سونري تاع بورتابل بعقليتك أنت

[abidou 20081]

الكل خاوتي عندنا بورتابلات وكل واحد واش من نوع كاين لي يحب الماركة وما يستغناش عليها وكاين لي يقولك قوطي يدي ويجيب بزاف عليا وحنا اليوم درنا هذا الموضوع ماشي على أنواع البورتابل بصح على سونري تاع البورتابل كل واحد على بالي يخير سونري لي تطيح على قوسطوه هو وكاين البعض يخير سونري باش يسمعوها الناس عندو مانيش عارف كيفاش يفكر بصح الحاجا لي متفقين عليها كامل هي السونري بحد ذاتها لازم تعبر لو بحاجا هو في نفسو ومادابينا نتشاركو مع بعض وكل واحد يقولنا السر تاع السونري تاعو يعني واش من سونر ي يحبها ووعلاش مخيرها هي بذات
وقالك المومن يبدى بنفسو نقولكم أنا عندي سونري تاع فيلم Braveheart من تمثيل ميل قيبسون نظن كامل تسمعو بيه تاع وليام ولاس هذا السونر ي عاجبتني بزاف حنينة وحتى الفيلم يعجبني بزاف قبلها كنت داير سونري تاع أتراك راهي مشهورة ونظن بزاف لي كانو دايرينها
على بالي البعض يظن أنو موضوع تافه بصح لوكان نتعمقو فيه نعرفو واش الهدف من الموضوع على خاطرش السونري هذي لي حنا ماراناش عاطينها أهمية هي تعبير على شخصية الشخص و كذلك نعرفو منها واش هي لحوايج لي رانا متأثرين بها وما فيها حتى عيب باش الواحد يعترف باش راه متأثر ربما لي ماعندوش فكرة يأخذها من الموضوع

الباقي عليكم وربي يحفظكم مسبقا *​

 

[rــآآآج ــــ الاميـرهـ ــo]

انا مدايراتو اما سيلونس ولا vيــــــــبرور

لا سونري ولا هم يحزنون ههههههه
​

 

[moha39]

انا مدايراتو اما سيلونس ولا vيــــــــبرور ​

لا سونري ولا هم يحزنون ههههههه​

هههههههههههه :wink: هكة ولا خلي
انا داير سونري تركية هادئة كي نسمعها انحس بالراحة

 

[sima91]

انا مدايراتو اما سيلونس ولا vيــــــــبرور

لا سونري ولا هم يحزنون ههههههه
رانا كيف كيف

​

 

[din@ c00l]

انا ما عنديش بورطابل خلاص ههههههههها

 

[x123]

هههههه
انا اغلبية الاحيان ندير سونري تع نوكيا الاصلية
و مرات قليلة ندير موسيقى وحدها تع افلام او دخلات تع مصارعين ههههه
​

 

[*amina*]

انا عندي ساجام اكس 1 ميدير حتى صونري من غير نتاع القط و نتاع الضفدع و الزواوش

 

[السوفي حمة]

أنا متعود دائما على الوضعية الصامتة
أي نستعمل vibreure
وإذا استعملت الموسيقى تكون إما تركية أو يوناينة

​

 

[da3boulla]

انا مانسعاش البرتابل
​

 

[abidou 20081]

انا مدايراتو اما سيلونس ولا vيــــــــبرور

لا سونري ولا هم يحزنون ههههههه

تهنيتي وهنيتي روحك بصح هذي فكرت سيلونسيو ولا فيبرور على واش ماتحبيش السونري ولا كيفاش ربي يحفظك ويخليك ختي سمراء الجنوب ونورتي الصفحة ربي ينورك

 

[farida91]

مرسي عبيدوووو
انا معندي بورطابل منديرلو سونري ههه​

 

[abidou 20081]

