قالك اللي في اللمة ما ينساوش الاعضاء الغايبين ادخل تشوف ترا هذا العضو راك متفكرو ولا لا

[Mr mino]

• مؤسس الشبكة • الإداريين • المراقبين • المشرفين • كبار الشخصيات • الأعضاء المتميزين • الأعضاء • غير مفعل • موقوف​

هاذو للي الفوق كامل السلام عليهم وقاع ليكيباج نتع اللمة حنا ما نخيروا واحد على واحد


​

شوفوا يا جماعة اليوم راني راح ندير موضوع على وحد العضو غاب علينا هذي مدة ​

كان من الاعضاء المميزين وممبعد الادارة قفلتلو العضوية علاه قالوا بلي راه يديرنا في​

المشاكل في المنتدى ارواح تسمع اللخرا قالك مشاكل .​

مزال ما عرفتوهش ​

اوكي راح نكمل وكي تعرفوه حبسوني ​

وين لحقنا هيه قالك الادارة هذا العضو راه يدير المشاكل اوكي عندهم الحق مي حتى هو​

راه عضو مميز ويدير لومبيونس وينحي على الاعضاء لخرين مانكذبش عليكم انا​

بالذات كان صاحبي وحبيبي مليار وكل ما ندخل للمة نبعثلوا رسالة خاصة سعات زوج​

رسائل سعات ربعة كل خطرة وكيفاه .​

مزال ما عرفتوهش ​

اوكي راح نكمل ​

انا سمعت في المدة اللخرا بلي هو حاب يرجع مي الادارة راهي متردا شويا اسكو ترجعو ​

ولا لا وسمعت ثاني راه عزم بلي يبطل المشاكل و يولي جونتي وتتريقل الحالة انا من ​

عندي نتمنا من الادارة ترجعو مسكين راه تاب يا سيدي وبطل المشاكل .​

علبالي معرفتوهش ​

اوكي هذي المرة راح نقلكم شكون ​

العضو هذا ​

هو ​

هو ​

هو ​

:001_tt1:" شريط الاهداءات " :001_tt1:​

آ ضركا عرفتوه مكانش اللي ما يعرفش حبيبنا شريط الاهداءات ​

غاب ولا ما غابش اه قولوا​

• مؤسس الشبكة • الإداريين : هذا طلب نتع عضو ذاقت به اللمة وحزن كثيرا لفراق​

صحيبو شريط الاهداءات والله راه كان مزهي اللمة هو صح كانو فيه شويا مشاكل مي ​

بربي راه كاين حل يخي يقلك لكل مشكل حل ​

دريلو مشرف يا سيدي يعني يولي شريط الاهداءات عندو مشرف يخي الاقسام كامل ​

عدهم مشرفين هو زيدوا ديرولوا مشرف وهنيونا يخي كاين الفدائيين والمسبلين خيروا​

واحد وديروه مشرف على شريط الاهداءات وفكونا ​

وزيد راهي فاتت B.E.F ونجحوا الناس ومدرنالهمش الاهداءات وبقات حشومة قدامهم ​

وراه جاي الباك راح تحشمونا ثاني لازم الواحد يروح لطيور الجنة باه يدير اهداء ولا ​

روتانا ولا معلبليش انا راهم بزاف ​

مالا انا من فوق هذا المنبر الحر اطلب من الادارة لادمينيستراتور كيما يقولوا بالرومية ​

ترجعنا شريط الاهداءات على الاقل نفرقوا فيه شويا واش كاين في قلوبنا راه الواحد ​

قلبو معمرارجو من الادارة ان تاخذ طلبي هذا بعين الاعتبار او على الاقل مد توضيح اذا​

كان لا يمكن اعادة شريط الاهداءات ​

وارجو من الاعضاء اللي يايدوا ويوافقوا على رد شريط الاهداءات يكتبونا رد واللي ​

مش موافق معليهش راه حر حنا ما نسيفوا على حتا واحد ورانا نتفهموا كل الاعضاء ان شاء الله ​

اسمحولي الا طولت عليكم بصح الله غالب صبرت صبرت ما قدرتش طال غيابو شريط ​

الاهداءات وانا ما قديتش :closedeyes::closedeyes:​

ايا مالا جماعة على خير ومتنساوش الردود ​

تحياتي للجميع ​

 

[la_fleur_de_joie]

ههههه والله يلا توحشناه هذا العضو
نتمنى الادارة تشوف في هذا الموضوع

 

[Mr mino]

ههههه والله يلا توحشناه هذا العضو
نتمنى الادارة تشوف في هذا الموضوع

ان شاء الله يرجعوهنا والله مش غير متوحشينوا متوحشينوا وبزاف ثاني

ههههههههههه

ربي يخليك اختي la_fleur_de_joie مشكورة على التواجد في موضوعي

تحياتي




​

 

