فراغ ...مرض ولا افات اجتماعية""احباب فور افر ّّّّّّّ"

[killua0555]

خلونا نهدرو على الفراغ ...احباب فور افر ...

السلام عليكم كامل الاعضاء

واش حوالكم

حبيت نقول هادا الموضوع دارو كامل فريق احباب فور افر و رشحونى نحطولكم :001_wub: نحب نشكركم كامل كل واحد ودورو ونشكر روحى معاكم

من دون اطالة نبداو
الفراغ .

الفراغ ماشى هاداك الى كاين بين الغشاء الداخلى و الخارجى فى النواة و لا هاداك الى كاين فى الفضاء الخارجى هههه


الفراغ الى راه يعانى منو الشباب
صح مشكل كبير .....لوكان سقسونى على تعريفو كاين زوج اللول هاداك الى فى حومتنا ..نورى قوجونا و رابح اللميا و موح التقافة و مسعود السور و رضا للكلافى ...و بزاف بزاف ....
و تانى اصطلاحا هو هاداك الزيادة فى الوقت ليعانى منو شباب دياولنا يتما كيما الديقوطاج بصح ماشى ديقوطاج ..هاديك الحاجة الى تخليهم يريحو فى القهوة من 8 الى 12 ...و يعشقو فى البوتو تاع التريستى و ميبعدوش عليه ...تانى تخليهم يبدعو فى روحهم و يديرو حوايج ميتصورهمش لعقل :mellow:
حنا هنا ماشى باش نحكيولكم على هاداك انواع هاد الفراغ و نديرولكم تفسير علمى .هاداك الى حبيت تعرفو تلقاه فى قوقل ...بصح حبينا نوقفو فى النص و نهدرو
شكون الى دار هادا الفراغ ...و علاش جا ...و كيفاش جا..و بيدنا نبدلوه لوكان نحبو :closedeyes::closedeyes:​

.......................................

كيما موح السبيطار قال هادا كامل من حكومتنا بالضبط من القراية الى راهى تضيعنا فى مستقبلنا يتما قرى 12 سنة و ارمى للحيط يكالى[FONT=&quot] ......[/FONT]تانى من غير الخدمة مايصيب حتى حاجة باش يجوز وقتو ....و يخرج من روتين[FONT=&quot].
[/FONT]

​

.......................................
وكيما سى قلوقلوقو ( وزير كبير ) قال من ليجون تاوعنا قاعديين يتكبرو و يتفينو و يخصرو بعييييييييييد مور للبحر[FONT=&quot]:bored::bored:

.............................
[/FONT]​

اماالحاج موسى جومبى قال هوما فى زوج ....يتما التانيين (حكومة ) الى راهى ماشى دايرة حساب للشباب وغير تخمم على الشكارة ....و تانى من الشباب الى ديما يستنا فى الحكومة تمدلو كلش و ما يروحش يجرى على روحو و يحوس وحدو ...وتانى كره من كلش..و يأس بكرى

​

خونا عتمان
البابيش
قالنا ماشى غير هادو ما المشاكل تانى كاين فراغ عاطفى الى سبتو الخدع الى ولا دوكا سلعة ماشية[FONT=&quot]:crying::crying:[/FONT]​

[FONT=&quot]
[/FONT]

هادا محبش الافصاح على اسمو قالنا اكتبو سلفى جديد ...قال هادا كامل من بعد على ربى للانو القرب من ربى يبعد اليأس على الانسان تانى الايمان الى يديرو هاد القرب يخلى الواحد يتق بربى و بلى كل حاجة من عندو مليحة خير ولاشر ...و يتكل عليه و ربى مافيه غير الخير
((ولكن الله حبب اليكم الايمان وزينه في قلوبكم)).
.....................................................
​

دوكا نحوسو شوية حلول ....نقدرو نبدلوه زعما لوكان نحبو ....لوكان نديرو شوية عزيمة الى ولات هدرة برك [FONT=&quot]تاع للكوميك :001_unsure::001_unsure:
[/FONT]​

فى الصح ايه نقدرو ....و هادا بالامور ساهلة يتما نبدلو برك اولوياتنا فى اليوم ​

متلا فى الصبح كى تنود نظم وقتك وخطط للنهارك
تانى الشدة فى ربى للواحد من يقنطش من رحمتو ..(هادا ميكفيش ) :thumbup1::thumbup1:​

صح ميكفيش للانو الحكومة ديالنا تقدر تحل هاد المشكل كتر منا متلا دير نوادى رياضية تقافية هاكدا يروحو ليها الشباب خير من حرقة تحت الشمس .....تانى ديرو حاجة تاع بحت علمى تعاون المتخرجيين باش يبداو من جديد ....تانى مننساش بلى كاين ناس تكلو على روحم و بداو من زيرو ..علاش ماشى تستغلهم... ماشى تهمشهم :thumbdown::thumbdown:​

