شكون يخلص؟؟؟ الشعب

[x123]

السلام عليكم
مرحبا بكل الاعضاء

عندي كلام نقوله و نتمنى نلقى تفاعل من الاعضاء


متل ماشفتو العنوان
شكون يخلض؟؟ الشعب


اصلا الجزائر اقتصادها باين و مايحتاجش نقاش
نقلك اللعب كيف راه يمشي



دارو مهرجان ثقافي تع الامم الافريقة ولا مانعرف اسمه
شكون خلصها ؟؟
الشعب
انا اخي يخدم فمصلحة تع عقارات تع دولة
قالي كاين ورقة ادايرة كنا نوزعوها ب 13 الف
ولات 160 الف في ليلة
هادو الدراهم خلصو بيهم مصاريف المهرجان


*********************************

في هادو الايام بدا مهرجان الجميلة
شكون خلصه؟؟
الشعب
كيف؟؟
دارو ضريبة لاصحاب محلات الفلكسي
كانو يفليكسو 10 الاف و يدي الف حقه
ضرك يفلكسيلك 10 الاف و يدي الف حقه و الف حق الدولة
هادي الضريبة خلصو بيها المهرجان

*****************************


دولة شرات طائرات استطلاعية
شكون خلصها؟؟
الشعب
كيف؟؟
زيدله فالكهرباء و التليفون و كدب عليه و قوله زدنا على خاطر الحرارة راهي تضيع المولدات
و حنا نصدرو فالكهرباء


******************************
الدولة شرات نظارات ليلة للجيش
شكون يخلصها؟؟
الشعب
كيف؟؟
زيدله فمواد البناء سعر الاسمنت قريب يولي دوبل و سعر حديد مرتفع
****************************
دير مشروع الطريق السيار
شكون يخلصه؟؟
الشعب
كيف؟؟
زيدله فالمواد الغدائية
زادو فزيت فالخضر في كلش
و مين طاحت جسور و تحطمت طرقات ببسبب الامطار
زادونا فالخبز و الفرينة
باه يعوضو دراهمهم



و كاين الف حاجا حاجا راكم تعرفوها وحدكم هادي غير اكتلة



نجي لجانب اخر ضرك
علاه هادو المهرجانات و هادو المولدات لي ضاعو و هادو الطائرات لي شراوهم علاه مايخلصوهمش من دراهم البترول؟؟؟
مع العلم انه مارانا نشوفو والو من دراهم البترول
كلاوه big bos
تع الدولة



دراهم البترول و الغاز البترول و الغاز لي ملوت بدم شهدائنا جدي و جدك
البترول لي اخي و خوك حفر عليه في السخانة 55 درجة في قلب الصحراء و هوما يجبدو فيه

ماشي بوتفليقة و اويحي جبدوه

الزاواليا جبدوه


خرجت على الموضوع المهم نرجع
ويتن راهم يروحو دراهم البترول


دراهم البترول مايدخلوش للجزائر بيعه و فوت دراهم برا برا ل الحسابات البنكية تع الرئيس و خو الرئيس و حباب الرئيس
و الوزراء و صحاب البرلمان لي مين حبو يهدر بلعولهم افوههم ب 50 مليون فالشهرية
و هادا رايح ندير عليه موضوع اخر

و الباقي يجيبه يعيش بيه
يروح بيه رحلات و عطلات و يشري فيلات تع 20 مليار و يدير شركات تع نقل و و و و
لنفعه الخاص

و الباقي ياكله
على خاطر الوزراء ماياكلوش كيفنا 10 الاف بطاطا وانت فطرت
لا
هوما ياكلو 10 ملاين او اكتر فالنهار على خاطر
يفطر بكبش و يتعشى بكبش

و الباقي يسهر بيهم ف الملاهي


و مين تقوله وين راهم دراهم البنرول؟؟
يقولك اسكت ماتهدرش البترول رايح يكمل على 10 سنين
تقوله يا اخي انت واش دخلك عيشني ضرك و ممبعد يسلكها ربي



