اريد حل

[djomana89]

السلام عليكم
انا فتاة ابلغ من العمر 20 سنة من الجزائر تعرفت على احد في السكايب من تونس
وجاء لخطبتي الحمد لله ابي وافق لكن امي لم تقبل
فماذا افعل؟
ارجو الرد

 

[hard_way1990]

السلام عليكم ...
أختي شوفي السبب ألي خلا أمك ما تقبلش ولازم يكون سبب مقنع ...
ونصيحة مني أختي أنتي تعرفي السيد هذا واش يكون في تونس يعني آسكو خدام . سراق . كريمينال . عندو عائلة ؟؟ ..وووووووووووووو. كاينة ألف سؤال تقدري تسقسي روحك وتحاولي تجاوبي عليهم قبل ما تقدمي بخطوة لقدام ..
لأنو هذا يبقى زواج ومش حاجة ساهلة ولا لعب ذراري ...
علابالك أنتي العقلية تاع السيد هذا كيفاه ماشية ؟؟؟ ..
أختي أسئلي نفسك واش يكون السيد هذا قبل ومنبعد حاولي إقناع أمك ...
وإن شاء الله ربي يجيبلك ألي فيه الخير ...
​

 

[بيكهام]

مساء الخير
شوووفى اختي امك تحس بيك وهيا لرابتك ومتحبلكش حاجة لماشي شابة بلعكس
ملا كي مقبلتش ماماك اكيد كاين حااجة حست بيها
وزيدي هاذي راها نصف حياتك يعني لبقاتلك من عمرك تكمليها مع هاذا السيد ........................
وانتي سقسي عليه اسكو سراق قتااال ,ووووو
منيش نكره فيه المهم ام عندها حاسة 6
وحست بحااجة لبناتها
ربي يسهل ويكون غير الخير ان شاء الله​

 

[programmeur]

المشكل علاه الوالدة تاعك رفضاتو ؟؟؟؟؟؟؟؟؟؟؟
وكما قالو الاخوة علابالك نيشان باخلاقو و واش يخدم و .....و.......و.......و
المشكلة الكبيرة كيفاش تعرفيه بلي ماراهش يكذب عليك
ونقولك حاجة لي فيها الخير ربي يجيبها.........ان شاء الله

 

[02asma02]

سلام عليكم
شوفي اختي انا جميع الي يكلمني في السكايب ما الخارج نحظروا ما عندي حاجة بيه
انا الصح الصح نحب عقلية ولاد بلادي على الاقل راني قريبة للعائلة

 

[rــآآآج ــــ الاميـرهـ ــo]

اللي فيه الخير يقدمو ربي ان شاء الله
​

 

[asma2090]

الوالدين هوما الصح اختي نمدلك قصة نتاع وحدة نعرفها كيما انتي صراتلها يماها قتلها غير هو لالا هيا عملت برايها وبراي باباها ومن بعد تزوجت بيه ويماها دعات عليها على خاطر قالك خود راي الوالدين حتى ويدوك لطريق عوجة بصح في الاخر اكيد رايح تخرجي سالمة وننصحك اسمعي كلمت يماك يماك هي الصح ممكن هي شايف خير ما كي شايفة انتي وربي يسهلك اختي وصلي صلاة استخارة هي اللي تبين كل شئ وربي يوفقك ويهنيك اختي

 

[abidou 20081]

أختي الكريمة أحي فيك الشجاعة في موضوعك وعملت خيرا وأمرنا ديننا بذلك وهنا تجدين أخواتك وإخوانك الكل يمدك برأي لعلك تجدين ما يثلج صدرك بحول الله وبإعتباري أحد هذه الإخوة لن أنصحك بشيء اليوم وذلك لسبب واحد وجيه أن موضوعك تنقصه حلقة بقيت مفقودة ومهمة وهي أنك تقولين أن هذا الشخص تعرفتي عليه بالأنترنيت وليس هناك مشكلة وأتبث حسن نيته مادام نقدم إلى أهلك وأبوك وافق لكن أمك رفضت إلى غاية هنا كل شيء واضح لكن حتى الكل يستطيعون أن ينيرو رأيك عليك بذكر أسباب الرفض أولا لأنه النقطة المهمة المطروحة للمناقشة من ذلك المنطلق نستطيع أن نعطيك على الأقل وجهة نظر لأنه من المستحيل أن ترفض أمك من غير أن يكون لها سبب
وفقك الله لما يحبه ويرضاه وربي يحفظك ويخليك

 

[djomana89]

الوالدين هوما الصح اختي نمدلك قصة نتاع وحدة نعرفها كيما انتي صراتلها يماها قتلها غير هو لالا هيا عملت برايها وبراي باباها ومن بعد تزوجت بيه ويماها دعات عليها على خاطر قالك خود راي الوالدين حتى ويدوك لطريق عوجة بصح في الاخر اكيد رايح تخرجي سالمة وننصحك اسمعي كلمت يماك يماك هي الصح ممكن هي شايف خير ما كي شايفة انتي وربي يسهلك اختي وصلي صلاة استخارة هي اللي تبين كل شئ وربي يوفقك ويهنيك اختي

