وجعني قلبي ... من لعوج تاع سكايب ولي ميساج .. لازم تقراوه

[Moha le sage]

تخيل واحد ولا وحدة فيكم بلي يحكي مع شخص ... ولاخر داير بظهر كيما نقولو :001_huh::thumbdown:

مهوش عاطيك وجهو :sneaky2: :glare: و تصورو معايا هاذ الحالة ديما تتعاود :huh:

والمشكل ان الشخص هاذاك ولا الاشخاص عزاز و مهمش علابالهم بروحهم بلي راهم غالطين :confused1::bored:

انا المشكل هذا ديما نلقاه لا ماشي في الرسائل الخاصة نلقاه في سكايب :001_huh:

ديما نحكي ونقصص و نكتب ... والناس تتكتبلي غير كلمة ولا زوج واذا كثرو يديرو تصويرة من هاذو : :wink::sad::scared:

نعطيكم مثال باه تشوفو اذا راني غالط ولا لا ... والصح نقولو حتى ولو يجرح ..

هذا مثال كتبتولكم نوضحلكم بيه : ​

EXEMPLE a dit : bsr
اهلا وش راك (ي) بخير : TARKAN a dit
EXEMPLE a dit : b1
TARKAN a dit : el hamdoullah ki rak (i) bkhair
EXEMPLE a dit : hmd
TARKAN a dit : ana hadawine djit
TARKAN a dit : 3ayan men
TARKAN a dit : lkhedma ..kach djdide
EXEMPLE a dit : wallo
TARKAN a dit : ana ki nkoun mdigouti
TARKAN a dit : ndir chui sport
TARKAN a dit : wnta (i) tdir ? wela lala
EXEMPLE a dit : nn
TARKAN a dit : ana koun manele3abeche
EXEMPLE a dit : koi
TARKAN a dit : el balo kachma yessra fia
TARKAN a dit : nmout 3la el balo
EXEMPLE a dit : ok
TARKAN a dit : wa9ila rah el hal lazem troh
EXEMPLE a dit : yes
TARKAN a dit : mala thala fi rohek w tasbah (i) bkhayr
EXEMPLE a dit : bye

​

:confused1::confused1::confused1::confused1::confused1::confused1::confused1::confused1::confused1: كشما فهمتو ؟؟

ذرك الشخص هذا راه يبيعلي في الهدرة ؟؟
ثقيلة عليه الكتبة ؟؟
ستيل تاع الكتبة تاع العولمة ؟؟

يخي صوق يخي :thumbdown::thumbdown:

كون تعود متعرفش الانسان هذاك معليهش .. بصح كي تكون تعرفو .. راه عيب الشيء هذا

واللي راهو معايا يهدر ..

نقطة هامة : لقيتها بزاف عند لبنات هاذي الظاهرة ...

نصيحة ليكم ... فرقو مابين لي يسوى واللي ما يسواش

وربي يهدينا كامل​

​

محمد​

​

 

[Moha le sage]

الحقيقة احيانا مرة ... بصح لازم تقال

اللي يتبسم لواحد ... وهو غايضو منو الحال معناها راه ينافق فيه

الصراحة راحة

وكيمو نقولو اخرجها لربي عريان يكسيك

 

[طيور الجنة21]

الحقيقة احيانا مرة ... بصح لازم تقال

اللي يتبسم لواحد ... وهو غايضو منو الحال معناها راه ينافق فيه

الصراحة راحة

وكيمو نقولو اخرجها لربي عريان يكسيك

صح عندك الحق اوافقك وانا شخصيا نكره هاذاك العبد الي دوبل فاص في الوجه مرايا و في الظهر مقص

لازم بكون فاص واحد ماشي زوج

أما فيما يخص السكايب جامي إستعملته


مشكووووووور خويا و نقولك هني راسك من المشاكل والباب الي يجيك منوا الريح سدوا و استريح
​

 

[ichrak]

خويا مهيش الناس الكل كيما هكة كاين الصالح وكاين الطالح.