تقول هادي الكلمة تصيب روحك ميت ولا في الحبس







عدرا على الاطالة
و نتمنى تفاعل التاعكم و ارائكم
شكراااا


​

 

[ابوعمرالفاروق]

لاحول ولاقوة لا بالله_ يقول تعالى (وقفوهم إنهم مسؤلون)
_________
شكرا لك

 

[** غزال الصحراء **]

لاحول ولاقوة لا بالله_ يقول تعالى (وقفوهم إنهم مسؤلون)
_________
شكرا لك

 

[abidou 20081]

يأخي رانا كامل فالغرقة كيما يقولو وين راه هذا الشعب لي راك تهدر عليه وحتى المسؤولين درك ولاو يقولولك حنا رانا من الشعب ههههههههههههههههههه أنت يا أخي غاضك الحال على الشعب والشعب هو لي راح للمهرجان يشطح ويردح ويقولك راني نديفولي هههههههههه قالك راه يديفولي دارولو الشطيح باش يشطح ماشي باش يأكل ولا يعيش ويريحو يتفرجو عليهم وهما يشطحو لازمنا مقاطعة شاملة لهذ لحوايج لازم توصل الرسالة للسلطة بلي ماراناش محتاجين شطيح رانا محتاجين معيشة رانا محتاجين نحسو برواحنا جزائريين وعايشين في بلادنا صح ومنين تشبع الكرش تقول لراس غني ولا راني غالط منين نحس روحي عايش هذاك الوقت نروح نديفولي كيما يقولو واش تهدر ولا واش تخلي زادو فالسلعة رحنا نجرو عمرنا لقفف خايفين لا تخلاص والدبزة شكون قبل خوه وإذا هدرت على البترول ماتفراش واش من بترول واش من غاز واش من دهب و و و و إلخ خيرات وخيرات والله يالوكان ماجاتش هذا الخيرات فالدزاير والله غير لوكان راه الواحد ياكل في لحم خوه حي الدزاير مترفها صح ومترفها لوكان جات في يد الأوروبيين يوكلو منها العالم ماشي غير بلادهم بصح الله غالب ونقولها دولة الله غالب على سلطتها والله غالب على شعبها وسعودية كتبت لا إله إلا الله في علامها والعراق الله أكبر والدزاير لازم نكتبو الله غالب وربي سبحانو قال وقولو الحق إن الله لايغير مابقوم حتى يغيروا مابأنفسهم وإذا أراد الله بقومٍ سوءً فلا مرد له وعلى هذي نقولك ربي فاصل فيها حاجا ماتتبدل حتى نبدلو حنا رواحنا ونحكيلك خويا حكاية وأنت أدي منها الفايدة قالك زوج مريحين تحت حيط واحد يقول لصاحبو لوكان ربي يرجعني مالك على هذا لبلاد نعيشها فالجنة الخير لي نديرو مايديرو حتى واحد قبلي ولا بعدي رد عليه صاحبو قالو لوكان ربي يرجعني مالك عليهم لمرار لي ندوقولهم مايدوقو حتى واحد دار الزمان مات المالك ودارو مول الشر عليهم دار فيهم المنكر لكحل حتى ماقدروش راح الشعب تفاهم مع بعضو وقالو نبعتو للمالك صاحبو لي مالف يهدر معاه ويقولو يخفف شوية علينا كيما كان الحال راح صاحبو عند المالك وقالو الشعب راه حس خفف عليه شوية قالو المالك تشفى منين كنا مريحين تحت الحيط واش قلنا قالو إيه أنا قلت ندير الخير وأنت قلت ندير الشر رجع عليه المالك وقالو لوكان ربي شاف فيهم الخير لوكان ربي دارك مالك عليهم والحديث قياس خويا وكمل من عندك
ربي يحفظك ويخليك خويا وربي يجيب ساعة الخير ودوام الحال من المحال تأكد من هذي برك وأسمحلي إدا طولت شوية الموضوع ماشي ساهل

