§§صماطة في البورطابل أرواحوا نحكيلكم و قولو واش رايكم§§

[** غزال الصحراء **]

السلام عليكم أعضاء اللمة ان شاء الله بخير , شحال راهي ساعة ؟ 2.00 تاع ليل و الله ضركا ام يعيطولي وحد الزوج في التيليفون قاعدين يسمطوا عليا فلول قاعدين يحكو نورمال قالولي صحا عمار قلتلهم وي انا هو , قالولي جيبنا الدراهم للقهوة تاع موراد و جيب الأمانة ...إلخ قالولي وين راك قلتلهم في لاقار ضرك نجيبلكم دراهمكم راني في الطريق ** مع العلم حاجة ماهي صح ما نعرفهم ما يعرفوني ** المهم حكينا حتى صماطت .. قلتلهم أحشمو على رواحكم بداو يطيحو ,,,, أيا حكيتلهم انا واش راني شايف و نقولكم بالحرف : قلتلهم اي واحد يطيح إما في الإنترنت و لا في البورطابل نعرفو بلي ماهوش راجل في حياتو اليومية أي في برة ماهوش راجل و يدير هاذو صوالح باش يعوض النقص ايا زادو تنارفاو ** على فكرة كل مرة يحكي واحد فيهم باين دايرين دوبل باف ** المهم قلتلو يا خويا احشم على روحك أنا ماني عمار لا والو ,, بدا واحد قالي تتقعد بيا ....إلخ قتلو ها صاحبي سقسي روحك شكون لي راه يتقعد قالي و الله نجيوك ننفوك من الدنيا ** ضحكت قتلو واش نتايا خليدة تومي ** قالي قولي وين راك نجيك حتى لثم و بدا يحكي وعارة زعمة قتلو خمم مع روحك صاحبي كي تثبت روحك عاودلي طيييييينننننن , كوبيت و مازال راهم يعاودوا واش رايكم في هاذو الناس ؟
​

 

[farida91]

كاين بزاف اللي يديرو هدي الخدمة
ممكن يكونو يعرفوك هدو
الله يهديهم 2 تاع صباح قاعدين يتمسخرو يا لطيف ​

 

[** غزال الصحراء **]

كاين بزاف اللي يديرو هدي الخدمة
ممكن يكونو يعرفوك هدو
الله يهديهم 2 تاع صباح قاعدين يتمسخرو يا لطيف ​

و الله هاذيك هي لي خفت منها قلت بالاك يعرفوني و الله ختي فريدة لا يشوكو لبنادم تاع الح :scared:
​

 

[farida91]

شوكاوك؟ لالا ماتتشوكا ماوالو
بالاك يكونو صحابك حابين يتمسخرو بيك و يزعقو معاك ههه​

 

[** غزال الصحراء **]

شوكاوك؟ لالا ماتتشوكا ماوالو
بالاك يكونو صحابك حابين يتمسخرو بيك و يزعقو معاك ههه​

لا ها ذو مام إذا يعرفوني impossible يكونوا من صحابي بويسك محرشين هاذو و كبار في لاج على حساب la voix المهم كسرتلك راسك معايا سمحينا ....
​

 

[abidou 20081]

خويا غزال كاين منها هذ لحوايج وتصرى بزاف ونقولك كلمة وأسمحلي عليها هذو مايشرفونيش إذا كانو صحابي والله يقطعهم صحاب لي كيما هذو وهذو ماشي رجالة كاين لي داير البورتابل لتمسخير مسكين مخلوع وهذا ماراكش غالط عندو نقص في كلش بلا ما نحكو على التربية لي ماكانش خلاص بصح عندهم نقص حتى في الرجولة تاعهم يعوضوها بهذ لعفايس يحسبو الضحك في كلش يحكم البورتابل ويفورمي ومنين يحكم واحد يقعد يتمسخر واومبعد يدورها غربة بحال راه واعر فور بزاف وهو غير من وراء البورتابل وديها من عندي لوكان تكون قدامو السباط يسيرجولك وما فيه حتى ريحة رجلة والرجالة عمرها ماتخدم هذ لخدايم الرجلة تاعو برك ما تسمحلوش باش يدير هكذا ويحس بالرخس بينو وبين روحو وهذا النوع خويا نقولهالك أرفد بجدو شكاية عند وكيل الجمهورية وخليهم يجيبوه كي الطحان حشاك والتم يعرف قيمة التمسخير بالرجالة ويعرف البورتابل لواش الناس دارتو والله لوكان كل واحد فينا يطبق هذ الفكرة والله غير كامل يتسقمو قالك الحر من غمزة والبرهوش من دبزة هذا ما يليق معاهم باش يفهمو ربي يخليك ويحفظك على الموضوع القيم وربي يبعد عليك ولاد لحرام دمت ودامت مواضيعك المميزة

 

[brahimalg]

اسمحلي خويااا .. نحب نقولك هذا لفوط نتاعك انت .. لانك أنت عطيتهم القسطو في الأول و فتحتلهم الموضوع ..