 

[pixau_dz]

ياخوية ثاني انت صون نفسك

 

[*ليديا*]

السلام عليكم ورحمة الله وبركاته
صح يا خويا عندك الحق انا شفتها بزااااااااااف ،مي واش تقول ربي يهدي
ساعات تكون تعز شخص بزاف يكون اعز من نفسك وهو زعما يلعبها متقدم ولا ما نعرف واش
يحكي من فوق قلبو لا انا الي يحبني كي يقلق مني يقول ليا ،اي انسان يغلط
والدنيا راهي فانية ماذابيه الواحد تكون عندو من الدنيا ذكرى جميلة وخلاص
موضوع حسااااااس بزاف خويا محمد ،وهو حقيقة من الحقائق
نتمنى الي يعمل هكا يفيق مع روحو ويحاول ما يزعفش الناس الي تحبو
يعطيك الصحة خويا على الطرح الرائع

 

[AMOUR.JPEG]

exemple a dit : bsr
اهلا وش راك (ي) بخير : tarkan a dit
exemple a dit : b1
tarkan a dit : El hamdoullah ki rak (i) bkhair
exemple a dit : hmd
tarkan a dit : ana hadawine djit
tarkan a dit : 3ayan men
tarkan a dit : Lkhedma ..kach djdide
exemple a dit : wallo
tarkan a dit : Ana ki nkoun mdigouti
tarkan a dit : Ndir chui sport
tarkan a dit : Wnta (i) tdir ? Wela lala
exemple a dit : nn
tarkan a dit : Ana koun manele3abeche
exemple a dit : koi
tarkan a dit : el balo kachma yessra fia
tarkan a dit : nmout 3la el balo
exemple a dit : ok
tarkan a dit : wa9ila rah el hal lazem troh
exemple a dit : yes
tarkan a dit : mala thala fi rohek w tasbah (i) bkhayr
exemple a dit : bye​

:confused1::confused1::confused1::confused1::confused1::confused1::confused1::confused1::confused1: كشما فهمتو ؟؟ ----- فهمت بلي رجليه مهمش فوق الارض هاذ الشخص​

ذرك الشخص هذا راه يبيعلي في الهدرة ؟؟ ----- ونتا متشريهاش عليه
ثقيلة عليه الكتبة ؟؟ ----- ثقيل عليه les touches تاع لكلافي
ستيل تاع الكتبة تاع العولمة ؟؟----- ستيل تاع الناس الي وصلت​

يخي صوق يخي :thumbdown::thumbdown: ----- صوق ما يعمرش يا محمد​

كون تعود متعرفش الانسان هذاك معليهش .. بصح كي تكون تعرفو .. راه عيب الشيء هذا ----- عيب و تكبر​

واللي راهو معايا يهدر .. ---- خوك سمير راه معاك 1000/100​

نقطة هامة : لقيتها بزاف عند لبنات هاذي الظاهرة ... -----وشكون غيرهم طبعا​

نصيحة ليكم ... فرقو مابين لي يسوى واللي ما يسواش ----- و نتا تسوى الكثير خويا محمد​

وربي يهدينا كامل آمين​

محمد​

غبت ووليت لقيتك درت موضوع كي ما عادتك , انتا صريح وهذي حاجة باينة واهدر ومتخافش خويا موح برد قلبك وزيد , كيما تهدرش نتا شكون لي راح يهدر عليه

 

[yanni]

je pense que normal par ce que ana des foix

كي نكون فاتحة msn ويكونو حباباتي 3 ولا 4 فاتحين son obligatoire

باش نكتبلهم هكداك mais ادا كانت واحدة ولا 2 نكتبلها كيما تكتب انت وبالتفصيل

الممل المهم خويا محمد انت كي تفتح skype ou msn وتلقى كاش واحد من

les amis دياولك فاتحين ما تبداش انت الاول اللي تسقسي خليهم هوما يبداو

يسقسو عليك التماك تعرف معزتك عندهم وقولي النتيجة اللي راح توصل ليها

تقبل مروري مشكور على الطرح

 