 

[أبو عاتكة]

رد عالسريع
ولكن القضية فعلا زادت عن حدها
لي تدخل وعودة للموضوع
ان شاء الله

​

 

[x123]

لاحول ولاقوة لا بالله_ يقول تعالى (وقفوهم إنهم مسؤلون)
_________
شكرا لك

العفو
شكرا على مروركم طيب
بارك الله فيكم
​

 

[[ايمآن]]

واو هذا قاع صاير .
نقلك الصح انا جامي خممتلها بصح يعطيك الصحة جبتها .
شكرا المجهول.........
تقبل مروري ولو انو ما فيه والو>>تواضع...........

 

[x123]

يأخي رانا كامل فالغرقة كيما يقولو وين راه هذا الشعب لي راك تهدر عليه وحتى المسؤولين درك ولاو يقولولك حنا رانا من الشعب ههههههههههههههههههه أنت يا أخي غاضك الحال على الشعب والشعب هو لي راح للمهرجان يشطح ويردح ويقولك راني نديفولي هههههههههه قالك راه يديفولي دارولو الشطيح باش يشطح ماشي باش يأكل ولا يعيش ويريحو يتفرجو عليهم وهما يشطحو لازمنا مقاطعة شاملة لهذ لحوايج لازم توصل الرسالة للسلطة بلي ماراناش محتاجين شطيح رانا محتاجين معيشة رانا محتاجين نحسو برواحنا جزائريين وعايشين في بلادنا صح ومنين تشبع الكرش تقول لراس غني ولا راني غالط منين نحس روحي عايش هذاك الوقت نروح نديفولي كيما يقولو واش تهدر ولا واش تخلي زادو فالسلعة رحنا نجرو عمرنا لقفف خايفين لا تخلاص والدبزة شكون قبل خوه وإذا هدرت على البترول ماتفراش واش من بترول واش من غاز واش من دهب و و و و إلخ خيرات وخيرات والله يالوكان ماجاتش هذا الخيرات فالدزاير والله غير لوكان راه الواحد ياكل في لحم خوه حي الدزاير مترفها صح ومترفها لوكان جات في يد الأوروبيين يوكلو منها العالم ماشي غير بلادهم بصح الله غالب ونقولها دولة الله غالب على سلطتها والله غالب على شعبها وسعودية كتبت لا إله إلا الله في علامها والعراق الله أكبر والدزاير لازم نكتبو الله غالب وربي سبحانو قال وقولو الحق إن الله لايغير مابقوم حتى يغيروا مابأنفسهم وإذا أراد الله بقومٍ سوءً فلا مرد له وعلى هذي نقولك ربي فاصل فيها حاجا ماتتبدل حتى نبدلو حنا رواحنا ونحكيلك خويا حكاية وأنت أدي منها الفايدة قالك زوج مريحين تحت حيط واحد يقول لصاحبو لوكان ربي يرجعني مالك على هذا لبلاد نعيشها فالجنة الخير لي نديرو مايديرو حتى واحد قبلي ولا بعدي رد عليه صاحبو قالو لوكان ربي يرجعني مالك عليهم لمرار لي ندوقولهم مايدوقو حتى واحد دار الزمان مات المالك ودارو مول الشر عليهم دار فيهم المنكر لكحل حتى ماقدروش راح الشعب تفاهم مع بعضو وقالو نبعتو للمالك صاحبو لي مالف يهدر معاه ويقولو يخفف شوية علينا كيما كان الحال راح صاحبو عند المالك وقالو الشعب راه حس خفف عليه شوية قالو المالك تشفى منين كنا مريحين تحت الحيط واش قلنا قالو إيه أنا قلت ندير الخير وأنت قلت ندير الشر رجع عليه المالك وقالو لوكان ربي شاف فيهم الخير لوكان ربي دارك مالك عليهم والحديث قياس خويا وكمل من عندك
ربي يحفظك ويخليك خويا وربي يجيب ساعة الخير ودوام الحال من المحال تأكد من هذي برك وأسمحلي إدا طولت شوية الموضوع ماشي ساهل

