل ابنتكي البيت ساليمة وخاصة مع هذا الوقت
لست بنيتي مسألة ثقة هي مسألة مبادئ
هذا الموضوع طويل ولكين إن أحتجتي أي نصح فأنا تحت أمركي
ربي يفرحك ويسعدك ويهنيك
إن صغيرة مازلتي لاتفهمي الأمور على حقيقتها​

 

[caracala12]

السلام عليكم
اريد قبل كل شيء ان اوضح لكي بعض النقاط اللتي يجب على المرء ان لا يتجاهلها

هل خوف الاب و الاخ و الام عليكي اصبح شيء تريدين تدمير حياتك من اجله كلا و الله

هل الامور التي امرنا الله بها اصبحت شيء لا يطاق
انا منيش عارف علاه الحاجة اللي تحافظ علينا و تحبنا ولات مشي مليحة عند اكثر الناس
هل ديننا فيه ظلم لنا لا والف لا
حبيت نقلك اختي ديري واش قالك بباك و خوك رانا في وقت الفتن ومناش رسل باه منطيحوش في الخطايا
ولا راكي باغيا تبدلي الجو و تحوسي من حقق مدام مركيش ديري في حاجة مهيش مليحة و مربية
قولي لبباك و خوك يخرجوك معاهم تحوسي اخرجي مع يماك روحي وين تبغي شرط ان تكوني مع رفقة طيبة و محرم لكي
ارجو ان لا اكون متحيز في احد الامور
و نتمنالك تكملي حياتك بكل ثقة و ديري مهما حاجة تبغيها ​