[*amina*]

اخ محمد لي يحوس علينا راه فوق الراس وفي العين ولي ميحوسش علينا حتى حنا منحوسوش عليه
والحمد لله كاين في السكايب و في الامسان خصية البلوك و الحذف النهائي ساهلة ماهلة نفذها وتتهنى من لعواج تاع سكايب ولا راني غالطة؟؟؟؟؟؟؟؟؟

 

[angel_fly]

شكرا اخي على الصراحة اللي عودتنا عليها
ممكن هذا الشخص مشغول عليها يكتبلك باختصار شديد و ما قدرش يقولك يعني اذا تعرف هذا الشخص مليح اكيد علابالك بقيمتك عندو و تعرف ظروفو تاني
مجرد راي ارجو ان تتقبله

 

[Moha le sage]

والله مالقيت نجاوبكم و نكبر الموضوع ونعطيه اكثر من لي يستاهل .. ولا نسكت

انا مني راح نجرح في حتى واحد ... كان عندي ميساج حبيت نوصلو ...

المشكل ماشي في شخص واحد ولا زوج ... المشكل في بزاف من الناس

و هوما عزاز بزاف ... بصح يديرولي فيهاذ الطريقة ونولي محتم باه نهدر ...

انا نحب نحكي 5 دقائق مليحة ... على ساعة ونا نكتب غير في اوكي و بيان ..

.... والناس عقليات ... وكي تشوف في صاحبك ديفو قلو عليه .. متخليهش في عماه

 

[podolsky]

والله مالقيت نجاوبكم و نكبر الموضوع ونعطيه اكثر من لي يستاهل .. ولا نسكت

انا مني راح نجرح في حتى واحد ... كان عندي ميساج حبيت نوصلو ...

المشكل ماشي في شخص واحد ولا زوج ... المشكل في بزاف من الناس

و هوما عزاز بزاف ... بصح يديرولي فيهاذ الطريقة ونولي محتم باه نهدر ...

انا نحب نحكي 5 دقائق مليحة ... على ساعة ونا نكتب غير في اوكي و بيان ..

.... والناس عقليات ... وكي تشوف في صاحبك ديفو قلو عليه .. متخليهش في عماه

السلام عليكم

صح واش راك تهدر خويا محمد العقلية هادي كاين منها مليار
مام في الشارع دي فوا تكون تهدر مع واحد وهو يجاوب فيك بالقطرة تقول راه يخرج فيها من جيبو ماشي من فمو
وانا عن نفسي صراحة وفي اي مكان واي زمان لوكان يصرالي هادا الشي ....مهما كان الانسان عزيز ولا ماشي عزيز نعرفو ولا مانعرفوش .....غير لو كان نحس برك ان يتعصر في الهدرة معايا ...ديراكت بوان فينال ...ما نزيدوش كلمة ...كروة روج ...الا شخصين في هاد الدنيا مهما عطاوني بضهرهم .....يبقاو عزاز هما الاب والام دياولي ...سيتو
وشكرا خويا محمد على النصيحة

 

[aYyÖub aDaM]

رانا في 2009 ممكن الهدرة راهي عندهم يالدراهم وش تعرف جيزي
معطاتلهمش لبونيس هههههههه
الناس اشكال واجناس
والي يعرف يخطيه من تكسار الراس
صديق ولا زوج وطبطب
هذي هي خويا
​

 

[dahmene4algeria]