هي اخي على حساب مافهمت من القصة و من الموضوع
الشعب هو لي راه راضي
/ متل ماقلت انتا رايح يشطح فمهرجانات و يخلص في سلعة ب دوبل و ساكت /
هي نقتبسلك جملة قالها لطفي
مع كل احترامي قالك الشعب دايرين له
- سياسة تع لحمار مايتعلمو ما يقراو -
هادا ينطبق
متلا نصف الشعب مايعرفش اصلا معناها مقاطعة و و لي يعرفوها ماراهمش يد وحدة باه يديروها هادا المشكل عنا فالجزائر
الشعب
فعنف الملاعب و المشاجرات مع شناوا تلقى الالاف يد وحدة
بصح تكن نجو لمقاطعة السلع او احتجاج على القوانين
و نحتجو على كل حاجا ضرنا تكن رانا فالفايدة ضرك
+
كاين سياسة تستعملها كل دول العالم و راهيم مستعملينها فالجزائر و نظن اخي بلي تعرفها
و هي تخلق ازمة باه تلهي الشعب
نفهمك اكتر
الشعب من كترة الميزيريا و الفقر و الهم ماصابش العقل باه يفكر فاساليب متل المقاطعة و الاحتجاجا و و
و هادي سياسة تتبعها الدول كل
مانطولش عليك خويا
صح الشعب راه دايرها بيده

حتى للان وافقتك و عندك الحق في كلشي

بصح الشعب لي راني ندافع عليه انا و لي درته في بالي ماشي هادا
انا درت قصدت الناس المحقورة الزاواليا لي راهي تعاني + ناس واعية و هادا هو الاهم
لي راهي عارفة واش راه يصرى و حابا تغير و ماقدرتش


على خاطر كاين زاواليا هو يخلص 50 الف فنهار او اقل و يشري البطاقة تع المهرجان ب 150 الف



هادا اول موضوع فالقسم السياسي و اول موضوع تع نقاش فالعادة تكون كاينة نقاشات و مانطرحهاش حبيت نجرب هادي المرة
نظن رايح يكون اخر موضوع
لمادا؟؟
لانك نبهتني لحاجا بلي الشعب هو لي راه راضي علاه نهدر عليه انا







الف شكر اخي على نقاشك المتميز
دائما متالق
شكرااااااا


​

 

[x123]

رد عالسريع
ولكن القضية فعلا زادت عن حدها
لي تدخل وعودة للموضوع
ان شاء الله

​

شكرا على مرور اخي
في انتظار العودة
​

واو هذا قاع صاير .
نقلك الصح انا جامي خممتلها بصح يعطيك الصحة جبتها .
شكرا المجهول.........
تقبل مروري ولو انو ما فيه والو>>تواضع...........

الف شكر على المرور خولة
بالعكس مرورك متميز لانك فهمتي الميساج و هاداك هو الاهم
شكراااااااااااااااااااااااااا
بارك الله فيك
​

 

[abidou 20081]

هي اخي على حساب مافهمت من القصة و من الموضوع
الشعب هو لي راه راضي
/ متل ماقلت انتا رايح يشطح فمهرجانات و يخلص في سلعة ب دوبل و ساكت /
هي نقتبسلك جملة قالها لطفي
مع كل احترامي قالك الشعب دايرين له
- سياسة تع لحمار مايتعلمو ما يقراو -
هادا ينطبق
متلا نصف الشعب مايعرفش اصلا معناها مقاطعة و و لي يعرفوها ماراهمش يد وحدة باه يديروها هادا المشكل عنا فالجزائر
الشعب
فعنف الملاعب و المشاجرات مع شناوا تلقى الالاف يد وحدة
بصح تكن نجو لمقاطعة السلع او احتجاج على القوانين
و نحتجو على كل حاجا ضرنا تكن رانا فالفايدة ضرك
+
كاين سياسة تستعملها كل دول العالم و راهيم مستعملينها فالجزائر و نظن اخي بلي تعرفها
و هي تخلق ازمة باه تلهي الشعب
نفهمك اكتر
الشعب من كترة الميزيريا و الفقر و الهم ماصابش العقل باه يفكر فاساليب متل المقاطعة و الاحتجاجا و و
و هادي سياسة تتبعها الدول كل
مانطولش عليك خويا
صح الشعب راه دايرها بيده