شكرا على الرد
وانا صليت صلاة استخارة والحمد لله
وانتم تسالون على هل هو خدام ولا لا
اكيد خدام وخدمة محترمة
وانا تعرفت على اهلو كل

 

[djomana89]

أختي الكريمة أحي فيك الشجاعة في موضوعك وعملت خيرا وأمرنا ديننا بذلك وهنا تجدين أخواتك وإخوانك الكل يمدك برأي لعلك تجدين ما يثلج صدرك بحول الله وبإعتباري أحد هذه الإخوة لن أنصحك بشيء اليوم وذلك لسبب واحد وجيه أن موضوعك تنقصه حلقة بقيت مفقودة ومهمة وهي أنك تقولين أن هذا الشخص تعرفتي عليه بالأنترنيت وليس هناك مشكلة وأتبث حسن نيته مادام نقدم إلى أهلك وأبوك وافق لكن أمك رفضت إلى غاية هنا كل شيء واضح لكن حتى الكل يستطيعون أن ينيرو رأيك عليك بذكر أسباب الرفض أولا لأنه النقطة المهمة المطروحة للمناقشة من ذلك المنطلق نستطيع أن نعطيك على الأقل وجهة نظر لأنه من المستحيل أن ترفض أمك من غير أن يكون لها سبب
وفقك الله لما يحبه ويرضاه وربي يحفظك ويخليك

شكرا على ردك والاسباب هي البعد والتخلي عن دراستي واكثر سبب هي ديما تقولي واش راح يقولو لعباد( الناس) وزيد حاجة انا صليت صلاة الاستخارة والحمد لله الامر فيه خير وانا مقتنعة بيه وحاسة بلي راح نكون سعيدة معاه ان شاء الله
وربي يسهل الي فيه الخير

 

[abidou 20081]

شكرا على ردك والاسباب هي البعد والتخلي عن دراستي واكثر سبب هي ديما تقولي واش راح يقولو لعباد( الناس) وزيد حاجة انا صليت صلاة الاستخارة والحمد لله الامر فيه خير وانا مقتنعة بيه وحاسة بلي راح نكون سعيدة معاه ان شاء الله
وربي يسهل الي فيه الخير

أـختي العزيزة الأن أصبحت لدينا فكرة واضحة على موضوعك أختي العزيزة أشعر أن قلبك يميل كثيرا للعيش مع هذا الشخص وأن أمك الأن تعارض للأسباب الذي ذكرتيها وكل هذه الأسباب الحمد لله لديها حلول وقبل الحديث هناك أمر تأكدي منه أن قلب الأم هو قلب مليء بالحنان والحب ورفض أمك هو دليل على معزتها الغالية لك لو نظرتي له من الجانب الإيجابي وتأكدي أنها لا تحاول الوقوف في طريق سعادتك لكن هناك أمور تجعلها ترفض وهو فراقك عنها الذي لاتستطيع تحمله وخاصة أن المكان المتوجهة له مكان جد بعيد عنها وأنصحك بعدم الدخول معها في مشاحنات لكن الكلمة الطيبة والمعاملة الحسنة أحسن سبيل لذلك أما قولكي واش رايح يقولو الناس الذي تقولها امك لم أفهمها وما دخل الناس في هذه النقطة وما المشكلة في هذه النقطة يعني أني لم أفهم سبب الذي دفع امك لقول هذا لكن إن كان مسألة دراستك فأمك أعلم فيما تفكر أنت الأن أختي تفكرين بقلبك وأمك تفكر بعقلها لكن المسألة لديهاحل بأن تقنعيها أن مسألة الدراسة لن يعيقها الزواج وتستطيعين مواصلة دراستك بطرق أخرى لأن أمك تفكر في ما بعد وأنت تفكرين في اللحظة الذي أنت فيها
خلاصة قولي أن كل أسباب الرفض أسباب ظرفية تستطيع أمك في أي لحظة الرجوع في رأيها لكن دائما أعيد وأكرر لا تتركي الأمور تصل إلى المشاحنات ولكن تستطعين التأثير عليها بالكلام الطيب والرقيق تستطعين أن تطفئي نار الفراق الذي يِأجج قلبها وتحاولين دائما تبسيط لها الأمر وحتى إن ثارت لا تشاحينها لأان ثورنها دائما يحركه حبها لك وعدم مقدرتها التصور بعدك عنها والحمد لله هذي نعمة وليست نقمة لذلك دائما وجك تصورك نحو هذه النقاط ,انا متأكد أنك سوف تصلين إلى نتيجة ملاحظة أعيد وأكرر اللسان الحلو والكلمة الطيبة وإياك وإياك والدخول معها في مشاحنات مهما رأيتي لأنه ليس بأمر جيد سواء من جهة الله أو حتى على قضيتك .
أدعو الله أن يوفقك لما فيه الخير لأانه القادر على كل شيء وأدعوه إن كان لك فيه خير وصلاح أن يجمع بينكما على سنته وسنة رسوله الكريم ويرزقكم السعادة في الدنيا والأخرة والذرية الطيبة أمين

 

[سماح4]

ديري صلاة الاستخارة وادعي ربي وسقسوا على هذا الشخص مليح مليح وربي يسهل اذا كان فيه الخير راها امك تقبل ....