و فى اللخر ....و ماشى للخر لخطر علابالى بلى هادى الهدرة غير قطرة من الكاس .​

تقبلو تحياتنا
فور احباب افر
​

 

[abidou 20081]

يسرني أن أكون أول من يضع بصمته من خلال هذا الموضوع القيم والهادف
لو تكلمنا على الفراغ لن نستطيع التوقف ومسبباته لا تعد ولا تحصى وخاصة الشعب الجزائري بصفة عامة لكن المشكلة أننا لا نعرف الفراغ الحقيقي ولو كنت متفق مع أي من هؤلاء الأشخاص على شيء سوف دائما تسمع كلمة والله ماعندي الوقت ؟؟؟؟؟؟؟؟؟؟؟؟؟؟ لتبقى تتسائل بينك وبين نفسك عن أي فراغ هذا يتكلمون ونقطة أخرى كذلك لما تتكلم مع أي كان سوف يقول لك أن الوقت أصبح يمر كرمشة من العين لم أعرف حتى كيف مر ؟؟؟؟؟؟؟؟؟ والأمثلة كثيرة من هذا النوع لذلك نستنتج من هذا أن الفراغ هذا غير مرتبط بالوقت والزمن لكنه مرتبط *بفراغ داخلي يشعر به الإنسان لماذا ذلك هو السؤال ونبدأ من الفئة الأكثر إحساس بالفراغ وهي فئة البطالة ولو سألته لماذا لا تستغل وقتكط في البحث عن العمل سوف يرد عليك مباشرة وين راح تلقى عمل في هذ لبلاد حكم مسبق ولو سألت ألفئة الثانية الذي تشعر بالفراغ العاطفي وأنت يقول لك مباشرة أننا في وقت كثر فيه الخدع والنفاق والغدر لم تعد هناك ثقة في كلمة إسمها الحب من بعض الأمثلة نعرف أن الفراغ الذي نعاني منه هو فراغ داخلي يعني أن الأغلبية تعيش في لحظات على سبيل العيش وفقط بدون هدف لأن الأهداف في بلادنا تم القضاء عليها بالسياسات المطبقة ولا أقول كما قالت بعض الأشخاص أن الشعب الجزائري يتكل على الحكومة والغريب في الأمر أن البعض من الحكومة من قالت هذا الكلام وأن مع كلمة أن الحكومة الذي لا تعرف كبف تحتوي الأزمات وتقضي عليها عليها أن تستقيل وتنصرف إلى عمل أخر والعمل في مجال زراعة الأوهام أحسن له من منصب لخدمة هذا الشعب وقبل الوصول إلى ذلك المنصب تراه يغني بان الشعب محقور و يجب التوفير له كذا وكذا وعند وصوله ينكر ويجحد الخير ويصبح يتهم في الشعب على أنه إتكالي ولو نظرنا من جهة أخرى نرى أن الحكومة هي من تتكل على الشعب وليس العكس فكيف لشاب أراد مثلا فتح محل تجاري ومن إمكانيته الخاصة وكل شيء عليه من المحل إلى السلع وتأتي الحكومة تأخذ منه المال حول السجل التجاري ومن تم على على ورقة الشيخوخة وكذلك الضريبة وأي شيء دعمت به الحكومة هذا الشاب لتأخذ منه كل هذا تم تقول أن الشعب يتكل على الحكومة وحتى لا أخرج عن الموضوع أن السياسة المتبعة سبب كل *هذا الفراغ وكذلك الوازع الديني له دور كبير بحيث ولا شخص أصبح يستغل وقت فراغه بالجوءإلى شيء يفيدنا في دنينا وأخرتنا ومسألة التنظيم كذلك لها دورها لأننا شعب لا نعرف تنظيم الوقت وإختلطت علينا كثرة الأمور ومن كثرة الإختلاط هذا إتبعنا سياسة الهروب إلى الفراغ وأصبحنا كلنا نشعر بهذا الفراغ لكن كل شخص على حسب إحساسه وسببه
موضوع قيم وهادف ويحتاج إلى تفاصيل كثيرة أرجو أني وضعت وجهة نظري أو رأي يحتمل الخطأ ويحتمل الصواب المهم أدليت برأي ولكم جزيل الشكر والإحترام على الموضوع القيم وجزاكم الله الجنة

 

[marouane19]

بما اني عضو من الفريق اسمحلي نرد عليك :biggrin:

يسرني أن أكون أول من يضع بصمته من خلال هذا الموضوع القيم والهادف
اهلا بك وشرف لنا حبيبي