حتى للان وافقتك و عندك الحق في كلشي

بصح الشعب لي راني ندافع عليه انا و لي درته في بالي ماشي هادا
انا درت قصدت الناس المحقورة الزاواليا لي راهي تعاني + ناس واعية و هادا هو الاهم
لي راهي عارفة واش راه يصرى و حابا تغير و ماقدرتش


على خاطر كاين زاواليا هو يخلص 50 الف فنهار او اقل و يشري البطاقة تع المهرجان ب 150 الف



هادا اول موضوع فالقسم السياسي و اول موضوع تع نقاش فالعادة تكون كاينة نقاشات و مانطرحهاش حبيت نجرب هادي المرة
نظن رايح يكون اخر موضوع
لمادا؟؟
لانك نبهتني لحاجا بلي الشعب هو لي راه راضي علاه نهدر عليه انا

خويا لعزيز مجهول وأنت درك وليت معروف ماشي مجهول نقولك بلي مهما كانت السلطة تطبق في قرارات ويكون الشعب ضدها غير بلسان حاجا ماتتبدل وكيما قلت المقاطعة حل من الحلول وإيصال الرسالة بالطرق الشرعية حل من الحلول والمشاركة وإتبات الوجود الحل الأكثر نجوعا ياخويا حنا فرغنا الساحة للإنتهازيين ولقاوها فرصة ينهبو ويخربو فيها كيما حبو ومازال تسمع أنا تخطي راسي وإذا بغات تخلى تخلى ويجيك يشكيلك يقولك راهم ينهبو وراهم يديرو وكي تجي لصح ماعندوش دقيقة كان يقولك أنا تخطي راسي شعب تاع لسان ماعندو ما يغير ولوكان عندنا شعب أتبث وجودو والله غير دراع تتسقم والأدلة كاينة في شحال من حاجا واحد الوقت إذا تشفى زاد اللحم وكان الرئيس الشادلي بن جديد فالحكم كثر الحس على الزيادة تميز رئيس جمهورية واش قالهم قال لشعب في خطاب رسمي أنتم لي غالطين لوكان تخلولهم اللحم يفوح بنص السوما وينقصوه بصح منين تروحو تجرو تشرو هذا واش يصرالكم وضرب المثل بمصر منين زادولهم ما قيمة ربعة دورو فالخبز مصر قاطعت الخبز غدوة من داك رجع لسومتو دراع رئيس جمهورية ينصح شعبو بالمقاطعة واش يزيدو يقرو في هذا الشعب عندك الحق منين تقول سياسات متبعة وإلى غيرها من الأمور لكن المشكلة مادام أنت وأنا راني عارف هذ السياسة وتقريبا الأغلبية راهي عارفة نتمردو على هذا السياسة ياخويا أنا هذا السياسة ماخرجتنيش وهذ السياسة تنفعكم غير أنتم لكن المشكلة عندنا شعب فاهم بزاف بصح على بعضو برك راك تقول فالعنف رانا يد وحدة وفالمقاطعة ماكانش ياخويا فالعنف كاين حاجا حركاتو يعني كاين الدافع بصح فالمقاطعة شكون هو المحرك لازم تكون حركات جمعوية وأحزاب سياسية مارانيش نهدر على واش راه واجد درك جماعة الطبل والبندير راني نهدر لوكان الشباب هذا لي راه متقف وزعما متخرج وقاعد يهرب في فلوكة ويضحي بعمرو يريح أهنا ويتبث وجودو من خلال المشاركة في الحركات الجمعوية والأحزاب السياسية أنا نظن نغيرو هذا العقليات بصح مادام المقاطعة متفاهمين عليها غير فالمشاركة أعرف هذي وحدة من السياسات لي راهم يحوسو عليها الإنتهازيين ورشقو في عقول الناتس كلمة النتائج باينة وعلاش نفوطي وهذا الدايها داها وعلاش نفوطي تأكد خويا هذي سياسة والله العظيم غير خارجة عليهم مائة بالمائة وعلى بالهم الشعب ما رجعش يثيق فالسلطة ويطبق عكس كلامها هذاك علاش ولاو يخرجو بقوة ويدعو الناتس للفوط علا بالهم كل ما يحرصو الناس على الفوط كل ماتكون نسبة المقاطعة ملية وتساعدهم كيفاش يلعبو لعوبهم يعني أنت صح مقاطع وما فوطتش بصح أسمك راه موقع ومفوط والحديث قياس خويا ربي يخليك ويحفظك وما تقولش كلمة مانزيدش نكتب إذا كان تفشل راك تفشلني حتى فالمشاركات تاوعي ياخويا أكتب ورانا نتناقشو وماكنش حتى مشكل ​

