النورمال والأنورمال !

[mohamed ali 1992]

السلام عيكم ورحمة الله تعالى وبركاته
ان شاء الله راكم كامل بخير والحمد لله وفي نعمـة ...
---------------
السرقـة عندنا في الدزاير وفي البلايص الكل ولت نورمال في السوق في الأحياء في المدراس في البلايص الـكـل .بصح الحاجة الي ماهيش نورمال انو الناس تلقاها تشوف في واحد تتسرق من ايدو حاجة ولا من جيبوا ويبقوا ساكتين عادي ماعلبالهم بوالو :w00t:!
-------------
يسرقـ والناس تشوف رد بالكـ راكـ معروف
--------------
هذه المشاهد ماشي جديدة علينا نشوفو فيها ديما بصح الحاجة الي توجع القلبـ علاه هذا المنكـر ؟ :wink: واحد يشوف في صاحبه ولا جاره ولا اي عبد تتسرق منو حاجة ويبقـى ساكتـ !
-------------
الي عندو قصة مشابهة للموضوع يحكيهالنا ولا شاف واحد يتسرق قدامه والناس الكل عاملة روحها مش شايفة والو ...
والا يعطينا رايو في الموضوع ...
------------
وشكـرا لكـل من مر بالموضوع

​

 

[الساجدة لله وحده]

وعليكم السلام
يسلم لسانك خويا محمد
عندنا فالجزاير كل شيء نورمااااااااااال
البنت تتسرق قداااااااام النااس كامل وواحد مايهز لو خاطر
الميمة تنظرب وهي عجوزة مسكينة وماتقدرش مامبا ترد على روحها ولي جان يشوفو برك ويقول ياخي مسكينة نسرقت!!!
والله العظيم تحير تقول مانااش خاوا هنا
العبد يموت وخوه يتفرج فيه
مي جوبونس يخافو على رواحهم
تحير والله.....
انا ماشفتش لحد الان قصة كيما هاك مي حكاولي بزااااااف
و صراتلي قصة.. انو مرة فالسوق جا واحد الجان وبقى يديرونجي فيا وهاز في يدو قرعة ديودورون ورش بيها ديراكتومون في عينيا قريب ماعماني ..وتقوووووول واحد من للي كانو بحذايا حكا معاه..الكل لعبوها ماشافو والو..اون+ واحد قال لوكاان جات لافرونجين تشوف كيفاش نعمل معااه؟؟
ياخي وانا مانيش ختو وبنت بلادو؟؟؟
الله يستر
الانانية وين وصلتنا....​

 

[mohamed ali 1992]

وعليكم السلام
يسلم لسانك خويا محمد
عندنا فالجزاير كل شيء نورمااااااااااال
البنت تتسرق قداااااااام النااس كامل وواحد مايهز لو خاطر
الميمة تنظرب وهي عجوزة مسكينة وماتقدرش مامبا ترد على روحها ولي جان يشوفو برك ويقول ياخي مسكينة نسرقت!!!
والله العظيم تحير تقول مانااش خاوا هنا
العبد يموت وخوه يتفرج فيه
مي جوبونس يخافو على رواحهم
تحير والله.....
انا ماشفتش لحد الان قصة كيما هاك مي حكاولي بزااااااف
و صراتلي قصة.. انو مرة فالسوق جا واحد الجان وبقى يديرونجي فيا وهاز في يدو قرعة ديودورون ورش بيها ديراكتومون في عينيا قريب ماعماني ..وتقوووووول واحد من للي كانو بحذايا حكا معاه..الكل لعبوها ماشافو والو..اون+ واحد قال لوكاان جات لافرونجين تشوف كيفاش نعمل معااه؟؟
ياخي وانا مانيش ختو وبنت بلادو؟؟؟
الله يستر
الانانية وين وصلتنا....​

يعطيكـ الصحـة أختي على المرور
ايه شفـتي والله تحيري :bored: ايه الناس ساعات ثاني تخاف تقلكـ راه معاه صحابه ندخل روحي نولـي حاصل مالا خلي هكاك . وكاين صح نساء يولو لابسين ذهب تاعهم ...والخ وخارجين للسوق سي نورمال رايحين يتبعوهم ويحاولو يسرقوا ليهم حوايجهم :blink:
---------------
ألفـ شكـر على المرور والاضافة الطيبـة
​

 

[poli]

محمد مدامك في الجي راه كلشئ عادي في بلادي
هههههههه
مارسي
​

 

[mohamed ali 1992]

محمد مدامك في الجي راه كلشئ عادي في بلادي
هههههههه
مارسي
​

ـــ ايه صح كلش عادي وكلش يمشي في الدزاير :thumbup1:
السرقـة عيني عينكـ في وضحـ النهار هههههه :w00t: على مرأى من الجميع :tongue_smilie:
العفو بولي شكـرا على المرور
شرفنـي مروركـ كعادتكـ
​

 

[©§¤°الجزائـ صوت ـر°¤§©¤]

السلام عليكم:
أنا شفت من هاد الحوايج حتى قنعت وأكثر الناس اللي يتعرضو للسرقة هوما الفتيات الجامعيات
كلما تخرج وحدة من باب الجاميعة ساكها يطير سبحان الله
ولا واحد يتحرك ممكن يقولك ماكالاه يحصل روحو فالمشاكل
بالصح لابوليس وحدهم مايديرو والو

مشكووور محمد علي على موضوعك دوما متميز
تقبل مروري​

 

[mohamed ali 1992]

السلام عليكم:
أنا شفت من هاد الحوايج حتى قنعت وأكثر الناس اللي يتعرضو للسرقة هوما الفتيات الجامعيات
كلما تخرج وحدة من باب الجاميعة ساكها يطير سبحان الله
ولا واحد يتحرك ممكن يقولك ماكالاه يحصل روحو فالمشاكل
بالصح لابوليس وحدهم مايديرو والو

مشكووور محمد علي على موضوعك دوما متميز
تقبل مروري​

وعليكم السلام ورحمة الله تعالى وبركاته
خلي في الجامعات ههههه حدث ولا حرجـ حتى وين تولي المقربين ليك ولا صحاباتك قريب ماتثقش فيهم كاين ياسر ولاد ولا بنات تتسرقلهم حوايج ومن بعد يلقوها عندهم صحابهم ...
وكاين كي يولي رايحين للجامعة مع الاكتظاظ ..الخ . تتسرق الحاجة من الصاك تاعها بلا ماتفيق .
ربي يستـر الجميع ان شاء الله من هذه الظواهر ويبعد علينا اولاد الحرام
العفوـ هديل الشكـر كلو ليك على المرور الطيب كعادتكـ
باركـ الله فيكـ
​