كي يهدر الراجل المتزوج مع بنات في سكايب والمسنجر = خيانة ؟

[Moha le sage]

بزاف المتزوجين الرجال يظلو يكونيكتيو ... بلاما تكون مرتهم علا علم واش راهم يديرو

عادةا هي تلقاها تطيب ولا تتفرج في مسلسل ... وهو مكونيكتي يناvيgي في الانترنت

بصح اللي متعرفوش مرتو ان راجلها يظال يضحك مع هاذي ... و يبعث ورد لهاذي .. ويجامل في هاذي .. ويقول عبارات بزاف كيما توحشتك و غبتي عليا .. ونتلاقاو في msn ..

طبعا منيش نحكي على لحوايج لخرى تاع الراجل المتزوج لي يديرها في الواب .. الهدرة مع صحابو ولا البحث في المنتديات على امور تهمو .... راني نحلل برك في النقطة هاذي ..
هل تعتبر خيانة ولا حاجة عادية ؟؟

واذا مرتو اكتشفت ان راجلها يضال يتكلم مع بنات بزاف في منتديات بزاف و في سكايب و مسنجر وياهو ... ومخليها هي لاتية بامور البيت ...هاذي حاجة نورمال ؟؟؟






**************************************

 

[لحن الحبيب]

بيان سور خيانة
كيفاش يخلي مرتو
و
يقعد يقصر مع بنات في أنترنت
في عوض يقسر مع بنات في أنترنت يروح يقسر مع مرتو ولى يخرج هو ومرتو يحوسو باش يزيد يتقرب من مرتو أكثر بارسكو راهو عايش مع مرتو ماشي مع بنات أم أس أن
وهادي حاجة أن نورمال
ويعطيك الصحة على موضوع بزاف فور
​

 

[أبو عاتكة]

شوف خويا مدوخوش روحك خوذها قاعدة من عندي الانسان صوا متزوج ولا عازب الا خبا واش راه يعمل في الانترنت على اهلو ولا مرتو ولا اولادو اعرف بلي يعمل في صوالح ماشي نورمال ويخاف ويحشم الناس تعرف وتشوف واش راه يدير كاين عالم سقساوه على الحرام قالهم كي تكون تخدم في حاجة وحاشم من الناس تعرفها اعلم بانها حرام بصح ياخويا لييخاف من مرتو ولا ولادو ويخلي ربي من تالي هذا نعزوه في عمرو واخلاقو ودينو..

(لا تجعل الله اهون الناظرين اليك)

​

 

[hadda0425]

طبعا خيانة وحرام وغش في مشاعر مرتو واحاسيسها هي قاعدة في الدار طيب وتغسل وتمسح وتربي في لولاد وهو يتمسخر مع بنات الناس المشاعر و الهدرة لمليحة لي مد فيهم لبنات نتاع msn يروح يمدهم لمرتو ام ولادو لي تتعب عليه ولا ماشي هاك خويا تاركان
انا راجلي ما يديرهاش بصح لوكان نكتشف بلي دار حاجة كيما هاك نكسر الميكرو على دماغ :cursing::angry:​

 

[Moha le sage]

بيان سور خيانة

كيفاش يخلي مرتو
و
يقعد يقصر مع بنات في أنترنت
في عوض يقسر مع بنات في أنترنت يروح يقسر مع مرتو ولى يخرج هو ومرتو يحوسو باش يزيد يتقرب من مرتو أكثر بارسكو راهو عايش مع مرتو ماشي مع بنات أم أس أن
وهادي حاجة أن نورمال
ويعطيك الصحة على موضوع بزاف فور ​

يعطيك الصحة ختي ... كيما قلتي .. بصح بعد الزواج يبدى ينسى مرتو ... ويديقوتي لاسباب عديدة

ويلقى لبنات بزاف في لنترنت وارواحي ونتي وقوليلو عيب تدير هكذا

مرسي على ردك

 

[sleepingbeauty]

يعني تقدر تعتبر خيانة على حسب طريقة الهدرة يمكن يكونوا مجرد زميلات كان يعرفهم و حب يسقسي على حوالهم و لكن اذا كيما قال الاخ يهدر بالتخبية و يخاف مرتو تفيق و كلش اللتم تعرف بلي نيتو ماشي مليحة و كاين اللي يخبيو على البنات بلي راهم متزوجين هادوك ماكالاه نهدروا عليهم
كيفاه حتى جاك في البال هاد الموضوع خويا تاركان