 

[x123]

خويا لعزيز مجهول وأنت درك وليت معروف ماشي مجهول نقولك بلي مهما كانت السلطة تطبق في قرارات ويكون الشعب ضدها غير بلسان حاجا ماتتبدل وكيما قلت المقاطعة حل من الحلول وإيصال الرسالة بالطرق الشرعية حل من الحلول والمشاركة وإتبات الوجود الحل الأكثر نجوعا ياخويا حنا فرغنا الساحة للإنتهازيين ولقاوها فرصة ينهبو ويخربو فيها كيما حبو ومازال تسمع أنا تخطي راسي وإذا بغات تخلى تخلى ويجيك يشكيلك يقولك راهم ينهبو وراهم يديرو وكي تجي لصح ماعندوش دقيقة كان يقولك أنا تخطي راسي شعب تاع لسان ماعندو ما يغير ولوكان عندنا شعب أتبث وجودو والله غير دراع تتسقم والأدلة كاينة في شحال من حاجا واحد الوقت إذا تشفى زاد اللحم وكان الرئيس الشادلي بن جديد فالحكم كثر الحس على الزيادة تميز رئيس جمهورية واش قالهم قال لشعب في خطاب رسمي أنتم لي غالطين لوكان تخلولهم اللحم يفوح بنص السوما وينقصوه بصح منين تروحو تجرو تشرو هذا واش يصرالكم وضرب المثل بمصر منين زادولهم ما قيمة ربعة دورو فالخبز مصر قاطعت الخبز غدوة من داك رجع لسومتو دراع رئيس جمهورية ينصح شعبو بالمقاطعة واش يزيدو يقرو في هذا الشعب عندك الحق منين تقول سياسات متبعة وإلى غيرها من الأمور لكن المشكلة مادام أنت وأنا راني عارف هذ السياسة وتقريبا الأغلبية راهي عارفة نتمردو على هذا السياسة ياخويا أنا هذا السياسة ماخرجتنيش وهذ السياسة تنفعكم غير أنتم لكن المشكلة عندنا شعب فاهم بزاف بصح على بعضو برك راك تقول فالعنف رانا يد وحدة وفالمقاطعة ماكانش ياخويا فالعنف كاين حاجا حركاتو يعني كاين الدافع بصح فالمقاطعة شكون هو المحرك لازم تكون حركات جمعوية وأحزاب سياسية مارانيش نهدر على واش راه واجد درك جماعة الطبل والبندير راني نهدر لوكان الشباب هذا لي راه متقف وزعما متخرج وقاعد يهرب في فلوكة ويضحي بعمرو يريح أهنا ويتبث وجودو من خلال المشاركة في الحركات الجمعوية والأحزاب السياسية أنا نظن نغيرو هذا العقليات بصح مادام المقاطعة متفاهمين عليها غير فالمشاركة أعرف هذي وحدة من السياسات لي راهم يحوسو عليها الإنتهازيين ورشقو في عقول الناتس كلمة النتائج باينة وعلاش نفوطي وهذا الدايها داها وعلاش نفوطي تأكد خويا هذي سياسة والله العظيم غير خارجة عليهم مائة بالمائة وعلى بالهم الشعب ما رجعش يثيق فالسلطة ويطبق عكس كلامها هذاك علاش ولاو يخرجو بقوة ويدعو الناتس للفوط علا بالهم كل ما يحرصو الناس على الفوط كل ماتكون نسبة المقاطعة ملية وتساعدهم كيفاش يلعبو لعوبهم يعني أنت صح مقاطع وما فوطتش بصح أسمك راه موقع ومفوط والحديث قياس خويا ربي يخليك ويحفظك وما تقولش كلمة مانزيدش نكتب إذا كان تفشل راك تفشلني حتى فالمشاركات تاوعي ياخويا أكتب ورانا نتناقشو وماكنش حتى مشكل ​

