خطيب وخطيبتو

[Lonely Girl]

صونى البورتابل للمرة الخامسة باش ردت عليه ​

الخطيب جابلي ربي انا راني واحد منسواش لي مترديش عليا
الخطيبة رد السلام قبل ونباعد نتفاهمو
الخطيب ايه روحي وش هو العذر اللي رايحة تخلقيه رايحة اكيد تقولي كنت راقدة ولا قاعدة مع الدار
الخطيبة الله يسامحك تتهم فيا قبل ماتسمع مني
الخطيب بصراحة راه الامر واضح بلاما توضحي .........بصح قوليلي برك علاش محبيتيش تردي عليا كي عيطتلك سير كنتي مشغولة مع اخرين مكنتيش لاتيه بيا
الخطيبة تحب الصح ايه كنت مشغولة مع غيرك
الخطيب ايا مليح ويناه هدا اللي دالك عقلك لهاذ الدرجة ومخلاكش تردي عليا
الخطيبة بصراحة كي نكون معاه ننسى الدنيا ومافيها بصح لازملك تعذرني
الخطيب بكل وقاحة تقولي هاد الهدرة قدامي واحنا مخطوبين .امالا لوكان تزوجنا كيفاه
الخطيبة الله يسامحك انا مغلطتش معاك امالا ماعنك حتى داعي باش تغلط معايا
الخطيب هذا كامل ومغلطتيش .............تتكبري وتتقلشي ومتريبونديش عني نهار كامل وكي تردي تقولي كنت مشغولة مع اخر وننسى الدنيا ومافيهامعاه ...........وهاذي ماهيش غلطة
الخطيبة هدا وش صرا صح كنت مشغولة معاه ومقدرت نرد عليك
الخطيب يظهرلي منقدروش نكملو في هاذ العلاقة امالا خليك مع اللي نساك الدنيا وخيرتيه عليا
الخطيبة ربي يجازيك وهاذي احسن حاجة درتها
الخطيب وهو مستغرب علاه راكي فرحانة باش نفسخو الخطوبة ولا كيفاش
الخطيبة انا راني فرحانة باغسكو اتصالاتك الربعة نتاع اليوم كشفولي حاجة دونجي تخليني نبعد عليك ونصمم نفسخ لخطوبة
الخطيب ممكن تفهميني كثر
الخطيبة انت عيطتلي اليوم على 11و45دقيقة نتاع الظهر وعلى الساعة 3و45نتاع العصر وعلى 6و308نتاع العشا وهدا الاتصال الخامس اللي راني نحكي معاك فيه
الخطيب حاجة بيزار تتفكري الوقت بالدقيقة
الخطيبة بيانسير باغسكو هاذ الاوقات اللي نكون مشغولة فيها مع اللي نحب واللي ننسى كلشي على جالو وسيرتو كي نكون في هاذ الاوقات .........وانا راني فرحانة اليوم اللي كشفت بللي راك مشغول على من هو حق بانشغالك عليه .راك حاب تعرف معامن كنت
الخطيب شكونو هدا
الخطيبة
كنت مشغولة مع ربي سبحانو .انت كنت تعيطلي في اوقات الصلاة تعيطلي اكزاكت في الوقت اللي نكون منقطعة عن الدنيا ومافيها .وانا منقدرش نربط روحي مع واحد ميعرفش ربي ​

وكوبات البورتابل في وجه خطيبها بعدما قررت هي باش تبعد عليه​

هو كان ناقص عقل وهي كانت سيريو بزاف حسب رايي بصح والله عندها الحق راه عبد حابس نتاع الصح ​

 

[sam25]

مساااااء النووووووووووور
موضوووع رائع مي غاضني مسكين الخطيب
كي ما حبتش تريبوندي عليه
هو كيف يستاهل يعيط في اوقات الصلاة
ربي يهدينا برك

موضوووووووع رائع
واصلي تميزك و تالقك
في انتظاااالر المزيد
تقبلي مرووووري
simo

 

[Lonely Girl]

مساااااء النووووووووووور
موضوووع رائع مي غاضني مسكين الخطيب
كي ما حبتش تريبوندي عليه
هو كيف يستاهل يعيط في اوقات الصلاة
ربي يهدينا برك​

موضوووووووع رائع
واصلي تميزك و تالقك
في انتظاااالر المزيد
تقبلي مرووووري
simo

هههههههههههه هو يغيض صح بصح جاني شوي مبلوكي
وهي جايبتها الغاز ههههه
الله يهديه ويهدي العباد الحابسة كيفو
ميرسي عالمرور خويا ​

 

[fidou]

اوووووو قوية :thumbup::thumbup::thumbup:.....مي مريوم قوليلي برك كيفاه قبلت بيه ؟؟:confused1::confused1::confused1: خخخخ...

