باحثة اريد الاجابة وبصراحة

[etmeriem]

السؤال
هل عائلتك تقيم جلسة عائلية وتتحاور وتتناقش وتتجمع كلها في مائدة واحدة اثناء تناول الوجبات
انا اجيبكم بصراحة هدا لا يوجد في اسرتي وان وجد في رمضان فقط

 

[RaNiA]

احنا في الغدا والعشاء نقعدو مع بعضانا مي جامي عملنا جلسة تاع تحاور ولا نقاش​

 

[asma2090]

هدي اكيد نتجمهو في مايدة وحدة بصح لوكان نتناقشو قولي عمك ما صامش ولله غير يداقو ههههههههه:yahoo:احنا ما نعرفوش نتناقشو:yahoo:

 

[طائر السماء]

.. الســـلام عليـــكم ..

.. مــرحبــا أختي الغاليــة .. كيفكـ ؟ ..

.. ان شاء الله تكــوني بخيـــر ..

.. مــا نقدروش نعيشوا بلا حوار و نقــاش ..

.. لكن فيه شيئ مهــم جدا لازم مــا ننساوه و هو : ..

.. أنه كــل واحد فينــا هو الي يبدأ الخطوة الأولى ..

.. يعني مــا نقعدوش نستنــاو شكون الي يبدأ المنــاقشة ^^" ..

.. في مرات نكون أنــا الي يبدأ الحوار فنلقى كــل العايلة تتحاور و تشاركـ في المناقشة ^^ .

.. شكــرا خيتــوو على طرحكـ للموضوع ..

: )

.. فــي أمــــــان الله ..
​

 

[AMINE017]

مشكورة على الموضوع
لاكن عائلتي معاكسة تماما لعائلتك فنحن نتجمع في كل وجبة وخاصة رمضان الكريم ادا غاب فرد تسماط

 

[elkadir]

نو يا ختي الرجال عندهم مائدتهم ولو واحد وحده طبعا اي وجبة جماعية تكون فيها الشياخة في مواضيع الحياة اليومية
اما مائدة النساء نسمعوا غير الضحك والكلام مع بعض في نفس الوقت

 

[حسان]

الأختي الكريمة

الشيطان عليه اللعنة الله دائما يحاول ان يفرق و يشتت الأسرى إلا من رحم ربي

و انا في عائلتي نجتمع حتى بدون وجبات و نتحدث و نتبادل الحديث فيما بيننا و نعرف كثير من عائلات أكثر منا تماسك و ترابط

 

[mustapha158]

الحمد لله في عائلتي نجتمع في كل الوجبات وخارج الوجبات ودائما هناك نقاش مرات يكون هادف حول موضوع معين وبعض الأوقات فيه المشاحنة والتعصب لخلق جو من الضحك خاصة كي يدخل فيها خويا الصغير

 

[sleepingbeauty]

احنا نتناقشوا لكن ما نتجمعوش في مائدة وحدة الا نادرا لان كل واحد عندو وقتو اللي ياكل فيه لكن في رمضان نتجمعوا
بصح مليحة الجماعة ماشي مليح الواحد ياكل وحدو كيما القرد
​

 

[طائر السماء]

احنا نتناقشوا لكن ما نتجمعوش في مائدة وحدة الا نادرا لان كل واحد عندو وقتو اللي ياكل فيه لكن في رمضان نتجمعوا
بصح مليحة الجماعة ماشي مليح الواحد ياكل وحدو كيما القرد
​

.. على قولتكـ أختي الغالي ..

.. مــاشي مليح ياكل الواحد وحده كي القــرد ههههههههههههـ ..

.. يعطيكـ الصحــة أختي العزيزة .. لقيتيهــا و الله ^^ ..
​

 

[sleepingbeauty]

.. على قولتكـ أختي الغالي ..​

.. مــاشي مليح ياكل الواحد وحده كي القــرد ههههههههههههـ ..​

.. يعطيكـ الصحــة أختي العزيزة .. لقيتيهــا و الله ^^ ..​

هههههههههههه هادي دايما نقولها كيما القرد و لا كيما البعير المجراب
الله غالب كي ناكل وحدي تغيضني روحي في دار خالاتي و دار جداتي دايما متجمعين فوور بزاف حتى من الشهية تاعك للماكلة تزيد و احنا تقول متعاديين يا لطيف
شكرا لك اخي

 

[ام معاذ-23]

صح

صح نحنا لا نجتمع الا على طاولة الأكل أما طاولة الحوار:laugh: فلا مكان لها عندنا

 

[billel90]

hna kon manogo3doch m3a ba3dana tesmat....

 

[°~Kenza_02~°]

نتجمع صحيح لكن نتحدث ونتحاور نادراااا او اذا كانت مناسبة تدعو للنقاش فقط

 

[نجاة40]

حنا دايما في مايدة وحدة غداء وعشاء وحتى الفطور نتاع الصباح نحكيو نقسرو وساعات يوقع القباض ​

 

[الساجدة لله وحده]

السلام عليكم
حنا في العائلة نتاعنا للاسف بحكم انو الوالدة تغيب النهار كامل والوالد ايضا وحتى انا واخوتي
يعني مانتلاقاوش في اوقاات الوجبات بزااف
على هاديك والفنا كل واحد ياكل بوحدو
مي نتناقشو بزااف في المواضيع واكيد كاين الحوار..مي ماش مرتبط فقط باوقاات الوجباات..يعني في الاوقاات الاخرى...
وكل مرة واحد يبدا النقااش....​

 

[sousouna]

حنا يا اختي عندنا لالارجي من بعضانا...واحد مايقعد حد خوه...و النقاش يكون بين ماما و بابا برك
و مارسي على الطرح المميز

 

[capzou]

حنا نقعدو ناكلو مع بعض و نتناقشوا و خطرات النقاش يوصل للزعاف و نتفركتو ...mais مشي دايما يكون الزعاف

 

[tassenime]

نتلايموا فالعشاء وبس:angry::angry::angry:

 

[ASMA17]

مرات نديرو جلسة تحاور و تناقش مي غير الكبار يعني خاوتي الصغار لا
و مرات غير انا و بابا و لا ماما نتناقشو
انا فالدار نحب نهدر و نعبر على الراي بزااااف في كل المواضيع نانقارعش حتى يجيو و يساقسيوني​