افرحوا افرحوا ياشبان .......................... هذا الطلعة للشجعان
الجزائر فالمونديال ياخوان ...................... ونقفلوا على مصر كل البيبان
ديرلنا خطة ياسعدان .......................... تسكت شحاته الفنيان
بيلنوا بلي حنا تاع الميدان................... وفالبليدة يشوف البرهان
متمور تالق في بلاد الالمان .................. وعمروزكي جابوه برى من ويغان
وبلحاج بدى يقوى ويبان...................... وميدو يشرب في البيرا ودخان
وابوتريكة يعتازل الميدان..................... وولي شيخ زاوية في بريان
ووائل زكي نعالجوه بلمجان ................. كي كسرولوا بوقرة المسلان
وزياني رجل الميدان ........................وين تبان توالوا يااحمد زيدان
ومننساوش غزال الغزلان..................وعنتر يحيى سلعة طليان
افرحوا افرحوا ياليجان.................... الجزائر ولات كيف زمان
انا قاهر احفاد فرعون ---- شبعتهم تشماخ و زدتهم بالون
قريتهم في الكرة اجمل الفنون ----و عزفتلهم هذا الشعر الملحون
سوسة في تونس تتذكر و تتفكر--- واش دارو اولاد رابح ماجر
أشيو الحرامي في السطاد يتبخثر---- خلى ميدو يروح ....يتبحر
بزاز سجل و راح للركنية --------------------و خلى الزعاف في اسيوط و اسكندرية
كي جاو لعنابة جابو معاهم الكابة ------------- ولاو يغنيو عنابة ياعنابة الحلابة
كيخسرو بداو يديرو في السابة --------------- الجزائرية رجالة مش من هب و دب
و الزهر لعزيز زاد جابهم لينا ----------------- نقريوهم بالون ونديرولهم الغبينة
نروحو نشاركو في كاس العالم الزينة ----نربحوهم الي وروتور و نسكتوهم علينا
البداية بجمهورنا العريض **** على كرة القدم مريض
مرحبا بالخصم الزائر **** لكن 3 نقاط تبقى في الجزائر
المحليين و المحترفين **** داخلين للملعب حالفين
اشتقنا للانتصار تلو الانتصار **** فاننسى ونفرح الاف الانصار
فبالرغم من كل تلك المامرة **** الا اننا نعشق المغامرة
من الاخطاء يكون الانتفاع **** الله عليك يا خط الدفاع
عندئذ تتضح المعالم **** اه اه يا كاس العالم
فالوطنية قبل المال **** وعليكم نعلق الامال
الله يهدي مسيري كرة القدم **** تصلح الاتحادية و تتقدم
وبعد معلجة وتسوية الامور **** اكيد سنجني التمور
حينها نديروا الامان **** ونسترجعوا ايام زمان
حمرة بيضة و خضرة **** وليجان و لفيمجان حاضرة
بالقلب و الدم و الروح **** نرفعوا نشيدنا المجروح
كلمة شـكر تكفي
