الحقرة ولات حتى فالعمل من الصغير للي كبير عليه." فريق أولاد قسنطينة "

[Adel Adel1]

السلام عليكم أحبابي فاللمة​

الحقرة معروفة و بكل مانحبوهاش ... في وقتنا وصلت للحد لي مايقدرش العبد يتحملو
كل واحد شاف حقرة و لا صراتلو حادثة يحكيها و لا يحكي معانا على الحقرة عموما
نبدا أنا
ليوم في مكان عملي .. أنا متدرب معنتها سطاجور فالoffset ... لقيت مكان باش نفوت السطاج تاعي في مطبعة في قسمطينة عندنا
رحت شفت الأحوال و دخلت لتما يومين عادي و من وراها بديت نشوف حوايج مافهمتهمش
ميكانيسيا تاع الآلة تاع طباعة لكبيرة معنتها قدرو عالي و بقرايتو و خدمة مليحة لي يخدمها
أنا لقيتو فالمطبعة هادي يهز فالديشي تاع الورق !!!!!!!!!!
نعرفهم أنا يسلكو فوق 8 ملاين فالشهر بصح هو يدي 800 ألف
و لقيت لاجوناس صغيرة تخدم مع الماشينة عادي
مافهمتش
وليت سقسيتو
قالي يا بنني أنا عمري خلصتو فالمطبعة هادي و كنت لاباس عليا بصح الحقرة وصلتني هك
كي كبرت حوسو يخرجوني على خاطر جاو صغار يقدرو يخدمو خير مني مالا وليت انا نخدم هكا باه نجيب خبزت لولاد
؟؟؟؟؟؟
فالوقت هاداك جا صاحب المطبع لقاه جالس و قدامي
أنا كنت واقف ماهدر معايا والو قالي صباح لخير وليدي
ودار ليه قالو واش بيك قاعد و الورق هادا يطيش روحو وحدو ؟
قالو الحاج مسكين
ياراك علابالك بلي مريض في حالة و قلتلك البارح
قالو تنوض تخدم ولاكان ماعاجبكش الحال تروح تروّح
معنتها يحاوز فيه
هادي حقرة على خاطر علابالو بلي الحاج هاداك لازملو خبزة ولادو ويخدم لي كاينة
أنا قلبي قطعهولي كيفاش يهدرلو هكاك
.......
نتوما أحكيو واش شفتو وواش صرالكم من مواقف كيما هادي
........
هاد الحقرة نلقاوها في كل بلاصة و نتاشرت حتى فالمنتديات فالأنترنت و نشوفوها يومي
الحمد لله فالمنتدى تاعنا ماكانش هاد الساعة
. لحديث قياس .
أنهلاو و ننتضر ردودكم ​

 

[sleepingbeauty]

مسكين يقطع القلب و الله حرام عليهم هاكدا

انا صرات لبابا خدم لفترة طويلة بكل تفاني مع اللخر خرجوه congé spécial وجابوا واحد بغل في بلاصتو الكمبيوتر ما يعرفش يمشيه بصح مبعد لقا بلاصة خير بآلاف المرات ( و عسى ان تكرهوا شيئا و هوخير لكم)

شكرا على الموضوع القيم اخي تقبل مروري
سلامي لناس القماص
​

 

[Adel Adel1]

مسكين يقطع القلب و الله حرام عليهم هاكدا

انا صرات لبابا خدم لفترة طويلة بكل تفاني مع اللخر خرجوه congé spécial وجابوا واحد بغل في بلاصتو الكمبيوتر ما يعرفش يمشيه بصح مبعد لقا بلاصة خير بآلاف المرات ( و عسى ان تكرهوا شيئا و هوخير لكم)

شكرا على الموضوع القيم اخي تقبل مروري
سلامي لناس القماص

ربي يعيشك أختي على ردك يبلغ سلامك على ناس القماص​

​

​

 

[طارق القبطان]

والله هناك الكثير من القصص المشابهة لقصتك
أنا صراولي حوايج بزاف راني نبريكولي بهذي السبة مانطولش وين نروح منحملش نخلطها ونحبس

 

[Adel Adel1]

والله هناك الكثير من القصص المشابهة لقصتك
أنا صراولي حوايج بزاف راني نبريكولي بهذي السبة مانطولش وين نروح منحملش نخلطها ونحبس

لازم تعرف تجبدهم لعباد هادو وتكسبهم باه تقدر تعيش