كان عليك من الأول تقولي لا خوياا راك غالط .... و اقتلو بلبارد ... مي مدام قتلو انا هو السيد لراك تحوس عليه فهذاك واش راهو يحوس هو ...

انا عمرها متفوت عليا صوالح كما هذو ... مي لو تفوت لازم تخخم كيفاش تخلص منها ...

و شكر على المضوع و تقبل مروري وليد الصحراء ...

 

[* تسنيم *]

و الله بي يهديهم بصح هاذو بلاك يعرفوك والله يا خويا توله..

 

[** غزال الصحراء **]

خويا غزال كاين منها هذ لحوايج وتصرى بزاف ونقولك كلمة وأسمحلي عليها هذو مايشرفونيش إذا كانو صحابي والله يقطعهم صحاب لي كيما هذو وهذو ماشي رجالة كاين لي داير البورتابل لتمسخير مسكين مخلوع وهذا ماراكش غالط عندو نقص في كلش بلا ما نحكو على التربية لي ماكانش خلاص بصح عندهم نقص حتى في الرجولة تاعهم يعوضوها بهذ لعفايس يحسبو الضحك في كلش يحكم البورتابل ويفورمي ومنين يحكم واحد يقعد يتمسخر واومبعد يدورها غربة بحال راه واعر فور بزاف وهو غير من وراء البورتابل وديها من عندي لوكان تكون قدامو السباط يسيرجولك وما فيه حتى ريحة رجلة والرجالة عمرها ماتخدم هذ لخدايم الرجلة تاعو برك ما تسمحلوش باش يدير هكذا ويحس بالرخس بينو وبين روحو وهذا النوع خويا نقولهالك أرفد بجدو شكاية عند وكيل الجمهورية وخليهم يجيبوه كي الطحان حشاك والتم يعرف قيمة التمسخير بالرجالة ويعرف البورتابل لواش الناس دارتو والله لوكان كل واحد فينا يطبق هذ الفكرة والله غير كامل يتسقمو قالك الحر من غمزة والبرهوش من دبزة هذا ما يليق معاهم باش يفهمو ربي يخليك ويحفظك على الموضوع القيم وربي يبعد عليك ولاد لحرام دمت ودامت مواضيعك المميزة

شكرا يا أخي على المرور القيم و الإهتمام , و كي قتلي ما يشرفوكش نقولك أنا كيما حكيت في الموضوع ما نعرفهم ما يعرفوني الا الا كان كاش واحد مدلهم نيميرو مي في كل حال انا الا عرفتهم مش راح نسكت و كيما قلت نتا البرهوش بدبزة و هاذي تاع نشكي بيهم إذا كانو بلكونطرا نروح غير الجيزي و نجيبهم و ماعيطوش ماسكي و لا .. عيطو عادي المهم ما نقصو مني والو مي بينو بلي راهم 0 فوق 0 و بارك الله فيك اخ عبيدو .
​

 

[** غزال الصحراء **]

اسمحلي خويااا .. نحب نقولك هذا لفوط نتاعك انت .. لانك أنت عطيتهم القسطو في الأول و فتحتلهم الموضوع ..

كان عليك من الأول تقولي لا خوياا راك غالط .... و اقتلو بلبارد ... مي مدام قتلو انا هو السيد لراك تحوس عليه فهذاك واش راهو يحوس هو ...

انا عمرها متفوت عليا صوالح كما هذو ... مي لو تفوت لازم تخخم كيفاش تخلص منها ...

و شكر على المضوع و تقبل مروري وليد الصحراء ...

يا خويا , كاين ناس ضراف يا صاحبي عادي حاب يحكي و يفضفض راني معااه نورمال يخي قاع خاوة مي افهمني المشكل راهي 2 تاع ليل و الهدرة بدات تخسر انا كون عرفتهم كبار و جايحين في اللول نصرفهم و خلاص و خويا impossible تكون لافوط تاعي أنا يا خويا واقيل نتا معا لي عيطولي راك ديفوندي على روحك هاها تحياتي أخي .
​

 

[** غزال الصحراء **]

و الله بي يهديهم بصح هاذو بلاك يعرفوك والله يا خويا توله..

