لماذا تسمح لنفسك ان تحب واختك لا والف لاء ..؟

[touta92]

لماذا تسمح لنفسك ان تحب واختك لا والــــــــــــــــــــف لا؟؟

ســـــؤال.........؟


هــل الحـــب خيـــانه للاهـــــــل...؟


فـعنـدمـا تحب الفتــــاه شـئ طـبـيعي ان يـكـون الحـب من خـلف الاهـل
لانـه لا يمـكن لاي فتـــاه ان تــــقول لاهــلهــا

بــيــنمــا الشـاب يستـــطيــع ان يقــــول لابـــيه لامـــه بـــدون خــجل


امـــا الفتـــاه فـــستقوم قيـــامتهــا اذا قــــالت لامهـــا او احـد اخـــوتــهـا



لـــــــــــــــــــــــمـــــ ــــــاذا هــــــذا ممســــــــــــمــوح للشـــــــــاب

بــــيـــنمــــا هــو ممنـــــوع للفتــــــــــــاه



مــن يمــــلك الجـــرأه والصـــــراحه

لليجيــــب على ســـــؤالــي


لمـــاذا هذه الانـــانيـه...؟


واقعنـــا الـــذي نعـــيش فيـــه ملئ بمـــثل هذه القــــصص


ولكنــي اطلــب تفســــــير لهـــذا التنـــــاقض


هـــل عاداتنــــا تسمح للــرجل ان يحـــب ..؟


ولاتــــسمح للمــــرأه...؟



لمـــاذا هذا الفـــرق الــــيس نــــوع مـــن الانانــــيه

.............................. .......

احبتــي بالـللهـ
اعتــــذر لطــــرحـي مثـل هـذا الموضــوع

الجرئ نوعــــا مـا ولكــني اريــد الجــواب لا غيــر

ولـــيس انا فــقط اغـــــلــب الفتيــات اذ لم يـــكن كلــهم


تــــ ح ـــياتي

 

[merieme hassi]

شكرا اختي علي هدا الطرح
و الله صح الي قلتيه وهدا انا نسميه النفاق بعينه صحيح انو الرجال قوامون علي النساء Mais ماشي هنا و الله يا اختي رانا بعدنا علي ديننا ياسر الحب كلمة عظيمة و عندها بلاصتها
فالمسلسلات المدبلجة خسرت العقلية تاع الرجل و المراة

 

[tatyana rose]

يا اختي يعطيك الصحة هدا موضوع مليح وسؤال في محلو والله واش نقولك كيما يقول المثل حلال عليه وحرام عليا نحب نقول للدكور كيما انت كيما اختك رانا كامل اولاد 9 شهور
شكررراا على الموضوع مرة اخرى وربي يحفظك

 

[touta92]

شكرا لمروركما الطيب و المشاركة

نتمنى المشاركة من قبل الأعضاء الاخرين

 

[sleepingbeauty]

رانا نستنا في الاجوبة تاع الذكور
و القلب واحد ما يقدر يتحكم فيه واحد ما يقدر يمنع واحد من انه يحب نحيولهم قلوبهم و مبعد قولولهم ما تحبوش
شكرا على الفكرة اختي
​

 

[podolsky]

السلام عليكم


انا راح نجاوبك بكل صراحة على خطارش ما نحبش هاك وهاك

انا بالنسبة ليا انا ما نبغييش على ختي اليوم وغدة ونموت وما نسمعش بلي تمش مع واحد ....والي جاء من الباب مرحبا بيه اليوم وغدوة
كما انني ما نبغيش على بنات الناس بنفس الحدة كيما ختي .....
مي حبيت نقول
الحب اصلا شي منبوذ في مجتمعنا وخاصة في المناطق المحافظة ان لم يكن في كلها
ديري في بالك ان يغلط الرجل الاف المرات اهون من ان تغلط المراءة ولو نصف مرة لست انا الذي يقول ..... المجتمع هو الذي يحكي.
انا كي نروح نخطب والناس الي راح ناسبهم يكونو على بالهم بلي مشيت مع 1000 وحدة تجيهم نورمال ويعطوني واذا رفضوني تاكدي ما يكونش على جال هذة السبة
مي الطفلة لوكان يسمع خطيبها بلي كانت تهدر مع واحد راكي عارفة لاسيويت
مازالو المجتمع والواقع الي يحكي ....ماشي انا
عرفتي وعلاش الذكر يحب وكي تلحق لختو ينوض لاgار
مانيش نبرر في موقفنا على بالي بلي رانا غالطين اليوم وغدوة
نورمالمو كيما نبغو على بنات الناس نبغو على خياتنا
ودير في حسابك ختي وقولي قالها داك العبد ....ماكش الي خمم فيك في هاد الدنيا اكثر من بوك ويماك ولا خوك ...اما الباقي كامل يلعبوا بيك واللي بغاك من قلبه....يجي من الباب
هادا راي
اليوم وغدوة