 

[omar.lakaf]

هههههههههههههههههههههههه
يا tarkan ياخويا ماكفاهومش مهند تزيدلهم انت مهند راهو طلق ناس ياناس
والله يارجال مساكن يشفوا البحر من امامهم والعدو من امامهم ههههههههههههههههههههه

 

[angel_fly]

طبعا خيانة و مليون خيانة
يعني يخلي مرتو و ولادو و يروح يحكي مع الغرباء
شكرا اخي دايما مواضيعك مميزة

 

[*ليديا*]

السلام عليكم ورحمة الله وبركاته
انا من رايي خيانة .وعلاه هذاك الوقت الي يحكي فيه مع البنات ما يحكيش فيه مع مرتو خير .
والي يشعر بالمسؤولية صح تجاه مرتو ما يلقاش وقت باه يحكي مع اخرى .
واذا راهم زميلات وعلاه ما يقولش لمرتو ؟
انا من رايي الشخص اذا زوج خلاه وقتو كامل لمرتو وولادو
بـــــــــــــــارك الله فيك خويا **tarkan**
موضوع من الواقع المعيشي ،يعطيك الصحة .

 

[fakhri-dz19]

normale
khalet tesfa :001_tt2:

 

[poli]

راني معاك في هذه فخري والله
هههههههه
انا بالنسبة ليا عادي لخاطر هو صاي راه خير مرتوا الباقي خضرة فوق عشاء
و زيد هذه فلطت مرتو هي اللي مخليتو ياكل فيه الفيد
هههههههه.......
موضوع متميز من عضو متميز
مارسي خويا محمد موضوعك في القمة يستحق النقاش الجدي
​

 

[Moha le sage]

شوف خويا مدوخوش روحك خوذها قاعدة من عندي الانسان صوا متزوج ولا عازب الا خبا واش راه يعمل في الانترنت على اهلو ولا مرتو ولا اولادو اعرف بلي يعمل في صوالح ماشي نورمال ويخاف ويحشم الناس تعرف وتشوف واش راه يدير كاين عالم سقساوه على الحرام قالهم كي تكون تخدم في حاجة وحاشم من الناس تعرفها اعلم بانها حرام بصح ياخويا لييخاف من مرتو ولا ولادو ويخلي ربي من تالي هذا نعزوه في عمرو واخلاقو ودينو..​

(لا تجعل الله اهون الناظرين اليك)​

لا لا اسمحلي نقلك في تاع متزوج وعازب ... اذا كنت براسك مفيهاش عيب تعرف بنات والله يسهل كي تكتبلهم ويكتبولك ... بصح اذا كنت متزوج ومرتك في شمبرة ونتا في شمبرة اخرى تحكي مع بنات .. وتقلهم كلام معسول .. هاذيك انا عندي خيانة ... و بكري كان الراجل يخرج يقصر ... ذرك تقريبا كامل يكونيكتيو في الانترنات و يديرو رواحهم عازبين و يديرو حتى قصص تاع حب وهوما متزوجين باه يكون في علمك ... نساهم ميقدروش يعرف ..تلقاه يا ميخليش مرتو تتلاح للميكرو .. ولا متعرفش الموت دباس .. تقولو تجي تتعشى يقولها هاني لاتي ..وهو قاعد يحكي مع وحدة ... هاذا هو الشيء اللي نحوس نوصلو انا

وكيما قلت نتا .. اذا كانت الخلوة تاع الرجل بالمراة حرام ...فراح حتما الخلوة في سكايب ولا اماسان .. حرام

تعيش خويا مامين على ردك

 

[Moha le sage]

طبعا خيانة وحرام وغش في مشاعر مرتو واحاسيسها هي قاعدة في الدار طيب وتغسل وتمسح وتربي في لولاد وهو يتمسخر مع بنات الناس المشاعر و الهدرة لمليحة لي مد فيهم لبنات نتاع msn يروح يمدهم لمرتو ام ولادو لي تتعب عليه ولا ماشي هاك خويا تاركان ​

انا راجلي ما يديرهاش بصح لوكان نكتشف بلي دار حاجة كيما هاك نكسر الميكرو على دماغ :cursing::angry:​

نورمالمون يمد كيما تحكي في الهدرة لمليحة لمرتو ماشي لبنات الناس ... بصح كي يفوت عام ولا عامين وتروح حرارة الزواج ... يبدا هو يكره الهدرة وتلقايه قليل وين يقول كلمة حلوة

... بصح في الميكرو .. تلقايه شاعر ومن لكبار ثاني .. والي اكثر من هكذا متقدرش مرتو تعرف واش راه يدير ... ميخليهاش تقرب ليه ولا يقلها راني نخدم ولا كي ترقد هي يبقى هو ساهر ..