السلام عليكم ورحمة الله وبركاته
شوف أخي محمد الجزائر كامل راهي كيما هاك في أي مجال ،انت تهدر معاه مئة كلمة ويرجعلك كلمة وحدة ماشي في بلاصتها تعرفوا ماراه فاهم فيها والوا
ولازم العباد هاذوا ولا ماقيموكش ماكلاه تقيمهم ،وعلاه حاسبين رواحهم راهم توب
المهم الله ينجينا يوم القيامة

 

[mustapha158]

والله غير معك الحق أنا واش نقول قلبي راهو معمر من السكايب النتيجة اللي خرجت بيها مانيش حاب نجمل حاشة سبحان الله شيء عباد كي يعودو وراء الميكرو يتبدلوا 360 هو في الحق حشام ولكن في السكايب حدث ولاحرج واللي تديرو ناس ملاح إحذرمنو لأنو ذيب والحمد لله دائما الأيامات تكشفهم مع كل ذلك والله غير كاين ناس بعاد بألاف الكليموترات بالصح تصيبهم قلبهم عليك يسولوا يتبسموا صرحاء كي يعود مشغول يقلك زعفان فرحان المهم هو بطبيعتوا ومانيش حاب نحكي على أشباه الرجال اللي يستعملو أسماء بنات ربي يهدينا هذه الدنيا وفانية الواحد ماذا بيه يكثر الأصحاب اللي يعزوه والباقي ليهم ربي وأحلى حاجة ميزة البلوك ورانا كل ولاد 9 شهر
​

 

[sleepingbeauty]

ههههههههههه واش بيه هادا خايف على الحبر تاع الكلافي لا يخلص
عندك الحق خويا محمد هاكدا خير تصارحهم خير ملي تخليها في قلبك
راني معاكم العبد يكون مشغول و يهدر مع 5 عباد في نفس الوقت و انا شخصيا تصرالي كي نكونيكتي في الامسن ما يجي حتى واحد و اذا جاو يجيو كامل على خطرة نحصل كيفاه ندير بصح هاكداك و نهدر معاهم نورمال و ماشي بزوج حروف بالاك نطول عليهم شوية بصح نفهمهم نقوللهم راني مع غاشي كبير يعني ما نخليهمش يحسوا بلي راني ما رانيش حابة نهدر معاهم لاكان خسرنا الاصدقاء تاعنا واش رايح يبقالنا :crying:
شكرا لك
​

 

[salma02]

يعطيك الصحة يا خويا محمد
هذوك لعباد انا نحسهم عندهم بزاف LES CONTACTS
ما يفرغوش يديسكونو مع قع الغاشي
ديجا راك هدرتها من قبل كاين الي يضيف صديق بصح جامي ويلا اهتملو
انا شخصيا كي نشوف واحد كيما قلت انت قايسني في الثقيل
ديراكت نخرجلاخاطر الواحد تهدر معاه باش تنحي تعب النهار و تكمل نهار بنقاش على الاقل يريحك
mais
تزيد على روحك باطل
vaut mieux
نخرج خير
شكرا محمد خويا
و بصحتك الاسم الجديد
بصح علاه مرة هاك و مرة هاك

 

[المتفائلة خيرا]

عادي جدا كاين لي ما يحبوش يهدروا ياسر // يختصروا
وانا نحب هذ النوع // خير الكلام ما قل ودل
تحيأأأأأأأأأأأأأأأتي لكـ
​

 

[*Nouha*]

مد لروحك قيمة و خليهم هم يسألوا عليك
مشكور ​

 

[Rohana]

واقيلا حسبتلهم الهدرة بالدراهم
مايحبوش التبدير هههههههههههههههههههههههههه
انا اللي يهدر معايا هاكا نخليه
مدام ميقصرش علاه حل ماسنجر ولا سكايب
باش يسمع للغاشي.؟ ما كفاهش الهدرة اللي في حومتو ؟؟؟؟؟!!!!!!
غير اذا كان واحد نعرفوا و علابالي بلي موالف يهدر
هذا سور يكون مديرونجي و كان قدامو كاش واحد