خويا? ختي? حاب رايكم في الموضوع هادا

[nassime500]

كيعاد منتدى واش راك تهدر المفضل عندي, حبيت نعرف راي الاعضاء في الموضوع هدا اللي كتباتو واحد البنت في قسم المغتربين والمهاجرين.
المهم انا حاب رايكم فيه. هاو ليكم الموضوع:

السلام عليكم انا في اونة اخيرة سمعت خبر يقول انو هجرة قوات بزاف الى البلدان الاوروبية وخاصة بلد الي حاسبينو جنة والي هو اصبانيا انا من راي انو هادو الشباب وايضا شابات راهم يروحوا تم يتشردوا او يعيشوا معيشت الذل والميزيرية حاسبين كي يروحو تم راهم رايحين يولوا رجال اعمال ولا ماعلاباليش بصح راهم غالطين بزاف الي يحب ينجح ينجح في بلادو ولا حب يخدم يخدم في بلادو هوم كاملين هادو الي راحو عمرهم مافكروا انهم يقراو تقريبا كلهم محبسين القراية في البريمار واش عنبالك الدنيا ماشي دايمن خضرة حشيش لازم الواحد يدير حساب للمستقبل الغامض الي راه رايح يوصلوا بصح نهدر ولا نقعد سي كيف كيف اسبانيا دخلت في راس شباب ديالنا ولا راني غالطة اذا راني غالطة ياريت تبعثولي رد وتصحولي غلط وشكرا

 

[poli]

صراحة خويا نسيم ماش قصدي نزعفك مي الموضوع عادي هذه وجهة نظرها و هي طرحتها......
واشي الغريب اللي لفت انتباهك انت........
تحياتي

 

[nassime500]

صراحة خويا نسيم ماش قصدي نزعفك مي الموضوع عادي هذه وجهة نظرها و هي طرحتها......
واشي الغريب اللي لفت انتباهك انت........
تحياتي

روحي لمنتدى المغتربين وتعرفي واش قلقني

 

[sleepingbeauty]

yes عندها الحق كيما قال كونتور مسوطي الله يذكروا بالخير اللي ما يلقاش روحو في بلادو عمرو ما يلقى روحو لهيه يهدر على الحراقة و سال المجرب و ما تسالش الطبيب واحد ما قرا ما والو كيفاه حاب يعود اطار سامي في اسبانيا سبحان الله
بصح نضن هي راهي تهدر على لي يروح بلا كوارط هو اللي يتميزر هاكدا بصح اللي يروح بكوارطو نورمال واش فيها كل واحد و ظروفوا كيفاه
​

 

[king of the love]

ماكانش قد بلادي نموت على الجزائر
لي مانعز في بلادوا ماينعز في بلاد الناس
​

 

[AMINE017]

خو انتا راك بالاك ماقاسكش الربع من اللي قاسهم اوكي
مالا اعرف السبب لي خلاهم يروحو والسبب باين لنهم في بلادهم وعايشين الدل
لي خلصو قرايتهم وقعدو مطايشين فالزنق ماهوش دل لي دحلون الشناوة يخدمو وحنا نتفرجو ماهوش دل لي ماعندوش معريفة فالبلاد مايدير والو ماهوش دل دارونا التميز العنصري
ولاد المجاهدين وولاد ماش المجاهدين ماهوش دل مالا ولاد لي ماش مجاهدين goumiya
ياخو بركاك فيق شوي هدا لي هدرتو انا راه مايسوا والو مع مشاكلهم لدى عندهم الحق
100/10000000000
مشكور على الموضوع
وارجو ان ترد على ان كنت غير موافق​

 

[*Nouha*]

حسب رايي انها قالت وجهة نظرها و عندها الحق ما كانش كي بلادنا الجزائر ​

 

[غزة الجزائر]

الهدرة على الخدمة والميزيرية لازملاها وقت طويل بزاف
وانا وحدة من الي قراو وما خدموش لليوم عليك وانا راني في 33
بصح هذا كلوا مل يغطيش حقيقة انوا لازم علينا نصبروا
ونحاولوا احنا مسلمين وعارفين بلي الرزق بيد ربي وما علينا غير السعي
بصح حابة نقلكم حاجة بلادنا منخلوهاش حتى ولو سفينا التراب
واللي حاب يخدم ميعدمش الوسيلة
بصح بيناتنا وكل واحد يكون صادق مع روحوا
الشباب الجزائرنتاع خدمة يحب يخدم غير في البيروات والستيلوا
واي خدمة اخري عيب ومنخدمهاش وانا منخدمش زبال
وانا نخدمش في الارض وانا منخدم ميكانيسيا ووووو وهلما جرى
نحوسوا غير على البيروات
صدقوني ياجماعة لي حاب يخدم يخدم بصح احنا اذا مترفهناش في نهار مهيش خدمة
اللي اكتفى بالقليل يعيش واللي يحوس على السيارات والفيلات والتصياف هذو عمرهم ماراح يوصلو
انتفكر حديث الرسول عليه الصلاة والسلام او بمعنى الحديث *** الذي اصبح وعنده قوت يومه وآمن في سربه فعلى الدنيا السلام *** على الدنيا السلام
واحنا نلبسوا وناكلوا ونشربوا وماناش حامدين ربي ونشكوا ونبكوا ونقولو ربي معطاناش وبلادنا حقرتنا ولازم نخرجوا من هذي البلااد بصح ديرو في بالكم حاجة وحدة انوا لمقدرش يشق طريقوا في بلادوا ما يقدر يشقها في بلاد الناس وذل بلادي ولا ذل بلاد الناس
اخيرا حكمة اقولها للشباب الجزائري
من لا يأكل من فأسه لا يفكر من راسه
ارجوكم توجهوا الى الارض فهي الملاذ وهي الحاضن وهي الام الحنون
اعملوا المستحيل للحصول على الاراضي وزراعتها فهي الكنز الذي لا يخيب احد
لا ادري كيف لكن لتتشكل مجموعات من الشباب ليطلبوا الارض ويلحوا ويعملوا
صدقوني لن يضيع جهدكم
تبنو هذا المشروع وضعوا له مخطط وابداو
ووفقكم الله وهذا مجرد راي
واقول في الاخير لامين خليك من المجاهدين ميحقلكش تهدر عليهم
ولا نسيت بلي هما سباب الحرية لي راك فيها ولا توحشنا فرانسا .

 

[وطني]

ماراهومش يروحو يحوسو راهم يهربو من الميزيرية عمل شجاع اكثر من مغامرات كريستوف كولومبس

 

[RaNiA]

انا رايي من راي هذي الطفلة والحرقة ماتجيب حتى فايدة غير الشقا والميزيرية و العذاب تبقا في بلادك معزز مكرم حتى ولو كان ما عندكش خدمة خيرمن تروح للغربة وتتغرب لتما و واحد ما يلتى بيك وتولي متشرد

 

[©§¤°الجزائـ صوت ـر°¤§©¤]

السلام عليكم:
أنا رايي واضح من بكري وراهو هنا
https://www.4algeria.com/vb/t70135.html​