صمت الفتاة عن التحرش بها , ماذا يعني ؟!

الحالة
مغلق ولا يسمح بالمزيد من الردود.
السلام عليكم و رحمة الله... أنا أضن أن الفتاة تسكت عن معاكسات بعض الحثالة و ما أكثرهم في الشارع لحيئها من أهلها و لرغبته فب عدم إعطاء القضية بعدا أكبر مما تستحق ... أما الأمور الكبيرة أو المضايقات المتكررة من نفس الشخص أو المساومة أو التحرش. فهذا لا يجب السكوت عنه بحال من الأحوال .. و سكوتها في هذه الحالة راجع غالبا لغياب التواصل داخل الأسرة... و للنضرة السلبية على الفتاة لدى بعض الأسر
و لي تجربة شخصية.. حيث قام أحد الرعاع بمضايقة أخت لي بالكلام حيث بدأت عملها في ذالك العام في مؤسسة تربوية... و لخجلها رفضت إخباري.. لكن هذا النذل ضن أن الأمر سهل فتبعها أثناء عودتها من المنزل.. و هنا ققرت إخباري فورا عنطريق الهاتف.. و كنت قريبا من المكان.. فوالله لم أتمالك نفسي حتى ضربته لكمة كسرت النضارات على عينيه.. و بعدها ضربته ضربا لم يرى مثله في حياته ثم ختمتها ب (زليف) حيث كسرت أنفه.. ولولا أبناء الحي اللذين منعوني عنه و أخذوه إلى المستشفى في سيارة لكنت قتلته... و أأكد لكم أنني لم أره منذ ذلك اليوم.. و لم يتعرض لها أي أحد من المنطقة التي تعمل بها باعتبارها تبعد حوالي 10كم...
و شكرا.....................................
 
تحيتي لك وعلى الموضوع القيم الذي يستحق التقدير والتقييم وندخل فالموضوع مباشرة

كاين نوعين من التحرش التحرش بمعنى ..... المعاكسات لي تتلقاهم الطفلة فالطريق والتحرشات الجنسية لي شحال من وحدة معرضة ليها من طرف مسؤوليهم في العمل أو الرفقاء الأكثر منهم درجة وهذا الظاهرة راهي كثرت وما نأيدش لي تقول لوكان الطفلة تشكي لخوها ولا لباباها على التحرش رايح يشوف فيها رخيسة وهذي ماكانش منها إلا إذا كان خوها ديوث ولا هو لي رخيس وبالعكس هذي لي تشتكي معناها تاع ثقة ولكان كانت راضية كانت كامل ماتحكيش والتحرشات العادية الطفلة تعاملهم على أساس عادية وعلى هذي ماتشكيش وإذا جات تشكي يعني فالنهار تشكي ربعين ولا خمسين خطرة وعلى هذي تقوت عليهم أما التحرشات من النوع الأخر نعرف الطفلة لي ماتشكيش طفلة راضية مهما كان الأسباب ونقول كلمة صح فالمجتمع تاعنا الطفلة والطفل ولا حتى مع الأب الهوة واسعة بزاف يعني ماكنش تواصل وماكانش صراحة يعني النظرة بيناتهم دايما نظرة تاع خوف ماعندهاش الشجاعة باش تجي وتطرح هذا المشكل مع باباها ولا خوها وهذ النقطة لي ستغلوها ولاد لحرام ورجعو يديرو في رايهم وعلى هذي لوكان كانت كل طفلة تشكي كانو الشميات يخافو وكاين نقطة ماتقدرلهاش الطفلة بزاف ولي هي التصرف تاع خوها ولا باباها مع هذ المتحرش يعني تقولك نقولو ونخاف لا تكبر وتبدى تتصور أمور ضخمة وتخليها بين نارين أحلاهما مر لكن نقول لخاوتي مهما كانت التصورات الشرف والكرامة كثر منهم والمشكلة لكبيرة أنو شرطة الأداب عندنا ماتخدمش خدمتها وعلى هذي الطفلة تلقى مشكلة تقولك نقول لبابا ولا خويا يروح يقتلو ونولي أنا ماراني بخويا ماراني بابا ونسكت خير وسكات على بالنا وين يوصل على هذي الموقف تاع الطفلة ضعيف بزاف في هذا المواقف
وتزيد تولي ضعيفة كثر لوكان تسكت وعلى هذي الهدرة خير مهما كانت النتائج وبلا ماتفكر في النتائج كذلك
حفظك الله رعاك أختي العزيزة على الموضوع القيم ودمتي ودامت مواضيعك القيمة ​
 