+1 خويا صحيح واش قلت ولات عدنا عقلية لي تهدر معاه حصل في الوقت ومنا
وهو الوقت ملي خلقت الارض وهو نفسوا 24 h في البلدان كامل
كاين لي يخدم فيه ويعرف يستغلوا وكاين لي لايام تعقب كيف كيف وهو مادر والو
اكيد المستوى العلمي والدراسي يلعب ددور كبير في امور هده خاصة الشباب تاعنا كامل توقفت عن الدراسة ولات تحوس على خدمة واي خدمة مناسبة وبسعر مناسب
يعني بطال يحوس يسلك كيما مهندس دولة !! ادي الى خروج ظارة الحرقة هده لي 15% من الشباب تاعنا كامل راحو حرقو وخلي لي يخمو فيها
حنا الموضوع الهدف منو مدينا لمحة مع بعض الحوارات الحصرية مع الشباب
حبينا ولو بقليل نوضحوا الامور لعل وعسى
بارك الله فيك على الرد النقاشي نورمالمون ردك درتو موضوع هههههه
اله يخليك حبيبي

 

[sarah02]

ها الله غالب نحبو ولانكرهو هاذي هي بلادنا :yahoo:

 

[abidou 20081]

+1 خويا صحيح واش قلت ولات عدنا عقلية لي تهدر معاه حصل في الوقت ومنا
وهو الوقت ملي خلقت الارض وهو نفسوا 24 h في البلدان كامل
كاين لي يخدم فيه ويعرف يستغلوا وكاين لي لايام تعقب كيف كيف وهو مادر والو
اكيد المستوى العلمي والدراسي يلعب ددور كبير في امور هده خاصة الشباب تاعنا كامل توقفت عن الدراسة ولات تحوس على خدمة واي خدمة مناسبة وبسعر مناسب
يعني بطال يحوس يسلك كيما مهندس دولة !! ادي الى خروج ظارة الحرقة هده لي 15% من الشباب تاعنا كامل راحو حرقو وخلي لي يخمو فيها
حنا الموضوع الهدف منو مدينا لمحة مع بعض الحوارات الحصرية مع الشباب
حبينا ولو بقليل نوضحوا الامور لعل وعسى
بارك الله فيك على الرد النقاشي نورمالمون ردك درتو موضوع هههههه
اله يخليك حبيبي

بلا مزية خويا والموضوع الله يبارك موضوع العصر ومهما قلنا مانعطيوهش حقو رانا كامل نشوفو واش راه صاري
حفظكم الله ورعاكم وجزاكم الجنة

 

[marouane19]

ها الله غالب نحبو ولانكرهو هاذي هي بلادنا :yahoo:

وللاسف والله تغيظ تشوفي الظواهر هده منتشرة في بلاد مسلمة وفي شباب المسلمين للاسف

 

[marouane19]

بلا مزية خويا والموضوع الله يبارك موضوع العصر ومهما قلنا مانعطيوهش حقو رانا كامل نشوفو واش راه صاري
حفظكم الله ورعاكم وجزاكم الجنة

كاينة صح مواضيع مثل هده ماتقدرش تمدلها حقها كامل
وكدلك كي توطول بزاف يولي ملل من القراءة
لدلك درنا موضوع خفيف ظريف بطيقة فكاهية شوية للتوعية والتدليل كدك
آمين ان ئاء الله
والله يوفق شباب المسلمين وخاصة الجزائريين

 

[055naruto]

سلام
بارك الله فيك مروان راك قايم بالموضوع
في غياب المهبولة يعطيك الف صحة
وحبيت نقوللها للمصدوعة واش رجعنا للحكاية تاع الالف واللام
روحي عدلي العنوان
ولي عودة للنقاش
هدي السياسة راك عاقل عليها مروان ياك:001_cool:

 

[killua0555]

سلام
بارك الله فيك مروان راك قايم بالموضوع
في غياب المهبولة يعطيك الف صحة
وحبيت نقوللها للمصدوعة واش رجعنا للحكاية تاع الالف واللام
روحي عدلي العنوان
ولي عودة للنقاش
هدي السياسة راك عاقل عليها مروان ياك:001_cool:

ههههههههههههههه....ايه راكى ضفحتينى ....رانى رحت بدلتو :yahoo:....تقول مكاين المضائب الخاصة ....ايه مرحبا بيك تناقشى

 

[poli]

نموت على البلاد كيما كانت هههههههههههههه

مالغري تو بلادي نبغيك
مالغري تو بلادي و نموت عليك
يا بلادي انت حبي
ديما ساكنة في قلبي
ههههههههه
هذا واش يميز بلادنا ولازم نفتاخروا
هههههههههه
مارسي
​

 

[killua0555]

نموت على البلاد كيما كانت هههههههههههههه..
.ههههه ياه ياه شكون جانا مرحبا بيك (حمد الله جيتى كنت رايحة نجيبك ) هههه

مالغري تو بلادي نبغيك
مالغري تو بلادي و نموت عليك
يا بلادي انت حبي
ديما ساكنة في قلبي

فريزى عيش لافى ......اوبس كملت مع غنية هههه..تاع الصح ماقرى تو بلادى نبغيك ماكش غير منها و منلقاوش
ههههههههه
هذا واش يميز بلادنا ولازم نفتاخروا
هههههههههه
الله الله عليك و افكارك النيرة هههههه
مارسي
​

ميرسى ليك على مرور العطر ..عجبتنى ديودورو من شريتبها هههههه...سلام