 

[الحرية]

الحب احساس جميل ولا يحق لاحد ان يتحكم في مشاعرنا
لكن للاسف نعيش في عصر لا يحق للبنت تحب لا حرام بس الولد خلي يعمل وش يبغي

 

[sleepingbeauty]

شكرا بودولسكي على الصراحة و كلامك اللي قلتوا صحيح
لكن احنا نهدروا على الحب بحد ذاته ماشي العلاقات و المشيان هاديك عندك الحق ما ترضاهاش لختك اصلا اللي يرضاها لاختو يكون ديوث
لكن مثلا نقولوا الحب من بعيد لبعيد واش رايك فيه
انا نحكيلك حكاية كلما نتفكرها نضحك
كنا قاعدين في الصالون انا و بابا و خويا الصغير 6 سنوات
بابا كان مع الكمبيوتر و انا كنت نتفرج و خويا الصغير كان زعفان مني ربما كي ما خليتوش يتفرج مالا قعد يهبل فيا و يقول اسم خطيبي و يعيط و مبعد واش قال في رايك "بابا علابالك راهو يحبها" يهدر على خطيبي و قالوا " روح اضربو بابا روح للجزاير و اضربو على خاطر راهو يحبها "
انا وليت فريز ما لقيتش واش نقول يعني تخيل هاداك الحرج و مبعد بابا قالو "و انت واش دخلك ياخي فراي ياخي "
دركا فهموني واش اللي خلا طفل صغير يحط في بالو بلي
الحب = جريمة
و تحب = تستاهل الضرب :lol:
راسي حبس علابالك
​

 

[abdelmalek88]

موضوع رائع من عضوة اروع مشكورة اختي ان لم نسمح لاخواتنا ان يحبو فمعناه ان الحب شى سيئ ​

 

[rasousou]

SoUSou

:thumbup1:
الله يحفظك ختي على هاد السوجي والله غير عندك الصح هو تصيبيه مخلطها وايا يلا جابولو هدره يلا بغات ماراهيش صح يروح يبغي يقتلها انا الحمد الله ما عنديش خويا كبير

 

[drissemed]

السلام عليكم ورحمة الله


إن هذا الموضوع لي فيه رأي قريب جدا


اولا أقول
إن إحساس الحب هو شعور خلقه الله في الانسان وكلمة انسان تشمل الجنسين الذكر والأنثى
فإن قلنا أن الفتاة حزينة أو سعيدة لماذا لا نعيبها
والحزن والفرح شعوران قد خلقهما الله في الانسان
إذا لماذا هذا الشعور بالذات أصبح عيب على المرأة وليس بعيب على الرجل
إذا هناك تناقض ما ...؟
فإن أردنا أن نبحث في السبب الأساسي لهذا التناقض لا يصعب علينا معرفة وكشف السبب
من خلال سؤالي التالي
شعور الحزن قد يصل التعبير فيه حد البكاء وهو شعور قد خلقه الله في الانسان
لماذا إذا بكى الرجل يقال له عبارة
(( عيب عليك تبكي أنت رجال))
هل بكاء الرجل عيب
إن جاءت الإجابة لا ليس عيبا فأقول
إن هذا الشعور شعور خلقه الله في الانسان وما خلقه الله في الانسان هو امر ليس معيبا إذا بدا وبأي حالة كانت سواء بكاء أو حزن صامت او العزلة عن الناس ....الخ
وأيضا شعور الحب خلقه الله في الانسان وليس من المعيب على الفتاة
ولا أثم فيه أوذنب
أما إذا كان الجواب
نعم عيب على الرجل أن يبكي
فلا أحد يقول عيب على الفتاة أن تبكي
بل الكل يعترف أن الأنثى تحمل قلبا رقيقا أرق من قلب الرجل
وتقودها عاطفتها أكثر من الرجل
لذا أقرب طريق لها للتعبير عن حزنها هو البكاء
ومن هنا دليل
إذا كانت تحمل قلبا رقيقا وتقودها عاطفتها فيكون عيب عليها أن تحب
ولا عيب عليها ان تبكي
بينما الرجل هو العكس
عيب عليه أن يبكي ولا عيب عليه أن يحب