كيما قلت للأخت فريدة المشكل قاع راه ثم المهم أنا لي في قلبي على لساني كي يعرفوني كي مايعرفونيش راح تبقى نفس التخمام .
​

 

[parkour14]

والله واش نقولك خويا
ناس فارغ شغال واش راح دير

​

 

[** غزال الصحراء **]

والله واش نقولك خويا
ناس فارغ شغال واش راح دير

​

هههههه و الله يا نتا .
​

 

[السوفي حمة]

واش رايك في إنسان من فاميلتك يعيطلك مع الوحدة ونص نتاع الصباح ويقلك راهو فلان ( شيخ كبير عندنا في العائلة معندوش أولاد ) مات ولازم تكلم كل أفراد العائلة لأنه هو مهندوش رصيد في الهاتف وتقللهم على الخبر الحزين وفي نفس الوقت لازم نتلاقو باش نحضرو للجنازة، أنا مظنيتش التمسخير يكون في هذي المواقف والفاميليا كبيرة في العاصمة وبعض المدن الأخرى، كلمت البعض منهم ولكن كاين حاجة خلتني نتردد ولبست حوايجي ورحت لدار هذاك الشيخ فملقيت والو والحالة كالم عاودت كلمت السيد قال راهو يضحك معاي والله ماعرفت نضحك وإلا نبكي ​

 

[ACHWAK2002]

اكيد راهم يهدرو بلاش و حابين ايفوتو الوقت برك
هذا ماكان خويا

 

[** غزال الصحراء **]

واش رايك في إنسان من فاميلتك يعيطلك مع الوحدة ونص نتاع الصباح ويقلك راهو فلان ( شيخ كبير عندنا في العائلة معندوش أولاد ) مات ولازم تكلم كل أفراد العائلة لأنه هو مهندوش رصيد في الهاتف وتقللهم على الخبر الحزين وفي نفس الوقت لازم نتلاقو باش نحضرو للجنازة، أنا مظنيتش التمسخير يكون في هذي المواقف والفاميليا كبيرة في العاصمة وبعض المدن الأخرى، كلمت البعض منهم ولكن كاين حاجة خلتني نتردد ولبست حوايجي ورحت لدار هذاك الشيخ فملقيت والو والحالة كالم عاودت كلمت السيد قال راهو يضحك معاي والله ماعرفت نضحك وإلا نبكي ​

اااااه hmy: رحمة يا تاعي و الله ماهيش عفسة هاذي قاع كيفاش عفس على قلبو و دارها كنت قادر تكبرها كي تعيط لا فامي من كل جيهة و الله سمحلي و لكن وقح هاذا !!
​

 

[** غزال الصحراء **]

اكيد راهم يهدرو بلاش و حابين ايفوتو الوقت برك
هذا ماكان خويا

ايه هاذي في القطاع ... دايرين العفسة تاع من 12 ل 6 ربي يهدي مرسي على الإهتمام .
​

 

[sindiana]

ههههههههههههههههههههههههه احرز برك
شوف راني نتريني كاراطي نعاونك فيهم ماكانش مشكل
خخخخخخخ

ماعليش خو حتى انا لي طفلة وداروهالي مرة هههههههههههه
ربي يهديهمممممممم
الناس ماتلقى ما ديررررررررررر تجي تتبهلل
والله غير عجببببببببببببببببببببب
ايا ربي يجيب الخير خخخخ سلم عليهم كو يعاودو يعيطولك هههههههههههههههه
مرسي خو مواضيعك قاع مشووووووووقة

 

[TOUTA32]

اذا زادو عاودو روح اشكي عند جيزي ولا موبيليس مايديرولك والو هاذو لي ينفخو رواحم وحاسبين رواحهم واعرين ماتخافش منهم خويا ماسهل ربي غير العيب بصح عند الصح يهربو كامل

 

[** غزال الصحراء **]

ههههههههههههههههههههههههه احرز برك
شوف راني نتريني كاراطي نعاونك فيهم ماكانش مشكل
خخخخخخخ

ماعليش خو حتى انا لي طفلة وداروهالي مرة هههههههههههه
ربي يهديهمممممممم
الناس ماتلقى ما ديررررررررررر تجي تتبهلل
والله غير عجببببببببببببببببببببب
ايا ربي يجيب الخير خخخخ سلم عليهم كو يعاودو يعيطولك هههههههههههههههه
مرسي خو مواضيعك قاع مشووووووووقة

يا ودي نتي كاراطي أنا ايكيدو و بوكس هاها مي المشكل في تيليفون يربحو فيك هدرة في باطل هدرة برك ..... و الله كون جاو في يدي نفرجك فيهم و مرسي عليك تشفيتي فيا بضحك كيما يقولو هم يبكي و هم يضحك و شرفتي الصفحة تحياتي لعيونك .
​