 

[sarah02]

انا قلت لقات بقوص اخر خخخخخ ساعا .....والله ضربة فووور:thumbup:

 

[آلاء هبة الرحمان]

مشكووووووووورة على الموضوع
و الله يعني يغيض و هي كون من المرة الاولى سقساتوا يصلي و لا مايصليش
ربي يهدينا و يثبتنا على طاعتوا ان شاء الله

​

 

[SOUMA.]

موضوع رائع جدا مريوم
والله تصرا بزاااااااااااف
هي تبدا تصلي وهو يعيطلها
ولا العكس كي يروح يصلي هو هي تعيطلو
وربي يفضحهم
خلي تهنات منو
يستاهل وش دير بواحد ميعرفش ربي وميصليش
ربي يهدي الجمييييييييييييييع
​

 

[Ninja_09]

مريومممممممممة علابالك كون تخدميها بالعكس
يعني هي تعيطلوااا وهو ما يريبونديش
ما تصدقوش ويجيب يدوا خضرا من الجنة ​

 

[عقبة 77]

هذي مكاش منها ، تبان قصة قديمة انتاع بكري ، بصح وجود الهاتف تلفهالي .... مشكورة على العموم

 

[kamou]

يا مريومة موضوع هايل
وروعة ويستاهل
صح مع الضربة الاولى انا قلت مجرد ضحكة وتفوت
بصح كي وصلت لصح
يا ختي سكتيني وسكتيه
الباب الي جابو يخرجوووووووو​

نستعرف بيها
مافي احلى من هاد الشعور

 

[مايلي]

بارك الله فيك اختي

 

[أماني سطيف]

ههههههههههههه
يعطيك الصحة
والله يستاهل كثر
لزقة
هههههههههههههه
ماقالهاش مانبا في الصلاة
انا والله قلت راهي تتفرج في كاش مسلسل تركي
ومدرقة بالصلاة
هههههههههههههههه
ماعليش
ربي يبارك فيك
سلام

 

[مروة خ]

مليخة هادي

نستعرف بيها قدرت ديرها

شكرا على الموضوع الجميل​

 

[poli]

ايـــــــــــــــــه يا مريومة.....
ههههه........والله عندها الحق مليار بالمئة مي هو غبئ تاع الصح
كون جيت منوا نقوولها راني كنت نعيط باه نقلك روحي تصلي.....هههههههههه
تحياتي​

 

[Moha le sage]

الهلاو عليك مريومة


اذا كانت هي في دزاير و هو في سطيف فحتما وقت الصلاة راح يفرق و بالتالي انه مهوش غالط كي عيط

و هاذي خطبة ولا هوشة ههههههههههههههه

على العموم الواحد اذا تعلق بوحدة راه يعيطلها كل ثانية وما يكفيش :001_wub: ... بصح لا كان في عقليتو كي التانبر و لا اتو كولون ..راه راح يخنقها ...:thumbdown: :confused1:

حنا دخلنا الصيف والخطوبات ونتي راكي تبريزي في الحالة :thumbdown: :001_tt2:

المرسيي عليك

 

[sami12]

لا الاه الا الله

بسم الله الرحمن الرحيم
هذي الاخلاق لي بدرت من الخطيب رائعة وفي قمة الاخلاق ومن الحق الحق من الصعب باش تلقى وحدة في هذا الوقت كيمها
ورب يهدي ما خلق

 

[sami12]

واش قاعد تحكي خويا تقول ان الوقت انو كاين الفارق بيناتهم في الوقت الصلاة بصح نرمو مو يدير حسابو ولا كان يحبها ميحبهاش على حساب الصلاة

 

[iméne09]

والله خير ماعملت وعندها الحق هدا حابس لتم ومبلوكي تاع الصح مايعرفش حتى يفيس يعطيك الصحة مريومتي موضوع فووووووووووووووووووووووووور بلبزااااااااااااااااااف:001_tt2: ومواضيعك ديما هبااااااااااااااااااااااااااااااااال
مرسييييييييي حنونة :001_wub:
​

 

[rــآآآج ــــ الاميـرهـ ــo]

هذا يستاهل الكف على خدو يعطيه رحمة ربي على عملتو كبير وميصليش ربي يهدينا ويهديه ةيهدي امة محمد اجمعين مشكورة اختي جزيل الشكر عالموضوع الرائع دمتي متميزة بوركتي

 

[مروة]

مرسي
عندها حق لوكان جيت انا و الله غير نديرها