منيش نقول الرجال كامل المتزوجين يديروها .. ولكن بزاف يديروها بدعوى التسلية

ولا عقليتهم لي تحب النزوات والمغامرات ... ربي يهدينا

والميكرو متكسريهش اعطيهولي ونعطيك صندوق كسريه على راسو ههههههههههه

 

[Moha le sage]

يعني تقدر تعتبر خيانة على حسب طريقة الهدرة يمكن يكونوا مجرد زميلات كان يعرفهم و حب يسقسي على حوالهم و لكن اذا كيما قال الاخ يهدر بالتخبية و يخاف مرتو تفيق و كلش اللتم تعرف بلي نيتو ماشي مليحة و كاين اللي يخبيو على البنات بلي راهم متزوجين هادوك ماكالاه نهدروا عليهم
كيفاه حتى جاك في البال هاد الموضوع خويا تاركان

منيش نهدر على الزميلات ... راني نهدر على بنات المنتديات اللي من بعد يعطوه سكايب و اماسان وحتى التلفون .. وهو يلعب في لعبة .. بدعوى التسلية .. وبدون علم المراة تاعو .. وكيفاه رايحة تعرف المخلوقة ...

نيتو مهيش مليحة ولي يهدر معاهم يقلهم منيش مزوج .. وتلقايه حاليتلو ويضال يشايخ ومخلي مرتو وحدها ... صباح الخير تاع مرتو وتثقل عليه و يضال يجغبل مع لبنات في الواب

كيفاه جا الموضوع هاذا في راسي في راسي امور بزاف و شايف لعوج بارتو .. منحبش نهدر باه منقيسش ناس وزيد نقول بلي يحذفوه الموضوع ..

بصح كيما قالي حمد الجزائري .. اكتب وقلهم راني معاك هههههههههه راني موجد روحي

مارسي عليك .. سوايع سوايع وبوانتي نشوفك .. تهلاي في روحك

 

[Moha le sage]

هههههههههههههههههههههههه
يا tarkan ياخويا ماكفاهومش مهند تزيدلهم انت مهند راهو طلق ناس ياناس
والله يارجال مساكن يشفوا البحر من امامهم والعدو من امامهم ههههههههههههههههههههه

ياو الكوبل في دزاير تالمون العلاقة فراجيل بين لراجل ومرتو.. ويدخلو فيها الناس كامل .. امو وامها .. جارتهم.. عمتهم ... الناس كامل ...تلقاهم مهومش ستابل .. وعلى حاجة تافهة يفقدو الكونفيونس في بعضاهم ...


الراجل يدبرو عليه صحابو طلق مرتك .. وهي تدبرو عليها ماليها يقولولها بيني روحك .. ولازم تكوني مولات كلمة وما تسكتيش .. وارواح نتا وحلها ...

دبارة الفار على مول الدار


مارسي عليك يا عمار تاع الريتشوسي هههههههههههههههههه

 

[Moha le sage]

طبعا خيانة و مليون خيانة
يعني يخلي مرتو و ولادو و يروح يحكي مع الغرباء
شكرا اخي دايما مواضيعك مميزة

ومالوروزمون هاذا هو الواقع ... حبيناه ولا كرهناه ... هو يدير هكذا زعما باه يهرب من الروتين تاع الدار .. وزيد يبدا يولولو عفايسو و نزواتو تاع ماقبل الزواج.. ويحس روحو حر

بصح كاين ربي من فوق .. راه يشوف في كلش .. وكاينين نسا يقلك نورمال لمهم راه مع الميكرو مهوش في الصح ؟؟

بصح معندهاش حكم لمرا .. كشما سمعتو بوحدة تطلقت خطراه لقات راجلها يحكي في سكايب ؟؟ مكانش

يعطيك الصحة ختي عللى ردك الجميل

thanx

 