و الله كلامك صح 100ب 100
و متل ما قال المصري
نبصملك بالعشرة


- تخطي راسي و تفوت -
هادا لي خلاتنا فهادي الحالة
لكن مع من تهدر و شكون يسمعلك و يدير عليك

الف شكر اخي على مرورك و نقاشك المتميز
دائما متالق
بارك الله فيك اخي
وجهة نظر + عقلية
فوور
يعطيك الصحا



​

 

[abidou 20081]

و الله كلامك صح 100ب 100
و متل ما قال المصري
نبصملك بالعشرة


- تخطي راسي و تفوت -
هادا لي خلاتنا فهادي الحالة
لكن مع من تهدر و شكون يسمعلك و يدير عليك

الف شكر اخي على مرورك و نقاشك المتميز
دائما متالق
بارك الله فيك اخي
وجهة نظر + عقلية
فوور
يعطيك الصحا

ربي يحفظك وربي ينورك وكلامك من جهتي شهادة أعتز بها لكن دائما نقولك بلي الفضل والشكر ليك أنت على الموضوع القيم ولوكان ما موضوعك ماتكون عندي شهادة ولا وجهة نظر ربي يخليك ودمت ودامت مواضيعك القيمة

 

[x123]

ربي يحفظك وربي ينورك وكلامك من جهتي شهادة أعتز بها لكن دائما نقولك بلي الفضل والشكر ليك أنت على الموضوع القيم ولوكان ما موضوعك ماتكون عندي شهادة ولا وجهة نظر ربي يخليك ودمت ودامت مواضيعك القيمة

سكتني بكلامك الراقي اخي
بارك الله فيك
​

 

[السوفي حمة]

يا خويا المسهولين نتاعنا حكمو النشيد الوطني وحفظو منو الكلمة لولة برك " قسما" ولأنهم يفسرو كيما يحبو قالوا معناها تقاسمو
وتقاسمو كلش بيناتهم معناها منيش عارف شحال من مليون من الشعب يخدمو على شوية عباد
راهم بخلونا في كل حاجة حتى الفاسيليتي حبسوها قالك كيفاش تديرو روسكم بريسانا وتركبو طموبيل
أما نوام البرنمان شوف شكون فيه واحد غير الجاهل وخوه وشوف واش راهو صاير ثمة تلقاسهم زعمة في دورة بالصح أكثر النوام غايبين والكراسي فارغة
الله غالب هذي بلادنا معندنا ما نديرو

​

 

[x123]