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
فمعنى هذا ليس أنه عيب عليه أن يحزن
وكذا الفتاة ليس العيب في أن تحب إنما العيب أن تضعف أمام حبها وخصوصا إن كان الشاب غير صادق معها وهو يمثل الحب أمامها منتظرا تلك اللحظة التي تضعف فيها
ولكن السبب الرئيسي لهذه الحالة التي ذكرت أخي حمودي
يعود إلى بعض العادات والتقاليد التي تحكم وخصوصا في مجتمعنا
إذ أن حتى من يقول أنه عيب على الفتاة أن تحب لم يقصد فقط الحب أو لم يقصد في تعبيره كلمة الحب بالصميم
فلا أحد يستطيع نكران أن الحب أمر لا يتحكم به الانسان ولا هو ملء الإرادة
ولكن يقصد الخوف لهذا الضعف الذي يخشى أن تقع فيه الفتاة
وهنا أيضا إشكال آخر
فلو كان الرجل أو (( الأب))
واثق بتربية أبناءه فلا يخشى على بنته إن أحبت ويجب عليه الاعتراف بأن الحب ليس بالأمر المعيب ما دام أولاده على خلق فيه الإيمان والثقافة والعلم الذي يحصنون العقل والقلب من الخطأ
وكذالك الفتاة
حين تكون في مستوى ثقافي وعلم وخلق فيه الأدب والالتزام والمعرفة بين الصح والخطأ
تعلم أن تلك النظرة السائدة في المجتمع
أو تلك العادات والتقاليد هي للحفاظ وفيها شيء من الحضارة
ولكن بنوع من التقييد أو الحزم الزائد
فتستطيع هي التفرقة والتفسير الصحيح بين الصح والخطأ
لأنها بالأساس تعلم ماذا تريد من حبها
ولا تسمح لنفسها أن تنقاد لحبها الطائش الذي يجلب لها ما لا يحمد عقباه
ولكن لا ترفض أيضا فكرة الحب أو تجاهل ذاك الشعور
هذا إن كان مستوى الثقافة عند الفتاة قد فاق مستوى الثقافة عندأهلها
أما لوكانوا أهلها من ثقافة عالية
فيذرعون فيها البذرة الأساسية التي تردعها عن الخطأ وهي كما ذكرت الإيمان والخوف من الله في كل أمر
والمستوى التعليمي العالي الذي يفتح أمام أعينها حقيقة الأمور
فيصبح حتى لو رأى الأب ابنته صدفة بالشارع تكلم شاب ما
فلا يتفاجئ ويعلم أن ذاك الشاب الذي يقف ويكلم ابنته هو على خلق جيد
ليس من معرفته بالشاب
إنما من معرفته بابنته
وإن كان غير ذلك فيجب على الأهل
قبل الخوف على بنتهم
أن يخافوا على ابنهم الشاب
فتلك النظرة السائدة في المجتمع التي تحلل للشاب فعل ما يريد ربما توصل بالشاب إلى الانحراف
وكما الخوف على بناتك يجب أن تخاف على بنات الناس من ابنك المنحرف
التي من شدة خوفهم عليها ممكن أن لا يسمحو لها حتى بالخروج من المنزل
وبذالك يكونون باعتقادهم قد حدوا من نسبة وقوع ابنتهم بالخطأ
وتركوا المجال مفتوحا أما ابنهم للضياع
سأكتفي بهذا الكلام


تقبلي مروري​

 

[podolsky]

شكرا بودولسكي على الصراحة و كلامك اللي قلتوا صحيح
لكن احنا نهدروا على الحب بحد ذاته ماشي العلاقات و المشيان هاديك عندك الحق ما ترضاهاش لختك اصلا اللي يرضاها لاختو يكون ديوث
لكن مثلا نقولوا الحب من بعيد لبعيد واش رايك فيه
انا نحكيلك حكاية كلما نتفكرها نضحك
كنا قاعدين في الصالون انا و بابا و خويا الصغير 6 سنوات
بابا كان مع الكمبيوتر و انا كنت نتفرج و خويا الصغير كان زعفان مني ربما كي ما خليتوش يتفرج مالا قعد يهبل فيا و يقول اسم خطيبي و يعيط و مبعد واش قال في رايك "بابا علابالك راهو يحبها" يهدر على خطيبي و قالوا " روح اضربو بابا روح للجزاير و اضربو على خاطر راهو يحبها "
انا وليت فريز ما لقيتش واش نقول يعني تخيل هاداك الحرج و مبعد بابا قالو "و انت واش دخلك ياخي فراي ياخي "
دركا فهموني واش اللي خلا طفل صغير يحط في بالو بلي
الحب = جريمة
و تحب = تستاهل الضرب :lol:
راسي حبس علابالك
​

السلام عليكم

هههههههههههههههههههههههههه سلمي عليها يستاهل
انا معاكم واش تقولو وكنت قادر نلعبهالك مثالي ونزيد نهدر ...ونشرك فمي وانا ماشي مقنتع
صح من حيث المبدأ راني معاك من امفروص كيما تدين تدان وكيما تحب لروح حب للناس ولا واش
مي انا نقولهالك ماعندي ثيقة في حتى عربي الامان ماكاش في هذا البلاد وسيرتو في هذا الوقت ...
وشي اخر لا يمكن لاي مخلوق كان اخ ولا اب ولا معرف شكون.... انو يمنع شعور مثل الحب او اي شعور اخر ان يدخل قلب الطفلة ...هادي ماعندك عليها حتى سلطة
وشكرا