[marouane19]

هههه وي كاينة صح

 

[Mr mino]

هههه وي كاينة صح

كاينة وتكون واه واه حبيبي

شكر على المرور

​

 

[*amina*]

اللام عليكم
و الله خلعتني اخي قلت شكون هذا العضو المميز لي اللمة مراهيش متفكراتو
كي عادت في شريط الاهداء والله صح كان مليح نتمنى من الادارة ترجعو

 

[Mr mino]

اللام عليكم
و الله خلعتني اخي قلت شكون هذا العضو المميز لي اللمة مراهيش متفكراتو
كي عادت في شريط الاهداء والله صح كان مليح نتمنى من الادارة ترجعو

وعليكم السلام

ما تخافي ما والو يا اختي راكي في منتدى الامن والامان حاجة ما تخلعك

ههههههههههههه

كيما قلتي اختي شريط الاهذاءات مليح وان شاء الله الادارة ترجعوا

مشكورة اختي على المرور

تحياتي


​

 

[نجاة40]

صح كان مزهي الحالة انشاء الله يرجعوه​

 

[4LI_4LGERI4]

حللت اهلا ووطئت سهلا وسعداااء برجوعكـ إلينا عزيزي Mr mino .. ​

 

[zagane]

salame alaycome

ehdi bi rodoud bark homa beghawe
hhhhhhhhhhhhhh

 

[نسمة الحب]

تقبل مروروي

 

[Mr mino]

صح كان مزهي الحالة انشاء الله يرجعوه​

شفتي نحوه راه الزهو

ههههههه

مشكورة اختي نجاة على المرور


​

 

[Mr mino]

حللت اهلا ووطئت سهلا وسعداااء برجوعكـ إلينا عزيزي mr mino .. ​

اماما شكون هنا واش نسميك واش عيد ولا قمر ولا واش يا سيدي غاب حسك مرة وين راك وين

كيفاه الحالة خويا علا مريقلا واش راهي رمضان جمال واش راهم الجماعة راهم ملاح سالي

عليهم كامل سيرتو الهاشمي ياوماتنساش اه

والله فرحني الرد نتاعك خويا علا ربي يخليك ويجازيك تلا في روحك

تحياتي ليك يا الغالي ​

 

[Mr mino]

تقبل مروروي

ههههههههه

المرور نتاعك خفيف باذراع نقبلو

شكر اختي على المرور بارك الله فيك


​

 

[avril.lavigne]

صح والله ديما نشوف المنتدى راهو ناقص حاجة ان شاء الله يرجع​

 

[Mr mino]

صح والله ديما نشوف المنتدى راهو ناقص حاجة ان شاء الله يرجع​

مش غير ناقص ناقص بزاف كي ولا صحيبي شريط الاهداءات مكانش

ربي يخليك اختي وشكر على الرد الجميل

تحياتي ليك ​

 

[عازفة الاحزان]

ان شاء الله يرجعوا شريط الاهداءات

 

[Rohana]

هعههههههههههههه يعطيك ضربة ديما دير هادو الهدات انا حسبتلي راك على الفلوس الحزين لا خترش من موقبيل قريتوا وانتا شريط الاهداءات
المهم الى كل عضو غائب نتمى له الرجوع في العاجل القريب

ههههههههه يا خي مينو ياخي

 

[killua0555]

ايه ولا صح توحشناه ....ههههه نحاوه على جال ولا تبراح و هادى 200 ميل فى خاطر فلان و هادى فى خاطر علتان ههههه....شحال من مرة نبكو على فراقو قالونا لالالالالا ميوليش ههههههه

عمو اميين قولى راك تقول هادا صاحبى لانتيم ردونو مشرف عليه باش تحكم فيه هو هو هو هو

 

[Mr mino]

هعههههههههههههه يعطيك ضربة ديما دير هادو الهدات انا حسبتلي راك على الفلوس الحزين لا خترش من موقبيل قريتوا وانتا شريط الاهداءات
المهم الى كل عضو غائب نتمى له الرجوع في العاجل القريب

ههههههههه يا خي مينو ياخي

ههههههههههههههه

هاو جداك ها روحانة والله نجيفك هيه الزاوش حبيبي وثاني شريط الاهداءات نبرح فيه هذاك ثاني حبيبي

ههههههههههههه

ان شاء الله يرجع شريط الاهداءات هذا مكان

مشكورة روحانة على المرور وصح فطورك وبلاك تقولي مينو كي قالي صح فطورك موش راح يجيفني

والله نجيفك تجيفة اللي معندهاش نظير

ههههههههههههه

تحيات البخوش
​