انا داير سونري تركية هادئة كي نسمعها انحس بالراحة

قبل كل شيء نقولك الحمد لله على سلامتك وهذي غيبة ياصحبي بلا تعلم نتمنى تكون مفيدة وخلاص
ياخويا أنت باين عليك لي سونري تا عك وهذي السونري التركية كانت مشهورة كنت دايرها واحد الوقت خويا موحا ربي يحفظك ويخليك وربي يعطيك ما تتمنى

 

[abidou 20081]

انا مدايراتو اما سيلونس ولا vيــــــــبرور

لا سونري ولا هم يحزنون ههههههه
رانا كيف كيف

واش تعاندتو على السيلونسيو ههههههههههههههههههه واش بيكم على الأقل قولولنا كرهتو من لي سونري ولا كيفاش أنا صح حبيت نسيي واحد الوقت هذا العفسة كل مرة نلقى عيطة مكالمات غائبة يعني أون أبسونس
ربي يخليك ختي وربي يحفظك ونورتي الصفحة بالمشاركة تاعك وربي ينورك
​

 

[abidou 20081]

انا ما عنديش بورطابل خلاص ههههههههها

تهنيتي وهنيتي روحك لا تكسار الراس لاهم يحزنون ههههههههههههههههههههه
مشاركتك أسعدتني كثيرا ربي يخليك ويحفظك وربي يعطيك ما تتمني

 

[abidou 20081]

هههههه
انا اغلبية الاحيان ندير سونري تع نوكيا الاصلية
و مرات قليلة ندير موسيقى وحدها تع افلام او دخلات تع مصارعين ههههه

هههههههههههه غير شفت المشاركة تاعك شكيت في نوع الموسيقى لي تديرها هههههههههه باينة ياخويا أنت مضروب على المصارعة والسونري لازم يكون منها هههههههههههههههههه ربي يحفظك خويا وربي يخليك نورت الصفحة وربي ينورك دمت
​

 

[abidou 20081]

انا عندي ساجام اكس 1 ميدير حتى صونري من غير نتاع القط و نتاع الضفدع و الزواوش

ههههههههههه والله غير نستعرف بيك تاع الصح تاع القط والزاوش والضفدع وعلاش هكذا مكانش لي سونري بصح تاع الزواوش هو لمليح ربي يحفظك ويخليك ختي نينا وربي يعطيك ما تتمني وربي ينورك كيما نورتي الصفحة

 

[abidou 20081]

أنا متعود دائما على الوضعية الصامتة
أي نستعمل vibreure
وإذا استعملت الموسيقى تكون إما تركية أو يوناينة

خويا حمة ربي يحفظك ويخليك بصح فكرت السونري الصامت هذي صحيح ما خرجتش عليا شحال من واحد مانسمعوش وراك عارف الحس ونديرها غير في بلايص باينة بصح السونري التركية واليونانية لي سونري تاع الصح فور وما نيش عارف علاش كامل نحبوهم عندنا فيهم قوسطو كبير طبيعة الجزائريين منين تشوفهم تقول عكس هذا لي سونري بصح كلش لو فون كيما يقولو الأعماق هي الصح ربي يحفظك ويخليك وربي ينورك كيما نورت الصفحة ودمت اخي
​

 

[abidou 20081]

انا مانسعاش البرتابل

تهنيتي ختي وهنيتي راسك لاسونري ولا تكسار الراس ربي يحفظك ويخليك نورتي الصفحة بالمشاركة تاعك وربي ينورك ويعطيك ما تتمني
​

 

[abidou 20081]

مرسي عبيدوووو
انا معندي بورطابل منديرلو سونري ههه

ربي يخليك ختي فريدة وبلا مزية
ههههههههههه أنت تاني لابورتابل لا تكسار الراس ماتحيري في سونري ما تكسري راسك تهنيتي وهنيتي راسك ختي فريدة ربي يحفظك ويخليك وربي يعطيك ماتتمني دمتي
​

 

[ourida17]

السلام عليكم يعطيك الصحة خوي على الموضوع انا دايرة سونري تاع ميرنا وخليل
تعجبني بزاف بويسك كالم وكي نكون مقلقة نحب نسمعها