- إنضم
- 20 جويلية 2008
- المشاركات
- 2,840
- نقاط التفاعل
- 194
- النقاط
- 159
- الجنس
- ذكر
السلام عليكم يا اخواني واخواتي
نتمنى انكم تكونو بخير وعلى الف خير
أما انا راني في نعمة ربي والحمد لله بصح قلبي راه معمر بزاف وماصبتش وين نفرغ كل هدا الهم
وقلت في نفسي نروح للمة كاش مانفرغ شويا هم ماشي الكل لخاطرش غادي تنخلعو واش كاين في قلبي لوكان نفرغ كلش
نبداو على بركة الله ونحكيلكم اخر مستجداتي
اليوم روحت نقرا في الجامعة كي العادة مانحكيوش على واش راه يصرا هناك لخاطرش راكم تعرفو
جازت عليا الصباح نورمال بصح مع العشيا كان عندي td تع وحد المقياس
وكنا نقراو وانا من طبيعتي نسأل الاساتذة بزاف ( يعني يلزم الاستاد يعرق معايا ) وهدا حقي وحق كل طالب وتلميذ بصح في وحد المرة رفعت يدي باش نطرح سؤال........ هاديك الاستاذة دارت بلي ماسمعتنيش وقعدت تتكلم انا توقفت و قعدت نسمع لكلامها وكلما تتوقف عن الكلام نعاود نرفع يدي
مرارا وتكرارا لكن لا حياة لمن تنادي بصح الامر لي غاضني بزاف كي حبت فتاة تقرى معايا
تطرح سؤال ورفعت يدها ....هاديك الاستاذة قالتلها تفضلي وأنا بقيت حاير ....من قبيل وانا رافع يدي
ماشافتش قاع فيا و كي تكلمت بنت راحت تجري عندها
في رايكم لوكان كنتم مثلي واش ديرو ........ وبماذا تنصحوني
أاااااااه دروك نروح لعلاقتي مع الناس لي يقراو معايا
نعرف واحد في الجامعة يقرى معايا هو انسان كبير و الله يبارك فيه اخلاق و تعامل
وفي وحد النهار قالي سلفلي الكراس باش يكتب الدروس انا قتله ok ماكانش مشكل وعطيته كراسي بصح مع الاخر هو ماكتبش وجابلي الكراس وقالي سمحلي انا ماكتبتش بصح خد كراسك
من بعد عاود سلفهلي
مرت على هده الاحداث يوم من بعد تلاقينا في الجامعة وتكلمنا مع بعض بصح انا نسيت باش نعطيه الكراس وهو تانيك ماتفكرش باش يقولي سلفلي الكراس
كي روحت لدار بديت في وحد العمل و كانت عندنا الفوضى في المنزل هو في داك الوقت
حب يتكلم معايا في الهاتف حاول يتصل بيا بصح انا ماسمعتش البورطابل بسبب الضجيج
كي جات 9 تاع الليل شفت في البورتابل صبته متصل بيا
حاولت نتصل بيه ولكن بدون رد رسلت ميساج وبدون رد
هو ظن بلي انا ماحبيتش نتكلم معاه ونسلفله الكراس لخاطرش كان عنده امتحان في داك الوقت
وقال بلي انا ماحبيتش نعطيه الكراس باش هو مايجيبش نقطة مليحة بصح انا ماكانتش نيتي
هكدا ......... وكي لقيته في الجامعة تكلمت معاه وقتله بلي كنت مشغول وماكنتش نسمع والو
لكن هو مازال مصر على كلامه وحتى التصرف تاعه معايا تبدل 180 درجة
واصبح يبعد عليا
في رايكم واش هو الحل باش نقنعه بالحدث لي صرالي
صحيح هدا خطأ لكن ماكانش عمدا ......... وعلابالي بلي راه كاين سوء تفاهم بيني وبينه برك
سمحولي ياجماعة راني خايف الا زعفتو عليا لخاطرش طولت عليكم الموضوع و زدتكم شويا من همومي
