salame alaycom
سي فلان مول البورتابل .....
هذا مسكين كان عندو تلفون بورتابل من يوم ختارعو لي بورتابل في الجزائر نوكيا ميل سن NOKIA1100
كان متعلق بيه بزاف لخاطرش قالو بلي ياشد الريزو مليح و الباتري نتاعو تشد سيمانا بلاما تشرجيها
و زيد على هذا فيه امبول كي يتقطع الضو يستعملو... هنا في الجزائر ديما يتقطع ترسيتي
حتى الرنة لي جا بيها ما حبش يبدلها رنة تاع بكري
في يوم من الايام و هو يتمشى في السوق و في أيام رمضان و قبل ادان المغرب بي ساعة قامت مشاجرة كبيرا في السوق هذا بالسيكن هذا بي السيف هذا بي العصا هذا بي الميزان هادي زلابيا طايرة هادي بطاطا ماطايش الطايح اكتر من النايض ضرب و تكسير
هرب سي فلانا مول البورتابل كيما هربوا كامل الناس... كي وصل إلى بر الأمان فتش جيب لقى البورتابل طاح ما بكى ما ضحك و قال السلامة في الرأس ولكن خاطرو ما تهناش رجع يحوس وسط بقايا ميدان المعركة و أدان الإفطار يوادن نسى الإفطار نسى القفة نسى الصلاة نسى الزلابيا و بقى يحوس غير على البورتابل لي عزيز عليه .
راح يجري للبيت مخلوع اندهشت الزوجة و الأولاد
نوض ولدو الأكبر من قداممائدة الإفطار و قالو روح للسوق و أنا نسوني بي الفيكس و أنت إستمع لرنات الهاتف بالك مازال في الأرض وما ترجعش حتى نجيك و بقى يسوني حتى السحور بدون نتيجة راح جاب ولدو للبيت و بقى يسوني للإشارة مازال ما فطرش مسكين
يسوني و يقول مسكين كون يرفد نقولو إدي لابيسlapusse وبيعلي البورتابل تعي راه غالي و عزيز عليا
و ما تسحرش مسكين كدالك و الزوجة تبكي مع الأولاد و زاد في اليوم التاني على نفس الحال محبش يبعد التليفون الفكس و لم يفقد الأمل و مازال يسووني و مازال صايم إلى يومنا هذا قبل إسبوع من رمضان الموالي
طامع بالاك التلفون البورتابل يطيح في ولد حلال يرد عليه
ههههههههههههههه
هل فقدت هاتف نقال من قبل وما كانت قصتك مع السارق .......بينا نحا لابيسlapusse من أول مهلة .
و الان ما هو السر في نوكيا ميل سنNOKIA 1100 عند الجزائريين .
سي فلان مول البورتابل .....
هذا مسكين كان عندو تلفون بورتابل من يوم ختارعو لي بورتابل في الجزائر نوكيا ميل سن NOKIA1100
كان متعلق بيه بزاف لخاطرش قالو بلي ياشد الريزو مليح و الباتري نتاعو تشد سيمانا بلاما تشرجيها
و زيد على هذا فيه امبول كي يتقطع الضو يستعملو... هنا في الجزائر ديما يتقطع ترسيتي
حتى الرنة لي جا بيها ما حبش يبدلها رنة تاع بكري
في يوم من الايام و هو يتمشى في السوق و في أيام رمضان و قبل ادان المغرب بي ساعة قامت مشاجرة كبيرا في السوق هذا بالسيكن هذا بي السيف هذا بي العصا هذا بي الميزان هادي زلابيا طايرة هادي بطاطا ماطايش الطايح اكتر من النايض ضرب و تكسير
هرب سي فلانا مول البورتابل كيما هربوا كامل الناس... كي وصل إلى بر الأمان فتش جيب لقى البورتابل طاح ما بكى ما ضحك و قال السلامة في الرأس ولكن خاطرو ما تهناش رجع يحوس وسط بقايا ميدان المعركة و أدان الإفطار يوادن نسى الإفطار نسى القفة نسى الصلاة نسى الزلابيا و بقى يحوس غير على البورتابل لي عزيز عليه .
راح يجري للبيت مخلوع اندهشت الزوجة و الأولاد
نوض ولدو الأكبر من قداممائدة الإفطار و قالو روح للسوق و أنا نسوني بي الفيكس و أنت إستمع لرنات الهاتف بالك مازال في الأرض وما ترجعش حتى نجيك و بقى يسوني حتى السحور بدون نتيجة راح جاب ولدو للبيت و بقى يسوني للإشارة مازال ما فطرش مسكين
يسوني و يقول مسكين كون يرفد نقولو إدي لابيسlapusse وبيعلي البورتابل تعي راه غالي و عزيز عليا
و ما تسحرش مسكين كدالك و الزوجة تبكي مع الأولاد و زاد في اليوم التاني على نفس الحال محبش يبعد التليفون الفكس و لم يفقد الأمل و مازال يسووني و مازال صايم إلى يومنا هذا قبل إسبوع من رمضان الموالي
طامع بالاك التلفون البورتابل يطيح في ولد حلال يرد عليه
ههههههههههههههه
هل فقدت هاتف نقال من قبل وما كانت قصتك مع السارق .......بينا نحا لابيسlapusse من أول مهلة .
و الان ما هو السر في نوكيا ميل سنNOKIA 1100 عند الجزائريين .