:: . :ّ بسم الله ّّ: . ::
ربـ،ـي لقد مسـ،ـ،ـني الضـ،ـ،ـر:closedeyes: فإرحمـ،ـ،ـني
خوفا قبـ،ـ،ـ،ـل ان يكون طمعا منـ،ـ،ـي
يا ربي و اكيد الله اعلم
الا كان هاد الشيء ما يضرها الصمت اجمل جواب
الا كان الشيء يضرها أكيد لازم تحكي للوالدين و ما تسكت
و المتربية بنت الحلال
ما يوصلها والو و الا وصلها اكيد تحكي للوالدين
مشكورة بزاف على الطرح الراقي
ربي يسترك بنت الناس
ويفرج عليك
الله لا يحرمك من الكلمة الطيبة
جزاكي الله كل الخير
في رعاية الرحمان
ــــروحي غزةــــ
تحياتي و احترامي و تقديري
ـــــسلامــــــــــــ
:blush:
و اسف على الازعاج و الله
تقبلـــــــــو ا خالص الحب
Silent Hill
‏ζشيم الروζ
وراء كل امرأة رجل عظيم و ان لم تكن لكان أعظم
Catch Me If You C`an
الـمــм.ş.ήـــ3yit saber wallah ma 9additchـاسنجر​
 
توقيع Silent Hill
هذا نقس في تربيتها لان التربية تعلم كيف تواجه المواقف مهما كانت
 
لو انه الطفلة رايحة تهدر تزيد الطينة بله كيما يقولوها .....يعني خاصة لو ماصرا والو رايحة ترجع من الحبة قبة و هك رايحة تزيد تبهدل غير روحها المرة الولى تخليه مي اذا عاود تعطيه الحس
هههه مي مالزمش تسكت ماش مليح
 
مساء الخير عليكم
آسفة على التاخر في الرد
حبيت نشكركم على التفاعل مع الموضوع
وعلى مختلف آرائكم
يعني جميع الاراء كان فيها وجه من الصح
المهم
انا حبيت نعطي رأيي ثاني
اولا انا من جهتي اذا الطفلة تعرضت لمعاكسة
من الافضل انها ماتجاوبش عليها
على خاطر لو كان ترد عليه راح يظن بلي هذا رضا من طرف الفتاة
بصريح العبارة تقولي" ما عندي اي مشكل فيك تتحدث معايا "
لكن اذا تكرر هذا الامر او لا سمح الله وصل الى حد الاغتصاب
لازم تخبر والديها
لكن كيما نشوفوا في مجتمعنا نلقاو اغلب الاسر ماكانش تواصل بين افرادها
و زيد لو كان تجي الفتاة و تحكي لخوها ولا لبوها يا يقتلوها يا يقتلوه
وهذا هو الشيء الوحيد اللي في نظري يمنع انوا الفتاة تكلم وهذا ماشي غير في مجتمعنا
في المجتمع العربي عامة
لانوا لحد الان مازالوا يشوفوا بلي مين يزيد الولد يرحبوا بيه اما البنت مين تزيد في البيت يتسمى "........"
كل واحد وكيفاش يفسرها
واذا عملت اي حاجة يتسمى بلي راهي عملت جريمة
اما الولد كلي ماعمل والوا
وزيد رانا نشوفوا البنات اللي يتعرضوا لحالات اغتصاب
ولا تحرش
الكل يبقى ينظر ليهم بنظرة اشمئزاز
و يحتاقروهم
والبنت اللي يصرالها هكذا ماكانش اللي يزيد يحكي معاها
واي عائلة تتحاشى التعامل معاها
حتى انني لم استغرب مين سمعت انوا في الهند البنت مين تتعرض للاغتصاب تقتل روحها
لانوا انا تبانلي انوا هذي احقر جريمة ترتكب في حق البنت
المهم تبقى المسألة وجهات نظر
و كل واحد يفسرها كيما تبانلوا
نعاود نشكركم اخوتي الاعضاء
ونتمنى للجميع رمضان مبارك
وان شاء الله يعيده علينا و عليكم بالخير و البركات
و دمتم​
 
كل وحدة وكيفاه...وحدة تخاف...وحدة تحشم...وحدة يعجبها الحال...ويقلك السكوت على الاحمق جوابه يعني البنت كي ما تردش عليه راهي جاوباتو ...شكرا على الموضوع
 
أنا تبالي الخوف و الضعف وربما كون تهدر تخاف يصرالها مشاكل وناس يعودو يشفوا لها بنظر اخرى وراكم تعرفوا بلي كاين ناس تولي تهدر بركـ تبالي راكم علابالكم واش نقصد
 اما بالنسبة لترضا هذيكـ حالة خاص
​
 
لالا انا يظهرلي وللا انا بالنسبة ليا كي نسكت معناها راني مش مقيماتو و ما نعطيهش الفرصة وللا الاصح نديرو كيما الكلب حشاكم ينبح حتان يكره و شكرا على الموضوع
 
الحالة
مغلق ولا يسمح بالمزيد من الردود.
العودة
Top Bottom