صراع القلب وة العقل فايهما يفوز

[dorade1982]

انا صبرينة عمري 24 سنة متحصلة علة شهادة ليسانس عندي مشكل بين عقلي و قلبي و الله غير محيريني حبيت نطلب منكم المساعدة لانو لاخاب من استشار
انا حبيت وانا صغيرة بزاف و كملت في هدا الحب الطرف التاني احبني بزاف كما نقولو مي مايخدم ما عندوش حتى مستقبل حد الان و انا ولا عمري 24 سنة و هو 26 سنة قلبي اقلي نصبر على خاطر قليل فزمان هدا تلقى الي يحبك و خاف عليك و دايرك في لحساب وماشي كما شباب اليوم و عقلي اقولي راكي 24 سنة وكتاه راح ادير المستقبل غير لكان وصل هو 35 و انا 32 على الاقل موحال امو تقبل يدي وحدة كبيرة مي هو ما عندوش مشكل ان شاء الله 40 سنة عليا مالقيت ما ندير رايحة نهبل عييت من حالي راني نطلب منكم المساعدة ممكن ال مجاش في بالي تتولهولو انتوما و تساعدوني
:sad::sad::sad::sad::sad::sad:

 

[titou_le_roi2009]

الله غالب ..... نحب بلادي

واش نقولك ختي والله غير راني حاس بيك و مدابيا ماينغبن حتى واحد بصح الدنيا هدي هيا :crying: وأنا تبانلي يدور على خدمة ومايقعدش مريح ويستنى الرزق على ربي بصح ادا كان راجل صح ويبغيك يدور على خدمة ويدير البوسيبل باه يديك المهم راني طولت عليك ان شاء الله ربي يدرلها التاويل والله يطيحني في وحدة بنت فاميلة كيما نتي :blushing:

 

[asma2090]

ولله قصت بزاف مؤثرة شوفي اختي في هدا الوقت الحب ما يدر والو مهوش رايح يبنيلك قصر اوكي كيما قلتي حاجة مليحة نلقاو عبد يحبنا ويحترمنا حاجة مليحة بزاف بصح هل يا ترى رايح تقدري تكملي معه وفي حبو وهو مهوش خدام على الاقل هو يحبك يا سيدي يخدم يحاول يخدم خدمة صغيرة المهم يعاون بيها روحو وادا كمل هكدا يحب وما يخدمش انا ننصحك غير ما تكمليش وتتفر غير فيك ولعمر راها ماشية و هو حتى ويكبر بصح قادر في اي لحظة يتزوج بصح انت راه عمرك غير تزيد وربي يكون معك ونوصيك خلي عقلك هو اللي يديك لطريق الصح على خاطر قلبك راه يديك لطريق مسدودة
وربي يكون معك ويفرج عليك
اختك اسماء​

 

[sako]

je sais que j'ai que 16 ans
حب يقول وضعيتي ماتسمحش باسداء النصائح بصح انا
à mon avis
الحل الافضل هو انك تحاولي تربحيهم في زوج كيفاش?
يعني تدي الي تحبيه وهو يموت عليك في نفس الوقت هو لازم يخدم على روحوا اداكان يحبك صح
بصح يقولك​

Celui qui chasse deux oiseaux en même temps il les perd tous les deux

والعمر راه يفوت و السنوات ان يجريو يعني ادا جاكي واحد اخر لاباس بيه فالموافقة هي الانسب :sad: حسب عقلي .
بالاك كون تسمعي لناس يشوفوا الموضوع من منظور اخر احسن على خاطر انتي في وضعية صعيبة و صعييب بزاف تتاخدي القرار المناسب بالنسبة لي القلب صعيب و هو غالبا الدي يفوز:blink: بصح انت لازم تكوني حكيمة.:001_rolleyes:
j'éspère que mes mots ne soient pas lourds
​

 

[AMINAK]

يا اختى ادا يبغيك وتبغيه شدى فيه وهدى نعمة كبيرة راكى فيها بصح يحبك صح وحاب يكمل حياتو معاك لازم يبنى المستقبل نتاعو ولازم يصيب اى خدمة شريفة يعاون روحو بيها

 

[نجاة40]

اختي انا نقولك حاجة في عرض تبقاي تستناي عاونيه وشجعيه بالكلمة قوليلو راك راجل وعلابالي تلقا خدمة معليش اصبر برك و....... واذا قدرتي بالفعل يعني حوسي معاه على خدمة ماشي تزيدي عليه ارواح اخطبني .........وماعلاباليش واش تقوليلو تاني
ربي يهنيك ويعاونك اختي​

 

[═♥.ЈŪšť_ màn.♥═]

شوفي ختو :
العمر راهو يفوت و دك 24 و غدو 30 يعني احكمي روحك و حزمي نفسك و درسي الطفل مليح بالاك هو تاني راهو يحوس على وحدة تخدم عليك كيما انت :music_whistling::music_whistling::music_whistling::music_whistling:
بصح انقولك من اجل العمر العمر ايروح بصح الخدمة تروح و جي بالاك انت نزوجي بيه و هي تتطلع بيه و يخلف بوتفليقة هههههههههههههههههههههههههه

 

[zagane]

salame alaycome

yakhatbek dork wa te3akdou wa zoidje wakte ma teme yteme
tedamnu belli ma yekhade3akche fu mostakbal

 

[dorade1982]

نشكركم على الردود خليتو مشكلة نتاعو بسيطة كي شاركتوني فيها
اناما رانيش مستعدة نتخلى عليه على جال الخدمة على خاطر هدا الرزق جاي من عند ربي اول حاجة مي تاني تغيظك روحك كي تشوف العجز و الله ماني طالبة لاقصور لا حتى حاجة طالبة خدمة بسيطة و دار نتغطو فيها وزيد صبري معاه هو الي قادرة نمدهولو وتاني رايحة نخدم باه نعاونو ان شاء الله و نحقو الي حبين انا وياه و تجيه اسهل مي خايفة من الوقت لايفوتني انا ونوصل لعمر يتقفلو عليا كل البيبان انا و الله ماني قادرة نتخلى عليه سورتو في هاد الوقت الي هو محتاجني فيه وزيد على جال المادة موحال نتخلى عليه على خاطر مال الدنيا ما يعوضني بيه و بحبو ليا كما قلتو باه تلقى الي يحبك صعيبة و راهي نعمة و صح نعمة مي ربي سباحنو عادل ادا مدلك حاجة انحيلك حاجة وزيد ممكن ربي يختبر فيا على صبري ووفائي
انا راح نخلي كلش لربي هو الحكيم و العليم و الي فيه الخير راح اقدموهولي ربي ايماني بربي كبير
و في الاخير و الله غير كان كلامك كي الدوا على قلبي الله اجازيكم كل خير
وادا لقى خدمة راح نفرحكم معايا على خاطر علابالي بالي رايحين تفرحو لفرحي
و الاخ الي قال يا ريت نطيح في بنت فامليا كما انا نقلك اخي بنات الفامليا راهم غير هوما مزالت الدنيا بخير انت شوف بعين قلبك برك وحوس برك مليح على خاطر بنت الفاميليا عمرها ما تجيك انت الي تروح ليها وادا لقيتيها اتمسك بيها لانو الفرصة تجيك مع في لعمر