ماتنساوش الردود راني نقارع في رايكم
شكرا
نتمنى انكم تكونو بخير وعلى الف خير
أما انا راني في نعمة ربي والحمد لله بصح قلبي راه معمر بزاف وماصبتش وين نفرغ كل هدا الهم
وقلت في نفسي نروح للمة كاش مانفرغ شويا هم ماشي الكل لخاطرش غادي تنخلعو واش كاين في قلبي لوكان نفرغ كلش
نبداو على بركة الله ونحكيلكم اخر مستجداتي
اليوم روحت نقرا في الجامعة كي العادة مانحكيوش على واش راه يصرا هناك لخاطرش راكم تعرفو
جازت عليا الصباح نورمال بصح مع العشيا كان عندي td تع وحد المقياس
وكنا نقراو وانا من طبيعتي نسأل الاساتذة بزاف ( يعني يلزم الاستاد يعرق معايا ) وهدا حقي وحق كل طالب وتلميذ بصح في وحد المرة رفعت يدي باش نطرح سؤال........ هاديك الاستاذة دارت بلي ماسمعتنيش وقعدت تتكلم انا توقفت و قعدت نسمع لكلامها وكلما تتوقف عن الكلام نعاود نرفع يدي
مرارا وتكرارا لكن لا حياة لمن تنادي بصح الامر لي غاضني بزاف كي حبت فتاة تقرى معايا
تطرح سؤال ورفعت يدها ....هاديك الاستاذة قالتلها تفضلي وأنا بقيت حاير ....من قبيل وانا رافع يدي
ماشافتش قاع فيا و كي تكلمت بنت راحت تجري عندها
في رايكم لوكان كنتم مثلي واش ديرو ........ وبماذا تنصحوني
أاااااااه دروك نروح لعلاقتي مع الناس لي يقراو معايا
نعرف واحد في الجامعة يقرى معايا هو انسان كبير و الله يبارك فيه اخلاق و تعامل
وفي وحد النهار قالي سلفلي الكراس باش يكتب الدروس انا قتله ok ماكانش مشكل وعطيته كراسي بصح مع الاخر هو ماكتبش وجابلي الكراس وقالي سمحلي انا ماكتبتش بصح خد كراسك
من بعد عاود سلفهلي
مرت على هده الاحداث يوم من بعد تلاقينا في الجامعة وتكلمنا مع بعض بصح انا نسيت باش نعطيه الكراس وهو تانيك ماتفكرش باش يقولي سلفلي الكراس
كي روحت لدار بديت في وحد العمل و كانت عندنا الفوضى في المنزل هو في داك الوقت
حب يتكلم معايا في الهاتف حاول يتصل بيا بصح انا ماسمعتش البورطابل بسبب الضجيج
كي جات 9 تاع الليل شفت في البورتابل صبته متصل بيا
حاولت نتصل بيه ولكن بدون رد رسلت ميساج وبدون رد
هو ظن بلي انا ماحبيتش نتكلم معاه ونسلفله الكراس لخاطرش كان عنده امتحان في داك الوقت
وقال بلي انا ماحبيتش نعطيه الكراس باش هو مايجيبش نقطة مليحة بصح انا ماكانتش نيتي
هكدا ......... وكي لقيته في الجامعة تكلمت معاه وقتله بلي كنت مشغول وماكنتش نسمع والو
لكن هو مازال مصر على كلامه وحتى التصرف تاعه معايا تبدل 180 درجة
واصبح يبعد عليا
في رايكم واش هو الحل باش نقنعه بالحدث لي صرالي
صحيح هدا خطأ لكن ماكانش عمدا ......... وعلابالي بلي راه كاين سوء تفاهم بيني وبينه برك
سمحولي ياجماعة راني خايف الا زعفتو عليا لخاطرش طولت عليكم الموضوع و زدتكم شويا من همومي
ماتنساوش الردود راني نقارع في رايكم
شكرا