[Moha le sage]

السلام عليكم ورحمة الله وبركاته
انا من رايي خيانة .وعلاه هذاك الوقت الي يحكي فيه مع البنات ما يحكيش فيه مع مرتو خير .
والي يشعر بالمسؤولية صح تجاه مرتو ما يلقاش وقت باه يحكي مع اخرى .
واذا راهم زميلات وعلاه ما يقولش لمرتو ؟
انا من رايي الشخص اذا زوج خلاه وقتو كامل لمرتو وولادو
بـــــــــــــــارك الله فيك خويا **tarkan**
موضوع من الواقع المعيشي ،يعطيك الصحة .

القضية مهيش قضية مسؤولية .. ولاكن جوهر القضية هو برودة احساس الرجل تجاه مرتو .. يعني بعد عام ولا عامين تاع زواج .. يبدا يشوف في مرتو كانها élément من les éléments تاع الدار برك .. يروح الحب و حرارة الحديث .. تبدا السماطة .. ويبدا الراجل يمر بمرحلة فراغ .. ويظال مع صحابو في الدومينو .. وكي يولي ..هو مليح كون يجاوب مرتو بكلمة ولا زوج .. يروح طول يكونيكتي ويحوس على مغامرات اليوم هذاك

ربي يعيشك ختي ليديا على كلامك .. يعطيك الصحة

 

[Moha le sage]

normale
khalet tesfa :001_tt2:

فخري كلش عندك نورمال ... نهار تزوج هانا نشوفوك لا تخلطها ولا مرتك تديرلك نقاب هههههه

:001_tt2::001_tt2::001_tt2::001_tt2::001_tt2::001_tt2::001_tt2::001_tt2::001_tt2::001_tt2::001_tt2::001_tt2::001_tt2::001_tt2::001_tt2::001_tt2::001_tt2::001_tt2::001_tt2:

 

[sleepingbeauty]

منيش نهدر على الزميلات ... راني نهدر على بنات المنتديات اللي من بعد يعطوه سكايب و اماسان وحتى التلفون .. وهو يلعب في لعبة .. بدعوى التسلية .. وبدون علم المراة تاعو .. وكيفاه رايحة تعرف المخلوقة ...

نيتو مهيش مليحة ولي يهدر معاهم يقلهم منيش مزوج .. وتلقايه حاليتلو ويضال يشايخ ومخلي مرتو وحدها ... صباح الخير تاع مرتو وتثقل عليه و يضال يجغبل مع لبنات في الواب

كيفاه جا الموضوع هاذا في راسي في راسي امور بزاف و شايف لعوج بارتو .. منحبش نهدر باه منقيسش ناس وزيد نقول بلي يحذفوه الموضوع ..

بصح كيما قالي حمد الجزائري .. اكتب وقلهم راني معاك هههههههههه راني موجد روحي

مارسي عليك .. سوايع سوايع وبوانتي نشوفك .. تهلاي في روحك

الله يسلمك تاركان ايه في هادي صح ماشي حق عليه و اللي تبانلو نورمال نقولوا اقلبها يعنى اتخيل انت مرتك تدير هاكدا تحكي مع رجال في الامسن و الياهو رايحة تبانلك نورمال في احسن الحالات رايح تطلقها مالا خليونا من العقلية تاع بيفرلي هيلز كيما قال لطفي

 

[*ليديا*]

القضية مهيش قضية مسؤولية .. ولاكن جوهر القضية هو برودة احساس الرجل تجاه مرتو .. يعني بعد عام ولا عامين تاع زواج .. يبدا يشوف في مرتو كانها élément من les éléments تاع الدار برك .. يروح الحب و حرارة الحديث .. تبدا السماطة .. ويبدا الراجل يمر بمرحلة فراغ .. ويظال مع صحابو في الدومينو .. وكي يولي ..هو مليح كون يجاوب مرتو بكلمة ولا زوج .. يروح طول يكونيكتي ويحوس على مغامرات اليوم هذاك

ربي يعيشك ختي ليديا على كلامك .. يعطيك الصحة

كلامك صحيح ،ممكن تكون السماطة الي تدفعو لل msn
هنا لازم المرأة تعرف كيفاه تتعامل مع راجلها
باه ما يشعرش بالسماطة
الله يسلمك خويا تاركان
بارك الله فيك