واش رايكم في هدرة الناس ؟؟؟

[سراب الروح]

السلام عليكم:يحضرني هذا السؤل اريد ان اضعه بين ايديكم لعله يجد مخرج سليم...واش رايكم في هدرة الناس؟؟؟خاصة عندما تكون في ضرف لا يحسد عليه...الى أي مدى يؤثر فيك كلام الناس؟؟؟هل تكون ضربة لك اتخليك في ابلاصتك ما تعرفشي واش ادير او كيفاش تتصرف مع الناس؟؟او اتكون هي النقطة التي تنطلق منها لتقوي شخصيتك وتضرب كلامهم عرض الحائط؟؟ ولا يفوتني ان اضع بين يديك هذا البيت الشعري ربما فيه ما يدل على الصواب, اذا أتتك مذمتي من ناقص...فهي الشهادة لي بأني كامل. دمتم ودامت ارآكم.سلالالالالالالالالام

 

[hamlaoui5]

فور بالبزاف ليمرض بيه الناس يفيق بروحو بلي قاوي كاش نهار شتو واحد يمرض بيه الناس وهو بيريمي زيهم محال

وناس هذوا عندهم لفيد بزاف

 

[mustapha158]

إرضاء الناس غاية لاتدرك لذلك عندما أقدم على شيء لا يشوبه أي شيء يغضب الله ولي فيه مصلحة أو إقترفت أي خطأ أو وقعت في أي مطب يجب أن تكون كلام الناس أخر همي لما فيه من إحباط للهمم ويبقى كلام الناس لابيقدم ولا يأخر وكذلك حتى إن تأثرت بكلام الناس أعمل المستحيل أن يبقى التأثير داخلي أي أن لايظهر للملأ ويجب دائما المضي قدما للأمام لأن للناس أفواه إن تكلمت فلن تسكت ويبقى هذا مجرد رأي​

 

[ichrak]

انا ميهنيش في هدرة الناس لخاطر لي يتبع الناس ميربحش. كما قالوا إرضاء الناس غاية لا تدرك.

 

[ثابت على العهد]

اللي يتبع كلام الناس مجنون. . .
لأن الثقة في النفس والشيء الذي تؤمن به يغنيك عن كل قيل وقال. . .​

 

[la_fleur_de_joie]

اللي يتبع الناس مايربح غير العيب
انا نشوف بلا هدرة الناس ماكانش اللي يسلك منها سواء كنت فقير يقولو عليك :شوف واش راه يلبس ..شوف كذا شوف كذا ويلا شريت حاجة يقولك ولد لحرام منعرت مين جاب الدراهم....ويلا كنت غني يقولو عليك: بدراهمه يهدر ويديه مقطوعين..ويلا صراتلك حاجة يقولك هذا لعنده العرف.... وكذلك بالنسبة اللي يقرى واللي مايقراش واللي يلبس الحطة واللي يلبس مشرمط..وهذي هي الدنيا...انا نقول الصح كانت هدرة الناس تاثر فيا بزاف كنت ماندير والو بصح من غيرة الناس يجبدو الهدرة عليا لذلك بدلت عقليتي وليت نقيسهم في الثقيل وولات هدرتهم تدخل من وذن وتخرج من وذني لخرى..الحقيقة عطاتني التجربة الثقة بالنفس..يعني يلا كنت واثق بلا راك الدير الصح خليهم يهدرو...كيما قالك بلال: خليهم يهدرو ماعلابالي بوالو غير غيارة وحسادين حنايا خاطينا وبغاو يباصونا
وسمحولي طولت الهدرة هههه

 

[الورد الأحمر]

جورج وسوف: كلام الناس ما بيقدم ولا يأخر
...​

 

[azoula]

ارضاء الناس غاية لاتضرك
انا كنت نسمع لهدرة الناس بصح مانكذبش عليكم دمروني ودق عدت مانسمعلهمش خلاص كرهت​

 

[angel_fly]

الناس يهدرو واش يحبو
اللي يهمني انو انا ندير الحاجة اللي تعجبني و نكون مقتنعة بيها و هوما اللي ما عجبوش الحال يخبط راسو فالحيط
ما عندهم ما يقضيولي
الحكمة تقول الكلاب تنبح و القافلة تسير
شكرا على الموضوع

 

[assoma]

" السلام عليكم"

خيتو ايلا درتي على هدرت الناس رايحة تبقاي التاليه
ديري عليا هدرتهم حطيها في اللور كيما قالك الشاب بلال وعيشي لافي
تقبلي مروري​

 

[mido dem]

السلام عليكم


إرضاء الناس غاية لا تدرك

لا تكن اسهل ما في الدنيا ولا تكن أصعب ما فيها ، لكن كن أنت الدنيا في أسمى معانيها


مع تحيات hamid

نمضي ويبقى الامل ...

 

[hadda0425]

كيما قال جورج وسوف :كلام الناس لاباخر ولا يقدم
كي نرضي ربي سبحان ما يهمنيش كلام الناس
والناس ديما تهدر اذا كنت فقير ولا غني قاري ولا
ماكش قاري المهم ما يخليو حتى واحد

 

[dahmene4algeria]

لوكان دير على هدرة الناس ، ماتخرج كامل من بيتك

 

[oussama1546]

سؤال في محله أختي
أنا من رأيي نحاول نسايس هدرت الناس وكل حاجة ندير في بالي وش راح يهدرو عليا الناس وهي حاجة مليحة مي أدا كانت راح تعطل مصالحي معلابالي بحتى واحد وهاديك الهدرة راهم قالوا عليك وقالوا عمري منسمعها والا ناخذ موقف من هدرة واحد على واحد .
لأني عانيت منها بالزاف وانا صغير هدرة الناس



تقبل مروري

 

[sarah20080]

ارضاء الناس غاية لا تدرك

 

[*jiji*]

el nass walaw farghin chghoul ga3din ghir l hada maka ymardou lwahed w yrakboulou el 3ela hata w howa li ydir 3lihom ghir daro rasou parceque (kalam el nass yrakab el waswas ) w ghir zyada sur tt ida kan lwahed thayek f rouhouw 3aref rouhou bien mais wach dir irda3o el nass ghayaton la todrak kima ygoulou

 

[سراب الروح]

السلام عليكم:
شكي الجزيل لكل من مرّ على الموضوع واعطى رايه...دمتم ودامت اللمة بمداخلاتكم وارائكم الطيبة
تحياتي لكل اعضاء اللمة ولكل المتواجدين بها
تقبلوا تحيات سرابالروح
​

 

[مروة]

السلام عليكم
انا جامي لنتبع كلام الناس مهما كان حتى لوكان نسمعهم وش يهدروا من بعد ندير وش قالي عقلي

 

[*Nouha*]

و الله الناس هاذو مايهمونيش خلاص و مانسمعش بيهم
انا ندير حاجة مقتانعة بيها و راضية بيها و الناس يدزوا معاهم راهم فارغين شغل

 

[ملكة زماني]

الحق انا درني هدرت الناس