يا خويا المسهولين نتاعنا حكمو النشيد الوطني وحفظو منو الكلمة لولة برك " قسما" ولأنهم يفسرو كيما يحبو قالوا معناها تقاسمو
وتقاسمو كلش بيناتهم معناها منيش عارف شحال من مليون من الشعب يخدمو على شوية عباد
راهم بخلونا في كل حاجة حتى الفاسيليتي حبسوها قالك كيفاش تديرو روسكم بريسانا وتركبو طموبيل
أما نوام البرنمان شوف شكون فيه واحد غير الجاهل وخوه وشوف واش راهو صاير ثمة تلقاسهم زعمة في دورة بالصح أكثر النوام غايبين والكراسي فارغة
الله غالب هذي بلادنا معندنا ما نديرو

​

و الله عندك الحق اخي
و فاسيلي لاتكن لا حبسوها فسيرات وحدهم تقدر تصب
المشكل زادو حبسوها حتى فالاجهزة الكهرومنزلية
معناها ضرك باه تشري ثلاجة
و انات زاوالي لازملك تخدم طول حياتك
+
نوام البرلمان هه انا كنت نقول صح من شعب و حابين يهدرو عليه
بصح مين شفت اخر مرة زادلهم فشهرية - 50 مليون - باه يوافقو على تعديل الدستور
الكل وافقو و باعو رواحهم

شعار نوام البلمان
/ ابيع نفسي لاول مشتر اتي /


شكرا اخي على التدخل المميز
بارك الله فيك
دمت متالقا
​

 

[ou@il_39]

 

[x123]

شكر على المرور
بارك الله فيك​

 

[aMiNa-K]

بيانسور اللشعب يخلص.. و نخلصوها و نستاهلو باسكو حنا راضيين على رواحنا هاد الشي

لوكان جينا كل مايزيدو في كاش حاجة مانشروهاش.. مع لعشية برك تهبط السومة للنص.. بصح الله غالب الشعب تاعنا جاهل زعمة يزيدو في البطاطا يولو يشرو فيها بالكاجوات يقولك لازم نشري بزاف رايحة تولي مقطوعة

و اللي ربي عاطيلهم يدخلو للحاونت يشرو ديركت مايسقسوش مامبا عالسومة.. يطيحو عليها اشري اشري و يخلص و يجي خارج

و عيش يا القليل في وسط هاد الماعماعة​

 

[x123]

بيانسور اللشعب يخلص.. و نخلصوها و نستاهلو باسكو حنا راضيين على رواحنا هاد الشي

لوكان جينا كل مايزيدو في كاش حاجة مانشروهاش.. مع لعشية برك تهبط السومة للنص.. بصح الله غالب الشعب تاعنا جاهل زعمة يزيدو في البطاطا يولو يشرو فيها بالكاجوات يقولك لازم نشري بزاف رايحة تولي مقطوعة

و اللي ربي عاطيلهم يدخلو للحاونت يشرو ديركت مايسقسوش مامبا عالسومة.. يطيحو عليها اشري اشري و يخلص و يجي خارج

و عيش يا القليل في وسط هاد الماعماعة​

و الله لختي عندك الحق 100 ب 100
لكن
لا حياة لمن تنادي

شكرا على التالق و التدخل
بارك الله فيك
​

 

[largo19]

يا خويا x123 ... والله العظيم . كي وليت نسمع هاذ الهدرة.. تحكمني لاكريز.. كاش نهار يحبس قلبي....
أنا نقلك حاجة... لوكان انديروها براي... و نكونو شبه جمعية تبدا من اللمة .. و تتوسع في الواقع .. و كون هدفها الأساسي (العصيان المدني).. عنطريق ما يسمى (القوة الناعمة).. يعني .. بلا تكسار و بلا والو... كيما صرا في الهند مع غاندي أو في جنوب إفريقيا.. و هكذا نقدرو نتحكمو في قانون العرض و الطلب.. و يرجعو يحاولو فينا باش نشرو....
لازم شويا كوراج....
صحيييييييييييييييت خويا على الموضوع